பார்' ஏலம் பலே.. பலே!

Read more: http://truetamilans.blogspot.com/#ixzz1St90yxjV

Four rivers to be interlinked 

Team TOI 


The government on Thursday announced a Rs 5,166 crore proposal to link Cauvery,Vaigai,Gundar and Manimuthar rivers in central and southern parts of Tamil Nadu.The governments resolve to interlink state rivers was earlier announced in the governors address to the assembly in June.Interlinking of rivers will provide multiple benefits like improved irrigation,flood control and scope for inland waterways for transport of passengers and cargo.
The river linking works would be taken up in two phases (see gfx).The government has allocated Rs 60 crore in the budget for taking up preliminary works.
As part of the overall water management initiative,the state is already implementing a World Bank funded dam rehabilitation and improvement project.The central government has given an in-principle approval for Rs 745 crore to repair 104 dams under this scheme over the next six years.
With a view to securing Tamil Nadus rightful share of Cauvery water,the government has demanded immediate notification of the final award of the Cauvery Water Disputes Tribunal.
For agriculture,the state government announced a slew of measures.Against last years agricultural production of 85.35 lakh metric tonnes of food grain,the state has set a target of 115 lakh metric tonnes for the current financial year.

RIVER GRID 

Cauvery,Vaigai,Gundar and Manimuthar rivers in central and southern parts of Tamil Nadu will be interlinked In the first phase,Kattalai barrage,which is now under construction across Cauvery river at a cost of 189cr,will be linked to Agniyar,South Vellar and Manimuthar In the 2nd phase,Manimuthar will be linked to Vaigai & Gundar at a cost of 1,379cr

சசிக்கு மீன ராசி... ரேவதி நட்சத்திரம்... அஷ்டமச்சனி 

''ஜெ-வுக்கு சிம்ம ராசி... மகம் நட்சத்திரம்... ஏழரைச் சனி முடிகிறது. சசிக்கு மீன ராசி... ரேவதி நட்சத்திரம்... அஷ்டமச்சனி துவங்குகிறது. சிம்மத்துக்காரர்களுக்கு இனி சனீஸ்வரன் பலம் கூட்டுவான் என்பதாக ஜெயலலிதாவின் ஆஸ்தான ஜோதிடர்கள் சொல்லி இருக்கிறார்கள். அதே சமயம், அஷ்டமச் சனி கஷ்டத்தைத் தருமா என்று 
சசிகலாவும் கொஞ்ச நாளாக ஜோதிடம் பார்க்கத் தவறவில்லை. அவருக்கு மிகவும் பாந்தமான ஒரு ஜோதிடர், 'அஷ்டமத்துச் சனி கவிழ்ப்பது போல் கவிழ்த்து... உச்சத்துக்குத் தூக்கிவிடும்' என்றாராம். அது இப்படிக் கவிழ்க்கும் என்று யார்தான் எதிர்பார்த்திருப்பார்கள்!''

''நியூஸ் மாஸ்டர் கழுகாரே... நீர் எப்போது ஜோதிடக் கிளி ஆனீர்?'' என்று டபாய்த்தோம்.

''செய்தி கொடுக்கும் நமக்குப் பிடிக்கிறதோ இல்லையோ... செய்தி யாக உருவாகும் வி.வி.ஐ.பி-கள் முக்கால்வாசிப் பேர் ஜோதிடக் கட்டங்களை நம்பித்தான் காய் நகர்த்துகிறார்கள்'' என்று சிரித்த கழுகார், சட்டென்று சீரியஸ் ஆனார்.



''மன்னார்குடி மகுடிக்கு இப்படி ஓர் அடி விழுந்ததற்குப் பின்னால், குஜராத்தின் மோடி வித்தை இருக்கிறது என்று கோட்டை வட்டாரத்தில் பலமாகப் பேசுகிறார்கள். ஜெ-வின் உடல்நலத்தைக் கண்ணும் கருத்துமாகக் கண்காணித்து அவருக்கு 'டயட்' உள்ளிட்ட எல்லா அட்வைஸ்களையும் பக்கத்தில் இருந்தே அளிப்பதற்கு ஒரு புது நர்ஸ் வந்திருக்கிறார் என்று கடந்த வாரம் சொன்னேன் அல்லவா... குஜராத் முதல்வர் நரேந்திர மோடிதான் 'அப்படி ஒரு நர்ஸின் பராமரிப்பு அவசியம்’ என்று சொல்லி அனுப்பி வைத்தார் என்றும் சொன் னேன். இதற்கும் சில வாரங்கள் முன்பிருந்தே, நரேந்திர மோடியிடம் ஜெயலலிதா தொடர்ந்து ஆலோசனைகள் செய்து வருவதாக இப்போது சொல்கிறார்கள். 'ஊழலற்ற, இடையூறு அற்ற, வளர்ச்சியை மட்டுமே நோக்கமாகக்கொண்ட ஓர் அரசை தமிழ்நாட்டில் தருவதற்கான புதுப் புது திட்டங்களை மோடியிடம் அம்மா பேச ஆரம்பித்திருக்கிறார். அந்த ஆலோசனைகளின் ஓர் அங்கம்தான் இப்போது சசிகலா அண்டு கோ மீதான குபீர் பாய்ச்சல்' என்கிறார் மிகமிக முக்கியமான ஓர் அதிகாரி.''

''அப்படியுமா இருக்கும்?''

''கேட்டதைச் சொல்கிறேன்... அதேபோல், பெங்களூரு தனி நீதிமன்றத்துக்கு சசிகலா தனியே சென்றபோது, மன்னார்குடி மனிதர்கள் அங்கே கூடிப் பேசியதாக நான் கூறிய செய்தியையும் இங்கே நினைவூட்டுகிறேன். அந்தச் செய்தியை நாம் பகிர்ந்து கொண்டதற்குப் பிறகு, கடந்த வாரத்தில் மறுபடியும் கோர்ட்டுக்குப் போனார் சசிகலா. இந்த முறை, தமிழக உளவுப்பிரிவில் இருந்து கில்லாடியான இரண்டு அதிகாரிகள் குறிப்பான சில உத்தரவுகளுடன் நிழலாக பெங்களூருக்கு அனுப்பி வைக்கப்பட்டனர். அவர்கள் திரட்டிக் கொண்டு வந்த தகவல்கள்தான் அம்மாவை ரொம்பவே குழம்பவும் கொதிக்கவும் வைத்தது!''

''அதென்ன?''

''செவ்வாய்க் கிழமை கோர்ட்டில் சசிகலா ஆஜராக வேண்டும். முந்தைய நாள் பெங்களூரு உயர் நீதிமன்றத்தின் முக்கிய நீதிபதி ஒருவர் மாரடைப்பால் காலமாகி விட்டார். அதனால், மறுநாள் பெங்களூரு நகரத்தின் எந்த கோர்ட்டிலுமே நீதிபதிகள் 'சிட்டிங்' இருக்காது என்று முன்கூட்டியே சசிகலா தரப்புக்குச் செய்தி வந்துவிட்டதாம். இருந்தா லும் அவர் பயணத்தைத் தள்ளிப்போடவில்லை. திட்டமிட்டபடி பெங்களூரு போய்விட்டார். செவ்வாய் காலை, 'சின்னம்மா, நீங்க கோர்ட்டுக்கு வர வேண்டாம்... நாளை வந்தால் போதும். ரெஸ்ட் எடுங்க' என்று கூறப்பட்டதாம். இருந்தாலும், நீதிமன்றத்துக்கு சசிகலா சென்றார். அங்கே ஒரு மணி நேரத்துக்கும் மேலாக அமர்ந்திருந்தார். அங்கு அவரைப் பார்க்க வந்தவர்களும், அவர்கள் பேசிய பேச்சுக்களும் என்னவென்று உளவு அதிகாரிகள் மூலம் தோட்டத் துக்கு ஒரு ரிப்போர்ட் போடப்பட்டதாம். 'என்னமோ நடக்கிறது... உங்களுக்கு எதிரான சொத்துக் குவிப்பு வழக்கில் நீங்கள் கூடுதல் கவனத்தோடு இருந்துகொள்வது நல்லது' என்று எச்சரிக்கையும் தரப்பட்டதாம்!''

''யப்போவ்!''

''வழக்கு தொடர்பான ஆவணங்கள் அத்தனையும் வரவழைத்து விறுவிறுவென்று ஒரு பார்வை பார்த்தாராம் ஜெயலலிதா. சட்ட நிபுணர்களை அழைத்து படுவேகமாக சில ஆலோசனைகளும் செய்தாராம். வழக்கின் சில ஆவணங்கள் தேவையே இல்லாமல் இடையிடையே போயஸ் தோட்டத்தை விட்டு வெளியே போய் வந்திருப்பதையும், அந்த ஆவணங்கள் எங்கோவைத்து ஜெராக்ஸ் எடுக்கப்பட்டதையும் அறிந்தாராம். அதன்பிறகு, அவர் கிடுகிடுப்பு பன்மடங்கு கூடிப்போனது என்கி றார்கள்!''

''இப்போது இன்னும் அல்லவா நிலைமை சிக்கலாகும்.... சசிகலாவையே அடிப்படை உறுப்பினர் பதவியில் இருந்து நீக்கிவிட்ட நிலையில்... சொத்துக் குவிப்பு வழக்கில் இடம் பெற்றிருக்கும் அவரும் அவரைச் சார்ந்தவர்களும் அந்த வழக்கில் எந்த அளவுக்கு ஒத்துழைப்புக் கொடுப்பார்கள்?''

''ஜெயலலிதாவுக்கு எதிராக மற்றவர்கள் ஒரேடி யாக 'யு டர்ன்' அடிக்கவும்கூட வாய்ப்பு இருக்கிறது. கட்சி நீக்க நடவடிக்கை எடுப்பதற்கு முன்பே, அதை யோசித்துப் பார்க்காமலா இருந்திருப்பார் ஜெயலலிதா? அப்படி ஒரு நெருப்பு வளையத்தைத் தாண்ட வேண்டிய நிலை வராதபடி, இப்போதே கவசங்கள் ரெடி பண்ண ஆரம்பித்து விட்டார் என்கிறார்கள். அதுவும் தவிர, அவருக்கு எதிராக மற்றவர்கள் ஒரு துரும்பைக்கூட அசைக்கத் துணியாதபடி, 'ஷாக் ட்ரீட்மென்ட்' கொடுக்கும் வேலைகளும் அடுத்தடுத்து நடக்குமாம். இந்த இதழ் கடைகளுக்கு வரும் நேரத்துக்குள் ரெய்டு உள்ளிட்ட எப்படிப்பட்ட 'ஷாக்'கும் சசி தரப்பினருக்குத் தரப்படலாம் என்று எதிர்பார்க்கிறது டாப் போலீஸ் வட்டாரம்!'' என்ற கழுகார்...

''இப்படி ஒரு குபீர் நடவடிக்கை பாயக்கூடும் என்பதற்கான சிக்னல் ஓரிரண்டு நாட்களுக்கு முன்பே சசி தரப்பினருக்குக் கிடைத்தது. அப்போதே அவர்கள் உஷாராகி இருக்கலாம்...'' என்றார்.

நாம் புதிராக அவரைப் பார்த்தோம்.

''இப்போது கட்சி நீக்கம் செய்யப்பட்டவர்களின் பட்டியலில் இருக்கிறாரே ராவணன்... அவர் போயஸ் வனத்துக்கு திடீரென வரவழைத்து அரை நாளுக்கும் மேலாக சிறை வைக்கப்பட்டாராம். அரசாங்கத்தின் பெயரைச் சொல்லி அவர் நடத்திய சில பகீர் வசூல்கள் பற்றிய பட்டியல் அவர் முன் படிக்கப்பட்டதாம். முகம் வெளிறி ராவணன் திணற... 'கடுமையான' எச்சரிக்கை விடுக்கப்பட்டதாம். வெளியில் வரும்போது அவர் தளர்ந்து, தள்ளாடிப் போயிருந்தார் என்கிறார்கள். இதேபோல், கட்சி நீக்கப் பட்டியலில் இருக்கும் குலோத்துங்கன் என்பவரை கடந்த ஒரு வாரமாகவே ரகசிய போலீஸார் தேடி அலைந்தனர். அ.தி.மு.க. ஆட்சிக்கு வரும்போதெல்லாம் காவல்துறை வட்டாரங்களில் புகுந்து அவர் நடத்திய மிரட்டல் பஞ்சாயத்துகள் இந்த முறையும் தொடங்கி விட்டதுதான் அவரைத் தேடக் காரணமாம். 'அவர் மட்டும் எங்கள் கையில் சிக்கி இருந்தால்...' என்று இப்போது சொல்கிறார் ஒரு கிரைம் பிராஞ்ச் அதிகாரி!''

''சரியாப்போச்சு!''

''மந்திரிகள் மற்றும் அதிகாரிகள் சிலரின் தலைகளும் இதில் எகிறுவது உறுதி என்கிறார்கள். அதிலும், பெசன்ட் நகர் பங்களா ஒன்றின் தலையாட்டலுக்கு ஏற்ப காரியங்கள் நடத்தியதாகக் கூறப்படும் இரண்டு மந்திரிகள் பற்றி குறிப்பான கோபம் இருக்கிறதாம். இதைத் தவிர, வணிக வரித் துறைக்குப் பொறுப்பான அக்ரி கிருஷ்ணமூர்த்தியைப் பதவி நீக்குவதோடு, அவர் மீது மீது மிகமிக சீரியஸான நடவடிக்கையே எடுக்கப்பட்டாலும் ஆச்சரியம் இல்லை.''

''ஏன் இந்தக் கோபம்?''

''இதன் மையம் 'ஜெயா' டி.வி-யை மையமாக வைத்து நடந்த பலே வசூல் வேட்டை என்று சொல்லப்படுகிறது. அங்கே முக்கியப் பொறுப்புகளில் இருக்கும் வைகுண்டசாமியும், குழந்தைசாமியும் கடந்த சில காலமாக நடத்தி வரும் விளையாட்டுகள் பற்றி அம்மாவுக்கு தொடர்ந்து ரிப்போர்ட் போய்க் கொண்டே இருந்ததாம்.

இதன் கிளைமாக்ஸாகத்தான், வணிகவரித் துறை அதிகாரிகள் அரங்கேற்றிய வசூல் வேட்டை பற்றி கதறலாகச் சில புகார்கள் தோட்டத்துக்குப் போனதாம்...''

''புரியலையே...''

''விளக்கமாகவே சொல்கிறேன்... 'ஜெயா' டி.வி-க்கு விளம்பரம் கொடுக்கும்படி கேட்டு முக்கியமான வணிக நிறுவனங்களை சிலர் முதலில் அணுகுவார்கள். ஆளும் கட்சித் தொலைக்காட்சியில் இருந்து வந்து கேட்டால் மறுக்க முடியுமா? வேண்டாவெறுப்பாக அந்த வணிக நிறுவனங்களும் ஒப்புக்கொள்ளும். விளம்பரத்துக்கான கட்டணம் எவ்வளவு என்று கேட்டால்... மயக்கம் போடுகிற அளவுக்கு ஒரு தொகையைச் சொல்வார்களாம். 'விளம்பரம்னா விளம்பரத்துக்கு மட்டுமே கிடையாது. இனி அரசாங்கத்தின் அன்புப்பார்வை உங்க மேலே விழும். நீங்க நினைச்சதை சாதிக்கலாம்' என்று இந்த அநியாய வசூலுக்கு விளக்கம் தரப்படுமாம். வணிக நிறுவனங்கள் இதற்குப் படிந்து வராதபட்சத்தில், அடுத்த கட்டமாக வணிகவரித் துறையில் இருந்து அதிகாரிகள் வந்து இறங்குவார்களாம். 'அது சரியா இருக்கா? இந்த ரெக்கார்ட் எங்கே?' என்று குடைய ஆரம்பிப்பார்களாம். எல்லா ரெக்கார்டுகளும் பக்காவாக இருந்தா லும்கூட, 'ஜெயா' டி.வி. பேரைச் சொல்லி... 'அங்கே இருந்து வந்து அமவுன்ட் கேட்டாங்களாமே... கொடுக்க வேண்டியது தானேப்பா' என்று வேறு ரூட்டில் டார்ச்சர் கொடுக்க ஆரம்பிப்பார்களாம் அதிகாரிகள்!''

''பகல் கொள்ளை என்பது இதுதானா?''

''அந்தத் துறையின் உயர் பதவியில் இருக்கும் ஒரு டெபுடி பெண் அதிகாரியே நேரடியாக பழநியில் போய் இறங்கி இப்படி 'ஜெயா' பேரால் டார்ச்சர் கொடுத்த தகவலும் தோட்டத்துக்கு வந்து சேர்ந்து விட்டதாம். துறையின் அமைச்சருக்குத் தெரியாமலா இப்படி எல்லாம் நடக்கும் என்று விசாரிக்கும்படி உத்தரவானதாம். இந்த மிரட்டல் வளையத்தில் சிக்கிய மார்வாடி ஒருவர் அனுப்பி வைத்திருந்த புகாரை நம்பிக்கையான போலீஸ் அதிகாரியிடம் கொடுத்து விசாரிக்கச் சொன்னார்களாம். முன்கூட்டி அந்த அதிகாரி போய் மார்வாடியின் ஆபீஸில் மறைந்திருக்க... சொன்ன நேரத்துக்கு பணத்தை வாங்க வந்தாராம் வணிகவரித் துறை அதிகாரி ஒருவர். மார்வாடியிடம் அவர் நடத்திய பேரத்தைக் காதாரக் கேட்டுச் சென்று அப்படியே ஒப்புவித் தாராம் போலீஸ் அதிகாரி. இந்த நேரம் பார்த்து நிகழ்ந்ததுதான் இன்னொரு சூப்பர் கிளைமாக்ஸ்....'' என்றபடி கழுகார் மர்ம மௌனம் சாதிக்க,

''சஸ்பென்ஸ் நம்ம உடம்புக்கு ஆகாது,

மிஸ்டர்...'' என்று பரபரத்தோம்.

''அதாவது, வணிகவரித் துறை அதிகாரிகள் மிக நேர்மையாக ஆக்ஷன் எடுத்து வருவது போலவும்... வரி ஏய்ப்பு செய்யும் வணிக நிறுவனங்கள் மீது கடும் நடவடிக்கை எடுக்கப்படும் என்றும் தமிழக அரசே ரீலீஸ் செய்வதாக திடீரென்று ஓர் அறிக்கை வெளியானது. அது பற்றி முதல்வருக்குத் துளிகூட தெரியாதாம். 'அம்மா சொல்லித்தான் இத்தனையும் நடக்கிறது என்று ஒரு மாயத் தோற்றத்தை உருவாக்கினால், முரண்டு பிடிக்கும் நிறுவனங்களும் ஓடிவந்து மூட்டையை நிரப்பும்' என்ற குயுக்தியான ஐடியாவில்தான் அப்படி ஓர் அறிக்கை ரிலீஸ் ஆனதாம். இதுவும் முதல்வர் காதுக்குப் போக... 'என்னவொரு துணிச்சல்' என்று கண்சிவந்து நின்றாராம். அதனால்தான் சொன்னேன் அக்ரி கிருஷ்ணமூர்த்தியின் அமைச்சர் பதவி ஆட்டம் காண்கிறது என்று!''

சட்டென்று நினைவு வந்தவராக கழுகார், ''புகழ்மிக்க படவேடு அம்மன் கோயிலில் ஒரு மெகா யாகம் நடத்தினார் அக்ரி என்றொரு தகவலும் முதல்வர் காதுக்கு வந்தது. ஒரு காலத்தில் தோட்டத்து 'கவுளி'யாக இருந்து, பிறகு திடீரென ஒதுக்கப்பட்ட உன்னி கிருஷ்ணப் பணிக்கரை கேரளத்தில் இருந்து அழைத்து வந்து அந்த யாகம் நடந்ததாம். யாருக்காக நடந்த யாகம் இது என்ற கேள்வி ஒருபுறம் இருக்க... யாகத்தின் முடி வில் தட்சணையாக தரப்பட்ட தொகையும் அதிர்ச்சி உண்டாக்கியதாம்.''

''அதிகாரிகள் பதவியும் ஆடும் என்றீரே..?''

''யெஸ், யெஸ்! மன்னார்குடி குடும்பத்தினரின் கண் அசைவில் பதவி பெற்ற ஐ.ஏ.எஸ். மற்றும் ஐ.பி.எஸ். அதிகாரிகள் அத்தனை பேரின் பட்டியலையும் வாங்கிக் கையில் வைத்திருக்கிறது தோட்டம். இதில், மிக சென்சிடிவ்வான துறைகளில் உள்ள ஐ.ஏ.எஸ். அதிகாரிகளையும்... உளவுத் துறை மற்றும் லஞ்ச ஒழிப்புத் துறையில் உள்ள ஐ.பி.எஸ். அதிகாரிகளையும் முதலில் 'கவனிக்க'ப் போகிறார்களாம். இத்தனை வருட நட்புக்கு மதிப்பு கொடுத்து சசிகலா பொறுமையாக இருந்தாலும்கூட, அவருடைய உறவினர்கள் சிலர் இந்த ஆட்சிக்கு எதிராக எந்த நேரமும் திரி கொளுத்துவார்கள் என்பதால்... உஷாராக இருக்கிறாராம் முதல்வர்!''

கண் மூடி சில நொடிகள் தவம் இருந்த கழுகார்,

''சாம, தான, பேதம் முடிந்து... தண்ட படலம் இப்போது! கடுமையான சில வழக்குகள் எதிர்பாராத மனிதர்கள் மீது பாய்ச்சப்பட்டு, மின்னல் வேகக் கைதுகள் நடக்கவும் வாய்ப்பு இருக்கிறது'' என்று சொல்லிப் பறந்தார்.