தலையில் பல கொம்புகளை கொண்ட புதிய வகை டைனோசர்கள் இரண்டின் சிதைவுகள் அமெரிக்காவின் மேற்கு காடுகளில் கண்டுபிடிக்கப்பட்டுள்ளன.
இவை, ஹர்பிவொரௌஸ் ட்ரிசெராடொப்ஸ் எனும் டைனோசர் வகைகளின் நெருங்கிய உறவாக இருக்கலாம் என ஆய்வாளர்கள் கூறுகின்றனர். நேற்று புதன்கிழமை இந்த ஆச்சரிய கண்டுபிடிப்பை பற்றி அவர்கள் அறிக்கை வெளியிட்டனர்.
இவ் அறிக்கையில் தெரிவிக்கப்பட்டிருப்பதாவது நாம் கண்டுபிடித்த சிதைவுகளில், ஒரு டைனோசரின் மண்டையோட்டிற்கு, 2.3 மீற்றர் நீலம் கொண்ட 7 கொம்புகள் உள்ளன. இவை, 76 மில்லியன் வருடங்களுக்கு முன்னர் க்ரெடாசெவுஸ் காலத்தில் வாழ்ந்துள்ளன.
அந்த காலத்தில் தாவரவகை உண்ணிகளாக வாழ்ந்த இராட்சத உணவு விழுங்குகிகள், இன்றைய அமெரிக்க மேற்கு காடுகளாக கருதப்படும் லராமிடியா எனும் கண்டத்தில் வாழ்ந்து அழிந்தன.
அப்போது தான் இந்த டைனோசர்களும் அழிந்திருக்க வேண்டும். என அவ் அறிக்கையில் தெரிவித்துள்ளனர். கண்டுபிடிக்கப்பட்டுள்ள இரு டைனோசர்களில் பெரியதற்கு உட்டாஹ்செரடொப்ஸ் கெட்டி (Utahceratops getty), எனவும், சிறியதற்கு கொஸ்மொசெரடொப்ஸ் (Kosmoceratops) எனவும் பெயரிட்டுள்ளது.
கொஸ்மோஸ் என்றால் லத்தின் மொழியில் கொம்புகளுடைய முகம் என அர்த்தம். எனவே அந்த பெயரையே வைத்துள்ளனர். கொஸ்மொசெரடொப்ஸ் தான் இதுவரை உலகில் கண்டுபிடிக்கப்பட்ட மிருகங்களில் தலையில் அதிகளவான கொம்புகள் உடைய இராட்சத விலங்காக அறியப்பட்டுள்ளது.