New Indian-Chennai News + more

கம்பளிக்குள் சுருண்டு கிடக்கும் கராத்தே சாம்பியன்!
-அலட்சியம் காட்டும் பள்ளி நிர்வாகம்

மாவட்ட அளவில், மாநில மற்றும் தேசிய அளவில் என தேசம் முழுவதும் வென்றெடுத்த பதக்கங்களின் எண்ணிக்கை 140. இதில் தங்கப்பதக்கம் மட்டும் நாற்பது. இலங்கை, இந்தோனேஷியா, சிங்கப்பூர் நாடுகளில் ஜூனியர் உலக சாம்பியனாக வலம் வந்ததற்காக மட்டும் நான்கு தங்கப்-பதக்கங்கள். இதில்லாமல் 2016-ம் ஆண்டு இந்திய தேசத்தின் சார்பாக கராத்தே வீரனாக ஒலிம்பிக் போட்டியில் கலந்து கொள்ளும் வாய்ப்பு.

இத்தனை சாதனைகளுக்கும், தகுதி-களுக்கும் சொந்தக்காரரான திருப்பூர் மாவட்டம் பல்லடம் பகுதியை சேர்ந்த 13 வயது கராத்தே வீரன் கோகுலுடைய இப்போதைய நிலைமை..?

தலையை சுற்றிலும் முப்பதுக்கும் மேற்பட்ட தையல்கள். இரண்டு வருடங்கள் கட்டாய ஓய்வு. எந்த பயிற்சிக்கும் செல்ல முடியாத நிலைமை. போதாக்குறைக்கு பக்கவாதம் பற்றிக்கொள்ளும் அபாயம்! மகனின் நிலையைக் கண்டு, அவனருகே கண்ணீருடன் சோகக்கடலில் தத்தளித்துக் கொண்டிருந்த கோகுலின் தந்தை ராஜ முத்துவை சந்தித்தோம்.

‘‘குழந்தை பருவத்தில் எந்த சுறுசுறுப்பும் இல்லாமல் அமைதியாகவே இருப்பான். யாரிடமும் பேசவே மாட்டான். அப்படிப்பட்டவனை, உற்சாகப்படுத்தி, கராத்தே பயிற்சிக்கு அனுப்பி வைத்தோம்.

அவனுடைய கராத்தே திறமையை பார்த்து கோவை, திருப்பூரில் உள்ள பெரிய பள்ளிகளில் இருந்து கட்டண சலுகை கொடுக்கிறோம். இங்கே சேர்த்துவிடுங்கள் என்று அழைத்தனர். தொலைவில் இருக்கும் பள்ளிகளுக்கு அனுப்ப வேண்டாம் என்று, இங்குள்ள ஜெயந்தி மெட்ரிகுலேஷன் பள்ளியில் சேர்த்தோம்.

அவர்களும் அட்மிஷன் போது டியூசன் பீஸ் கட்ட வேண்டாம். மற்ற பீஸ்களை மட்டும் கட்டினால் போதும். வெளிநாடுகள் சென்று போட்டிகளில் கலந்துகொள்ளும் செலவு முழுவதையும் நாங்களே பார்த்துக்கொள்கிறோம் என்றுதான் கோகுலை சேர்த்துக் கொண்டார்கள்.

ஜெயந்தி மெட்ரிக்குலேஷன் பள்ளியில் சேர்ந்த இரண்டு வருடங்களில் மூன்று முறை வெளிநாடுகளுக்கு சென்று மூன்று முறையும் தங்கப்பதக்கம் வென்று வந்திருக்கிறான். இதுவரை ஒரு ரூபாய் கூட பள்ளி சார்பில் செலவிடவில்லை. பதக்கம் பெற்று வந்தபோது மட்டும் ஜெயந்தி மெட்ரிக்குலேஷன் மாணவன் கராத்தேவில் உலக சாம்பியனாயிருக்கிறான் என்று விளம்பரப்-படுத்திக்-கொண்டவர்கள், இப்போது எந்த கராத்தே போட்டியிலும் கலந்துகொள்ள முடியாமல் செய்து-விட்டனர்’’ என்ற போதே அவர் கண்களில் நீர் வழிகிறது.

துடைத்துக்கொண்டு தொடர்ந்தார். ‘‘இதுவரை அந்தப் பள்ளியில் விளையாட்டு போட்டிகளே நடத்தாதவர்கள் கடந்த மாதம்தான் விளையாட்டு பொருட்களை வாங்கிவந்து பள்ளி அளவில் போட்டிகளை நடத்த முயற்சித்தனர். வகுப்புகள் முடிந்ததும் ப்ராக்டீஸ் செய்ய மாணவர்களை கிரவுண்டிற்கு அனுப்பிவிட்டு பி.டி. மாஸ்டர் காணாமல் போய்விட்டார்.

ஒரு பகுதியில் இருந்து ஜாவ்லின் த்ரோ (ஈட்டி எறிதல்) ப்ராக்டீஸ் நடந்து கொண்டிருந்திருக்கிறது. அப்போது ஒரு மாணவன் எறிந்த ஈட்டி கோகுலின் தலையில் பாய்ந்து விட்டது. கோகுலின் தலையில் ஈட்டி குத்தி ரத்தம் கொட்ட... மாணவர்கள் எல்லோரும் பயந்து அலறி ஓட, கோகுலாகவே தலையை பிடித்துக்கொண்டு பி.டி. ரூமிற்கு ஓடியிருக்கிறான். அங்கிருந்த ஆசிரியர்கள், அருகில் உள்ள அருள்புரம் மருத்துவமனைக்கு அழைத்துச் சென்றிருக்கிறார்கள். அங்கு டாக்டர் இல்லை. அங்கிருந்த நர்ஸ் ஏழு தையல் போட்டு, பள்ளி தாளாளர் காரில் கொண்டுவந்து வீட்டு வாசலில் இறக்கிவிட்டு போய்விட்டனர். தகவல் கேட்டு நான் வீட்டுக்குச் சென்று பார்த்தால், வாந்தி எடுத்தபடி கோகுல் சுயநினைவில்லாமல் இருந்தான்.

அதன்பின் கோவை பி.எஸ்.ஜி. மருத்துவமனைக்கு கொண்டு சென்று ஸ்கேன் எடுத்தோம். அதில், தலை எலும்பு முறிந்து மூளையில் குத்தி ரத்தம் உறைந்திருப்பதால் உடனடியாக ஆபரேஷன் செய்யச் சொன்னார்கள். ஆபரே­ஷன் செய்து மூன்று நாட்கள் ஐ.சி.யு. வார்டில் வைத்து காப்பாற்றி இப்போதுதான் கோகுலை வீட்டிற்கு அழைத்து வந்திருக்கிறோம்.

கிட்டத்தட்ட இரண்டு லட்ச ரூபாய் வரை செலவாகியிருக்கிறது. ஒரு முறை மருத்துவமனைக்கு வந்த பள்ளியின் தாளாளர் கிருஷ்ணன், எழுபதாயிரம் ரூபாய் கொடுத்தார். மீதி தொகைக்கு ஏதாவது வழி செய்யுங்கள் என்று கேட்டேன். அவர்களிடம் இருந்து ஒரு பதிலும் இல்லை.

ஈட்டி குத்தியதால் வலது கையும் காலும் பக்கவாதத்தால் பாதிக்கப்படக்கூடிய நிலை இருக்கிறது. இரண்டு வருடத்திற்கு எந்த பயிற்சியும் செய்யக்கூடாது. இரண்டு வருடம் முடிந்தவுடன் மீண்டும் ஒரு ஆபரேஷன் செய்ய வேண்டிய நிலை உள்ளது என்று டாக்டர் சொல்லியிருக்கிறார். என்னோட மகனின் கனவும் தகர்ந்து, அவன் வாழ்க்கையும் கேள்விக்குறியாகிவிட்டது...’’ என்று கதறியழுதார்.

கோகுலின் பாதிப்பை பற்றி கேட்க பள்ளிக்குச் சென்றோம்.

‘முகப்பிலே இந்தோனேஷியாவில் நடந்த கராத்தே போட்டியில் பங்கேற்று திரும்பும் கராத்தே ஜூனியர் உலக சாம்பியன் கோகுல் வருக... வருக!’ என்ற பிளக்ஸ் போர்டுகள் நம்மை வரவேற்றன. ‘பள்ளியில் தாளாளரும் இல்லை... முதல்வரும் இல்லை’ என்றார்கள்.

பள்ளி தாளாளர் கிருஷ்ணனை தொலைபேசியில் பிடித்தோம். ‘‘கிரவுண்டில் விளையாடும் போது தெரியாமல் நடந்திருக்கிறது. அதற்கு நிர்வாகம் என்ன செய்யமுடியும்? இருந்தும் அந்த பையனுக்கு செலவெல்லாம் பார்த்தாகிவிட்டதே. இனிமேல் நாம் என்ன செய்ய முடியும்?’’ என்று நம்மிடமே அவர் கேட்டவிதம் நம்மை நிலைகுலையச் செய்தது.

கடல் கடந்து கராத்தேவில் சாதனையை புரிந்தவன் கம்பளிக்குள் சுயநினைவின்றி இருப்பது நியாயமா என்பதை பள்ளி தாளாளர் சிந்தித்து, அந்த குடும்பத்துக்கு உரியதை உரிய நேரத்தில் செய்தால், அதுதான் பள்ளிக்கு கௌரவம் தேடித்தரும். அதை செய்வார்கள் என்றே நம்புவோம்!

காஷ்மீருக்கு சுயாட்சி கொடுத்தால் தவறில்லை!

கடந்த வாரத்தில் இந்திய நாடாளுமன்றத்தில் காஷ்மீர் பிரச்னை குறித்து சூடான விவாதம் நடந்துள்ளது. அதில், காஷ்மீரில் தற்போது நிலவிவரும் கலவரச்சூழலை எப்படி சமாளிப்பது என்பது குறித்த விவாதத்தில், பல கட்சிகளும் பல்வேறு தீர்வுகளை முன்வைத்துள்ளன. “தெருவில் கல்லெறிந்து போராடும் இளைஞர் கூட்டத்தை மென்மையாகக் கையாளும் முறைகளை படைப்பிரிவினர் கண்டுபிடிக்க வேண்டும்” என்று பிரதமர் மன்மோகன் சிங் கூறியுள்ளார்.

ஆனால் ஜம்மு காஷ்மீர் மாநிலத்தின் முன்னாள் முதல்வர் பரூக் அப்துல்லா பேசியது எல்லோரையும் கவர்ந்தது. அதில் காஷ்மீரிகளின் உள்ள கிடக்கையையும் எதிர்பார்ப்புகளையும் விளக்கியதோடு, பாகிஸ்தான் ஆக்கிரமிப்பில் உள்ள காஷ்மீர் (றிளிரி) பகுதியை மீட்பது குறித்தும் அவர் நினைவுபடுத்தினார். 1993&ல் சட்டமன்றத்தில் நிறைவேற்றப்பட்ட காஷ்மீர் மாநிலத்திற்கான சுயாட்சி தீர்மானத்தை மத்திய அரசு ஏற்றுக்கொள்வது குறித்து வலியுறுத்தினார்.

அவரது இந்த கோரிக்கையின் பின்னே ஒரு வரலாறு உள்ளது. இந்தியா & பாகிஸ்தான் பிரிவினையின் போது அன்றைக்கு மன்னராட்சியின் கீழ் இருந்த பகுதிகள் தங்கள் நிலையை தாங்களே தீர்மானித்துக் கொள்ளலாம் என முடிவெடுக்கப்பட்டது. காஷ்மீரின் அப்போதைய மன்னர் ஹரிசிங் தனித்து இருக்க முடிவு செய்தார். ஆனால் பாகிஸ்தான் அரசு மற்றும் ராணுவத்தின் உதவியுடன் பாகிஸ்தானிய பழங்குடியினர் காஷ்மீருக்குள் ஆயுதங்களுடன் ஊடுருவிய போது, அதை தடுக்க முடியாத ஹரிசிங் இந்தியாவுடன் காஷ்மீரை இணைக்க ஒப்புக் கொண்டார். இந்தியப் படைகள் காஷ்மீருக்குள் நுழைந்தபோது, ஏற்கனவே ஆக்கிரமிக்கப்பட்ட 2/5 பகுதியை மீட்கமுடியாமல் போனது. 

ஆனால் மன்னர் ஹரிசிங்கை எதிர்த்து, ஷேக் அப்துல்லாவின் தேசிய மாநாட்டுக் கட்சியின் கீழ், இந்தியாவுடன் இணைவதற்காக ஒட்டுமொத்த காஷ்மீர் மக்களும் போராடினர். பாகிஸ்தான் ஆக்கிரமிப்புக்கு எதிராகவும் அவர்கள் போராடினர். உழுபவர்களுக்கு நிலம் பிரித்து தரப்படவேண்டும் என்ற அவர்களது கோரிக்கை சுதந்திர இந்தியாவில் நிறைவேற்றப்பட்டது. தவிர, மாநிலத்திற்கு சிறப்பு அதிகாரம் கோரும் அவர்களது கோரிக்கையும் 1952-ல் ஷேக் அப்துல்லாவுடன் போட்ட ஒப்பந்தத்தில் மத்திய அரசால் ஏற்றுக்கொள்ளப்பட்டது. இதே கோரிக்கையை ஆதரித்து 1944-லிலேயே தேசிய மாநாட்டுக் கட்சியின் கோபோர் மாநாட்டில் கம்யூனிஸ்டுகளால் கொண்டு-வரப்பட்ட தீர்மானத்தை காங்கிரஸ் கட்சியும் ஆதரித்தது. ஆனால், மத்தியில் ஆட்சிக்கு வந்தபின்பு, காங்கிரஸ் கட்சி அதிகாரக்-குவிப்பில் இறங்கியது. மாநில உரிமைகளை மிதித்தது. எல்லோராலும் ஏற்றுக்கொள்ளப்பட்ட சுயாட்சி உரிமையை வலியுறுத்தியதற்காக, 1953-ல் ஷேக் அப்துல்லாவின் அரசு கலைக்கப்பட்டு, அவர் சிறைக்காவலில் வைக்கப்பட்டார். இந்தியாவுடன் இணைந்திருப்பதற்கு இறுதிவரை உறுதியோடு போராடிய அவருக்கு ஏற்பட்ட கதி இதுதான். இன்று அவரது மகன் பரூக் அப்துல்லாவும் அதே உணர்வுடன்தான் பேசுகிறார். “எல்லாவிதத்திலும் தோல்வியடைந்த பாகிஸ்தானுடன் இணைய காஷ்மீர் மக்கள் ஒருபோதும் விரும்பமாட்டார்கள். ஆனால், தனிக் காஷ்மீரம் என்ற பிரிவினைவாதிகளின் குரலுக்கு அவர்கள் செவிசாய்க்கும் ஆபத்து உருவாகியுள்ளது. இந்திய அரசு உடன் செயல்படாவிட்டால், அது நிகழும்” என்று அவர் கூறியபோது, பி.ஜே.பி. தவிர மற்ற நாடாளுமன்ற உறுப்பினர்களிடம் அதற்கு பலத்த ஆதரவு இருந்தது. ஆனால், காஷ்மீருக்கு மட்டும் மாநில சுயாட்சி வழங்கினால், மற்ற மாநிலங்களும் அதே கோரிக்கையை முன்வைக்கும் என்று மத்திய அரசு பயப்படுகிறது.

“பல்வேறு மொழி பேசும், கலாசார வேறுபாடுகளைக் கொண்ட மாநிலங்களின் கூட்டாட்சிதான் மத்திய அரசு” என்று நமது அரசியல் அமைப்புச் சட்டத்தில் கூறப்பட்டுள்ள கூட்டாட்சி தத்துவத்தை மத்தியில் ஆண்டு வருபவர்கள் தொடர்ந்து மீறி வருகின்றனர். அவ்வாறு மாநிலங்களுக்கு சுயாட்சி வழங்கப்படுவதால், தேசத்தின் ஒருமைப்பாடு மேலும் வலுப்பெறும் என்பதற்கு அமெரிக்காவின் அரசியல்முறை சிறந்த உதாரணம். சோவியத் யூனியன் இதில் சாதனையே படைத்தது. அங்கு தேசிய இனப்பிரச்னை எழவே இல்லை. ஐ.நா.வின் மனித உரிமைக் கழகமும் இதை ஆதரிக்கிறது.

கடந்த சட்டமன்றத் தேர்தலில் கூட பிரிவினை-வாதிகள் மற்றும் பயங்கரவாதிகளின் அச்சுறுத்தலை எதிர்த்து, காஷ்மீர் மக்கள் வரலாறு காணாத அளவில் திரண்டு வந்து வாக்களித்தனர். மத்திய ஆட்சி-யாளர்-களின் தொடர்ந்த நிராகரிப்புகளுக்குப் பின்பும் காஷ்மீர் மக்கள் இந்திய அரசின் மீதிருந்த தங்களது நம்பிக்கையை இதன்மூலம் எதிரொலித்தனர். ஆனால், பயங்கரவாதத்தை அடக்குவது என்ற பெயரால் சிறப்பு அதிகாரம் கொண்ட துணை ராணுவப் படையை அங்கு குவித்து, தொடர்ந்து அட்டூழியங்கள் புரியச் செய்து, அம்மக்களிடமிருந்து அரசு அன்னியப்பட்டு விட்டது.

காஷ்மீரில் நடப்பது மக்களின் தன்னெழுச்சியான போராட்டம். அங்கு போராடும் மக்களின் எண்ணங்களை அரசு புரிந்து கொண்டு செயல்படவேண்டும். அங்குள்ள படைகளுக்கு வழங்கப்பட்டுள்ள சிறப்பு அதிகாரத்தை உடன் ரத்து செய்து, படைகளை நிலைமை சீர்படுத்துவதற்கு ஏற்ப விலக்கிக் கொள்ளும் உறுதிமொழியுடன் பாகிஸ்தான் ஆதரவு இயக்கங்களைத் தவிர்த்து, மற்றவர்களுடன் பேச்சுவார்த்தையை உடனே துவங்குவதுதான் அரசின் முன்னுள்ள ஒரே வழி. சட்டமன்றத்தில் சுயாட்சி குறித்து நிறைவேற்றப்பட்ட தீர்மானத்தை அடிப்படையாகக் கொண்டு பேசி, சுயாட்சி வழங்குவது அடுத்த கட்ட நடவடிக்கை. 

மத்தியில் தனித்து ஆட்சி செய்ய எந்த கட்சிக்கும் பெரும்பான்மை கிடைக்காததால் மாநிலக் கட்சிகளுடன் கூட்டணி ஆட்சி அமைக்க மட்டும் வாய்ப்புள்ள இன்றைய நிலையில், மற்ற மாநிலங்களுக்கும் சுயாட்சி வழங்குவதால் எந்த பாதிப்பும் வராது. இக்கோரிக்கையை வலுவாக முன்வைத்த திராவிடக் கட்சிகள்கூட, ‘மாநிலத்தில் சுயாட்சி, மத்தியில் கூட்டாட்சி’ என்ற தங்கள் கோஷத்தின் முதல் பகுதியைப்பற்றி கவலைப்படுவது இல்லை. 1957-ல் தனது தேர்தல் அறிக்கையில், பிரிந்து போகும் உரிமையைக் கோரிய தி.மு.க., இன்றைக்கு மத்திய ஆட்சியில் பங்கு பெறுவதையே குறிக்கோளாக்கிக் கொண்டுள்ளது. எனவே காஷ்மீருக்கு மாநில சுயாட்சி வழங்கினால், எங்களுக்கும் தாருங்கள் என்று கேட்கும் நிலையில் கூட பல மாநில அரசுகள் இல்லை. மாநிலத்திற்கும், மத்திய அரசிற்கும் கூட்டாக உள்ள உரிமை பட்டியலில் (நீஷீஸீநீuக்ஷீக்ஷீமீஸீt றீவீst) உள்ள பல சட்டப்பிரிவுகளை மத்திய அரசின் பட்டியலுக்கு மாற்றும்போது கூட இக்கட்சிகள் வாய் திறப்பதில்லை. 

இதையெல்லாம் மனதில் கொண்டு காஷ்மீர் மக்களை இந்திய அரசு வென்றெடுக்காவிட்டால், காஷ்மீரை சர்ச்சைக்குரிய பகுதி என்று கூறிவரும் சீனாவின் கரமும் வலுப்பெறும் ஆபத்து உள்ளது. அதன்பிறகு, காஷ்மீர் விஷயத்தில் பாகிஸ்தானுக்கு இணையாக சீனாவையும் சமாளிக்க வேண்டிய இக்கட்டான நிலைக்கு இந்தியா தள்ளப்படும் அபாயமும் ஏற்படலாம்! 

தொழிலாளர்கள் பெயரில் அவர்களுக்குத் தெரியாமலேயே கடன்: 
மோசடி பணத்தில் சினிமா எடுத்த பாதகர்கள்!

குடும்பத்துக்கு இருக்கும் 50 ஆயிரம் கடனை அடைப்பதற்காக வேலை தேடி துபாய் போனவருக்கு இப்போது 70 லட்சம் ரூபாய் கடன்! என்னது..? 

ஆமாம்... ஒருவர் இருவர் அல்ல, சம்பாதிப்பதற்காக துபாய் போன சுமார் 150 தமிழர்களின் நிலைமை இதுதான். 

‘துபாய் மற்றும் ஷார்ஜாவில் உள்ள எங்களது அல் தவா கான்கிரீட் கம்பெனி, அல் லிஜிமா பிளாஸ்டர்- டைல்ஸ் கான்ட்ராக்ட், ஆசியா- கல்ப் டெக் கான்ட்ராக்ட் உள்ளிட்ட 16 நிறுவனங்களில் பணியாற்ற கொத்தனார், பிளம்பர், எலக்ட்ரீசியன் தேவை’ 

-இப்படியொரு விளம்பரத்தைப் பார்த்து இந்தியா முழு-வதி-லுமிருந்தும் 2 ஆயிரத்துக்கும் மேற்பட்டவர்கள் வளைகுடா நாடுகளுக்கு சென்றுள்ளனர். அவர்களில் திருச்சி மாவட்டம் நெற்குப்பையைச் சேர்ந்த தினேஷும் ஒருவர். நடந்ததை அவரே விளக்கினார்.

‘‘2005-ம் வருடம் தூத்துக்குடியைச் சேர்ந்த முத்தரசு என்பவரின் கான்ட்ராக்ட் நிறுவனத்தில் எலக்ட்ரீசியனாக பணிக்கு சேர்ந்தேன். என்னுடன் பணிபுரிந்த பலரிடமும், ‘உங்களுக்கு இனிமேல் சம்பளம் வங்கிக் கணக்கில் போடச் சொல்லி அரசு உத்தரவிட்டுள்ளது. எனவே, வங்கியில் அக்கவுன்ட் ஆரம்பிக்கவேண்டும் என்று கையெழுத்து வாங்கினார்கள். ஆனால், சம்பளத்தை வழக்கம்போல் கையிலேயே கொடுத்தார்கள். 

இந்த நிலையில்தான் சிட்டி பேங்க் அதிகாரிகள் சிலர் எனது வீட்டுக்கு வந்து, ‘உங்கள் மகன் 30 லட்சம் ரூபாய் கடன் வாங்கி இருக்கிறார். எப்போது கட்டுவீர்கள்?’ என கேட்டிருக்கிறார். இதை குடும்பத்தினர் எனக்கு போன் பண்ணிச் சொல்ல, அதிர்ச்சியாகிவிட்டேன். உடனே, எனது உரிமையாளர் முத்தரசிடம் கேட்டபோது, ‘எனது அண்ணன் செண்பககுமார் நிறுவன வளர்ச்சிக்காக கடன் வாங்கி இருக்கிறார்’ என்றார். மேலும் அதிர்ச்சியாகி செண்பககுமாரிடமே கேட்டேன். 

‘சில தேவைகளுக்காக நானே உங்கள் பெயரில் கடன் வாங்கி இருக்கிறேன். விரைவில் கடனை தீர்த்து உங்களை இந்தியா அனுப்பிவிடுவேன்’ எனக் கூறினார். ஆனால், அதற்கான அறிகுறியே இல்லாததால் நான் தொடர்ந்து பிரச்னை செய்தேன். அதனால், கடந்த டிசம்பர் மாதம் எனது சிட்டி பேங்க் கடனை முடித்து என்னை அனுப்பிவிட்டனர்’’ என கொஞ்சம் இயல்பு நிலைக்கு வந்த தினேஷ்... 

‘‘நான் இங்கு வந்தபிறகுதான் என் பெயரில் மேலும் 2 வங்கிகளில் இன்னும் 70 லட்சம் ரூபாய்க்கு மேல் கடன் பெற்றிருப்பது எனக்குத் தெரிந்தது. இப்போது செண்பககுமாரும் வங்கி மோசடிக்காக சிறையில் இருக்கிறார். என்னை தேடி மீண்டும் வங்கிக்காரர்கள் வந்தால் என்ன செய்வது?” என்று தேம்பித்தேம்பி அழுகிறார் தினேஷ். 

இவரது உதவியுடன் துபாயில் உள்ள ராமசாமி நாராயணனுடன் பேசினோம். “தூத்துக்குடியைச் சேந்த செண்பககுமார், முத்தரசு ஆகியோர் ஷார்ஜா தூதரகத்தில் பணியாற்றும் ஜமால் ஒபைட் அல்மசூரி என்ற அரேபியரின் பெயரில் துபாயில் மெஸ்கோ மெரைன் சர்வீசஸ் மற்றும் 16 துணை நிறுவனங்களை லைசென்ஸ் பெற்று நடத்தி வருகின்றனர். துபாயில் உள்ள இந்திய தூதரகத்தில் பணியாற்றும் ஜேக்கப் தாமஸ் என்பவர் இவர்கள் நிறுவன பங்குதாரர். வந்த வருமானத்துடன் மேலும் பெரும் பணம் சம்பாதிக்க ஆசைப்பட்டு துபாயில் 2006 மற்றும் 2007-ம் ஆண்டு இளையராஜாவை அழைத்து 2 இசை நிகழ்ச்சிகளையும் நடத்தினர். இதுபோன்ற செலவுகளுக்காக இவர்களிடம் பணிபுரியும் 150-க்கும் மேற்பட்ட தொழிலாளர்கள் பெயரில் வங்கிகளில் கோடிக்கணக்கில் கடன் பெற்றனர். 

தங்களிடம் பணிபுரியும் தொழிலாளர்களின் பாஸ்போர்ட் ஆவணங்கள் இவர்களிடமே இருந்ததால் இது எளிதாகி உள்ளது. தொழிலாளர்களிடம் வங்கி கணக்கு தொடங்கி தருகிறேன் என்று கையெழுத்து பெற்று, சில ஆயிரங்கள் சம்பளம் பெறும் எங்களுக்கு, இவர்களே சில லட்சங்கள் சம்பளம் என போலி சம்பளச் சான்றிதழ் தயாரித்து கடன் வாங்கியுள்ளனர். மேலும் தொழிலாளர்களின் விசா காப்பியிலும் மாறுதல் செய்துள்ளனர். இதுபோல் இவர்கள் மொத்தம் ரூ.150 கோடி அளவிற்கு கடன் பெற்றுள்ளனர்.

இந்த கடன் தொகையில்தான், கூல் புரொடெக்ஷன்ஸ் என்ற பெயரில் ‘மகேஷ் சரண்யா மற்றும் பலர்’, பரத் நடித்த ‘ஆறுமுகம்’, மற்றும் ‘பிடிச்சிருக்கு’ ஆகிய படங்களை தயாரித்தனர். இசை நிகழ்ச்சிக்காக வந்த இளையராஜா, எஸ்.பி.பி. உள்ளிட்ட திரை பிரபலங்களுக்காக துபாயில் கிலோ கணக்கில் தங்க நகைகள் வாங்கி உள்ளனர். இது தவிர செண்பககுமாரின் 2 மனைவிகளும் சென்னை, கேரளாவில் சொகுசாக வாழ்ந்து வருகின்றனர். வங்கி அதிகாரிகள் எங்களது அலுவலகத்திற்கு வந்தபோதுதான் எங்கள் பெயரிலும் கடன் இருப்பது தெரியவந்தது. இதைத் தவிர எங்களது விசாவிற்கும் அவர்கள் கட்டணம் செலுத்தாததால் வெளியில் செல்லும் நடைபாஸ் (பதாக்கா) இல்லாமல் நாங்கள் வெளியில் தலைகாட்ட முடியவில்லை’’ என்ற ராமசாமி நாராயணன் தொடர்ந்து,

‘‘6 மாதங்களுக்கு முன்பு துபாயில் உள்ள சிட்டி பேங்கில் கடன் மோசடி செய்ததாக செண்பககுமாரை கைது செய்துவிட்டனர். செண்பககுமாரின் தம்பியான முத்தரசு துபாயில் ஏற்கனவே ரூ.70 கோடி வரை கடன் பெற்று, இந்தியாவிற்கு வந்து தூத்துக்குடியில் ஸ்டார் ஓட்டல் வைத்துக்கொண்டு செட்டில் ஆகிவிட்டார். எங்களை வங்கி கடன்தாரர் பட்டியலில் இருந்து விடுவிக்க வேண்டும். இல்லையென்றால், இந்தியாவில் உள்ள செண்பககுமாரின் சொத்துக்களை கைப்பற்றி வங்கிகள் தங்கள் பணத்தை மீட்கவேண்டும். இந்த பிரச்னைகளை எல்லாம் இந்திய தூதரகம் மற்றும் துபாய் தூரகத்திற்கு தெரிவித்தும் நடவடிக்கை இல்லை. யாரோ கடன் பெற்று உல்லாசமாய் வாழ்ந்ததற்கு அப்பாவிகளான 150 பேருக்கு மேல் தலைமறைவாக வாழ்ந்து கொண்டிருக்கிறோம். இதில் கொடுமையாக இதுபோல கடன் பெற்றதாக வங்கி அதிகாரிகளால் மிரட்டப்பட்டதால் வாய்மேட்டைச் சேர்ந்த அன்பழகன் என்பவர், துபாயிலேயே தற்கொலை செய்துகொண்டுவிட்டார் ” என்றார்.

தலைமறைவான மற்றொருவரான முருகன், “செண்பககுமாரின் நிறுவனங்களுக்கு ஸ்பான்சராக உள்ள அரபி மசூரியன் எங்களிடம் வந்து நான் கடனை தீர்த்து உங்களை காப்பாற்ற முயற்சி செய்கிறேன். புகார், பத்திரிகை செய்தி என்று போனால் நீங்கள் இருக்கும் இடத்தை வங்கி அதிகாரிகளுக்கு காட்டிகொடுத்து விடுவேன். சிறைக்கு செல்ல வேண்டி வரும் என்று மிரட்டுகிறார்” என்றார் அழுதபடியே.

இந்த பிரச்னை குறித்து தமிழக முதல்வர், மத்திய அமைச்சர் நெப்போலியன், திருச்சி மற்றும் பெரம்பலூர் மாவட்ட கலெக்டர்கள் என பலரிடம் புகார் கொடுத்தும் இதுவரை தீர்வு எதுவும் வரவில்லை என்கின்றனர் கடனாளியாகி நிற்கும் குடும்பத்தினர்.

வழக்கம் போல் தமிழனை- தமிழன் ஏமாற்றும் இந்த பிரச்னையில் அரசுகள் ஆறப்போடாமல் துரித நடவடிக்கை எடுத்து 150 குடும்பங்களைக் காப்பாற்ற முன்வரவேண்டும்.

அன்புத் தலைவனுக்கு, அன்பான வணக்கம்!

டைனோசருக்கு பலம் அதிகமா அல்லது ஆப்பிளுக்கு பலம் அதிகமா?

டைனோசருக்கு பலம் அதிகமா அல்லது ஆப்பிளுக்கு பலம் அதிகமா என்று யாராவது கேட்டால், நாம் நிச்சயம் அவரைப் பார்த்து சிரித்திருப்போம்.

என்ன, சின்னப்புள்ளத்தனமா இருக்கு என்றிருப்பார் நம் வடிவேலு.

ஆனால், 60 மி்ல்லியன் ஆண்டுகளுக்கு முன் பூமியை தாக்கிய மாபெரும் எரிகல்லால் ஏற்பட்ட பயங்கரமான சுற்றுச்சூழல் மாற்றங்கள் தான் (பல லட்சம் அணு குண்டுகள் வெடித்தால் ஏற்படும் அளவுக்கு சேதம் பூமியில் உண்டானது. அப்போது எழும்பிய தூசு மண்டலம், சூரிய ஒளியை பல்லாண்டுகள் மறைத்ததால் உலகின் பெரும்பாலான தாவரங்கள் அழிந்து, அதை நம்பி வாழ்ந்த மிருகங்களையும் அழித்தது, குறிப்பாக டைனோசர்களை கூண்டோடு ஒழித்துக் கட்டியது என்பது தியரி) டைனோசர்களை அழிந்தன.

ஆனால், அதில் தப்பிப் பிழைத்த ஒரு சில தாவர வகைகளில் ஒன்று ஆப்பிள் என்பது சமீபத்திய 'ஜீனோம்' ஆய்வுகளில் தெரியவந்துள்ளது.

ஆப்பிளின் சுமார் 600 மில்லியன் அடிப்படை டிஎன்ஏக்களை சமீபத்தில் அக்குவேறு ஆணிவேறாக வகைப்படுத்தி (genome profiling) முடித்துள்ளனர் நியூசிலாந்து விஞ்ஞானிகள்.

ஆப்பிளின் நிறம், சுவை, அதன் ஜூஸ் தரும் தன்மைக்கான காரணங்களை ஆராய்வதற்காகவும், இந்த குணங்களை அதிகரித்து மிகச் சுவையான ஆப்பிள்களை உருவாக்குவதற்காக நடத்தப்பட்ட ஆராய்ச்சி தான் இது. ஆனால், இந்த ஆராய்ச்சி நம்மை டைனோசர்களின் கதையை நோக்கி கொண்டு போயுள்ளது.

ஆப்பிள்களுக்கு மிக நெருக்கமான இனத்தைச் சேர்ந்த ஸ்ட்ராபெர்ரி உள்ளிட்ட தாவர வகைகளில் 7 அல்லது 8 குரோமோசோம்கள் தான் உள்ளன. (நமது ஜீன்களை ஏந்திய டிஎன்ஏக்களைக் கொண்ட செல் உறுப்பு தான் குரோமோசோம்). ஆனால், ஆப்பிள்களில் 17 குரோமோசோம்கள் உள்ளது சமீபத்திய 'ஜீனோம்' ஆராய்ச்சியில் (டிஎன்ஏக்களை வரிசைப்படுத்தல்) தெரியவந்துள்ளது.

ஆப்பிளின் தற்காப்பு சக்தியை அதிகரிக்கும் திறன் கொண்ட இந்த குரோமோசோம்கள் இரண்டு முறை உருவாகியுள்ளன. அதாவது 'டூப்ளிகேட்' ஆகியுள்ளன. இதனால் தான் ஆப்பிள் குடும்பத்தைச் சேர்ந்த பிற தாவரங்களில் 8 குரோமோசாம்கள் இருக்க, ஆப்பிளில் மட்டும் 17 குரோமோசாம்கள் உள்ளன.

இந்த டூப்ளிகேசன் நடந்தது 60 மில்லியன் ஆண்டுகளுக்கு முன். அந்த சமயததில் தான் பூமியில் இன்னொரு முக்கிய நிகழ்வும் நடந்தது. அந்த காலகட்டத்தில் தான் டைனோசர்கள் கூண்டோடு காலியாயின.

இந்த இரு தனித்தனி சம்பவங்களுக்கும் ஒரே காரணம் இருந்திருக்கலாம் என்பது தான் விஞ்ஞானிகள் சொல்லும் சுவாரஸ்யமான தகவல்.

எரிகல் தாக்கி தாவர இனங்கள் அழிந்தபோது, தாக்குப் பிடித்த ஓரிரு இனங்களில் ஆப்பிளும் ஒன்று என்கிறார்கள் இந்த ஆராய்ச்சியாளர்கள். அந்த காலகட்டத்தில் தப்பிப் பிழைக்க, ஆப்பிள் இனத்தில் நடந்த 'சம்பவம்' தான் குரோமோசாம் டூப்ளிகேஷன் என்கிறார்கள்.

சிறுமிகளுக்கு தயாரான தாலி!

""அய்யா... விடிஞ்சா திருவாரூர் பஸ் ஸ்டாண்டுல கடை வெச்சிருக்குற எஸ்.ஆர்.ஆர்.ரமேஷின் 20 வயது மகன் கிலைடனுக்கும்... வேளாங்கண்ணி அருள்குமாரின் 14 வயது மகள் பூங்கொடிக்கும் கல்யாணம்(?) பண்ணி வெக்கப் போறாங்க. இந்த குழந்தை திருமணத்தை நீங்கதான் தடுத்து நிறுத்தணும்'' -கெஞ்சியபடி கட் ஆனது ஃபோன்.

""சார்... சிங்கப்பூர்லேர்ந்து வர்ற 24 வயசுப் பையன் சீர்காழி அருகே உள்ள அரசக்குப்பம் சீத் தாராமனின் மகன் முருகனுக்கு... 14 வயசு பச்சப்புள்ள அம்சவள்ளி யை வைத்தீஸ்வரன் கோயில்ல வெச்சு கல்யாணம் பண்ணப் போறாங்க... பாவம் அந்தப் புள்ள உசிரையே மாச்சிக்கும் போல'' -கதறியபடி கட் ஆனது ஃபோன்.

ஒரே நேரத்தில் இரண்டு சிறுமிகளுக்கு திருமணம் நடக்கப்போகுது என்ற தகவல் தொலைபேசியின் மூலம் வந்தது நாகை கலெக் டர் முனியநாதனுக்குத்தான். அடுத்த நிமிடமே மாவட்ட எஸ்.பி.க்கு ஃபோன் பறக்கிறது. அடுத்த ஃபோன் திருவாரூர் கலெக்டர் சந்திரசேகருக்கு. இரண்டு மாவட்ட காவல்துறையினரும்... சமூகநலத்துறையினரும் ஆக்ஷனில் இறங்கினார்கள்.

திருவாரூர்... மணமகனின்(?) அப்பா ரமேஷ் பலருக்கும் தெரிந்தவர் என்பதால் கல்யாணத்துக்கு இரண்டு நாட்களுக்கு முன்பே வைத்த போஸ்டர், டிஜிட்டல் பேனர்கள், வீதிகளில் அலங்கார விளக்குகள் பளபளத்துக் கொண்டிருக்க... இருமண வீட்டார்களிடம் இருள் சூழ்ந்தது. காரணம்... மணமகள் ஊர் வலத்திலேயே குழந்தை திருமணத்துக்கு காரணமான பெற்றோர் கள் உட்பட ஏழுபேரையும் கைது செய்து வழக்குப் பதிவும் செய்தனர் காவல்துறையினர். மணப்பெண்(?)ணின் தாய் ஈஸ்வரியோ, ""என் கணவருக்கு கால் முடியாதுங்க. வறுமை... அதான் வசதியான குடும்பம்னு ஏற்பாடு பண்ணினேன் ப்ச்'' என்கிறார் கல்யாணம்(?) நின்று போன கவலையில்.

அடுத்து நாகை... ""இந்த கல்யாணத்துல எனக்கு விருப்பமில்ல தாத்தா... நான் படிக்கணும் நீங்கதான் எனக்கு உதவி பண்ணணும்னு அழுதா என் பேத்தி அம்சவள்ளி. அதான் கலெக்டரய்யா வுக்கு தகவல் கொடுத்தேன். அடுத்த நிமிஷமே தடுத்து நிறுத்தி... என் பேத்தியோட வாழ்க்கையை சுபமாக்கிட்டாரு கலெக்டரு'' -ஆனந்த கண்ணீர் வடிக்கிறார் தாத்தா கோவிந்தசாமி.

""சொத்து பத்து கைவிட்டுப் போய்டக்கூடாதுங்குறதால தான் சொந்தத்துல சீக்கிரம் கல்யாணம் பண்ணி வைக்கிறாங்க. பொண்ணு வீட்டிலேயும் வறுமை வாட்டுறதால சீக்கிரமா கல்யாணம் பண்ணிக் கொடுத்து வறுமை யை போக்க நினைக்குறாங்க. ஆனா... இந்த மாதிரி திருமணங்கள் அவர்கள் எண்ணத்திற்கு நிரந்தர தீர்வாகாது... மாறாக பிள்ளைகளின் வாழ்க்கைத் தான் சீரழியும்ங்குறதை பெற்றோர்கள் உணரணும்'' என்கிறார் பேராசிரியை தமிழினி அறிவுரையாக.

கோயில் ஊர்களில் எமர்ஜென்ஸி கெடுபிடி!

தமிழக மக்களின் அடிப் படை உரிமைகளை, ஆழக் குழி தோண்டிப் புதைக்கும் திருப்பணியை பரவலாக்கத் தொடங்கிவிட் டது இந்தியத் தொல்பொருள் துறை.

தொன்மையான நினைவுச் சின்னங்களை பாதுகாக்கிறோம் என்ற பெயரில் தமிழகத்தின் பரப்பளவில் 2 சதவிகித நிலத்திற்கு "பூட்டுப்' போடும் மத்திய அரசின் புதிய சட்டத்தைப் பற்றி செப்டம் பர் முதல் தேதி நக்கீரனில் "முதல்வர் ஸ்விட்ச் போர்டு மாற்றினால் இரண்டு ஆண்டு சிறை' செய்தியை வெளியிட்டிருந்தோம்.

அதேநாளில் குடந்தை தாரா சுரத்தில் இருந்து "குடும்ப அட்டை களையும் வாக்காளர் அட்டை களையும் திருப்பிக் கொடுக்கும்...' போராட்டத்திற்கான அறிவிப்பு வந்தது. 

யுனஸ்கோவால் அறிவிக்கப்பட்ட உலக பாரம் பரியச் சின் னங்களில் கும்பகோணம் அருகிலுள்ள தாரா சுரம் ஐராவதேஸ்வரர் கோயிலும் ஒன்று.

இந்தக் கோயி லைச் சுற்றிலும் 300 மீட்டர் (சுமார் 1000 அடி) சுற்றளவிற்கு தடை செய்யப் பட்ட பகுதியாக வும், ஒழுங்குமுறைப் பகுதியாகவும் அறிவித்திருக்கிறார் கள். இந்த 1000 அடி சுற்றளவுக் குள் அமைந்துள்ள வீடுகளில் பழுது பார்க்கவோ, ஓடு மாற்றவோ, ஒயர் மாற்றவோ, பெயிண்ட் அடிக்கவோ கூடாது என்று அதிரடி உத்தரவு போட்டிருக்கிறார்கள்.

தாராசுரம் பொதுமக்களின் போராட்டக்குழுத் தலைவர் விஜய்யிடம் நடந்ததைக் கேட்டோம்.

""25 வருடத்துக்கு முன்பு, இந்தக் கோயிலைச் சுற்றி நிறைய வீடுகள் இருந்தன. அவைகளை அகற்றி, இராஜராஜன் நகர்னு ஒரு இடத்தைக் கொடுத் தாங்க. அந்த இடத்தில் வீடு வாசலைக் கட்டினோம். சிலபேர் கட்டிக்கொண்டு இருக்கிறார்கள். இப்ப திடீர்னு வந்து இங்கேயும் எந்த வேலையும் செய்யக் கூடாதுன்னு தடுக்கிறார்கள். பாதி கட்டியும் பாதி கட்டாமலும் கிடக்குது. ஓட்டு வீடுகள், கூரை வீடுகள் எல்லாம் ஒழுகும் நிலையில் இருக்கு. நாங்க எல்லாரும் பட்டா உள்ள பிளாட்டுகளைத்தான் வாங்கியிருக்கிறோம். எங்க சொந்த இடத்தில் எங்க உரிமைகளைத் தடுக்க இவர்கள் யார். உயிர் போனாலும் பரவாயில்லை. எங்க உரிமைகளை பறிகொடுக்க மாட்டோம்'' என்கிறார் விஜய்.

""அய்யா... உயிருக்கு ஆபத்து உண்டாக் கக்கூடிய தொழிற்சாலைகளை ஊருக்கு வெளியே ரொம்ப தொலைவில காட்டுக் குள்ள கட்டுவாங்க. கோயிலை எங்கே கட்டுவாங்க? ஊருக்கு நடுவில கட்டுவாங்க. கோயிலைக் கட்டிவிட்டு ஊரைக் காலிபண்ணுங்கனா என்ன அர்த்தம்? வருஷா வருஷம் திருவிழா நடத்தி, சொந்தஞ் சுருத்து களை வரவழைச்சுக் கொண்டாடி அன்ன தானம், விளம்பரம்னு செஞ்சதுனாலதானே இந்தக் கோயிலுக்கு பேரும் புகழும் வந்துச்சு. சுத்தி... கண்ணுக்கெட்டுன தூரம் வரைக்கும் ஒண்ணும் இருக்கக்கூடாதா? அப்புறம் அது பாழடைஞ்ச கல்லறைத் தோட்டம் மாதிரி யில்ல ஆயிடும்? இந்தக் கோயிலுக்கும் ஊருக்கும் புகழ் சேர்ப்பதே இங்கே இருக் கிற சிற்பிகளும், ஓவியர்களும், பாத்திரம் செய்கிறவர்களும், நெசவாளர்களும்தானே.... எங்க வீடு வாச கடைகளுக்கு மட்டும் என் னத்துக்கு இவ்வளவு எமர்ஜென்சி கெடுபிடி?'' -கடைக்காரர் ராமபாக்கியத்தின் குமுறல்.

""மழையில வீட்டுச் சுவர் கரையுதேன்னு செங்கல்லை வச்சுக் கட்டினோம். வந்து தடுத்துப்பிட்டாக. வர்ணம் பூசப் பிடாது. சுண்ணாம்பு அடிக்கப் பிடாது. ஒட்டடை அடிக்காதேங் கிறாங்க. இந்த அநியாயத்தை எங்க போய்ச் சொல்றது?'' -இது குடும்பத் தலைவி பத்மாவின் ஆதங்கம்.

""அதிகாரிகள் செய்யும் அதிரடிக் கட்டுப் பாடுகளால் தாரா சுரம் ஊரே அழியப் போகுது. தமிழர் களை எல்லாம் விரட்டிவிட்டு கோ யிலை வெளிநாட் டுக்காரன்ட்ட கொ டுக்கப் போகிறார் களா?'' -இது மகேஷ் தமிழ்வா ணன் கேள்வி.

அரசின் தடை உத்தரவுகளை நிறை வேற்றிக்கொண்டி ருக்கும் தாராசுரம் பேரூராட்சியின் இ.ஓ.வான மோகன் தாஸிடம் இதைப் பற்றிக் கேட்டோம். ""எங்களுக்கு மேலிடத்து உத்தரவுங்க. உத்தரவை மீறினா ஒரு லட்சம் அபராதம். 2 வருஷம் சிறைனு அறிவிச்சிட் டாங்க. அதனாலதான் பாதுகாப்பு வேலையில கவனமா இருக்க வேண்டியிருக்கிறது'' என்றார் அவர்.

""தொன்மை மிகுந்த பண்பாட்டு கலைச் சின்னங்களை பாதுகாத்து எழில் குன்றாமல் வருங்காலத்திடம் ஒப்படைக்க வேண்டியது நமது கடமைதான். கோயிலையொட்டி பல நூறடி ஆழ ஆழ்குழாய் கிணறுகள் தோண்டியதாலும், புதிய பிரமாண்ட கட்டடங்களுக்கு பல அடி ஆழ அஸ்திவாரப் பள்ளம் தோண்டியதாலும்தான் காளஹஸ்தி ராஜகோபுரம் நொறுங்கியது. திருவரங்கம் ராஜகோபுரம் வெடித்துக் கொண்டு நிற்கிறது. 

இப்படிப்பட்ட ஆபத்தான காரியங்களை கோயிலையொட்டி செய்யத் தடை விதிக்கலாம். அதைவிட்டு விட்டு, முன்னூறு, நானூறடி தாண்டியுள்ள வீடுகளுக்கு மராமத்து செய்வதைக்கூட தடுத்தால் எப்படி மக்கள் வாழ முடி யும்?'' என்பதுதான் தமிழகத்தில் கோயிலைச் சுற்றியுள்ள மக்களின் கேள்வி!

முதல்வர் ஸ்விட்ச் போர்டு மாற்றினால் இரண்டு ஆண்டு சிறை!

""என்னோட நண்பன் ரொம்ப சாதுவான டைப் சார். அவன் வீடு மகாபலிபுரம் ஐந்து ரதம் கோயிலுக்குப் பக்கத்துல இருக்கிற பழைய வீடு. கூட்டுக் குடும்பம். ஜனநடமாட்டம் வீட்டுக்குள்ள அதிகம். மழை பெஞ்சா ஒருபக்கம் சோவென தண்ணி ஒழுகும். அவனுக்குக் கல்யாணம் ஆச்சு. புதுசா வந்த பொண்டாட்டி, நமக்குன்னு தனியா ஒரு பாத்ரூம் கட்டுங்கன்னு சொன்னா. பொண்டாட்டிக்காக ஒத்தக்கல் சுவரு போட்டு ஆஸ்பெஸ்டாஸ் கூரையைப் போட்டு ஒரு பாத்ரூம் கட்டினான் பாருங்க... அடுத்தநாளே கவர்மெண்டு அதிகாரிங்க வந்து பாத்ரூமை இடிச்சுட்டாங்க. ஈ.பி.க்காரன் வந்து கரண்டை கட் பண்ணிட்டான். உங்க வீட்டை ஏன் நாங்க இடிக்கக்கூடாதுன்னு இரண்டு பக்கத்துக்கு பெரிய நோட்டீஸை இங்கிலீஷ்ல கொடுத்துட்டாங்க. எல்லாம் மருமவளாலதான் வந்துச்சுன்னு குடும்பமே சொல்ல... அந்தப் பொண்ணு கிருஷ்ணாயில தலையில ஊத்தி தற்கொலை பண்ணப் போயிட்டா'' -என ஒரு சோகக் கதையை விளக்குகிறார் செங்கல்பட்டு வழக்கறிஞர் லோகு.

லோகுவின் நண்பர் குடும்பத்திற்கு மட்டுமல்ல... தமிழகத்தின் 4 லட்சம் கிலோமீட்டர் பரப்பளவில் தலைநகர் சென்னை தொடங்கி மகாபலிபுரம், திருப்போரூர், மதுரை, திருநெல்வேலி என தமிழகத் தின் கால் பாதம் அமைந்துள்ள கன்னியாகுமரி வரை வசிக்கும் அனைவருக்கும் இதுதான் கதி.

தமிழகத்தின் ஒட்டுமொத்த பரப்பளவில் இரண்டு சதவிகிதம் நிலத்தை மத்திய அரசு தனது ஆளுமைக்கு கொண்டுவந் துள்ளது. இந்தப் பகுதிகளில் உள்ள மக்கள் பாத்ரூம் கட்டுவதில் தொடங்கி உடைந்து கிடக்கும் கால்வாயை சுத்தம் செய்வது வரை அனைத்து வேலை களுக்கும் டெல்லியில் உள்ள மத்திய அரசின் தொல்பொருள் துறையிடம் தான் அனுமதி வாங்க வேண்டும் என எப்பொழுதும் சத்தத்துடனும் உறுப் பினர்களின் எதிர்ப்பு கோஷங்களுக் கிடையேயும் நடைபெறும் இந்திய பாராளுமன்றத்தில் சத்தமில்லாமல் கடந்த மார்ச் மாதம் 30-ந் தேதி ஒரு சட்ட திருத்தத்தை மத்திய அரசு கொண்டுவந்து நிறைவேற்றியது.

அதன்படி புராதன நினைவுச் சின்னங்கள் அமைந்துள்ள இடத்தில் 100 மீட்டர் தொலைவு தடை செய்யப்பட்ட பகுதி. அதற்குப் பக்கத்தில் உள்ள 200 மீட்டர் பகுதி வரையறுக்கப்பட்ட பகுதி என மொத்தம் தமிழகத்தில் 350 இடங் களை தனது நேரடி கட்டுப்பாட்டில் கொண்டு வந்து விட்டது.

இந்தப் பகுதிகளில் மத்திய தொல்பொருள் துறையின் அனுமதியின்றி எந்த வளர்ச்சிப் பணிகளும் நடைபெறக்கூடாது. தொல்பொருள் துறையின் ஆளுமைக்குட்பட்ட செயின்ட் ஜார்ஜ் கோட்டையில் முதலமைச்சர் அலுவலகத்தில் புதிதாக ஒரு ஸ்விட்ச் போர்டு மாற்றினால் கூட இந்த சட்டத்தின்படி தவறு.

அதையும் மீறி தொல்பொருள் துறையின் அனுமதியின்றி முதல்வர் செய்வாரேயானால் அவருக்கு இரண்டு ஆண்டு சிறை, ஒருலட்ச ரூபாய் அபராதம். இந்தத் தண்டனையை எதிர்த்து சாதாரண கோர்ட்டில் மட்டு மல்ல சுப்ரீம் கோர்ட்டில் கூட வழக்குத் தொடர முடியாது.

""இலங்கை போன்ற சர்வாதிகார நாடுகளில் கூட அமல்படுத்த அஞ்சும் இந்த சட்டத்தை உடனடியாக அமல் படுத்துங்கள்'' என்கிறார் சத்யபாமா பத்ரிநாத் என்கிற வெறும் கண்காணிப்பாளர் அந்தஸ்து பெற்ற ஒரு அதிகாரி. 

"ஊரான் ஊரான் தோட்டத்துல ஒருத்தன் போட்டானாம் வெள்ளரிக்காய். காசுக்கு ரெண்டு விக்கச் சொல்லி காயிதம் போட்டானாம் வெள்ளைக்காரன்' என்பது மாதிரி தமிழக அரசின் அனைத்துத் துறைக்கும் 350 இடங்களில் உள்ள உள்ளாட்சி அமைப்புகளுக்கும் கடிதம் எழுதியுள்ளார். தொல்பொருள் துறையின் உத்தரவை மீறினால் அதிகாரிகளுக்கும் கடும் தண்டனை என வரும் கடிதத்தில் உரிய கட்டளைகளை வெள்ளைக்காரன் உத்தரவை அப்படியே அமல்படுத்திய ஜமீன்தாரர்கள் போல் மாநில அதிகாரிகளும் படிப்படியாக அமல்படுத்த ஆரம்பித்துவிட்டார்கள்.

அது எப்படி நடக்கிறது என்பதை சிறுதாவூர் கிராமத்தைச் சேர்ந்த முரளி சொல்கிறார். ""சிறுதாவூர் கிராமத்துல ஒரு மலையில் பழங்காலத்துல இறந்தவர்களை புதைச்ச முதுமக்கள் தாழி இருக்கு. அதுக்குப் பக்கத்துல அம்பேத்கர் நகர்னு குடிசைப் பகுதியில் மக்கள் ரொம்ப காலமா வசித்து வந்தாங்க. அந்தப் பகுதிக்கு பட்டா கொடுங்கன்னு போனமாசம் திருப்போரூருக்கு எம்.எல்.ஏ. மூர்த்தி தலைமையில் போய் ஆர்ப்பாட்டம் செஞ்சாங்க. அடுத்தநாளே மத்திய அரசு அதிகாரிங்க புல்டோசர் வச்சு குடிசைகளையெல்லாம் இடிச்சுத் தரைமட்டமாக்கிட்டாங்க'' என்கிறார். 

திருப்போரூர் நகராட்சிக் கவுன்சிலர் சசிகலா, ""திருப்போரூர் முருகன் கோயில் சன்னிதானத்துல முருகனை கழுவுற தண்ணி போகிறதுக்கு ஒரு குழாய் போட நகராட்சி முடிவு செஞ்சு வேலையை ஆரம்பிச்சது. அதற்கு தொல்பொருள்துறை தடை விதித்துவிட்டது. கடந்த ஒரு மாசமா முருகனுக்கு அபிஷேகம் ஒழுங்கா நடக்கலை'' என்கிறார்.

மகாபலிபுரம் சிற்பிகள் பாஸ்கரன், ஆனந்தன்... ""நாங்கள் ஐந்து ரதத்திற்கு எதிரே சிற்பக்கூடம் அமைத்து வருகிறோம். ஏற்கனவே அரசு எங்களுக்கு பூஞ்சேரி கிராமத்தில ஒரு சிற்பக் கலைக்கூடம் அமைக்க ஏற்பாடு செய்தது. அது நிறைவேறவில்லை. இப்பொழுது தொல்பொருள் துறை எங்களுக்கு நோட்டீஸ் அனுப்பி எங்களது கட்டட வேலைகளை நிறுத்திவிட்டது'' என்கிறார்கள்.

இதுபோன்ற குரல்கள் தமிழ்நாடு முழுவதும் கேட்க ஆரம்பித்துள்ளது. ""இந்தியா முழுவதும் தொல்பொருள் சின்னங் களை பாதுகாக்க கொண்டு வரப்பட்ட இந்தத் திட்டம், தமிழ்நாட் டுக்கு பொருந்தாது. வடநாட்டில் பல இடங்களில் கல்லறைகள்தான் இருக்கிறது. தமிழ்நாட்டில் கோயில்கள்தான் உள்ளது. கோயில் இல்லாத ஊரில் குடியிருக்க வேண்டாம் என்ற கொள்கை யோடு வாழ்ந்த குடிகளை, கோயி லின் பழைமையைக் காட்டி கொடுமைப் படுத்துவது எந்தவிதத்தில் நியாயம்'' என்கிறார் ம.தி.மு.க. துணை பொதுச்செயலாளரான மல்லை சத்யா.

மாவட்ட அமைச்சரான தா.மோ.அன்பரசன், ""காஞ்சி மாவட்டத்தில பல்வேறு இடங் களில் இந்த பிரச்சினை என் கவனத்திற்கு வந்தது. இதையெல் லாம் மத்திய தொல்பொருள் துறையிடம் பேசி மக்களுக்கு மின்சாரம், குடிநீர் போன்றவற்றை ஏற்பாடு செய்து தர கலெக்டருக்கு உத்தரவிட்டுள்ளேன்'' என்கிறார்.

ஏற்கனவே மத்திய அரசு கொண்டுவந்த மீன்பிடி சட்டம் போன்ற மக்கள் விரோத சட்டத்தை எதிர்ப்பின் காரணமாக மத்திய அரசு அமல்படுத்துவதை நிறுத்தி வைத்தது. அதேபோல் தமிழக முதல்வர் இதில் தலையிட்டு இந்த கொடுமைகளுக்கு முடிவு கட்ட வேண்டும்.

சிறுமிகளுக்கு தயாரான தாலி!

""அய்யா... விடிஞ்சா திருவாரூர் பஸ் ஸ்டாண்டுல கடை வெச்சிருக்குற எஸ்.ஆர்.ஆர்.ரமேஷின் 20 வயது மகன் கிலைடனுக்கும்... வேளாங்கண்ணி அருள்குமாரின் 14 வயது மகள் பூங்கொடிக்கும் கல்யாணம்(?) பண்ணி வெக்கப் போறாங்க. இந்த குழந்தை திருமணத்தை நீங்கதான் தடுத்து நிறுத்தணும்'' -கெஞ்சியபடி கட் ஆனது ஃபோன்.

""சார்... சிங்கப்பூர்லேர்ந்து வர்ற 24 வயசுப் பையன் சீர்காழி அருகே உள்ள அரசக்குப்பம் சீத் தாராமனின் மகன் முருகனுக்கு... 14 வயசு பச்சப்புள்ள அம்சவள்ளி யை வைத்தீஸ்வரன் கோயில்ல வெச்சு கல்யாணம் பண்ணப் போறாங்க... பாவம் அந்தப் புள்ள உசிரையே மாச்சிக்கும் போல'' -கதறியபடி கட் ஆனது ஃபோன்.

ஒரே நேரத்தில் இரண்டு சிறுமிகளுக்கு திருமணம் நடக்கப்போகுது என்ற தகவல் தொலைபேசியின் மூலம் வந்தது நாகை கலெக் டர் முனியநாதனுக்குத்தான். அடுத்த நிமிடமே மாவட்ட எஸ்.பி.க்கு ஃபோன் பறக்கிறது. அடுத்த ஃபோன் திருவாரூர் கலெக்டர் சந்திரசேகருக்கு. இரண்டு மாவட்ட காவல்துறையினரும்... சமூகநலத்துறையினரும் ஆக்ஷனில் இறங்கினார்கள்.

திருவாரூர்... மணமகனின்(?) அப்பா ரமேஷ் பலருக்கும் தெரிந்தவர் என்பதால் கல்யாணத்துக்கு இரண்டு நாட்களுக்கு முன்பே வைத்த போஸ்டர், டிஜிட்டல் பேனர்கள், வீதிகளில் அலங்கார விளக்குகள் பளபளத்துக் கொண்டிருக்க... இருமண வீட்டார்களிடம் இருள் சூழ்ந்தது. காரணம்... மணமகள் ஊர் வலத்திலேயே குழந்தை திருமணத்துக்கு காரணமான பெற்றோர் கள் உட்பட ஏழுபேரையும் கைது செய்து வழக்குப் பதிவும் செய்தனர் காவல்துறையினர். மணப்பெண்(?)ணின் தாய் ஈஸ்வரியோ, ""என் கணவருக்கு கால் முடியாதுங்க. வறுமை... அதான் வசதியான குடும்பம்னு ஏற்பாடு பண்ணினேன் ப்ச்'' என்கிறார் கல்யாணம்(?) நின்று போன கவலையில்.

அடுத்து நாகை... ""இந்த கல்யாணத்துல எனக்கு விருப்பமில்ல தாத்தா... நான் படிக்கணும் நீங்கதான் எனக்கு உதவி பண்ணணும்னு அழுதா என் பேத்தி அம்சவள்ளி. அதான் கலெக்டரய்யா வுக்கு தகவல் கொடுத்தேன். அடுத்த நிமிஷமே தடுத்து நிறுத்தி... என் பேத்தியோட வாழ்க்கையை சுபமாக்கிட்டாரு கலெக்டரு'' -ஆனந்த கண்ணீர் வடிக்கிறார் தாத்தா கோவிந்தசாமி.

""சொத்து பத்து கைவிட்டுப் போய்டக்கூடாதுங்குறதால தான் சொந்தத்துல சீக்கிரம் கல்யாணம் பண்ணி வைக்கிறாங்க. பொண்ணு வீட்டிலேயும் வறுமை வாட்டுறதால சீக்கிரமா கல்யாணம் பண்ணிக் கொடுத்து வறுமை யை போக்க நினைக்குறாங்க. ஆனா... இந்த மாதிரி திருமணங்கள் அவர்கள் எண்ணத்திற்கு நிரந்தர தீர்வாகாது... மாறாக பிள்ளைகளின் வாழ்க்கைத் தான் சீரழியும்ங்குறதை பெற்றோர்கள் உணரணும்'' என்கிறார் பேராசிரியை தமிழினி அறிவுரையாக

‘‘பரதம் உள்ளே... கரகம் வெளியே..! ’’
பெரிய கோயில் ‘ஆயிர’விழாவில் கலைத் தீண்டாமை!

தஞ்சை பெரிய கோயிலில் அதைக் கட்டிய ராஜராஜ சோழனுக்கு கிடைத்திருக்கும் மரியாதைக்கு சற்றும் குறைவில்லாத ‘ராஜ மரியாதை’ நாட்டுப்புறக் கலைகளுக்கும் கிடைத்திருக்கிறது. 

ஆமாம். உலகப் புகழ்பெற்ற தஞ்சை பெரியகோயிலைக் கட்டிய ராஜராஜ சோழனுக்கு இன்றுவரை இந்தக் கோயிலுக்குள் இடம் இல்லை. அதேபோல, பெரிய கோயில் கட்டப்பட்டதன் ஆயிரமாவது ஆண்டு நிறைவுக்காக செப்டம்பர் 25, 26 ஆகிய தேதிகளில் நடக்கும் அரசு விழாவில்... கோயிலுக்குள் பரதநாட்டியக் கலைஞர்கள் ஆட, நாட்டுப்புறக் கலைகஞர்களுக்கு கோயிலுக்கு வெளியே தெருவோரத்தில் இடம் ‘ஒதுக்கப்பட்டிருக்கிறது’.

‘‘கரகம், காவடியாட்டம், தப்பாட்டம், பொய்க்கால் குதிரை, கும்மி, கோலாட்டம், சிலம்பாட்டம், நையாண்டி மேளம், உறுமிமேளம், தெருக்கூத்து ஆகியவை தெருவோர நிகழ்ச்சிகளாக நடத்தப்படும்... பெரியகோயில் வளாகத்தினுள் பரதநாட்டிய கலைஞர்கள¢ சங்கம் சார்பில் நடன கலைஞர்கள் நடத்தும் பரதநாட்டியம், நாதஸ்வர இசைநிகழச்சி, 1000 ஓதுவார்களின் திருமுறை இசை நிகழ்ச்சியும் நடைபெறும்’’ என்ற அறிவிப்புதான் சதயவிழாவை சர்ச்சை விழாவாக ஆக்கியிருக்கிறது.

இதுபற்றி நம்மிடம் பேசிய தமிழ்நாடு முற்போக்கு எழுத்தாளர் கலைஞர்கள் சங்க மாநில செயற்குழு உறுப்பினர் ஜீவக்குமார்,

‘‘பெரிய கோயில் என்பது தனிப்பட்ட மன்னர் ஒருவரால் மட்டும் கட்டப்பட்டது அல்ல, ஆயிரக்கணக்கான மக்களின் மகத்தான உழைப்பின் சின்னமாகும். ஆனால், அந்த மக்களின் கலைகள் எல்லாம் தெருவோர நிகழ்ச்சியாக அறிவிக்கப்பட்டுள்ளதும், மேட்டுக்-குடி கலைகள் கோயிலுக்குள் அரங்கேறும் என சொல்லப்பட்டிருப்பதும் தஞ்சை மண்ணின் கலைஞர்களின் மனதை காயப்படுத்துகிறது. கலையின் பெருமையை எடுத்துக்காட்டும் பெரியகோயில் உள்ளுக்குள்ளே நாட்டுப்புற கலைஞர்களை நிகழ்ச்சி நடத்த அனுமதிக்க வேண்டும்’’ என்றார். 

இந்தப் பிரச்னையில் தகித்துக்கொண்டிருக்கும் தமிழ் தேசப் பொதுவுடைமை கட்சியின் மாநில செயலாளர் பெ.மணியரசனை சந்தித்தோம். 

‘‘பேரரசன் ராஜராஜசோழன் சாதிவேறுபாடு பார்க்காமல் குடியரசு போல் ராஜ்ஜியத்தை நிர்வகித்து வந்துள்ளார் என்பதற்கு வரலாற்று கல்வெட்டுகள் சான்றுகளாக உள்ளன.

தஞ்சை பெரிய கோயில் கட்டும் பணியில் ஈடுபட்டிருந்த-வர்களுக்கு முடிதிருத்தும் தொழிலாளர்--களை அமைத்தார். அவர்களில் தலைமையாக உள்ள ஒருவருக்கு Ôராஜராஜப் பெரும்நாவிதர்Õ என்ற பட்டத்தையும் கொடுத்தார். தனக்கே உரிய சிறப்பு பட்டத்தை தொழிலாளர்களுக்கு வழங்கி சிறப்பித்தவர் ராஜராஜன். அதே-போன்று கோயிலை எழுப்பிய தலைமை பொறியாளர் குஞ்சறமல்லன் என்ப-வருக்கும் Ôராஜராஜப் பெருந்தச்சன்Õ என்ற பட்டத்தை கொடுத்து சிறப்பு செய்தார். இது தொழில் ரீதியாக வந்த சாதிய ஒதுக்கீடாக இல்லை.

மேலும், மன்னன் ஒருவருக்கு மக்கள் தலைவர் என்னும் Ôஜனநாதன்Õ என்ற பட்டம் வழங்கியதும் ராஜராஜனுக்-குத்தான். எனவே, அத்தகைய பெரிய கோயிலின் ஆயிரமாவது ஆண்டு விழா கொண்டாடும் இந்த நேரத்தில் சாதி வேறுபாடு பார்ப்பது ராஜராஜனுக்கும், தமிழ¢ சமூகத்துக்கும் ஏற்படுத்தும் அநீதியாகும். பரதநாட்டிய கலைநிகழ்ச்சிகள் பெரிய கோயில் வளாகத்தினுள் நடத்தப்படும் என்றும், கிராமப்புற கலைநிகழ்ச்சிகள் தெருவோர நிகழ்ச்சிகளாக நடைபெறம் என்றும் அறிவிக்கப்பட்டுள்ளது கலைத் தீண்டாமையாகத்தான் கருத வேண்டியிருக்கிறது. 

இதே பெரிய கோயிலில் சில ஆண்டுகளுக்கு முன்பு தப்பாட்டம் நடத்த வந்த கலைஞர்களை இந்து சமய அறநிலையத்துறையினர் உள்ளே அனுமதிக்கவில்லை. தமிழக முதல்வர் முன்னின்று நடத்தும் விழாவில், இதுபோன்ற அடித்தட்டு மக்களின் கலைநிகழ்ச்சிகள் தெருவோரத்தில் நடத்தினால் அது தமிழ் சமூகத்துக்கும், தமிழர் அறத்திற்கும் எதிரானது ஆகும். கலைசார்ந்த தீண்டாமைக்கு முதல்வர் முடிவுகட்ட வேண்டும்’’ என்றார். 

இதுகுறித்து தமிழ்நாடு கிராமிய கலைஞர்கள் கூட¢டமைப்பு சங்கத்தின் மாநில இணை செயலாளர் ராஜேந்திரன் கூறுகையில், ‘‘எங்களுக்கு ஒருமுறையாவது கோயிலுக்குள் நாட்டுப்புற கலைநிகழ்ச்சிகள் நடத்துவதற்கு அனுமதி வழங்க வேண்டும் என்று கேட்டோம். அதற்கு அதிகாரிகள், ‘செம்மொழி மாநாடு போல் வெளியில் மேடை போட்டுத் தருகிறோம்’ என்கிறார்கள். நாட்டியாஞ்சலி போன்ற நிகழ்ச்சிகள் நடத்துவதற்கு அரசு உதவி செய்கிறது. ஆனால், நாட்டுப்புற கலை-களான கும்மியாட்டம், கோலாட்டம், கரகம் போன்ற அனைத்து கலைகளும் அழிந்து வருகின்றன. முற்போக்கு அடவுகள் உள்ள கரக கலைஞர்கள் தமிழகத்திலேயே 3, 4 பேர்கள்தான¢ இருப்பார்கள். இப்படிப்பட்ட கலைகள் அழிந்து வருவதை தடுப்பதற்கு அரசுதான் இதுபோன்ற அரசு நிகழ்ச்சிகளில் பங்குபெறச் செய்ய வேண¢டும். கோயிலுக்குள் நிகழ்ச்சிகள் அனுமதி வழங்காவிட்டால் நான் மட்டுமல்ல எந்த நாட்டுப்புறக் கலை-ஞர்களும் பங்குபெற மாட்டோம்’’ என்றார்.

இதுதொடர்பாக மாவட்ட ஆட்சியர் சண்முகத்திடம் பேசினோம். ‘‘கோயிலுக்குள் நாட்டுப்புற கலைந¤கழ்ச்சிகள் நடத்துவதற்கான ஆலோசனை நடைபெற்று வருகிறது. நிச்சயம் அதற்கான ஏற்பாடுகள் செய்யப்படும்’’ என¢று பொறுப்போடு பதிலளித்தார்.

நாட்டுப்புறக் கலைஞர்களின் கோபத்தையும், ஆதங்கத்தையும் கவனிப்பாரா தமிழ்நாட்டை ஆளும் கலைஞர்?