New Indian-Chennai News + more

Guru · Guru

மாயாவி ஜட்சன் ஆபிரகாம்

Guru · Guru

பெரிய ஊழியர்கள் சொல்லுவதை விடுங்கள்

ஈரோடு அருகில் உள்ள எல்லிஸ்பேட்டை என்ற ஊரில் கடந்த மே மாதம் விடுமுறை வேதாகப்பள்ளி நடந்த போது என்னுடைய ஊழியம் செய்யும் நண்பர் ஒருவர் ஜெபித்த போது 4 ஆம் வகுப்பு மற்றும் 5 ஆம் வகுப்பு சிறார்களும் இப்படியே சொன்னார்கள் இவர்கள் வெறுமனே சொல்லாமல், சம்பவத்தை வருனித்துச் சொன்னார்கள். மாத்திரமல்ல நரகத்தின் காட்சிகளையும் மிகவும் அழுகையும் திகிலோடும் சொன்னார்கள்.

கடந்த ஜனவரி 5ம் தேதி நண்பர்கள் சிலர் ஒன்றாகக் கூடி இந்த வருடத்தின் ஆசீர்வாதங்களுக்காக ஜெபிக்கக் கூடினோம். அப்போது ஜெபிக்க ஆரம்பித்தவுடன் என்முன்னால் ஒரு உருவம், (ஒரு சின்னம் போன்ற) வந்து நின்றது நான் தான் உன் இயேசு என்று சொன்னது, நானும் அது இயேசு தான் என்று நம்பிவிட்டேன். பழுப்பேறிய சுண்ணாம்பின் வெள்ளை நிறத்தோடு இருந்தது. உன் ஆவி, ஆத்துமா, சரீரம், இவற்றை எடுத்து என் முன்னால் வை என்றது.

நானும் பனிக்குவழை(bowl) போன்ற ஒன்றை என்னிலிருந்து எடுத்து வைத்தேன். மேலும் என்னிலிருந்து வெள்ளை நிற‌முள்ள மனித உடல் வடிவமுள்ள ஒன்றும் என் அருகில் நின்றது. நான் முழங்காலில் நின்றிருந்தேன். இதில் ஆச்சரியம் என்னவென்றால் என்னுடைய உருவத்தை என் கண்களால் பார்க்க முடிந்தது.

இன்னும் என்ன தாமதம் நீ என்னில் வந்து சங்கமமாகு என்றது, நானும் என் ஆவி, ஆத்துமா இவை எல்லாம் அந்தச் சின்னத்தோடு போய் ஐக்கியமானதை என் கண்களால் பார்த்தேன்.

அதன் பிறகு என்னை என்னால் கட்டுப்படுத்த முடியவில்லை, என்னுடைய முழு சரீரமும், முடிவில்லாமல் கீழ் நோக்கிச் செல்வதைப் போல உணர்ந்தேன். நண்பர்களிடம் காப்பாற்றச் சொல்லிக் கதறினேன். சுய நினைவு வந்து வந்து போனது.

ஒரு மனி நேரம் ஜெபித்து விட்டு கடந்து செல்வதே எங்கள் நோக்கம், ஆனால் அன்று மாலை ஆரம்பித்த ஜெபம் என்னுடைய விடுதலைக்காக அதிகாலை 2 மனிவரை நடந்தது.

எனக்கு அன்று நான் பார்த்ததெல்லாம் முடிவில்லாத குழியில் பயனிப்பது போன்ற உணர்வும், வெள்ளை நிறப் பின்னனியில் வௌவால்களின் வடிவத்தில் பறந்த சில பொருட்கள், தண்ணீரில் இரத்தத்தால் வரையப்பட்ட ஒரு திரிசூலம், இருள், இவைகள் தான்.

மேலும். இவை தோண்றியது சில நிமிடங்கள் தான், ஆனால் அந்த அறையில் சில மணி நேரங்கள் கடந்து போயிருந்தது. மாத்திரமல்ல இயேசுவின் இரத்தம் என்று நண்பர்கள் கொண்டுவந்த தண்ணீரையும் ஒலிவ எண்ணெய்களையும், என்னருகில் கொண்டு வந்த போது நான் அவர்களின் கால்களைக் கடிக்க முயன்றேனாம், எனக்கு நினைவில்லை,

இருதியாக என்னை மற்றவர்கள் பிடித்துக்கொள்ள. மற்றொரு நண்பர் என் தலை மற்றும் நாக்கில் ஒலிவ எண்னெயைத் தடவினார். அப்போது குருதி வழியும் ஒரு கரம் இரத்தம் சொட்டச் சொட்ட என் மீது வந்து இறங்கியதைப் பார்த்தேன். தூக்கி வீசப்பட்டேன். அதன் பிறகுதான் எனக்கு சுய நினைவு வந்தது.

அதன் பிறகு பல நாட்கள் என்னால் ஜெபிக்கவே முடியவில்லை, எங்கே ஜெபிக்க முயன்றால் என் முன்னால் அந்த பிசாசு வந்துவிடுமோ என்ற பயம். பிறகு ஒரு நாள் ஆண்டவர் சங்கீதம் 19 மூலம் என்னோடு பேசி ஆலோசனை சொன்னார்

மாத்திரமல்ல, கடந்த செப்டம்பர்(2009) மாதம் பிசாசு பிடித்த ஒருவர் மூலம் சாத்தான் லூசிபரைக் குறித்தும், நரகத்தைக் குறித்தும் சொல்லுவதை கேட்கவும், அதன் மூலம் என்னுடைய விசுவாசத்தை வளர்த்துக் கொள்ளவும் தேவன் எனக்கு உதவி செய்தார். அந்தச் சமயத்திலும் அந்த நபர் சுய நினைவின்றியே இருந்தார்.

இன்னும் எத்தனை எத்தனையோ சம்பவங்கள், அமானுஸ்யமாக நடந்ததை கடந்த ஒருவருடத்தில் மட்டும் என்னால் பட்டியலிடமுடியும்....

இவைகள் என் புலன்களால் உணர்ந்து அனுபவித்தவைகள். மாத்திரமல்ல "இயேசு" என்ற பெயரை நாம் மிகச் சாதாரணமாகப் பயன்படுத்துகிறோம். ஆனால் அந்தப் பெயரின் வலிமையை சாத்தானிடம் மட்டுமே நாம் அறிய முடியும்.

ஒரு பிசாசு பிடித்த மனிதனின் காதுகள் கேட்க இயேசு என்ற பெயரை உச்சரிக்க தேவன் எனக்கு ஒருமுறை உதவி செய்தார். அற்பனான என் வாயில் பிறந்த அந்த சொல்லின் வலிமையால் அந்த பிசாசு நெருப்பில் போடப்பட்ட புழுவைப்போல துடித்ததை என் கண்ணெதிரில் பார்த்த அனுபவம் எனக்கு உண்டு.

என் ஆயுள் சக்கரத்தை பாம்பின் ஆவியிடம் ஒப்படைக்க நான் யாகம் செய்தது மற்றும் அதை நான் மறந்து போனதும், பிறகு இரட்சிப்பின் அனுபவத்துக்கு நேராக நான் வந்த பின்பு அது என்னுள் இருந்து ஜெபவேளையில் ஆட்டுவித்த அனுபவமும் நண்பர்களிடம் ஏற்கெனவே பகிர்ந்து கொண்டது தான்.

இவைகளை நான் இங்கு சொல்லக்காரணம். எனக்கு இப்படிப்பட்ட சம்பவங்கள் நடப்பதற்கு முன்னால நானும் இப்படித்தான் ஊழியர்கள் சொல்லும் போது பரிகசித்து வந்தேன். ஆனால் ஆண்டவர் இப்படிப்பட்ட அனுபவத்தில் என்னையும் நடத்தி இப்போது என்ன சொல்லுகிறாய் என்று கேட்பதுபோன்ற உணர்வை எனக்குக் கொடுத்த போது அந்த உண்மையை எப்படி விவரிப்பேன்.

(நான் இங்கு என் மோட்ச அனுபவங்களை விவரிக்கவில்லை) rajkumar_s

Guru · Guru

யோவானுக்கும் எசேக்கியேலுக்கும் தேவன் ஏன் தரிசனங்களை காட்டவேண்டும் என்று கேட்பதுபோல் இருக்கிறது உங்கள் கேள்வி. அது இன்று அநேகமார்யிரம்பேர்களுக்கு பயன்படும் ஒரு செய்தியாக இருக்கிறதே!

"நரகம் இப்படி" "பாதாளம் இப்படி" என்று எத்தனை முறை ஒருவருக்கு எடுத்து சொன்னாலும் அதை புரிவது கடினம். அப்படி புரிந்தாலும் அதன் உண்மை நிலையை அறிய முடியாது. ஆனால ஆண்டவர் வழிநடத்தும் ஒரே ஒரு அனுபவநிகழ்ச்சி நமது ஊன் உடல் ஆவி அனைத்தையும் உருவ குத்தி எல்லாவற்றையும் அசைத்துவிடும் என்பதை அறியுங்கள்.

இரட்சிப்பை நிராகரிக்கும் மக்களின் முடிவு என்னவென்பதை ஒவ்வொருவரும் அனுபவபூர்வமாக அறிந்து கொண்டால் அவர்களுக்காக பெருமூச்சு விட்டு அழாமல் அவர்களுக்காக மன்றாடி பிராத்திக்காமல் இருக்கவே முடியாது! அத்தோடு இவ்வித அனுபவங்களின் மூலம் இயேசு அனுபவித்த பாடுகளின் காரணம் அவர் சிந்திய இரத்தத்தின் மேன்மை போன்றவற்றையும் சரியாக புரிந்துகொள்ள முடியும்

சகோதரர் ராஜ்குமார் அவர்கள் சொல்லும் அதேஅனுபவம் எனக்கும் உண்டு முடிவில்லாத அந்த பெருங்குழியாகிய
பாதாளத்தின் இரண்டாம் அடுக்குவரை சென்ற நான் "என்னை காப்பாற்றுங்கள் என்று கூச்சலிட்டு கதறினேன்" எனது கண் முன்னாள் நின்ற யாராலும் என்னை காப்பாற்றவோ அல்லது எதையும் தடுக்கவோ முடியவில்லை இறுதியில் மயக்கம்போட்டு விழுந்தேன். அந்நிகழ்வுகளை இன்று நினைத்தாலும் மனமெல்லாம் பதறுகிறது.

மேலும் "யாரின் மூலம்" அல்லது "எதன் மூலம்" இந்த அனுபவம் நமக்கு கிடைக்கிறது என்பது கேள்வியல்ல
அவர் கழுதை மூலம்கூட பேசி நமக்கு உண்மையை உணர்த்த முடியும் என்பதை அறியவேண்டும்.

எல்லாமே தேவனின் சித்தமே! SundarP