‘‘டி.ஆர்.பாலு காட்டும் நன்றி இதுதானா?’’
ஆத்திரத்தில் வடசேரி மக்கள்

முன்னாள் மத்திய அமைச்சர், இந்நாள் நாடாளுமன்ற தி.மு.க. குழு தலைவர், தி.மு.க.வின் இரண்டாம் கட்ட தலைவர்... இத்தனை அடைமொழிகளுக்கும் சொந்தக்காரரான டி.ஆர். பாலுவா தன் கிராம நலனுக்கு எதிராக போலீஸை ஏவி தடியடி நடத்தினார்?

சுட்டெரிக்கும் கோடை வெயிலை விடவும் தஞ்சை மாவட்டம் வடசேரி கிராம மக்கள் கொதித்து போய் கிடக்கிறார்கள். இருவர் வெட்டப்பட்டும், ஐம்பதுக்கும் மேற்பட்டோர் மீது வழக்குப் பதிவு செய்தும் போலீஸ் கெடுபிடியில் கிராமத்தினர் பலர் தலைமறைவாய் இருக்க, முகம்காட்ட விரும்பாத ஊர் பெரியவர்கள் சிலர் பிரச்னையின் ஆரம்பம் முதல் விரிவாக பேச ஆரம்பித்தனர். 

‘‘டி.ஆர்.பாலு பக்கத்து கிராமமான தளிக் கோட்டையைச் சேர்ந்தவர் என்றாலும் வடசேரிக்கும் அவருக்கும் தூரமில்லை. 1989ல் தி.மு.க. ஆட்சியின்போது, ‘வடசேரியில் ஒரு கெமிக்கல் கம்பெனி ஆரம்பிக்கிறேன். அதுல வீட்டுக்கு ஒருத்தருக்கு வேலை தர்றேன். பஞ்சாயத்துக்கும் வருமானம் வரும்’ என அப்போதிருந்த கிராம நாட்டார்கள் வீரப்பதேவர், ராமநாதன் ஆகியோரிடம் கூறினார் டி.ஆர்.பாலு. கிராம முன்னேற்றம் கருதி சுப்ரமணிய தேவரிடமிருந்து ஆறு ஏக்கர் நிலத்தை குறைந்த விலைக்கு வாங்கிக் கொடுத்தார்கள் நாட்டார்கள். 

அதன் பின் அந்த நிலத்தை சுற்றியுள்ள சிறு விவசாயிகள் நிலத்தையும் வாங்கி கிங் கெமிக்கல்ஸ் கம்பெனி ஆரம்பித்தார். சிலருக்கு கட்டடத் தொழிலாளர் வேலையும் நிலம் கொடுத்த ஏழெட்டு பேருக்கு எடைபோடும் மெஷினில் வேலை கொடுத்ததோடு சரி. அதன்பின் அவர்கள் ‘லேபர் யூனியன்’ ஆரம்பித்தபோது, அவர்கள் மீது கொலை முயற்சி வழக்கு போட்டு பத்து வருஷங்கள் கோர்ட்டுக்கும் வீட்டுக்கும் அலையவிட்டார். அதன்பின் கெமிக்கல் நிறுவனம் செயல்படவில்லை. மத்திய அமைச்சராக இருந்தபோது அதிக விலை கொடுத்து நிறுவனத்தை சுற்றியுள்ள சுமார் 30 ஏக்கர் நிலத்தையும் வாங்கிப் போட்டார். தற்போது கிங்ஸ் இந்தியா கெமிக்கல் நிறுவனம் என்ற புதிய பெயரில் எரி சாராய ஆலையை கொண்டு வர முயற்சி செய்கிறார்’’ என்றவர்கள் தொடர்ந்தனர்.

‘‘நாள் ஒன்றுக்கு 12.5 லட்சம் லிட்டர் நிலத்தடி நீரை எடுத்து அதில் 1.5 லட்சம் எரிசாராயம் தயாரிக்க போகிறார்களாம். இதனால்... நிலத்தடி நீர் மட்டம் மிகவும் குறையும். தொழிற்சாலையின் ரசாயன கழிவால் சுவாசிக்கும் காற்று கெடும். தோல் வியாதிகள் முதல் உடல் நோய் பலவும் பரவும். இந்த ஆலை அமைக்க வேண்டுமானால் மூன்று கி.மீ. தூரத்திற்குள் நீர் நிலைகள், மருத்துவ-மனை, பள்ளிக்கூடம், பொதுமக்கள் வசிப்பிடம் இருக்கக்கூடாது என்பது அரசு விதி. டி.ஆர்.பாலு ஆலை ஆரம்பிக்கும் இடத்தில் இவை எல்லாமே ஐநூறு மீட்டர் தூரத்திற்குள் இருக்கிறது. இதற்கு எப்படி மேல்மட்டத்தில் அனுமதி கொடுக்கிறார்கள்? 

தி.மு.க. ஊராட்சி மன்ற தலைவரான இன்ப-சேகரனிடம் பணம், பங்களா என பேரம் பேசினார்களாம். அதனால்தானோ என்னமோ, மற்ற தீர்மானங்களோடு இடைச் செருகலாக இதனை வைத்து எரிசாராய ஆலை என்று கூறாமல் ‘வடிப்பாலை அமைய அனுமதி’ என்ற தீர்மானத்தையும் நிறைவேற்றி மூன்றே நாளில் கொடுத்துவிட்டார். 

அதன்பின்புதான் விஷயம் ஊருக்குத் தெரிந்தது. ஒரத்தநாட்டில் வட்டாட்சியர் அலுவலகம் முன்பு கண்டன ஆர்ப்பாட்டம், தஞ்சையில் முன்னாள் முதலமைச்சர் ஓ.பன்னீர்செல்வம் தலைமையில் ஆர்ப்பாட்டம் என நடத்தினோம். எங்கள் வலிமையான எதிர்ப்பை அடுத்து, ஆலைக்கு அனுமதி அளித்த ஊராட்சிமன்ற தீர்மானத்தை ரத்து செய்து விட்டார்கள். போராட்டம் வலுவடைந்ததால் டி.ஆர். பாலு ஐகோர்ட்டை அணுக... மக்கள் கருத்துக் கேட்பு கூட்டம் நடத்த உத்தரவிட்டது கோர்ட். 

பொது இடத்தில் கூட்டம் நடத்தலாம் என நாங்கள் சொல்ல... ஏப்ரல் 9-ம் தேதி டி.ஆர். பாலுவின் கெமிக்கல் நிறுவனத்திலேயே நடத்தினார்கள். அப்போதுதான் பிரச்னை மேலும் வெடித்தது’’ என நிறுத்தினார்கள் அவர்கள். 

கருத்துக் கேட்புக் கூட்டத்துக்காக வெளியூரிலிருந்து லாரியில் ஆட்கள் வந்து இறக்கப்படுவதைப் பார்த்த வடசேரி மக்கள், பயந்துபோய் மாவட்ட எஸ்.பி.யிடம் அச்சம் தெரிவித்தனர். அப்படியிருந்தும், வயல்வெளிக்குச் சென்ற திருவள்ளுவன், ராஜேஷ் ஆகிய இரு வடசேரிக்காரர்களை வெளியூர் ஆட்கள் வெட்டிவிட்டார்கள். ரத்தம் வழிய அவர்களை தூக்கி வந்தபோது... டி.ஆர்.ஓ. கார் வரவே ஆவேசமான மக்கள், அவரது காரை அடித்து நொறுக்கினர். உடனே, போலீஸ் கண்மூடித்தனமாக தடியடி நடத்தியது. 

ஊராட்சி மன்ற தலைவர் இன்பசேகரனை சந்தித்தோம்.

‘‘ஒரு பக்கம் நான் கட்சிக்காரன் என்ற முறையில் நிறுவனத்திற்கு ஆதரவாக செயல்பட-வேண்டி இருந்தது. ஆயினும், என்னை தேர்ந்தெடுத்த ஊர்மக்களுக்கு ஆதரவாக தீர்மானத்தை ரத்து செய்துவிட்டேன். இதில் நான் எந்த ஆதாயமும் அடைய-வில்லை. நான் கடனில் இருக்கிறேன் என்பதுதான் சத்தியமான உண்மை. நான் கருத்துகணிப்பு கூட்டத்திற்கு போகாததால், அங்கு நடந்தது பற்றி எனக்கு தெரியாது’’ என்று முடித்துக் கொண்டார். 

கிங்ஸ் இந்தியா கெமிக்கல் நிறுவன இயக்குநர் அய்யாவுவிடம் பேசினோம்

‘‘இந்த கிராமத்தில் 400 போர்வெல் இருக்கு. எங்கள் நிறுவனத்தில் 4 போர்வெல்தான் போட்டிருக்கோம். 400 போர்-வெல்லால் குறையாத நீர்மட்டம் எங்கள் 4 போர்வெல்லால் குறைந்துவிடுமா? இதுபோல் இந்தியாவில் ஐந்து நிறுவனங்கள் உண்டு. இதனால் கிராம மக்களுக்கு எவ்வித இடையூறும் இருக்காது. எங்கள் செலவில் மற்ற நிறுவனங்கள் இயங்கும் இடங்களுக்கு அழைத்துப்போய் காட்டுகிறோம் என்று கூறியும் மக்கள் கேட்கவில்லை. எல்லாம் அரசியல் சூழ்ச்சிதான் காரணம். கருத்துக் கேட்பு கூட்டத்துக்கு சுற்றுப்புற கிராம மக்களும் வந்தார்கள். நாங்கள் ரவுடிகளை அழைத்துவரவில்லை. வடசேரி கிராமத்தினர் வெட்டப்பட்டதும், தாக்கப்பட்டதும் எனக்குத் தெரியாது’’ என்றார். 

இதற்கிடையில் டி.ஆர். பாலுவின் சொந்த ஊரான தளிக்கோட்டையில் வடசேரியைச் சேர்ந்த கலியமூர்த்தி என்பவரது போர்செட் கொளுத்தப்-பட்டிருக்கிறது. இதனால் அந்த இரு கிராமங்களை மோத வைத்து பிரச்னையை திசைதிருப்பும் முயற்சியும் நடக்கிறது.

நடந்தது பற்றி மாவட்ட எஸ்.பி. செந்தில்வேலனிடம் விசாரித்தோம். 

‘‘இரண்டு தரப்பும் மோதி கொள்ளாமல் இருக்கவும், டி.ஆர்.ஓ. கார் அடித்து நொறுக்கப்படும்போது காப்பாற்றவுமே ‘லத்தி சார்ஜ்’ செய்தோம். சம்பவம் வீடியோ எடுக்கப்பட்டுள்ளதால், அதனை போட்டு பார்த்து குற்றம் இழைத்தவர்கள் மீது மட்டுமே வழக்குப்பதிவு செய்திருக்கிறோம்’’ என்றார். 

இதற்கிடையில் விவசாயிகள் சங்கத் தலைவர் கிருஷ்ணமூர்த்தி தாக்கல் செய்த மனுவை விசாரித்த மதுரை உயர்நீதிமன்றம், ஏப்ரல் 9-ம் தேதி நடந்த கருத்துக் கேட்புக் கூட்டத்தில் எடுக்கப்பட்ட முடிவுகளை செயல்படுத்த இடைக்காலத் தடை விதித்துள்ளது. 

பீதிகுறையாத வடசேரி மக்களோ, ‘‘தன்னை வளர்த்த கிராமத்துக்கு டி.ஆர். பாலு காட்டும் நன்றி இதுதானா?’’ என்று ஆத்திரமும் அழுகையுமாகக் கேட்கிறார்கள்.

ஆண்டாள் கோபுரம்:
அரசு சின்னத்தை மாற்றக் கூடாது!
வலுக்கும் எதிர்ப்பு

தமிழக அரசின் சின்னமாக இப்போது இருக்கும் ஸ்ரீவில்லிப்புத்தூர் ஆண்டாள் கோபுரத்தை அகற்றிவிட்டு, திருவள்ளுவர் உருவத்தை அரசு சின்னமாக அறிவிக்க வேண்டும்’’ -விடுதலைச் சிறுத்தைகள் எம்.எல்.ஏ. ரவிக்குமார் கடந்த 8-ம் தேதி சட்டமன்றத்தில் வைத்த கோரிக்கை அதிர்வலைகளை ஏற்படுத்தியுள்ளது.

இதற்கு ஒட்டுமொத்த ஸ்ரீவில்லிபுத்தூர் மக்களும் கொந்தளித்து எதிர்ப்பு தெரிவித்துவருகின்றனர். ஸ்ரீவில்லிப்புத்தூர்வாசிகளில் ஒருவரான கிருஷ்ணகுமாரியிடம் இதுபற்றிக் கேட்டபோது, “ரவிக்குமார் எம்.எல்.ஏ. சட்டசபைக்கு சென்று பொதுமக்களின் பிரச்னைகளை பேசி தீர்க்க முயற்சி செய்யட்டும். அதை விட்டுவிட்டு இப்படிப்பட்ட கோரிக்கைகள் மூலம் பொதுமக்களிடையே பிரச்னைகளை உண்டாக்க முயல்கிறார். இது கடும் கண்டனத்துக்குரியது’’ என வெடித்தார்.

ரவிக்குமாரின் இந்த கோரிக்கை வைணவர்கள் மத்தியிலும் கொந்தளிப்பை ஏற்படுத்தியுள்ளது. ஸ்ரீவைஷ்ணவ கலாசார பாதுகாப்பு இயக்கத்தின் நிர்வாகியும், கும்பகோணத்தைச் சேர்ந்தவருமான நரசிம்மன் நம்மிடம், ‘‘சங்கத் தமிழ்மாலை-யாகிய தனது திருப்பாவை பாசுரங்களை முத்திரையிட்டு முழங்கிய பச்சைத் தமிழச்சி ஆண்டாள். ‘ஆழிமழைக் கண்ணா’ என்ற திருப்பாசுரம் மூலம் கடல் நீரை சூரியன் எடுத்துச் சென்று மேகங்கள் மூலம் பின்பு மழையாகப் பொழியும் என்ற அறிவியல் உண்மையைப் பாடிய அறிவியல் தமிழச்சியும் ஆண்டாளே. இப்படியாக தமிழினத்துக்கும், பெண்ணினத்துக்கும், தமிழர்களின் கட்டடக் கலைக்கும் பெருமையாக விளங்கும் ஆண்டாளின் கோபுரத்தை மத அடையாளமாகப் பார்ப்பது சிறுமைத்-தனமானது. மதத்தையும் மீறிய கலாச்சாரப் பெருமை பெற்றது ஸ்ரீவில்லிப்புத்தூர் கோபுரம். நேரு ஒரு முறை திருவனந்தபுரம் பத்மநாபா கோயிலுக்கு போனபோது சட்டையைக் கழற்றச் சொன்னார்கள். ஆனால், நேரு, ‘நான் வழிபட வரவில்லை. கோயிலின் கட்டடக் கலையை ரசிக்கவே வந்தேன்’ என்றார். அந்த வகையில் தமிழக அரசும் ஆண்டாள் கோயிலை தமிழுக்கும் தமிழர் கட்டடக் கலைக்கும் பெருமை சேர்க்கும் விதமாக சின்னமாக அறிவித்தது. செம்மொழி மாநாட்டு ஃபோபியாவால் பாதிக்கப்பட்டு ரவிக்குமார் இப்படி ஒரு கோரிக்கையை எழுப்பியிருக்கலாம்’’ என்றார்.

ஸ்ரீவில்லிபுத்தூர் எம்.எல்.ஏ. ராமசாமியிடம் இந்த பிரச்னை பற்றி கேட்டபோது, ‘‘இதை ரவிக்குமாரின் ஆலோசனையாக மட்டும் நாங்கள் பார்க்கவில்லை. முதல்வரின் ஆலோசனைப்படிதான் ரவிக்குமார் சட்டசபையில் பேசியுள்ளார். ஏப்ரல் 17-ம் தேதி ஆலோசனை கூட்டம் நடத்தி தி.மு.க. அரசையும், விடுதலை சிறுத்தைகள் கட்சியையும் கண்டித்து போராட்டம் நடத்தவுள்ளோம்’’ என்றார் ஆவேசமாக! ‘‘எகிப்து என்றால் பிரமிடு நம் நினைவுக்கு வருவதற்கு கட்டடக் கலையும், கலாசாரமும்தான் காரணமே தவிர மதம் அல்ல. அதுபோல தாஜ்மஹாலையும் காதலின் சின்னமாகவே பார்க்கிறோமே தவிர மதத்தின் அடையாளமாக அல்ல. இவைபோலதான் ஆண்டாள் கோபுரத்தை தமிழ் கலாசாரத்தின் அடையாளமாக பார்க்க வேண்டுமேயன்றி மதத்தோடு தொடர்புடையதாக கருதக்கூடாது. எனவே சில ‘அசடுகள்’ சொல்வதைக் கேட்டு, அபத்தமான முடிவை கலைஞர் எடுக்கக் கூடாது’’ என்று சொல்கிறார்கள் பகுத்தறிவாளர்கள் சிலரே.

‘‘சீக்கிரம் பைத்தியமாகி விடுவோம்’’
புலம்பும் ஆசிரியர் பயிற்சி மாணவர்கள்

தேர்வில் மாணவர்கள் பெயிலானால் டீச்சர்கள் அடிப்பார்கள், பெற்றோரிடம் முறையிடு-வார்கள். ஆனால்... ஆசிரியர் ஆவதற்காக படிக்கும் மாணவ- மாணவிகளில் 69 சதவிகிதம் பேர் கடந்த ஆண்டு நடந்த தேர்வில் பெயிலாகிவிட்டனர். ஏன்?

தனியார் ஆசிரியர் பயிற்சிப் பள்ளி மாணவி கிளாராவிடம் கேட்டோம்.

‘‘ஆசிரியர் பயிற்சிப் பள்ளிகளில் 2008-10 பேட்ச் மாணவர்களுக்கு புதிய பாடத் திட்டம் அறிமுகப்படுத்தப்பட்டது. இதுவரை, 2 வருடத்திற்கும் சேர்த்து 8 பாடங்கள்தான் இருந்தன. ஆனால், புதிய பாடத் திட்டப்படி ஒவ்வொரு ஆண்டிற்கும் 7 பாடங்கள் என மொத்தம் 14 பாடங்களாக உயர்த்தப்பட்டன. இதுமட்டுமில்லை... கைவினை தொழில், யோகா என கூடுதலான துணைப் பாடங்களும் உண்டு. தேர்ச்சி மதிப்பெண்ணும் 40லிருந்து 50 ஆக உயர்த்தப்பட்டது. ஆசிரியர் பயிற்சி மாணவர்கள் நேரடிப் பயிற்சிக்காக பள்ளிகளுக்கு செல்லும் காலம் 40 நாட்களில் இருந்து 48 நாட்களாக உயர்த்தப்பட்டது. செய்முறை பயிற்சியிலும் பல கூடுதல் வேலைகள் இணைக்கப்பட்டுள்ளன.

பாடத் திட்ட ரீதியாக இவ்வளவு சுமைகளை எங்களுக்கு அதிகப்படுத்தியவர்கள் அதற்கான புத்தகங்களை காலத்தோடு கொடுக்க-வேண்டும் அல்லவா? ஆனால்... முதலாம் ஆண்டுக்கான புத்தகங்கள் ஜனவரி மாதம்தான் வழங்கப்பட்டது. ஜுன் மாதம் தேர்வு. ஒரு வருடம் படிக்க வேண்டிய பாடத்தை 5 மாதத்தில் படித்து தேர்வு எழுதினால் எப்படி சார்?’’ என்று சொன்ன கிளாரா, கொஞ்சம் இடைவெளி விட்டுத் தொடர்ந்தார். 

‘‘ஆசிரியர் பயிற்சி முடிப்பவர்-களுக்கு 5-ம் வகுப்பு வரை உள்ள வகுப்புகளுக்கான ஆசிரியர் பணி மட்டுமே வழங்கப்படுகிறது. ஆனால் எங்களுக்கு 10-ம் வகுப்பு வரை உள்ள பாடத்திட்டத்தில் இருந்து கேள்விகள் கேட்கப்-படுகின்றன. 5-ம் வகுப்பிற்கு மேல் எங்களை பாடம் எடுக்க அனுமதிக்காத நிலையில், 10-ம் வகுப்பு வரையுள்ள பாடங்களைக் கொடுத்து கொடுமைப்படுத்துவது ஏன்?

மேலும், செய்முறைப் பயிற்சியில் கற்றல் கற்பித்தல், பொருட்கள் செய்தல் போன்ற பிரிவுகள் உண்டு. அதில் செயல் வழி கற்றல் அட்டைகளை தயாரித்தல் என்று ஒரு வேலை. இந்த அட்டைகளை பள்ளிகளுக்கு கல்வித் துறையே வழங்குகிறது. இதற்கு நாங்கள் பல மணிநேரம் வேலை செய்து, பிறகு அதை தூக்கிப் போடுவதில் யாருக்கு என்ன லாபம்? அதே போல் மாணவர்களுக்கு பொருட்களை காண்பித்து பாடம் நடத்துவதற்காக என்று களிமண்ணால் கடப்பாரை, கத்திரிக்கோல், காய்கறிகள், பழங்கள் போன்றவற்றை செய்யச் சொல்கிறார்கள். மாணவர்களுக்கு இந்த பொருட்களை காண்பித்துதான் பாடம் நடத்த வேண்டுமா? ஒரிஜினல் பொருட்களை வாங்கி வைத்து பாடம் நடத்தலாமே? காய்கறிகள்,- பழங்களை தவிர மற்றவை பல வருடத்திற்கு வரும். இப்படி தேவையில்லாமல் நேரத்தை விழுங்கும் வேலைகளையே கொடுத்து விட்டு தேர்ச்சி வரவில்லை என்றால் எப்படி தேர்ச்சி வரும்? 

செய்முறைப் பயிற்சிகளுக்கு 10 மணி நேரத்திற்கு மேல் கஷ்டப்பட்டு செய்ய வேண்டிய வேலைகளுக்கு 1 மார்க், 2 மார்க் என நிர்ணயம் செய்து இருக்கிறார்கள். எல்லா படிப்புகளிலும் செய்முறைப் பயிற்சி என்றால் சுலபமாக மார்க் கிடைப்பதாக இருக்கும். ஆனால் ஆசிரியர் பயிற்சியில் மட்டும் செய்முறைத் தேர்வுகள் சித்ரவதையாக இருக்கின்றன. கற்றல், -கற்பித்தல் பொருட்கள் செய்வதற்கான கால அளவாக புத்தகத்தில் 40 மணி நேரங்கள் போட்டிருக்கிறார்கள். ஆனால் இதற்கான பொருட்களை தேடித் தேடி வாங்கவே அந்த 40 மணி நேரம் போதாது. இந்த பொருட்களை செய்து முடிக்க அதைவிட பல மடங்கு நேரம் ஆகும். அதே போல் 100க்கும் மேற்பட்ட அசைன்மெண்ட் எழுதி அதற்கு அட்டை போட வேண்டும். இந்த வேலைக்கே நேரம் போதாதபோது பாடங்களைப் படிக்க ஏது நேரம்?

கடந்த வருடம் நாங்கள் கஷ்டப்பட்டு செய்த அசைன்-மெண்ட் மற்றும் பாடத்திட்ட குறிப்புகளை செய்முறைத் தேர்விற்கு மேற்பார்வையிட வந்த மாவட்ட ஆசிரியர் பயிற்சி நிறுவன விரிவுரையாளர்கள் கையால் கூடத் தொட்டுப் பார்க்கவில்லை. அவையெல்லாம் இப்போதும் என் வீட்டில் குப்பையாகக் கிடக்கிறது’’ என்றார் சோகமாய்.

மற்றொரு மாணவியோ... ‘‘ஒவ்வொரு தனியார் ஆசிரியர் பயிற்சி நிறுவனத்திலும் பணிபுரியும் விரிவுரையாளர்களும், ‘ நாங்கள் 5 ஆயிரம் ரூபாய்தான் சம்பளம் வாங்குறோம். நீங்க படித்து முடித்தவுடன் 20 ஆயிரம் ரூபாய் சம்பளம் வாங்குவிங்கதானே? அதனால் நாங்க சொல்ற எல்லாத்தையும் செஞ்சுதான் ஆகணும். இல்லாட்டி உங்களை பாஸ் ஆக விடமாட்டோம்’ என சைகோ போல பேசுகின்றனர். இப்படியே போனால் நாங்கள் சீக்கிரமே பைத்தியமாகிவிடுவோம். பாடத் திட்டங்களை அதிகப்படுத்தியவர்கள் பயிற்சிக் காலத்தையும் அதிகரிக்க வேண்டும்’’ என்றனர் கன்னத்தில் கைவைத்தபடி. 

ஆசிரிய மாணவர்களின் இதே முகாரிகளை தனியார் ஆசிரியர் பயிற்சி பள்ளி விரிவுரையாளர்களும் வழிமொழிகிறார்கள். 

அதிகப்படியான பாடத் திட்டத்தால் மாணவர்களுக்கு ஏற்படும் மன அழுத்தம் குறித்து சேலத்தைச் சேர்ந்த மனநல நிபுணர் பாஸ்கரிடம் கேட்டோம். 

“பாடத் திட்டத்தால் மட்டும் அல்ல, எந்த சுமை அதிகமானாலும் அதனால் மனஅழுத்தம் ஏற்படும். இதனை ஆரம்பத்திலேயே கவனித்து மன அழுத்தத்தை குறைக்காவிட்டால் விபரீத விளைவுகள் ஏற்படுவதைத் தவிர்க்க இயலாது. குழந்தைகளுக்கு மட்டும் இல்லாது பெரியவர்களுக்கான பாடத்திட்டங்கள் தயாரிக்கும் போது அதனால் ஏற்படும் உளவியல் சிக்கலையும் கண்டறிய தகுந்த நிபுணர்களுடன் கலந்து ஆலோசிக்க வேண்டும். மாணவர் உளவியல் அடிப்படையில் மேம்படுத்தப்பட்ட தரமான பாடத்திட்டம் அமைய வேண்டும்’’ என்கிறார். 

இது குறித்து தமிழ்நாடு கல்வியியல் பல்கலைக் கழக வட்டாரத்தில் விசாரித்தோம். முடிவு எடுக்கக்கூடிய அதிகாரிகள் பலரும் பேச மறுத்தனர். நம் கருத்தை காது கொடுத்து கேட்ட அதிகாரிகள் வட்டாரத்தில் ஒரு சிலர் நம்மிடம், ‘‘பாடத்திட்டம் பற்றி பல புகார்கள் பல்கலைக்கழகத்திற்கு வந்துகொண்டே இருக்கின்றன. ஏற்கெனவே ஆசிரியர் பயிற்சிக்-கான வேலைவாய்ப்பு மிகவும் சிரமமாக இருக்கும் இந்தக் காலகட்டத்தில் மாணவர்களின் எண்ணிக்கை ஆண்டுதோறும் கணிசமாகக் குறைந்து வருகிறது. இந்த நிலையில் புதிய பாடத்-திட்டத்தில் இப்படி ஒரு மோச-மான நிலை இருப்பது தெரிய வந்தால் வரும் ஆண்டுகளில் ஆசிரியர் பயிற்சிப் பள்ளிகளில் அட்மிஷனே இருக்காது. மாணவர்கள் பாதிக்காத அளவில் விரைவில் இதில் நல்ல முடிவு எடுக்க அரசை வற்புறுத்துவோம்’’ என்றனர். 

இந்தியாவிலேயே கல்வியியல் பல்கலைகழகம் தமிழகத்தில் மட்டும்தான் இருக்கிறது என தமிழக அரசு பெருமை பேசுகிறது. ஆசிரியர் பயிற்சியில் இந்த நிலை நீடித்தால் பல்கலைகழகம் மட்டும்தான் இருக்கும். மாணவர்கள் இருக்க மாட்டார்கள். அந்த நிலை வரும் முன் இதில் தேவையான மாறுதல்களை செய்ய வேண்டும் என்கின்றனர் கல்வியாளர்கள்-. 

இது ஆசிரிய மாணவர்களின் பிரச்னை மட்டுமல்ல... அடுத்த தலைமுறையின் ஆரம்பக் கல்விக்கான பிரச்னையும் கூட! உடனடியாகத் தலையிட்டு தக்க தீர்வு காணுமா அரசு? 

‘‘சாதியை மாற்றி ஜெயித்தர்!’’
பேரூராட்சித் தலைவர் மீது பாயும் புகார்

சாதியை மாற்றி ஜெயித்து அரசையும் மக்களையும் ஏமாற்றியதாக, பேரூராட்சித் தலைவர் மீது கிளம்பியுள்ள புகாரால்... போர் ஊராட்சியாகி இருக்கிறது ராயகிரி! திருநெல்வேலி மாவட்டம், சிவகிரி தாலுகாவுக்கு உட்பட்ட ராயகிரி பேரூராட்சித் தலைவர் பதவி, தாழ்த்தப்பட்டவர்களுக்கு ஒதுக்கப்பட்டது.கடந்த 2006&ல் நடந்த உள்ளாட்சித் தேர்தலில் தாழ்த்தப்பட்டவர் என வேட்பு மனு செய்து 3-வது வார்டில் போட்டியிட்டு வெற்றிபெற்று பேரூராட்சித் தலைவர் ஆனார் வேலாயுதம். இந்த நிலையில்தான், ‘வேலாயுதம் தாழ்த்தப்பட்டவரே அல்ல’ என்று சாதியின் பெயரில் புதிய பூதம் கிளம்பியிருக்கிறது. 

‘மிகவும் பிற்படுத்தப்பட்ட இனத்தைச் சேர்ந்த வேலாயுதம், தன்னை போலியாக ஆதி திராவிடர் என அடையாளம் காட்டி தலைவராகியிருக்கிறார். எனவே, வேலாயுதத்தைப் பதவி நீக்கம் செய்வதோடு அவருக்குத் தக்க தண்டனை வழங்கவேண்டும்’ என, மதுரை உயர் நீதிமன்றத்தை நாடியிருக்கிறார் ராயகிரி பேரூராட்சியின் ஆதி திராவிட கவுன்சிலர்களில் ஒருவரான வேலுச்சாமி. 

இதுபற்றி வேலுச்சாமியிடமே பேசினோம்.

“எங்க ஊர்ல நாடார்கள்தான் மெஜாரிட்டி. அவர்கள்தான் தொடர்ந்து தேர்தலில் வெற்றிபெற்று தலைவர், கவுன்சிலர் பதவிகளில் இருந்தனர். நாங்கள் கவுன்சிலர் பதவியை நினைத்துக் கூட பார்க்க முடியாத நிலையில்தான்... கடந்த தேர்தலில் ராயகிரி பேரூராட்சித் தலைவர் பதவியை தாழ்த்தப்பட்டவர்களுக்கு ஒதுக்கியது அரசு. இதையடுத்து தேர்தலில் நின்று நான்கு கவுன்சிலர்கள் வெற்றிபெற்றோம். இதையடுத்து நாடார்கள் செய்த சூழ்ச்சி, தேர்தல் முடிந்துதான் எங்களுக்குத் தெரியவந்தது. அதாவது, 3&வது வார்டில் வெற்றி பெற்ற புலவர் இனத்தைச் சேர்ந்த கவுன்சிலர் வேலாயுதத்தை திருநெல்வேலி மாவட்டத்திலேயே இல்லாத சாதியான ஆதிதிராவிடர் இந்து பைரா சாதி என்று சொல்லி, பேரூராட்சித் தலைவர் ஆக்கிவிட்டார்கள்.

தலைவர் தேர்தலில் போட்டியிட்ட வேலாயுதம், தாழ்த்தப்பட்டவர் இல்லையே என தேர்தல் அதிகாரியிடம் முறையிட்டோம். அவரோ, ‘மூணு மணி நேரம் அவகாசம் தர்றோம். அதுக்குள்ள அவர் தாழ்த்தப்பட்டவர் இல்லைனு நிரூபிக்கணும். இல்லேன்னா தலைவர் பதவி அவருக்குத்தான். கவுன்சிலர்கள் ஆதரவு அவருக்குத்தான் இருக்கு’ என சொல்லிவிட்டார். அவ்வளவு சீக்கிரம் எங்களால் ஆதாரத்தைத் தரமுடியாததால்... வேலாயுதத்தைத் தலைவராக அறிவித்துவிட்டனர். 

அதன் பிறகு... திருநெல்வேலி மாவட்டத்திலேயே ஆதி திராவிடர் இந்து பைரா என்ற சாதியே இல்லை என அரசு சான்றிதழ் வாங்கி கலெக்டரிடம் கொடுத்தோம். அவரும் கண்டுகொள்ளவே இல்லை. முதல்வர் வரை மனு அனுப்பியும் தீர்வு இல்லை. அதனால்தான் நீதிமன்றத்தை நாடியிருக்கிறோம்” என்றார் ஆவேசமாக.

நம்மிடம் பேசிய கவுன்சிலர் தாமரைச் செல்வி, “மாவட்ட அதிகாரிகள்கிட்ட முட்டிமோதிப் பாத்துட்டோம். ‘தேர்தல் முடிஞ்சு மூன்றரை வருசத்துக்கு மேல ஆச்சு. இதில் தாழ்த்தப்பட்டவங்க ஆண்டா என்ன? ஆளலேன்னா என்ன?’ன்னு கேக்குறாங்க. எங்க பதவிக் காலம் முடியறதுக்குள்ள தலைவர் பதவியை வாங்காம விடமாட்டோம். இத மனசுல வச்சிக்கிட்டு தலைவர் வேலாயுதம் எங்க வார்டுகளுக்கு வர்ற நல்ல திட்டங்களைத் தடுத்து நிறுத்துறாரு. அடிப்படை வசதிகள்கூட செய்து தருவதில்லை. இதைப் பற்றி அவர்கிட்ட கேட்டா... ‘கோர்ட்டே செய்யும்’னு சவடாலா பேசுறாரு. எங்களுக்குத்தான் இப்படிச் செய்யுறார்னு நினைச்சா, நாடார் சமூகத்தைச் சேர்ந்தவங்களையும் பாடாய்ப்படுத்தி காமராஜர் நினைவுப் பூங்காவை இடிச்சுத் தரைமட்டமாக்கிட்டாரு. இத நெனச்சி ஏண்டா வேலாயுதத்தைத் தலைவர் ஆக்கினோம்னு நாடார் சமூகத்தினரே நொந்துபோயிருக்காங்க” என்றார் காரசாரமாக.

அப்போது நம்மை நெருங்கிய நாடார் சமூகப் பிரமுகரான காளியப்பன், ‘‘ஆமாங்க. இந்த கவுன்சிலர் அம்மா சொல்றதெல்லாம் உண்மைதான். எங்களுக்கு விசுவாசமா இருப்பார்னுதான் தலைவர் பதவியை அவருக்குக் கொடுத்தோம். பதவியைக் கையில வச்சுக்கிட்டு எங்க தலை மேலயே ஏறி உட்கார்ந்துக்கிட்டாரு. வணிக வளாகம் கட்டுறேன்னு சொல்லி காமராஜர் பூங்காவை காசுக்காகத் திட்டம் போட்டு இடித்துத் தரைமட்டமாக்கி நாசமாக்கிட்டாரு. இந்தப் பூங்காவை அமைக்கிறதுக்கு அரசுக்கிட்ட எப்படிப் போராடியிருப்போம் தெரியுமா? இப்போ, எப்படியாவது பூங்காவை மறுபடியும் அமைக்கணும்னு மதுரை உயர் நீதிமன்றத்துல பொதுநல வழக்கு தொடர்ந்திருக்கோம்’’ என்றார் ஆத்திரம் குறையாமல். 

இந்தப் புகார்களுக்கெல்லாம் ராயகிரி பேரூராட்சித் தலைவர் வேலாயுதத்தைச் சந்தித்து பதில் கேட்டோம்.

“நான் உண்மையாகவே ஆதி திராவிடர் இந்து பைரா இனத்தைச் சேர்ந்தவன். என் மனைவிதான் புலவர் இனத்தைச் சேர்ந்தவங்க. நாடார் சமுதாயத்துக்காரங்க சூழ்ச்சிசெய்து எனக்குப் பதவி வாங்கிக் கொடுக்கல. பல எதிர்ப்புகளை மீறி தலைவர் பதவியை வாங்கினதால... இப்படிப் பழி சுமத்துறாங்க. காமராஜர் பூங்காவை இடிச்சதற்கான காரணம் வணிக வளாகம், பஸ் நிலையம் கட்டத்தான்னு நாடார் சமூகத்திற்கே தெரியும். அதுக்கு அவங்களும் ஒத்துழைப்பு கொடுத்திருக்காங்க” என்றார் பொறுமையாக

இது குறித்து மாவட்ட கலெக்டர் ஜெயராமனிடம் பேசினோம். “இப்படி ஒரு பிரச்னை எங்க மாவட்டத்துல இருப்பதே நீங்க சொல்லித்தான் தெரியும். சம்பந்தப்பட்டவர்களை என்னை நேரில் வந்து பார்க்கச் சொல்லுங்க. அரசிடம் பேசி தீர்த்து வைக்கலாம்”என்றார் பொறுப்புடன்!

இதை அப்படியே ஊர் மக்களிடம் சொன்னதற்கு, “அட போங்க சார்! கலெக்டர்கிட்ட எத்தனை முறைதான் நேரடியாப் பார்த்துச் சொல்றது? கோர்ட்ல பார்த்துக்குறோம்” என்றனர் ஆதங்கமாய்.

மாவட்ட நிர்வாகத்தின் மெத்தனத்தால்தான் பிரச்னை பெரிதாகிறது என்பது மட்டும் புரிகிறது!

காசு கொடுத்தால்தான் வீடு!
லஞ்சம் விளையாடும் சமத்துவபுரங்கள்

‘‘விவேகம் என்னும் வெள்ளி முளைத்து ஜாதி எனும் சனி தொலைந்தால்தான் சமத்துவம் என்ற ஞாயிறு பிறக்கும்’’ என்று கலைஞரின் தத்துவமாக, ஒவ்வொரு சமத்துவபுரத்திலும் பல இடங்களில் எழுதி வைக்கப்பட்டுள்ளது. இந்த சமத்துவபுரம் ஜாதியை ஒழித்ததோ இல்லையோ, லஞ்சத்தை பாலூற்றி வளர்த்து வருகிறது.

ஜாதிப் பாகுபாடுகள் நீங்கி, சமத்துவமாக மக்கள் வாழ வழிவகுக்கும் என்ற நினைப்பில், கலைஞரின் மனதில் உருவானதுதான் சமத்துவபுரம் என்ற திட்டம். நூறு வீடுகளைக் கொண்ட இந்த சமத்துவ புரத்தில், ஐம்பது வீடுகள் தாழ்த்தப்பட்டோருக்கும் மீதமுள்ள ஐம்பது வீடுகள் பிற்படுத்தப்பட்டோர், மிகவும் பிற்படுத்தப்பட்டோர், இதர பிரிவுகளைச் சார்ந்தவர்களுக்கும் ஒதுக்கப்படுகின்றன. 

இலவசமாக, வழங்கப்படவேண்டிய இந்த வீடுகளை அதிகாரிகளில் சிலர், வாங்க வேண்டியதை வாங்கிக்கொண்டு, தங்களுக்கு வேண்டியவர்களுக்கு மட்டுமே வழங்கி வருகின்றனர் என்ற குற்றச்சாட்டை கிளப்புகின்றனர் ராதாபுரம் மக்கள்.

நெல்லை மாவட்டம் ராதா-புரத்தில் கடந்த அக்டோபர் 13ம் தேதி அன்று சமத்துவபுரத்தைத் திறந்து வைத்தார் துணை முதல்வர் மு.க.ஸ்டாலின். அங்கு சமத்துவபுரம் வீடுகள் வழங்கப்பட்டுள்ளதில் முறைகேடுகள் நடந்திருப்பதாகவும், தகுதியுள்ள பலர் புறக்கணிக்கப்பட்டிருப்பதாகவும் மனு கொடுத்து வருகின்றனர் அப்பகுதி மக்கள். 

அவர்களைச் சந்தித்து என்ன நடந்தது? என்று கேட்டோம்.

கீதா என்பவர் தைரியமாகப் பேச முன் வந்தார்.

“நாங்க நாலு தலைமுறையா இதே ஊரில்தான் இருக்கிறோம். எனக்கு மூன்று பிள்ளைகள். பீடி சுற்றும் தொழில் செய்து வருகிறோம். வாடகை வீட்டில்தான் இருக்கிறோம். சமத்துவபுரத்தில் வீடு வேண்டும் என்று மனு கொடுத்திருந்தோம். இது வரையிலும் வீடு தரவில்லை. பல இடங்களிலும் மனு கொடுத்து வருகிறோம். வீடு தருவாங்களான்னு தெரியலை” என்றார் பரிதாபமாக.

அடுத்து கலங்கிய கண்களுடன் வந்தார் ராஜம்மாள். “எனது மகனும் மருமகளும் இறந்து விட்டனர். பேரன், பேத்திகளை நான்தான் வளர்த்து வருகிறேன். கூலி வேலைக்குப் போய், அவங்களுக்கு கஞ்சி ஊத்தறேன். ரேஷன் கார்டுகூட இருக்கு. எங்களை விட நல்லபடியா இருக்குற பல பேருக்கு, சமத்துவபுரத்தில் வீடு கெடச்சிருக்கு. எங்களப் போல ஏழை பாழைகளுக்குக் கொடுக்கலாமே இந்த அதிகாரிங்க’’என்று கண்ணீர் மல்கக் கூறினார். சுடலையாண்டி என்பவர், சமத்துவபுர அதிகாரிகளை நேரடியாகவே குற்றஞ்சாட்டினார்.

“என்னுடைய மகள் ஊனமுற்றவர். அவருக்குத் தான் வீடு கேட்டு விண்ணப்-பித்திருந்தோம். ஆள் பிடிக்கிற-வங்களுக்குத்தான் வீடு என்ற நிலைமை தான் உள்ளது. வசதியானவங்க, அதிகாரிகளை கவனிச்சவங்களா பார்த்து வீடு கொடுத்துட்டாங்க. அரசாங்கம் தரும் வீட்டுக்குக்கூட, லஞ்சம் தரணும்னு சொன்னா நாங்க என்ன செய்ய முடியும்?’’ என்றார் வேதனையுடன்.

கண்ணன் என்பவர், “நான் தாழ்த்தப்பட்ட சமுதாயத்தைச் சேர்ந்தவன். தினக்கூலி வேலைக்குத் தான் போறேன். நிரந்தரமா தங்க ஒரு வீடு இல்லைன்னுதான் மனு கொடுத்தேன். இப்ப இருக்கிற குடிசையும் மழை பெய்தால் ஒழுகும். மழை பெய்தால் லைப்ரரி பில்டிங்கில்தான் ஒதுங்குவோம். எங்ககிட்ட யாரும் பணம் கேட்கலை. கேட்டாலும் கொடுக்கக் கூடிய நிலைமையில நாங்க இல்லை” என்றார்.

நம்மிடம் புகைப்படம், பெயர் தவிர்த்துப் பேசிய பலர், பஞ்சாயத்து யூனியன் அலுவலகப் பணியாளர் ஒருவரையும், தலையாரி ஒருவரையும் குறிப்பிட்டு, இவர்கள்தான் பணம் பெற்றுக்கொண்டு, நிரந்தர வீடு உள்ளவர்கள், இரண்டு பொண்டாட்டிக்காரர்கள் என்று பலருக்கும் வீடுகளை வழங்கக் காரணமாக இருந்தார்கள், என்று சொன்னார்கள்.

இரு மனைவிகளையுடைய ஒருவர், தனது செல்வாக்கால் இரண்டு மனைவிகளுக்குமே வீடு ஒதுக்கிக்கொண்டார். விஷயம் தெரிந்து பலத்த எதிர்ப்புக் கிளம்பியதும், ஒரு வீடு திரும்பப் பெறப்பட்டுள்ளது. 

பாதிக்கப்பட்ட மக்களில் சிலர், ‘‘இப்போது வீடு வாங்கி-யுள்ளவர்களுக்கு நிரந்தர வீடுகள் வேறு எங்கேனும் இருந்தால், அவை பறிமுதல் செய்யப்படும் என்ற அறிவிப்பை கலெக்டர் வலியுறுத்திச் சொன்னால்-போதும், சமத்துவ-புரத்தில் வீடு வாங்கியுள்ளோர் பலர் ஓடிவிடுவார்கள்’’ என்று சொன்னார்கள். 

ராதாபுரம் வட்டார வளர்ச்சி அலுவலர் சுந்தர வடிவேலுவிடம் இதுபற்றிப் பேசினோம்.

“சேரன் மகாதேவி சப்-கலெக்டர் உள்ளிட்ட பல அதிகாரிகள், பரிசீலனை செய்த பிறகுதான் பயனாளிகளுக்கு வீடுகள் வழங்கப்பட்டன. ஆயிரத்துக்கும் மேற்பட்ட விண்ணப்பங்கள் வந்திருந்தன. அவற்றை பரிசீலனை பண்ணி நூறு பயனாளிகளைத்தான் தேர்ந்தெடுக்க முடியும்.

வீடு கிடைக்காதவர்கள் அதிருப்தியில் இதுபோன்ற புகார்களை கூறுகின்றனர். அவர்களில் சிலருக்கு, உண்மையிலேயே அனைத்து தகுதிகளும் இருந்தும் கிடைக்காமல் இருந்திருந்திருக்கலாம். இருப்பது நூறு வீடுகள்தான். அதற்குள்தான் கொடுக்க முடியும். தவறான முறையில் யாருக்கும் வீடுகள் கொடுக்கப்படவில்லை” என்றார்.

நெல்லை மாவட்ட கலெக்டர் ஜெயராமனிடம் பேசினோம்.

“சமத்துவபுரத்தில் வீடு கிடைக்காதவர்களில் சிலர் நீதிமன்றங்களை அணுகியிருந்தனர். தகுதி இருந்தால் பரிசீலனை செய்யவும் என்று கூறி மனுவை தள்ளுபடி செய்துவிட்டன நீதிமன்றங்கள். என்னிடத்திலும் புகார்கள் கொடுத்துள்ளனர். தவறு இருக்கும் பட்சத்தில் நடவடிக்கை உறுதி” என்றார்.

சமத்துவபுரத்தில் வீடுகள் பெறுவதற்கு நிலம் உடையவர்கள்தான் தகுதியுள்ளவர்களாம். ஆனால் அந்த நிலத்தில் நிரந்தர வீடு இல்லாதவர்களுக்குத் (குடிசைகளில் குடியிருப்பவர்கள்)தான் வீடு என்கின்றனர் அதிகாரிகள். நிலம் இல்லாதவர்களுக்கு வீடுகள் கிடையாதாம். என்ன கொள்கையோ? அரசு அதிகாரிகளுக்கே வெளிச்சம்! 

சமத்துவபுரத்தின் மூலம் சமத்துவம் உருவாகிறதோ இல்லையோ, அரசு ஊழியர்கள், அதிகாரிகளில் சிலர் வளமாகிறார்கள் என்பதுதான் உண்மை!

“ரேஷன் அரிசியில் நவீன மோசடி!
-திகைக்க வைக்கும் மதுரை

கலைஞர் முதலமைச்சராகப் பொறுப்பேற்றவுடன், போட்ட முதல் கையெழுத்து ஒரு கிலோ அரிசி இரண்டு ரூபாய் என்பதற்கான கோப்பில்தான். ஏழை எளிய மக்களுக்காகக் கொண்டுவரப்பட்டத் திட்டம் அது. எந்த நோக்கத்திற்காக அத்திட்டம் அமல்படுத்தப்பட்டதோ அந்த நோக்கம் நிறைவேறாமல், அத்திட்டத்திற்கான அரிசியை மூட்டை மூட்டையாய் கேரளா, கர்நாடகம் என கடத்துவது அரிசி ஆலை முதலாளிகளுக்கும், ரேஷன்கடை ஊழியர்களுக்கும் கை வந்த கலை.

முன்பெல்லாம் ரேஷன் அரிசியை மூட்டை மூட்டையாய் வெளிமாநிலங்களுக்குக் கடத்தியவர்கள், இப்போது எந்த மாநிலத்துக்கும் கடத்துவது இல்லை. அதற்குப் பதிலாகப் புதிய டெக்னிக் ஒன்றைக் கண்டு பிடித்திருக்கிறது ரேஷன் அரிசி கடத்தும் கும்பல்.

மதுரை மாவட்டத்தில் உள்ள 150 அரிசி ஆலைகளில் தமிழ்நாடு நுகர்பொருள் வாணிபக் கழகம், 26 தனியார் அரிசி அரவை ஆலைகளை மட்டும் தேர்ந்தெடுத்திருக்கிறது. இந்த அரிசி ஆலைகளில் இருந்துதான் மதுரை மாவட்டம் முழுவதும் உள்ள ரேஷன் கடைகளுக்கு அரிசி விநியோகிக்கப்படுகிறது. 

‘ போன மச்சான் திரும்பி வந்தாண்டி’ என்ற கதையாக ரேஷன் கடைகளுக்குப் போன அரிசி திரும்பவும் அரிசி அரவை ஆலைக்கே வருவது தான் கடத்தல் கும்பலின் ஹைடெக் டெக்னிக் ஃபார்முலா. 

ரேஷன் அரிசி கடத்தல் சம்பந்தமாக, மதுரையில் மட்டும் ஆயிரம் கோடி ரூபாய் மோசடி நடக்கிறது என்ற அதிர்ச்சித் தகவலுடன் நம்மைத் தொடர்பு கொண்டார் இந்து மக்கள் கட்சி தலைவர் சோலைக்கண்ணன். அவரே இதுபற்றி விவரிக்கிறார் கேளுங்கள்.

“விவசாயிகளிடம் இருந்து நெல்லை கொள்முதல் செய்து அவித்து, அரைத்து ரேஷன் கடைகளுக்கு எடுத்துச் சென்றடையும் வரை அரவைக் கூலி, லாரி வாடகை உள்பட ஒரு கிலோ அரிசி பதினேழு ரூபாய் முதல் பதினெட்டு ரூபாய் வரை ஆகிறது. 

நெல்லை அவித்து அரைத்து அரிசியாக மாற்ற அரசாங்கத்திற்குச் சொந்தமான அரிசி ஆலைகளைத் தவிர, மேலும் தனியார் ஆலைகளுக்கும் ஒப்பந்த அடிப்படையில் உரிமம் கொடுக்கிறது நுகர்பொருள் வாணிபக் கழகம். அரைப்பதற்காக அரசு அனுப்பும் நெல்லை, தனியார் ஆலை நிறுவனத்தினர் வெளிமார்க்கெட்டில் நல்ல விலைக்கு விற்றுவிடுகிறார்கள். அதற்கு பதிலாக, கள்ளச் சந்தையில் ரேஷன் அரிசியைக் கடத்தி தங்களது ஆலைகளுக்கே கொண்டு வந்து வேறு சாக்குகளில் மாற்றி மீண்டும் அரசின் உணவு கிட்டங்கிற்கே அனுப்பி வைக்கின்றனர். அதாவது நெல்லை அரைத்து அனுப்புவதுபோல கணக்குக் காட்டிவிடுகின்றனர். இது ஒரு சுழற்சி முறை. 

தமிழகத்தில் கொள்முதல் செய்யப்படும் சுமார் 17 லட்சம் டன் நெல்லிற்கு, அந்தந்த மாவட்ட முகவர்கள் மூலமாகச் சம்பந்தப்பட்ட துறையின் உயர் அதிகாரிகள் வரை 170 கோடி ரூபாய் லஞ்சமாகக் கொடுக்கப்படுவதாக அந்தத் துறையின் அதிகாரிகளே தெரிவிக்கின்றனர். ஒரு மாதத்திற்கு இத்தனை கோடி என்றால், வருடத்துக்கு ஆயிரம் கோடிக்கு மேல் நஷ்டம் ஏற்படுகிறது. 

தனியார் அரிசி ஆலைகள், அரசாங்க நெல்லை அரைத்து தரமான அரிசியை உணவு கிட்டங்கியில் செலுத்துகிறார்களா என்பதைக் கண்காணிக்க தமிழ்நாடு நுகர்பொருள் வாணிபக் கழகம் சார்பில், முதுநிலை மண்டல மேலாளர், முதன்மை தரக்கட்டுப்பாடு அதிகாரி, சூப்பர்வைசர்கள், பறக்கும் படை தாசில்தார், உணவு கடத்தல் போலீஸார் உட்பட அனைவருக்கும் ‘கட்டிங்’ சென்றுவிடுகிறது.

மதுரை மாவட்டத்தில் 26 தனியார் அரிசி ஆலைகள், நுகர்பொருள் வாணிபக் கழகத்தின், முகவர்களாக இருக்கிறார்கள். இந்த நவீன அரிசி ஆலைகள் அனைத்தும் முழுத் திறனோடு அரைத்தால் மாதம் ஒன்றுக்கு 4 ஆயிரத்து 500 டன் நெல்லை மட்டுமே அரைத்துக் கொடுக்க முடியும். ஆனால், அனைத்து அதிகாரிகளின் துணையோடு மாதம் ஒன்றுக்கு 16 ஆயிரம் டன் நெல் அரைத்ததாகக் கணக்கு மட்டும் காண்பிக்கின்றனர். மீதமுள்ள நெல்லை வெளிமார்க்கெட்டில் விற்று விடுகிறார்கள். 

நெல் அரைப்பதற்காக மின்சாரத்தைக் குறிப்பிட்ட அளவு மட்டுமே பயன்படுத்திவிட்டு, மீதமுள்ள அரவைக்கு ஜெனரேட்டர் பயன்படுத்தியதாக டீசல் பில் கொடுத்து, அதற்காக பில் க்ளைம் பண்றாங்க” என்று பல உண்மைகளை வெட்ட வெளிச்சப்படுத்தினார் சோலைக்கண்ணன்.

அக்கட்சியின் மதுரை மாவட்ட இளைஞர் அணி தலைவர் தென்றல் ரவி கூறுகையில், “முதல்வர் கலைஞர் ஏழை மக்களுக்காகக் கொண்டு வந்துள்ள மானிய விலை அரிசி திட்டத்தை கோழித் தீவனம் மற்றும் மாட்டுத் தீவனத்திற்குக் கருப்பு அரிசியுடன் கலந்து அரைப்பதற்காக நாமக்கல், சேலம் மாவட்டத்திற்கு எடுத்துச் செல்வதும் வேதனை அளிக்கிறது” என்கிறார்.

இது பற்றி உணவுத் துறை அமைச்சரான வேலுவிடம் பேசியபோது, “அரசு உரிமம் பெற்ற அரிசி ஆலைகளிலிருந்து வரும் ரேஷன் அரிசி திரும்பவும், அதே ஆலைகளுக்குப் போவதாக எனக்கு புகார்கள் வந்திருக்கின்றன. இதையடுத்து விஜிலென்ஸை முடுக்கிவிட்டிருக்கிறேன். மதுரையில் இப்புகார் குறித்த புலனாய்வு தீவிரமாக நடந்துகொண்டிருக்கிறது. இரண்டுநாள் முன்பு கூட சென்னையில், ஃபுட் செல் டீம் 400 அரிசி மூட்டைகளை கைப்பற்றியிருக்கிறது. மதுரையில் இருப்பவர்கள் எனக்கு விதிவிலக்கு அல்ல. அவர்கள் எனக்கு மாமன் மச்சானும் கிடையாது. யார் தவறு செய்தாலும், என் கட்சிக்காரனே தவறு செய்தாலும் நடவடிக்கை எடுப்பேன்” என்றார் உறுதியாக.

சிலைத்திருட்டு:
சிக்கிய நடிகர், நிருபர், ஜோசியர் கூட்டணி!

சென்னை புறநகர் போலீஸ் கமிஷனரகம். கமிஷனர் ஜாங்கிட் தலைமையில் வழக்கமான பணியில் இருந்தது. ஐம்பொன்னாலான திப்புசுல்தான் வாள்... சிவபெருமானின் சூலாயுதம், கடவுள் சிலைகள் குறைந்த விலைக்குக் கிடைக்கிறது என்ற தகவல் கமிஷனருக்குக் கிடைத்தது.

உடனே மத்திய குற்றப்பிரிவு போலீஸ் உதவி கமிஷனர் ஜெயக்குமார் குழுவினரை களத்தில் இறக்கிவிட்டார் கமிஷனர். சென்னையை அடுத்த பள்ளிக்கரணைக்குப் படையெடுத்தது போலீஸ்படை.

பள்ளிக்கரணையைச் சேர்ந்த உமாமகேஸ்வரி, கொடுங்கையூர் பூபேந்திரன், புதுக்கோட்டை அரங்குளவன் என்கின்ற அரி, திருச்செல்வம் ஆகியோரை அமுக்கியது போலீஸ்படை. அவர்களிடம் இருந்து 50 லட்ச ரூபாய் மதிப்புள்ள சிலைகளும் கைப்பற்றப்பட்டன.

சிலைக் கடத்தல் கும்பலில் சிக்கிய உமாமகேஸ்வரி, சினிமா மற்றும் டி.வி.சீரியல்களுக்குத் தேவையான துணை நடிகர்களை அனுப்பும் ஏஜென்ட். சில சினிமாக்களில் ஆட்கள் வரவில்லையென்றால் இவரே வேஷமும் கட்டியிருக்கிறார் என்ற தகவல் போலீஸ் விசாரணையில் தெரியவந்தது.

வாட்டசாட்டமாக இருந்த மற்றொரு இளைஞரை போலீஸ் குழுவினர் கவனித்த விதத்தில் அந்த நபர், ‘என்னை அடிக்காதீங்க உண்மையைச் சொல்லிடுறேன்’ என்று அலறத் தொடங்கினான். “நான் கலைஞர் டி.வி.யில் ஒளிப்பரப்பான ‘ரேகா ஐ.பி.எஸ்.’ என்ற தொடரில் முக்கிய கதாபாத்திரத்தில் நடித்திருக்கிறேன். மேலும் ‘அழகிய நாட்கள்’ என்ற டி.வி. தொடரிலும் நடித்திருக்கிறேன். எனக்கு நடிப்பில் போதிய பணம் கிடைக்கவில்லை. அதனால் கூடுதல் வருமானம் தேவைப்பட்டது. 

சிலர் தங்கள் வீட்டு வரவேற்பறையில், பழம் பொருள்களை காட்சிப் பொருளாக வைக்க விரும்புகின்றனர். அவர்களிடம் இந்தத் திருட்டு சிலைகளை நல்ல விலைக்கு விற்கலாம் என்று என் நண்பர்கள் சிலர் ஐடியா சொன்னார்கள். இதன் மூலம் ஆடம்பர வாழ்க்கை வாழலாம் என்று முடிவுசெய்து இந்தத் தொழிலில் ஈடுபட்டு வந்தேன்” என்று தன் சுயசரிதையைக் கொட்டினார் அரி என்ற அந்த டி.வி. நடிகர். 

“ரவிக்குமார் என்ற சப்-இன்ஸ்பெக்டரை தயார் செய்தோம். அவருக்கு பூணூல்... நெற்றியில் பட்டை... கழுத்தில் உத்ராட்ச கொட்டை என்று வேஷம் போட்டோம்.

அவரைப் பார்த்ததும் சிலை விற்பவர்களுக்குச் சந்தேகம் வரவில்லை. சிலைகள் பேரம் 50 லட்சத்தில் தொடங்கி 24 லட்சத்தை நெருங்கியிருந்தது. இந்த நிலையில் கையில் இருந்த கால்குலேட்டர் மாடல் செல்போனில் கணக்குப்போடுவதைப்போல எங்களுக்கு மிஸ்டு கால் கொடுத்தார். உஷாரான நாங்கள் சுற்றி வளைத்து அவர்களைப் பிடித்தோம். இது கமிஷனுக்காக சென்னையில் இயங்கி வந்த கும்பல். இவர்கள் கொடுத்த தகவலின்பேரில், நிருபர் என்ற போர்வையில் வலம் வந்த வேலூரைச் சேர்ந்த ஜெயவேலை கைது செய்தோம்” என்றார் மத்திய குற்றப்பிரிவு உதவி ஆணையர் ஜெயக்குமார்.

ஜெயவேலிடம் இருந்து 2 கோடி ரூபாய் மதிப்பிலான 24 சிலைகள் பறிமுதல் செய்யப்பட்டன. குறிப்பாக எந்த நேரத்தில் எந்தக் கோயிலில் சிலை திருடினால் லாபம், போலீஸ் பிடிக்காது என்று ஜோசியம் பார்த்து, கோயிலையும் குறித்துக் கொடுத்து மூளையாகச் செயல்பட்ட காட்பாடி ஜோசியர் சுவாமிநாதனைத் தேடி வருகிறது போலீஸ்.

“கல்யாணத்துக்கு ஜோசியம் பார்ப்பாங்க. வியாபாரத்துக்கு ஜோசியம் பார்ப்பாங்க. சாமி சிலைகளை திருடறத்துக்குமா பார்ப்பாங்க?! என்று அதிர்ச்சியில் உறைந்தது காக்கி வட்டாரம்.

சென்னை மர்மக் கொலைகள்: ‘மாண்புமிகு’க்கள் தொடர்பு?

‘க்ரைம் நாவல் படித்தால்கூட இவ்வளவு திடுக்கிடும் தகவல்களும் அதிர்ச்சியூட்டும் சம்பவங்களும் அதில் இடம்பெறுமா என்றால் இருக்காது. சென்னைக்கு அருகே கப்பல் கேப்டன் இளங்கோவன் வீட்டில் நடந்த மர்மக் கொலைகளில் ஏகப்பட்ட திடுக் தகவல்கள். அதை அப்படியே மண்ணுக்குள் புதைத்து சமாதி எழுப்பி, கம்பீர சல்யூட் அடித்துவிட்டது சென்னை போலீஸ்.

சென்னை நீலாங்கரையை அடுத்த பனையூரில் ஒதுக்குப்புறமாக உள்ள பங்களா. அக்கம்பக்கம் எந்த வீடுகளும் கிடையாது. அமைதியான சூழலில் பனையூர் 11-வது அவென்யூவில் பிரமாண்ட பங்களாவில் மனைவி ரமணியுடன் தனியாக வசித்து வந்தார், சரக்குக் கப்பலில் கேப்டனாகப் பணியாற்றி ஓய்வுபெற்ற இளங்கோவன்.

இவர்களுடைய மகன்கள் வித்யாசங்கர், நேமிநாதன், முகுந்தன். இதில் முகுந்தன் கப்பல் கேப்டன். மற்றவர்கள் இன்ஜினியர்கள். வித்யா சங்கர் பிரான்ஸ் நாட்டில் பணியாற்றி வருகிறார். மீனவர் சங்கத் தலைவரும் சென்னை ராயபுரத்தைச் சேர்ந்தவருமான அன்பழகனார் தனது மகளை இளங்கோவனின் மகன் நேமிநாதனுக்குத் திருமணம் செய்து கொடுத்துள்ளார்.

ஓய்வுக்குப் பிறகு, ரியல் எஸ்டேட் தொழிலில் இறங்கினார் இளங்கோவன். தனது மகன்களின் வருமானத்தில் ஏகப்பட்ட நிலங்களை வாங்கிக் குவிக்கத் தொடங்கினார். அதில் ஒன்றுதான் மரக்காணம் அருகேயுள்ள அனுமந்தபுரத்தில் இருக்கும் 150 ஏக்கர் நிலம். இந்த நிலம்தான் அவருக்கும் அவரது குடும்பத்துக்கும் எமனாக வந்து அமைந்தது.

அந்த நிலத்தை விற்பதற்காக சென்னை சைதாப்பேட்டையைச் சேர்ந்த சண்முகராஜனுக்கு ‘பவர்’ (அதிகாரப் பத்திரம்) எழுதிக் கொடுத்திருந்தார். சண்முகராஜனுக்கு சைதாப்பேட்டையில் பால் வியாபாரி, மார்பிள்ஸ் ஏஜென்ட், ரியல் எஸ்டேட் தொழில் என பல முகங்கள். ரியல் எஸ்டேட் தொழில் மூலம் பல அரசியல் புள்ளிகளிடம் தொடர்பு ஏற்பட்டிருந்தது சண்முகராஜனுக்கு.

அனுமந்தபுரம் நிலத்தை வாங்க சில அரசியல் புள்ளிகளிடம் பேரம் பேசிக் கொண்டிருந்தார் சண்முகராஜன். அந்த நிலத்தைத் திடீரென விற்க மறுத்த இளங்கோவன், தான் சண்முகராஜனுக்கு எழுதிக் கொடுத்த பவரையும் ரத்து செய்துவிட்டார்.

இந்நிலையில், சில வாரங்களுக்கு முன்பு மூத்த மகன் வித்யாசங்கர் பிரான்சில் இருந்து மனைவி வசந்தி மகன் பிரவீன், மகள் பிரியங்கா மற்றும் அவர்களுடன் சில நண்பர்கள் குடும்பமும் சென்னை வந்தது. பிரான்ஸ் நண்பர்கள் குடும்பத்தை வழியனுப்ப, வித்யாசங்கர் கடந்த ஆகஸ்ட் 24-ம் தேதி, விமான நிலையத்துக்குச் சென்றார். அப்போது அவரது மனைவி வசந்தி அறையொன்றில் தூங்கிக் கொண்டிருந்தார். அவரது குழந்தைகளும் அதே அறையில் விளையாடிக் கொண்டிருந்தனர்.

பிற்பகல் 3 மணி அளவில் அந்த வீட்டிற்கு சண்முகராஜன் தனது ஹூண்டாய் காரில் வந்தார். சண்முகராஜன் மட்டும், இளங்கோவன் வீட்டிற்குள் சென்றார். அவ்வளவு பெரிய பங்களாவுக்கு ஒரு காவலாளி கூட இல்லை என்பதுதான் வேதனையான ஒன்று. சண்முகராஜன் காருக்குப் பின்னால், ஃபோர்டு ஐகான் கார் வந்து நின்றது. அதிலிருந்து யாரும் இறங்கவேயில்லை.

உள்ளே சென்ற சண்முகராஜன், அந்த நிலம் விற்பது தொடர்பான பத்திரங்களைத் தருமாறு இளங்கோவனிடம் கேட்க... இருவருக்கும் வாக்கு வாதம் ஏற்பட்டது. கிட்டத்தட்ட அரைமணி நேரத்துக்கும் மேலாக நடந்த வாக்குவாதத்திற்குப் பிறகு, சண்முகராஜன் துப்பாக்கியை எடுத்து நீட்ட, ‘நான் பார்க்காத துப்பாக்கியா?’ என்று இளங்கோவன் அலட்சியப்படுத்தினார்.

அந்த நேரத்தில் பதற்றமடைந்த இளங்கோவனின் மனைவி ரமணி, ‘ஏங்க வம்பு. அவன் கேட்குறதைக் கொடுங்க’ என்று சொல்ல... ‘நீ உள்ளே போ’ என்று அவர் அதட்ட, சண்முகராஜன் ஊஷ்ணமாகிப்போனார். மனைவியைச் சுட்டால் வழிக்கு வந்துவிடுவார் என்று நினைத்து ரமணியைச் சுட்டார் சண்முகராஜன். துப்பாக்கியிலிருந்து அடுத்தடுத்து இரண்டு குண்டுகள் ரமணியின் வயிற்றில் பாய்ந்தன. ரத்த வெள்ளத்தில் சாய்ந்தார் ரமணி.

இதைக்கண்ட இளங்கோவன் ஆவேசமாகப் பாய்ந்தார். அடுத்த பலி இளங்கோவன். அவரது உடலில் மூன்று குண்டுகள் பாய்ந்தன. அவரும் ரத்த வெள்ளத்தில் அலறியபடி சாய்ந்தார். ஏதோ சத்தம் கேட்கிறதே என்று தூக்கக் கலக்கத்தில், குழந்தைகளோடு அறையிலிருந்து வந்து, நின்றார் வசந்தி. 

மாமனார், மாமியார் ரத்த வெள்ளத்தில். அதன் அருகே யாரோ ஒரு நபர் துப்பாக்கியுடன் நிற்பதைக் கண்டதும் வசந்திக்கு ஒன்றுமே புரியவில்லை. ‘எல்லா பீரோவையும் திற’ என்று மிரட்டிய சண்முகராஜனுக்கு ‘முடியாது’ என்ற வார்த்தையை உமிழ்ந்த வசந்திக்கு, சண்முகராஜன் பதிலுக்குத் துப்பாக்கிக் குண்டுகளை உமிழ்ந்தார். சரிந்தார் வசந்தி.

அதைப் பார்த்த குழந்தைகள் ஓவென அழுதன. இரண்டு குழந்தைகளையும் கத்தி முனையில் மிரட்டினார். பிரவீனுக்குக் கத்தி குத்தும் கன்னத்தில் அடியும் விழுந்தது. குழந்தைகள் அழுகையை நிறுத்திவிட்டன. 

பிறகு ஒவ்வோர் அறையாக நுழைந்து, தான் தேடி வந்த ஆவணங்களை அள்ளிக்கொண்ட சண்முகராஜன், இரண்டு சூட்கேஸ்களில் ஆவணங்களையும் 2.5 லட்ச ரூபாய் பணம், லேப் டாப், கேமராவையும் எடுத்துச் சென்றார்.

வெளியே சென்று தனது காருக்குப் பின்னால் நிறுத்தியிருந்த காரில் ஆவணங்கள் அடங்கிய சூட்கேஸ்களை ஒப்படைத்தார். மீண்டும் பங்களா வீட்டிற்குள் நுழைந்தார். 

 

*


ஏன் இந்த அவசரம்?
சென்னை போலீஸ் கமிஷனர் ராஜேந்திரன் ஆகஸ்ட் 25&ம் தேதி பிற்பகல் அவசர அவசரமாகப் பத்திரிகையாளர்களைச் சந்தித்தார். ''பணத்திற்காக, நகைக்காக நடந்த கொள்ளை. அவனிடம் இருந்து இரண்டு துப்பாக்கிகள் கைப்பற்றப்பட்டன. அவன் இறந்ததற்கு பொதுமக்கள் அடித்தது காரணமா? போலீஸ் நடவடிக்கை காரணமா என்று இப்போதே சொல்ல முடியாது. எனினும் இறந்தது போலீஸ் நிலையத்தில் என்பதால் ஆர்.டி.ஓ.விசாரணைக்கு பரிந்துரைத்துள்ளோம். விசாரணை முடிவில் தான் பல தகவல்கள் தெரியவரும். நாங்கள் குற்றப்பத்திரிகை போன்றவற்றை தயாரிக்க வேண்டும். இப்போதே எல்லாத் தகவல்களையும் கூற முடியாது'' என்றார். போலி துப்பாக்கி, போலி நம்பர் பிளேட் உள்ள கார் சம்பந்தமான கேள்விகளுக்குச் சரியான பதில்களை நிச்சயம் சண்முகராஜன் போலீஸாரிடம் சொல்லியிருப்பார். அதையெல்லாம் ஏன் மறைக்க வேண்டும் என்ற கேள்வியும் தொக்கி நிற்கிறது. இதை மேலும் உறுதிப்படுத்தும் வகையில் வழக்கு சி.பி.சி.ஐ.டி.க்கு மாற்றப்பட்டுள்ளது. வழக்கை திசைதிருப்பத்தான் என்ற பகீர் குற்றச்சாட்டும் எழுந்துள்ளது. 

மலைக்க வைக்கும்பின்னணி!
சென்னை சைதாப்பேட்டை சுப்பிரமணிய சுவாமி கோயில் தெருவைச் சேர்ந்தவர் சண்முகராஜன். இவருக்கு குருமூர்த்தி, வெங்கடேஷ் என்று இரண்டு சகோதரர்கள். சண்முகராஜனின் மனைவி அமுதவள்ளிக்கு 20 ஆயிரம் மாத சம்பளத்தில் பாலிடெக்னிக்கில் பணி. ராஜன் பிடிபட்டதும் அவரது வீட்டில் நடத்தப்பட்ட சோதனையில் இன்னொரு துப்பாக்கியும் கண்டுபிடிக்கப்பட்டது. அதற்கும் லைசென்ஸ் கிடையாது. இவருக்கு எப்படி இரண்டு துப்பாக்கிகள் கிடைத்தன? என்பதை போலீஸ் விசாரித்தால் பல விவகாரங்கள் வெளிச்சத்துக்கு வரும். அதில் ஒரு துப்பாக்கி மாண்புமிகு ஒருவரின் தம்பியுடையது என்றொரு தகவல் உலா வருகிறது. இளங்கோவன் வைத்திருந்த அனுமந்தபுரம் நிலத்தைத் தோண்டினால், கிரானைட் கற்கள் கிடைக்கும் என்று தெரிந்திருந்ததால் நிலத்தை விற்க திட்டமிட்டிருந்த இளங்கோவன், திடீரென நிலத்தை விற்க மறுத்தார். ஆனால், சண்முகராஜன் கொண்டு வந்த அரசியல் புள்ளிகள், நிலத்தைத் தங்களுக்கே விற்கவேண்டும் என்று பிரஷர் கொடுத்ததாகக் கூறப்படுகிறது. அதன் விளைவே, இந்தக் கொலைகளும், ஆவணங்களும் கொள்ளையடிக்கப்பட்டதும் என்று தகவல்கள் சொல்லப்படுகின்றன. இந்த நிலத்தை வாங்க ஆர்வம் காட்டியவர்களில் ஒருவர் மாண்புமிகு ஒருவரின் மகன் என்கிறார்கள். போலீஸ் கஸ்டடியில் இறந்த சண்முகராஜனை கடைசியாக யாரோ ஒரு அரசியல்புள்ளி வந்து பார்த்ததாகக் கூறப்படுகிறது. அவர் யார்? அவர் வந்து பார்த்த பிறகுதான் ராஜனுக்கு மாரடைப்பு ஏற்பட்டதா? உண்மையிலேயே, பொதுமக்கள் அடித்தால் அவருக்கு மாரடைப்பு ஏற்பட்டது என்பதை எப்படி நம்புவது. காரணம், பொதுமக்கள் பிடித்துக் கொடுத்து கிட்டத்தட்ட எட்டு மணிநேரத்துக்கு பிறகுதான் அவர் இறந்திருக்கிறார். அவரது சாவில் மர்மம் இருப்பதை இதுவும் உறுதிப்படுத்துகிறது. 
‘

அரசு அதிகாரிகளுக்கு ‘ராணி’ வைத்த செக்!
-விக்கித்து நிற்கும் வருவாய்த்துறை

ராணி..! பெயர்தான் ராணி. ஆனால், செய்த வேலைகள் எல்லாம் சகுனியை மிஞ்சிய சதிகள். அதுவும் அரசாங்கப் பணம் ஒரு கோடியே 64 லட்ச ரூபாயை சுருட்டிக் கொண்ட ராணி, போலீஸ் கண்களில் அகப்படாமல் ஜேம்ஸ்பாண்ட் வித்தையைக் காண்பித்து வருவதால், திருவள்ளூர் மாவட்ட வருவாய்த்துறை விக்கித்துப் போயிருக்கிறது.

ஜேம்ஸ்பாண்ட் வித்தையைக் காட்டும் ராணிக்கு வயது 54. திருவள்ளூர் மாவட்ட வருவாய்த் துறைக்கு உட்பட்ட பூந்தமல்லி தாசில்தார் அலுவலகத்தில் உதவியாளராகப் பணியாற்றியவர்தான் இந்த ராணி. உதவியாளர் என்ற பதவியில் இருந்துகொண்டு ராணி செய்த தில்லாலங்கடி ஊழல்கள் தலைசுற்ற வைக்கும் ரகத்தைச் சேர்ந்தவை.

சென்னை கோயம்பேட்டிலிருந்து பூந்தமல்லி வரை சாலை விரிவாக்கப் பணிக்கு, நெடுஞ்சாலைத் துறை தனியார் நிலங்களை ஆர்ஜிதம் செய்தது. நில ஆர்ஜிதம் செய்யும்போது, நிலங்களை அரசுக்குக் கொடுத்தவர்களுக்கு இழப்பீடாக ஒரு தொகை தரப்படும். அரசு தரும் தொகையை எதிர்த்து, சிலர் வழக்கு போடுவார்கள். ‘அரசு தரும் தொகையை உயர்த்தித் தர வேண்டும்’ என்ற வழக்குகள்தான் அதிகம்.

அதைப்போல மதுரவாயல், நெற்குன்றம் பகுதிகளில் எடுக்கப்பட்ட நிலத்தின் உரிமையாளர்கள், கூடுதல் தொகை கேட்டு வழக்கு போட்டிருந்தார்கள். இன்னும் சிலர், நிலம் பாகம் பிரிப்பது தொடர்பாக வழக்கு போட்டிருந்தனர். இப்படி 13 பேருக்குப் போய்ச் சேர வேண்டிய தொகைக்கான டி.டி., பூந்த-மல்லி தாசில்தார் அலுவலகத்துக்கு வந்து சேர்ந்தது.

அதற்கான ஆவணங்களையும் டி.டி.க்களையும் திருவள்ளூர் மாவட்ட வருவாய்த்துறை அலுவலர்(டி.ஆர்.ஓ) கார்த்திகேயன் கடந்த ஆண்டு நவம்பர் மாதம் அனுப்பி வைத்திருந்தார். அதை வாங்க வேண்டிய பூந்தமல்லி தாசில்தார் ஜி.வி.குமார், மழை வெள்ளத்தால் பாதிக்கப்பட்டவர்களுக்கு நிவாரணம் வழங்குவதில் பிசியாக இருந்தார். எனவே அந்த டி.டி.க்களை உதவியாளர் ராணி வாங்கி வைத்துக் கொண்டார்.

2009-ம் ஆண்டு ஜனவரி மாதம் பணிக்குத் திரும்பிய தாசில்தார் குமார், நில ஆர்ஜித ஃபைல்களை பார்த்தார். ‘ஏம்மா, ராணி! அந்த நிலம் கையகப்படுத்தியவர்களுக்குப் போய்ச் சேர வேண்டிய டி.டி.யெல்லாம் கொடுத்தாச்சா?’ என்று கேட்டிருக்கிறார். ‘சிலர் கோர்ட்டுக்குப் போய் இருக்கிறார்கள். அதனால், அந்த டி.டி. என்னிடம்தான் இருக்கிறது’ என்று சொன்னார் ராணி. ‘அதை ஏன் நீ வைச்சிக்கிட்டு இருக்கே? அதை டி.ஆர்.ஓ. ஆபீஸுக்கு அனுப்பிடு’ என்றார் குமார். மார்ச் மாதம் தேர்தல் அறிவிப்பு வெளியானது. டி.ஆர்.ஓ.வும் தாசில்தாரும் தேர்தல் வேலைகளில் மூழ்கினர்.

தேர்தல் முடிந்து ஜூன் மாதமும் போனது. ஜூலையும் வந்தது. மதுரவாயல், நெற்குன்றம் நில விவகாரம் தொடர்பாக டி.ஆர்.ஓ. வுக்கு நோட்டீஸ் வந்தது. அப்போதுதான் பூந்தமல்லி தாசில்தார் அலுவலகத்திற்கு ஒரு கோடியே 64 லட்ச ரூபாய் அனுப்பியது ஞாபகம் வந்தது. தாசில்தார் குமாரிடம் கார்த்திகேயன் விசாரித்தார். அவர் ராணியிடம் விசாரித்தார்.

‘எல்லாத்தையும் அப்பவே அனுப்பிட்டேனே?’ என்றார் ராணி. மறுநாளே ராணி வேலைக்கு வரவில்லை. டி.டி.யும் போக வேண்டியவர்களுக்குப் போய்ச் சேரவில்லை. பீதியடைந்தார் தாசில்தார். விசாரணை ஆரம்பமானது.

மதுரவாயல், நெற்குன்றம் பகுதியில் டி.டி.க்களை வாங்காமல் இருந்த நில உரிமையாளர்கள், திருவள்ளூரில் உள்ள இந்தியன் வங்கிக் கிளையில் ஒரு கோடியே 64 லட்ச ரூபாயை வாங்கிச் சென்றதாகத் தகவல் கிடைத்தது. இந்தியன் வங்கிக் கிளையில் இருந்து, அத்தொகை வெவ்வேறு வங்கிக் கிளைகளுக்குப் பணம் பரிமாற்றமாகியிருந்தது. பணம் பெற்றவர்களின் முகவரிகளை, வருவாய்த்துறையினர் சென்று பார்த்தபோதுதான் தூக்கி வாரிப்போட்டது.

அந்த 13 முகவரிகளும் டுபாக்கூர். இது தொடர்பாக உண்மையான நில உரிமையாளர்களைத் தேடிப்பிடித்து அணுகினர் அதிகாரிகள்.

‘என்னா சார். விளையாடுறீங்களா. நாங்க ஏன் பணத்தை வாங்கறோம்’ என்று எகிறினர். அப்போது தான் ராணியின் ஆட்டம் அம்பலமானது.

‘சார், ராணி நமக்கு ‘செக்’ வைச்சிட்டா’ என்று தாசில்தார் மெல்ல மெல்ல டி.ஆர்.ஓ. கார்த்திகேயனிடம் சொல்ல, அவருக்குக் கடப்பாரையை விழுங்கியதுபோல் தவித்தார். விஷயம் கலெக்டருக்குச் சென்றது. ராணியின் வரலாற்றை(!) புரட்டிப் பார்த்தனர்.

1997-ம் ஆண்டு திருவள்ளூர் மாவட்ட முதியோர் உதவித் தொகை பத்து லட்ச ரூபாயை அபேஸ் செய்த வழக்கு விவகாரம் நிலுவையில் இருக்கிறது. அந்தத் தொகையை ராணி கையாடல் செய்துவிட்டதாக, துறை ரீதியான நடவடிக்கை எடுத்து ராணி பதவியிறக்கம் செய்யப்பட்டிருக்கிறார். அதாவது உதவியாளரிலிருந்து இளநிலை உதவியாளராக மாற்றப்பட்டார். அந்த உத்தரவுக்குத் தடை வாங்கிய ராணி, 12 ஆண்டுகளாக உதவியாளராகவே பணியைத் தொடர்ந்திருக்கிறார் என்பது தெரிந்தது.

அந்த வழக்கில் இன்னும் இறுதித் தீர்ப்பு வராத நிலையில், அடுத்தகட்ட மோசடியில் இறங்கி ஒரு கோடியே 64 லட்ச ரூபாயைச் சுருட்டியிருக்கிறார் ராணி.

உண்மையான நில உரிமையாளர்களுக்கு டி.டி. தருவதுபோல, ஆவணங்களை மாற்றி எழுதினார். பிறகு, பழைய டி.டி.க்களை திருவள்ளூர் இந்தியன் வங்கிக் கிளைக்கு அனுப்பி, புதிய டி.டி.க்களை தருமாறு கேட்டுக்கொண்டார். எல்லாக் கடிதங்களிலும் டி.ஆர்.ஓ.வுக்குப் பதிலாக ராணியே கையெழுத்துப் போட்டிருந்தார். அந்த வங்கி அதிகாரிகளும் ராணி கேட்டதுபோல, 13 பேருக்கும் அதுவும் புதிய பெயர்களில் டி.டி.க்கள் வழங்கியது அதிர்ச்சியான ஒன்று. இந்த எல்லா வேலைகளையும் நாடாளுமன்றத் தேர்தலுக்குள் முடித்துக் கொண்டார் ராணி.

மோசடி நடந்து இரண்டு மாதங்கள் கழித்துத்தான், அதை மேல் அதிகாரிகள் கண்டுபிடித்துள்ளனர். மோசடியில் ஈடுபட்ட ராணியை, மாவட்ட நிர்வாகம் சஸ்பெண்ட் செய்தது. மேலும் தாசில்தார் குமார், சென்னை புறநகர் போலீஸ் கமிஷனரிடம் கடந்த ஜூலை 16-ம் தேதி புகார் கொடுத்தார். இதை விசாரித்த மத்திய குற்றப்பிரிவு போலீஸாருக்கு தலைசுற்றிவிட்டது. அந்த ராணியின் முகவரிகூட வருவாய்த்துறையினருக்குத் தெரியவில்லை.

ராணியின் சொந்த ஊர் உசிலம்பட்டி. அவருக்கு மகனும் மகளும் உள்ளனர். ராணியின் ஆடம்பர வாழ்க்கைக்கு ஈடு கொடுக்க முடியாமல் கணவர் எப்போதோ எஸ்கேப் ஆகிவிட்டார். அண்ணாநகர் மேற்கு 13-வது மெயின் ரோட்டில் வாடகை வீட்டில் வசித்து வந்ததாகத் தகவல். சென்று விசாரித்தால், 18 ஆயிரம் ரூபாய் வாடகை கொடுத்து ராணி வசித்து வந்ததாக, வீட்டின் உரிமையாளர் தெரிவித்தார். அந்த வீட்டில் ஒருவர் பியூட்டி பார்லர் நடத்திக் கொண்டிருந்தார். இதைக் கேட்டு போலீஸாருக்கு மயக்கம் வராத குறை.

வருவாய்த்துறை உதவியாளருக்கு 15 ஆயிரம் ரூபாய்தான் சம்பளம். எப்படி 18 ஆயிரம் ரூபாய் வாடகை கொடுத்தார் என்று போலீஸார் யோசித்துக் கொண்டிருந்த போதே, மற்றொரு தகவல் போலீஸாரை சுனாமியாகத் தாக்கியது. ராணியிடம் இரண்டு கார் இருந்ததுதான் அந்தத் தகவல்.

இந்த மோசடி செய்து முடித்ததுமே, வாடகை வீட்டை காலி செய்துவிட்டு தலைமறைவாகிவிட்டார் ராணி. 

நிலத்தைக் கையகப்படுத்தி, அதற்கான தொகை பெறவேண்டியவர்களில் காங்கிரஸ் முன்னாள் எம்.எல்.ஏ. செல்லகுமாரும் ஒருவர். ராணியின் மோசடி குறித்து செல்லகுமாரிடம் கேட்டபோது, “இந்த மோசடி குறித்த தகவல் எனக்குக் கிடைத்தது. அந்த நிலத்தை நான் 2006-ல் வாங்கினேன். அந்த நிலத்தில் குறிப்பிட்ட பகுதியை, எனக்கு நிலத்தை விற்றவரே வைத்திருக்கிறார். அவருக்குத் தான் அந்தத் தொகை போய்ச் சேர வேண்டும்” என்றார்.

டெயில் பீஸ்: இத்தனை மோசடி செய்தும் ராணி அசரவில்லை. தலைமறைவாக இருந்து கொண்டே, தனது சஸ்பெண்ட் உத்தரவுக்குத் தடை வாங்கிவிட்டார்! மேலும் தாசில்தாருக்குத் தனது வக்கீல் மூலம் அனுப்பிய நோட்டீஸில் ‘எனது சஸ்பெண்ட் உத்தரவை வாபஸ் வாங்கினால், அந்தப் பணத்தைத் தருவேன்’ என்று ஜோக் அடித்திருப்பதுதான் உச்சகட்ட காமெடி.

மாணவர்களை சீரழிக்கும் போதை கலாசாரம்!
ஓர் எச்சரிக்கை ரிப்போர்ட்

சென்னையில் புகழ்பெற்ற ஒரு பள்ளியில் ஏழாம் வகுப்பு படிக்கும் மாணவன் ஜாய்சன். (பெயர் மாற்றப்பட்டுள்ளது). பள்ளிக்குப் படிக்கத்தான் போய் இருக்கிறான் என்று பெற்றோர் நினைத்துக்கொண்டிருக்க, ஒரு நாள் வீதியில் கிடந்தான் ஜாய்சன். காரணம், அவன் வயதுக்கு மீறிய பீர் போதை. விஷயமறிந்து உஷாரான அவனது பெற்றோர், எப்படி இவனுக்கு இந்தப்பழக்கம் உண்டானது? என்று விசாரித்த போது, அவனது நண்பர்களின் வற்புறுத்தல் என்றும், சினிமா மற்றும் சின்ன(!)த்திரைகளில் வரும் காட்சிகளைப் பார்த்து தானும் அதுபோல் ஆக வேண்டும் என்ற உந்துதலாலும்தான் அப்பழக்கம் தொற்றியது என்றும் தெரிய வந்தது.

அதே சென்னையில் நடந்த இன்னொரு சம்பவத்தையும் கேளுங்கள். மீசை அரும்பாத பருவ வயது மாணவன் அவன். வயதிற்கு வந்து ஆறுமாதம் கூட தாண்டாத முல்லை அவள். அவர்களுக்குள் காதல் தீ கொழுந்துவிட்டு எரியத்தொடங்கவே, பெற்ற தாயும், தந்தையும்,படிக்கும் பாடமும்,எதிர்காலக்கனவுகளும், அக்காதலர்களின் கண்ணை மறைத்தது. காதலின் வேகம் அறிவின் விவேகத்தைத் தொலைத்தது. பிறகு? பிறகென்ன..? வழக்கம்போல் இறக்கை முளைத்தது. பறந்தார்கள் ஊரைவிட்டு! 

இவர்கள் ஓடிய விஷயம் ஜோடிகளின் பெற்றோருக்குத் தெரியவர, அவர்கள் தேடிப்போனது காவல்துறையினரிடம்! அவ்வளவுதான்! ஓடிய காதல் ஜோடிகள் ஓசூர் போலீஸாரிடம் மாட்டிக்கொள்ளவே, உலகம் அறியாத அவர்கள்(!) அவர்களின் பெற்றோரிடம் ஒப்படைக்கப்பட்டனர். அவர்களுக்கு ‘டிஸிப்ளின் கவுன்சிலிங்’ உரிய முறையில் தரப்பட்டு, புத்தி புகட்டப்பட்டு, கல்வியில் ஆர்வம் ஏற்படுத்தப்பட்டது. சரியான நேரத்தில், சரியான அறிவுரைகளால், தள்ளாடித் தடுமாறிப்போன அந்த மாணவ மாணவியின் வாழ்க்கை தடம்மாறிப் போகாமல் தடுக்கப்பட்டது!

சென்னையின் மையப்பகுதியில் நடுத்தர வர்க்கத்து குடும்பம் ஒன்றில் நடந்த இந்த உண்மைச்சம்பவம் மன நல மருத்துவர் ஒருவரால் நமக்குத் தெரிவிக்கப்பட்டது. அவர், சென்னை பள்ளி மாணவர்களில் ஒரு பகுதியினர் பீர் போதை மற்றும் காதலில் மட்டுமல்ல! மீளமுடியாத பான்பராக், சிகரெட், விஸ்கி, பிராந்திப் பழக்கம் இவற்றாலும் சீர்கெட்டு வருவதையும் தெரிவித்தார்.

பாதையை மாற்றும் போதைச்சீரழிவின் அடிப்படைக்காரணம் என்ன? எப்படி அவர்கள் இத்தீயபழக்கவழக்கங்களுக்கு அடிமை ஆகிறார்கள்? அதற்குத் தீர்வென்ன? என்பதை அறியும் பொருட்டு ‘ஸ்டூடண்ட்ஸ் கவுன்சில’ரும், சென்னை உயர்நீதிமன்ற பெண் வழக்கறிஞருமான ஆர்.விஜயலட்சுமியைச் சந்தித்துக் கேட்டோம்.

“பள்ளி மாணவர்கள் போதை மார்க்கத்தில் பயணிப்பது ஒன்றும் அதிர்ச்சிகரமான விஷயமல்ல! சென்னையின் பல பகுதிகளில் இதுபோன்று நடக்கிறது. அவர்களின் சின்னச் சின்ன விஷயங்களுக்கு வழிகாட்ட யாரும் இல்லை. பசங்களுடன் பெற்றோர் எவ்வளவு நேரம் செலவழிக்கிறோம் என்பது முக்கியம். அது அவசியமும் கூட! பசங்களிடம் மனம் விட்டுப்பேசினால்தான் அவர்கள் எதை விரும்புகிறார்கள் என்று தெரியும். தவறு எது? சரி எது? என்று புரியும்.

பிள்ளைகள் பள்ளிக்குச் செல்லும்போதெல்லாம் மதிப்பெண்களைப்பற்றி மட்டுமே பேசுகிறோம். அது தவறு. மதிப்பெண்கள் அதிகமாகப் பெற என்ன செய்ய வேண்டும் என்று ஐடியா தர வேண்டும். தவிர, பிள்ளைகளுக்கு பாக்கெட் மணியாகக் கொடுக்கும் பணத்திற்கு என்ன செலவு? என்று கேட்க வேண்டும். 

மேலும் இருபது வயதுக்கு உட்பட்டவர்களுக்கு செல்போன் தேவையே இல்லை. செல்போன் மெஸேஜ்களால் மாணவர்களின் தவறான ஆர்வம் தூண்டப்படுகிறது. இப்போதெல்லாம் செல்போனிலேயே நீலப்படங்கள் அப்பட்டமாகக் காண்பிக்கப்படுகிறது. பிக்சர் மெஸேஜ்கள் வேகமாகப் பரிமாறப்படுகின்றன.பள்ளி மாணவர்களுக்கு லேப்-டாப் கம்ப்யூட்டர்கள் வாங்கித் தரப்படுவது எல்லாவற்றையும்விட அபாயமானது. அதில் நீலப்பட சி.டி.க்களைப் போட்டு பார்த்துவிடும் வசதி உண்டு. டி.வி. பார்க்கக்கூடாது என்றில்லை. ஆனால் டி.வி. பார்க்க நேர அளவு அவசியம். ஆணோ, பெண்ணோ, ‘ஸ்டடி ஹவர்ஸில்’ அவர்களைக் கவனிப்பது முக்கியம். இவை எல்லாவற்றையும்விட, பள்ளிகள் இருக்கும் ஏரியா பெட்டிக்கடைகளில் ‘ட்ரக்ஸ்’ விற்பனை தடை செய்யப்பட வேண்டும். என்னிடம் கவுன்சிலிங் வருபவர்களை நான் கேன்ஸர் மருத்துவமனைக்கு அழைத்துச்சென்று நோயாளிகள் படும் அவஸ்தைகளை காண்பிப்பதால் அவர்களுக்கு விழிப்புணர்வு ஏற்படுகிறது. முயன்றால் முடியாதது எதுவும் இல்லை!” என்று நீண்ட விளக்கம் கொடுத்தார். 

மூத்த கல்வியாளர் எஸ்.எஸ்.ராஜகோபாலன் கூறுகையில்,“மாணவர்கள் சிகரெட் குடிப்பது, விஸ்கி, பிராந்தி சாப்பிடுவது எல்லாம் சென்னையில் மட்டுமல்ல! கிராமங்களில்கூட பரவிவிட்டது. அவர்கள் கெட்டுப்போவது சில டியூஷன் சென்டர்களிலும் நடக்கிறது.அங்குதான் வேறு சில மாணவர்களின் தொடர்பும் கிடைக்கிறது. போதை பழக்கங்களுக்கு ஆளாகும் மாணவர்களை தண்டனை மூலம் சரிசெய்ய முடியாது. அது அவர்களை மேலும் கெடுத்துவிடும். பக்குவமாகச்சொல்ல வேண்டும். பெட்டிக்கடைகளில் கஞ்சா அடிக்கும் பையன் ஒருவனையும் பார்த்திருக்கிறேன். அவனை திருத்துவதற்குக் கொஞ்சம் கஷ்டப்பட்டேன். இருந்தாலும் அவன் திருந்தியது ரொம்பவே சந்தோஷம். கஞ்சா விற்பனையைத் தடைசெய்ய வேண்டியது சுகாதாரத்துறையின் பணி! தவிர, கல்வித்துறையும் இந்த விஷயத்தில் தனிக்கவனம் செலுத்துவது நல்லது!” என்று பொறுப்புடன் கூறினார்.

போதை அடிமைகள் மறுவாழ்வு மையமான, நுங்கம்பாக்கம் ‘விஸ்டம்’ மருத்துவமனை இயக்குனர் எஸ்.அறிவுடைநம்பி சொன்ன விஷயங்கள் நம்மை அதிர்ச்சியின் உச்சத்திற்கே அழைத்துச்சென்றது. அவர், “பள்ளி மாணவர்கள் போதைப்பொருட்களாக விஸ்கி, பிராந்தியைக்கூட அதிகம் நாடுவதில்லை. ஏனென்றால் வாசனை நுகரப்பட்டு பெற்றோருக்குத் தெரிந்துவிடும் என்ற முன் ஜாக்கிரதை ஏற்படுகிறது. எனவே, பனிரெண்டு வயதிலிருந்து பதினைந்து வயதுக்குட்பட்ட பையன்கள் பஞ்சர் ஒட்டப்பயன்படும் சொல்யூஷன்ஸ் மற்றும் ‘லிக்யூட் எரேஸர்ஸ்’ இவைகளை வாங்கி மூக்கில் வைத்து உறிஞ்சியே போதையை அனுபவிக்கிறார்கள். இவைகளை உபயோகப்படுத்துவதால் மூன்று மாதங்களிலிருந்து ஆறு மாதங்களுக்குள் மனித மூளையின் செல்கள் பாதிக்கப்படும் அபாயம் உண்டு. இதனை அவர்கள் உணர்வதில்லை. நாளடைவில், இவைகள் தரும் போதை போதாமல், இதைவிட பெரிய போதை என்ன என்று தேடத்தொடங்கிவிடுவார்கள். இப்பழக்கமுள்ளவர்களின் அறிகுறிகளை எளிதாகக் கண்டுபிடிக்கலாம். ‘சொல்யூஷன்’ உறிஞ்சும் பையன்களுக்குப் படிப்பில் கவனம் இருக்காது. தூக்கமின்மை தொடங்கிவிடும். சரியாகச் சாப்பிடமாட்டார்கள். லேட்டஸ்ட்டாக, குழந்தைத் தொழிலாளர்கள் மத்தியில் இப்போதை பழக்கம் மிக அதிகமாகத் தமிழகம் எங்கும் வேகமாகப் பரவிவருகிறது!” என்று சொல்லி அதிர்ச்சியூட்டினார்.

எதிர்காலத்தை நிர்ணயிக்கும் மாணவர்கள் சின்ன வயதிலேயே விதவிதமான போதைப்பழக்கத்திற்கு அடிமையாவது அவர்களின் வாழ்க்கையை மட்டுமல்ல, நாட்டையே சீரழித்துவிடும்.வெளிநாடுகளில் துப்பாக்கி முதல் செக்ஸ் வரை ‘எல்லாமே’ எல்லைகள் மீறப்பட்டு இறுதியில் ஆன்மிகவழிதேடி வெளிநாட்டவர், தமிழகத்திற்கு வந்து கொண்டிருக்கிறார்கள். தீர்வு கிடைக்கும் தமிழகத்திலேயே போதைக் கலாசாரம் பரவுவது கொடுமையான விஷயம். இதனை தமிழக அரசும், சம்பந்தப்பட்டவர்களும் சிந்தித்து சீர்செய்வது காலத்தின் கட்டாயம்! 

ஒரே ஒரு பள்ளியில் ஒரே ஒரு மாணவன்!
மக்களின் அலட்சியத்தால்அவல நிலையில் அரசுப் பள்ளி

ஒரே பள்ளி... ஒரே ஆசிரியர்... ஒரே மாணவன்... இப்போது அதுவும் கேள்விக் குறி! இப்படியொரு கல்விப் புரட்சி நடந்திருப்பது வேறெங்கும் இல்லை. திண்டுக்கல் மாவட்டம் வடமதுரைக்கு அருகில் இருக்கும் சீத்தப்பட்டி என்ற கிராமத்தில்தான்.

ஐம்பதுக்கும் மேற்பட்ட குடும்பங்கள்... பத்து வயதுக்குள் 20 க்கும் மேற்பட்ட மாணவர்கள். 240 வாக்காளர்கள். இப்போதுதான் தார்ரோடு அறிமுகமாகிறது. திறந்திருக்கும் வீடுகளை விட, திண்டுக்கல் பூட்டை போட்டு பூட்டியிருந்த வீடுகளே அதிகம். 

இப்படி வெறிச்சோடியிருந்த சீத்தப்பட்டி கிராமத்தில் முப்பது வருடத்துக்குமேல் செயல்பட்டு வந்த தொடக்கப்பள்ளியில் இந்த கல்வியாண்டில் படித்த மாணவர்களின் எண்ணிக்கைதான் நம்மை வியப்பூட்டியது. கடந்த கல்வியாண்டில் ஆறே ஆறு மாணவர்கள் அங்கு படித்திருக்கிறார்கள். அதில் நான்கு மாணவர்கள் ஐந்தாம் வகுப்பில் தேர்ச்சி பெற்று ஆறாம் வகுப்புக்கு வேறு பள்ளிக்கு சென்றுவிட, இந்த கல்வியாண்டில் அங்கு படித்த மாணவர்கள் இரண்டே பேர்.

அந்த இரண்டு மாணவர்களில் ஐந்தாம் வகுப்பிலிருந்த மாணவியை பெற்றோர் வேறு பள்ளிக்கு மாற்றிவிட, இறுதியாக இருந்தது இரண்டாம் வகுப்பு தினேஷ் மட்டும்தான். அந்த மாணவனின் பெற்றோரும் சிறைக் கைதியைப் போல தனிமையான கல்வி தேவையில்லை என்று அந்த மாணவனையும் வேறு பள்ளிக்கு மாற்றிவிட்டார்கள். 

இந்நிலையில் மாணவர்களே இல்லாத சீத்தப்பட்டி துவக்கப் பள்ளியை இழுத்து மூடிவிடலாம் என முடிவெடுத்தனர் கல்வித்துறை அதிகாரிகள்.

தங்கள் ஊரில் இருக்கும் பள்ளி மூடப்பட்டுவிட்டது என்றதுமே கொதித்துப் போன சீத்தப்பட்டி மக்கள், அன்று இரவே கவுன்சிலர் செல்வராஜ் முன்னிலையில் ஊர்க் கூட்டம் போட்டு பத்து வயதுக்குட்பட்ட குழந்தைகள் எல்லாம் உள்ளூர் பள்ளியில்தான் படிக்க வேண்டும் என தீர்மானம் போட்டிருக்கிறார்கள். இதன்படி வெளியூர்ப் பள்ளியில் இருந்த உள்ளூர் குழந்தைகளை மாற்றுச் சான்றிதழ் கூட வாங்காமல் அழைத்து வந்திருக்கும் சீத்தப்பட்டி மக்களிடம் பேசினோம்.

‘‘நல்லாதாங்க சொல்லிக்-கொடுத்தாங்க இந்த ஸ்கூல்ல. எங்க புள்ளைங்க கூட ஆறு வருடதுக்கு முன்னாடி இங்கதான் படிச்சது. இப்போ பத்தாம் வகுப்புல 430 மார்க் வாங்கியிருக்கு. இந்த ஊர்ல இருந்த மக்கள்ல பலபேரு வேலை இல்லேன்னு வட மதுரை, திண்டுக்கல், சென்னைன்னு போயிட்டாங்க. இந்த ஊருக்கு ஒரு மினி பஸ் வசதி கூட இல்ல. ஒரு பெட்டிக்கடை இருக்கான்னு பாருங்க. வயித்து வலி, தல வலின்னாக்கூட ஒரு மாத்திரை வாங்க முடியாது. இங்கே இருக்கறவங்க எல்லோரும் ஒவ்வொரு குடும்பமா காலி பண்ணி டவுன் பக்கம் போயிக்கிட்டு இருக்காங்க. அதனாலதான் இந்த ஊர் ஸ்கூல்ல படிக்க ஆளில்லை’’ என்றார் பழனியம்மாள்.

அந்த பள்ளியிலே படித்த மகேஷ்வரன் என்ற மாணவனிடம் பேசினோம். ‘‘நாங்க படிக்கும்போதெல்லாம் நாற்பது மாணவர்களுக்குமேல் இருந்தாங்க. இப்போதுதான் குறைந்திருக்கிறது. நன்றாகத்தான் கிளாஸ் எடுத்தாங்க. நான் இங்கே படித்துதான் பத்தாம் வகுப்பில் 340 மார்க் வாங்கினேன். இந்த கிராமத்துல சரியான அடிப்படை வசதிகளை ஏற்படுத்திக் கொடுத்தால் யாரும் வெளியூர் போகமாட்டார்கள். ஊர் நன்றாக இருந்தால்தானே பள்ளி சிறப்பாக செயல்படும்’’ என்றார். கவுன்சிலர் செல்வராஜ் வேறு மாதிரி சொல்கிறார். ‘‘அடிப்படை வசதிகள் செய்து தரவில்லை என்பதால் ஊரைவிட்டுப் போவதாகச் சொல்வதெல்லாம் தவறு. எத்தனையோ வசதிகள் செய்து கொடுத்திருக்கோம். இங்கிருக்கும் குழந்தைகள் இங்கிலீஷ் மீடியம் ஸ்கூல், தென்னம்பட்டி ஸ்கூலுக்கென்று அனுப்புவதால்தான் இந்த ஊர் பள்ளியில் படிக்க மாணவர்கள் இல்லாமல் போய்விட்டது. 

ஸ்கூலை மூடப் போவதாகத் தகவல் வந்தவுடனே ஊர் கூட்டத்தைப் போட்டு இங்கிருந்து பக்கத்து ஊருக்கு படிக்கச் செல்லும் பத்து வயதுக்குட்பட்ட குழந்தைகளை இந்த துவக்கப் பள்ளியிலேயே படிக்க வைக்க வேண்டும் என தீர்மானம் போட்டு இங்கே கூட்டிவந்திருக்கோம். கல்வித் துறை அதிகாரிகள் வந்து பார்க்கிறோம் என்றிருக்கிறார்கள். கண்டிப்பாக பள்ளியை மூடவிடமாட்டோம். இந்த ஊரில் தொடர்ந்து பள்ளி நடக்கும்’’ என்றார்.

கல்வித்துறை ஊழியர்களிடம் பேசியபோது, ‘‘இதேபோல நான்கு ஆண்டுகளுக்கு முன்பு மாணவர்கள் இல்லாமல் இந்தப் பள்ளி மூடும் நிலைமைக்கு வந்தது. அப்போதும் ஊர் கூட்டம் போட்டு உள்ளூர் பள்ளியில் குழந்தைகளை சேர்க்காவிட்டால் ஊரைவிட்டு தள்ளி வைப்போம் என தீர்மானம் போட்டனர். ஆனால், இந்தத் தீர்மானத்துக்கு ஒரு சிலர் மட்டும்தான் மதிப்பு கொடுத்தனர். அந்தப் பகுதியைச் சேர்ந்த கல்வித் துறை அதிகாரிகளும் அந்த பள்ளி மீது எந்த கவனமும் செலுத்தவில்லை. வருடா வருடம் மாணவர்கள் எண்ணிக்கை குறைகிறதே, அதற்கான மாற்று வழி என்ன என்று எந்த முன்னெச்சரிக்கை நடவடிக்கையும் எடுக்கவில்லை. அங்கு ஒரே அறையில் ஐந்து வகுப்பு-களும் நடந்திருக்கிறது. அங்கு இருந்த இரண்டு ஆசிரியர்களில் ஒருவர் டெப்டேஷனில் வேறு பள்ளிக்கு போய்விட்டார். மற்றொருவர் விடுமுறை என்றால் அந்த பள்ளிக்கே விடுமுறைதான். பல முறை அந்தப் பள்ளிக்கு இன்ஸ்பெக்ஷ ன் போன அதிகாரிகள் இதுபற்றியெல்லாம் கண்டுகொள்ளவே இல்லை’’ என்று ஆதங்கத்தைக் கொட்டினார்கள்.

திண்டுக்கல் மாவட்ட தொடக்கக் கல்வி அலுவலர் மதியழகர்ராஜிடம் இந்தப் பள்ளியின் அவலம் பற்றி கேட்டோம். ‘‘அந்தப் பள்ளியை மூடுவதற்கு ஆர்டர் போடவில்லை. படிப்பதற்கே மாணவர்கள் இல்லாத நிலையில்தான் அங்கிருந்த ஆசிரியருக்கு வேறு பள்ளிக்கு டெப்டேஷன் டூட்டி போட்டிருக்கிறோம். பொதுவாக துவக்கப் பள்ளியில் படிக்கும் வயதில் அந்த கிராமத்திலே மாணவர்கள் இல்லை. இருக்கும் ஒரு சில மாணவர்களும் பக்கத்தில் இருக்கும் தென்னம்பட்டி, வடமதுரை பள்ளிகளுக்கென்று சென்றுவிடுவதால்தான் சீத்தப்பட்டி பள்ளி மாணவர்கள் சேரும் வரைக்கும் மூடும் நிலைமைக்கு தள்ளப்பட்டிருக்கிறது. இருந்தும் அந்த பகுதியில் உள்ள ஏ.இ.ஓ.விடம் முழுமையான ரிப்போர்ட் பெறப்பட்ட பின்பே இறுதி முடிவெடுக்கப்படும்’’ என்றார்.

இந்த விஷயத்தில் அதிகாரிகளை மட்டும் குறை சொல்லிப் பயனில்லை. ஆங்கில மோகத்தில் தங்கள் பிள்ளைகளை கான்வென்ட்டுகளில் சேர்க்கத் துடிக்கும் பெற்றோர்களும்தான் பொறுப்பு!

சிறையில் செக்ஸ் டார்ச்சர்!

பத்து மார்க்குக்கு 2 லட்சம்! +2 ரிசல்ட் மோசடி!

கொலைகார டாக்டர்கள்!

நான்கு மாவட்ட அ.தி.மு.க.வை ஆட்டிவைத்த
டி.எஸ்.பி. ஆட்டம் கண்டது எப்படி?

 

‘‘கட்சிப் பதவிக்கு இவர்களை நியமிக்க வேண்டும் என்று அ.தி.மு.க. தலைமைக் கழகத்துக்கு கடிதம் கொடுத்தால், கலியபெருமாளை பார்க்க வேண்டும் என்றார்கள். அவரைப் பார்த்தால், நாமக்கல் டி.எஸ்.பி.யை பாருங்கள் என்றார்கள். அங்கே போனால், ‘இந்த பதவிகளுக்கு எவ்வளவு பணம் தருவீங்க?’ என்று கேட்கிறார். உலகத்திலேயே ஒரு கட்சியோட பதவியை நியமிக்கிற அதிகாரத்தை டி.எஸ்.பி.யிடம் கொடுத்திருக்கிற கொடுமை அ.திமு.க.வைத் தவிர வேற எங்காச்சும் நடக்குமா?’’ & சில வாரங்களுக்கு முன்பாக முன்னாள் அமைச்சர் கரூர் சின்னசாமி சொன்ன வார்த்தைகள் இவை.

அந்த டி.எஸ்.பி. வேறு யாருமில்லை. சமீபத்தில் ஓன்றரை லட்சம் ரூபாய் லஞ்சம் வாங்கி, சிக்கிக் கொண்ட நாமக்கல் டி.எஸ்.பி. சீனிவாசன்தான்.

யாரிந்த சீனிவாசன்? 1972ம் ஆண்டு கிரேடு ஒன் காவலர். 1985ம் ஆண்டு எஸ்.ஐ.யானார். திடீரென கோர்ட்டில் வழக்கு தொடர்ந்து, ‘என் பெற்றோர் எனது வயதை அதிகமாகக் காட்டிவிட்டார்கள். எனவே, வயதைக் குறைக்க வேண்டும்’ என்று வயதை மாற்றிக் கொண்டார். எல்லா விஷயத்திலும் கில்லாடி. மன்னார்குடி வகையறாக்களின் உறவினர் என்று சொல்லி, 1991 முதல் 96 வரை எக்கச்சக்க ஆட்டம். அந்த ஆட்டத்தின் கடைசி இன்னிங்ஸ் முடிய இன்னும் ஒன்பது மாதங்களே இருந்தது. அதற்குள் சிக்கிக் கொண்டார் சீனிவாசன்.

லஞ்ச ஒழிப்பு துறை வட்டாரத்தில் பேசியபோது ‘‘நாகப்பட்டினம் மாவட்டத்தைச் சேர்ந்த ஆரோக்கியசாமி, மோகனூருக்கு பக்கத்தில இரண்டு கோழிப் பண்ணை வைச்சிருக்கார். அவருக்கு லோன் வாங்கி தர்றதுக்கு உதவியா இருந்த ஷேக் நவீத் (ராசிபுரம் முன்னாள் காங்கிரஸ் எம்.பி. ராணியின் பி.ஏ.) தன்னையும் கோழி பண்ணையில், ஒரு பார்ட்னராக சேர்த்துக்க சொல்லியிருக்கார். ஆரோக்கியசாமியும் சேத்துக்கிட்டாரு.

ஒரு கட்டத்துல ஷேக் நவீத், பண்ணையில எனக்கு சரி பாதி பங்கு இருக்குன்னு கோர்ட்ல கேஸ் போட்டிருக்கார். மேலும் ஆரோக்கியசாமியை மிரட்டி வைக்கணுமுன்னு நினைச்சி, அவரோட இரண்டு பண்ணையில இருந்த 85 ஆயிரம் கோழிகளை ஜூலை 6&ந் தேதி தனது நண்பர்கள் ரவி, சண்முகம் மூலமா கடத்தியிருக்கார் ஷேக் நவீத். இந்த தகவலை கேள்விப்பட்ட டி.எஸ்.பி. சீனிவாசன் லாரியை மடக்கி மீட்டுக் கொடுத்து, ஷேக் நவீத் குரூப் மேல கேஸ் போட்டுட்டார். கேஸ் போடாமல் வெளிய வர ஷேக் குரூப், டி.எஸ்.பி.கிட்ட பேரம் பேசினாங்க. முதல்ல அவரு கேட்ட ஒரு லட்சத்தை ஜூலை 7&ந் தேதி தனது நண்பர் சண்முகம் மூலமா, ஷேக் கொடுத்துட்டார். காசு பத்தாதுன்னு சொல்லி மறுபடியும் 50 ஆயிரம் ரூபாயை வாங்கியிருக்காரு டி.எஸ்.பி. 

மறுபடியும் ஒன்றரை லட்சத்தை ஜூலை 10&ந் தேதி கேட்டிருக்காரு. அதுக்கு பிறகுதான் ஷேக் குரூப் எங்ககிட்ட புகார் கொடுத்தாங்க. ஷேக்கின் நண்பர் சண்முகம் கூடவே நாங்களும் போனோம். சண்முகம் பணம் கொடுக்கும்போது அதிரடியா டி.எஸ்.பி. வீட்டுல புகுந்து அவரை கைது செஞ்சோம். வீட்டுல பல கோடி பெறுமானமுள்ள டாக்குமெண்ட் கிடைச்சிருக்கு. அத பத்தி எல்லாம் இப்ப சொல்லமுடியாது’’ என்றார்கள்.

‘டி.எஸ்.பி. சிக்கிக் கொண்டதுக்கு காரணமே வேற’ என்று கிசுகிசுக்கிறார்கள் சில காவல்துறை அதிகாரிகள். அவர்களிடம் பேசியபோது ‘‘அ.தி.மு.க ஆட்சியில இவரோட பவரே தனி. ‘அ.தி.மு.க.வுல சசிகலாவும், தி.மு.க.வுல பழனி மாணிக்கமும் எனக்கு நெருங்கின சொந்தம்’ என்று சொல்லிக் கொண்டு மேலதிகாரிகளுக்கே டிரான்ஸ்பர் விசயத்தை கச்சிதமா செஞ்சி கொடுப்பாரு. 

இப்படி யோகமா வாழ்ந்த இவருக்கு நாமக்கல் எஸ்.பி.யாக பாரி வந்ததும் நெருக்கடி ஆரம்பமாச்சு. அ.தி.மு.க. கட்சி பதவிக்கு நடக்கும் எல்லா பஞ்சாயத்தையும் சீனிவாசன் தன்னோட ஆபீஸ்ல வச்சு பேசறாருன்னு ஏகபட்ட புகார். அதுபற்றி எஸ்.பி. கேட்டப்ப, அவரை அலட்சியப்படுத்தி பதில் சொன்னாரு. மத்திய அமைச்சர் காந்தி செல்வன் பாதுகாப்பு விஷயமும் சீனிவாசன் கையிலதான் இருந்தது. சரியான நேரத்துக்கு காவலர்களை அனுப்பாததால், அமைச்சருக்கும் அதிருப்தியை ஏற்படுத்தியது. எல்லமுமாகச் சேர்ந்து இப்ப லஞ்ச வழக்கு வடிவில் சிக்கிக்கொண்டார்’’ என்றார்கள்.

சீனிவாசன் சிக்கிக் கொண்டதுமே, அ.தி.மு.க. நிர்வாகிகள் பலரும் பட்டாசு வெடிக்காத குறைதான். அ.தி.மு.க.வினர் சிலரிடம் பேசிய போது ‘‘கரூர், சேலம், நாமக்கல், தருமபுரின்னு இந்த நாலு மாவட்டத்திலயும் கரை வேட்டி கட்டாத கட்சிக்காரர் போல சீனிவாசன் வலம் வந்தாரு. அ.தி.மு.க. மண்டலத் தலைவர் கலியபெருமாள் மருமகன், இவரோட சொந்த அண்ணன் மகன்தான். கலியபெருமாளை யார் போய் பார்த்தாலும், அவரு அடுத்த நிமிடமே சொல்ற வார்த்தை ‘நாமக்கல் போலீஸ் அதிகாரிய கான்டாக்ட் பண்ணுங்க’என்பதுதான். 

இவரைப் போய் பார்த்தா, இந்த பதவிக்கு இவ்வளவு விலைன்னு சொல்லுவாரு. அந்த விலைய பாத்து பல பேரு மலைச்சி போயிருக்காங்க. 

இவரைப் பத்தி கேள்விப்பட்ட பல ஒன்றிய, நகர நிர்வாகிகள் தனியாகவே சந்தித்து பதவிக்கு பண பேரம் பேசுவாங்க. அப்படி பல பேரு இவருகிட்ட பணத்தை கொடுத்திட்டு அல்லாடிய கதையும் உண்டு. புரட்சித் தலைவரு இயக்கத்துக்கு துரோகம் செஞ்சவங்களை அவரோட ஆன்மா சும்மா விடாதுன்னு போன வாரந்தான் ஓ.பி.எஸ். நாமக்கல்ல பேசிட்டு போனாரு. ஆன்மா வேலை செய்ய ஆரம்பிச்சிடுச்சி’’ என்றனர் அ.தி.மு.க.வினர்.

சீனிவாசன் தரப்பினரோ ‘‘இது அவருக்கு தெரியாமலேயே பின்னப்பட்ட சூழ்ச்சி வலை. அதில் அவர் சிக்கிகொண்டார். அவருக்கு எதிராக சிலர் திட்டம் போட்டு இதை செய்திருக்கிறார்கள். அ.தி.மு.க கட்சி விவகாரத்திலும் அவரை அளவுக்கு மீறி சம்மந்தப்படுத்துகிறார்கள். அவர் ஜாமீனில் வெளியே வந்ததும் கண்டிப்பாக உண்மை வெளியுலகுக்கு தெரியும்’’ என்று அடித்து பேசுகிறார்கள்.

லஞ்ச ஒழிப்பு துறை கைது செய்ததுமே, தனக்கு நெஞ்சு வலி என்று சொல்லி, நாமக்கல் அரசு மருத்துவமனையில் அட்மிட்டாகிவிட்டார் சீனிவாசன். இவரது வீட்டில் கைப்பற்றப்பட்ட ஆவணங்களில் சில முக்கிய வி.ஐ.பி.களுக்கு இவர் பினாமியாக செயல்பட்டதும் தெரிய வந்துள்ளது. விசாரணை முடிவில் இன்னும் பல அதிர்ச்சி தகவல்கள் வெளிவரும் என்கிறார்கள் லஞ்ச ஒழிப்புத் துறையினர். 

Another marksheet scandal: this time 4 held in Thanjavur Tiruchi Passport Office Tips Off Cops After Detecting Fraud  V Mayilvaganan | TNN Thanjavur: Days after a fake marksheet scam was unearthed in Chennai,the regional passport office (RPO) in Tiruchi has busted a similar racket.Four persons have been caught making fake Plus Two marksheets in Kumbakonam in Thanjavur district after the RPO tipped off the police about finding a fake Plus Two marksheet along with a passport application. A youth who applied for a passport using a fake certificate was also arrested while one more member of the gang is absconding.The five were involved in making fake marksheets and other certificates for the past five years.Police said there was no information whether this gang had any links to the fraudsters arrested in Chennai a few days back on similar charges.We have no information about the links.This gang was selling fake school and college marksheets to persons in this region who wanted those certificates to obtain passports or overseas jobs.There were complaints from the passport office about the fake certificates based on which the gang was tracked and arrested, said Thanjavur superintendent of police,AK Senthilvelan.The operations of the gang came to light after a fake Plus Two certificate was detected with an application for a passport in the RPO in Tiruchi recently.We randomly send the certificates to the issuing authorities to confirm the veracity of the certificates.It was during such a verification that we found that the marksheet was a fake, regional passport officer K Balamurugan said.When he summoned the applicant,Saminathan,25,of Andipandal in Nagapattinam district and began quizzing him,he admitted that it was a fake certificate.Saminathan had said that he had obtained the marksheet paying Rs 5,000 to Basheer Ahmed of Kudavasal. The passport officer passed on the information to the police who nabbed Basheer Ahmed,Khaja Mohideen of Nannilam,Pandian of Tiruvarur and Aktar Ali of Kumbakonam.Saminathan was also held,while Ravi,a photographer,is on the run.Balamurugan said the passport office comes across such cases often. THE NET WIDENS 10 suspected marksheets in medical and 41 in engineering admissions are under investigation A retired assistant headmaster and an education official have been arrested No information about links between Kumbakonam and Chennai rackets

-- Edited by devapriyaji on Sunday 25th of July 2010 06:08:00 AM

அரசுப் பணியில் ஆயிரம் போலிகள்!
- மதிப்பெண் சான்றிதழ் கிளப்பும் பூதம்

இன்னும் எதில் எதிலெல்லாம் போலிகள் உருவாகும் என்பதை யோசிக்கவே முடியாதபடி... வந்துகொண்டே இருக்கின்றன போலிகள். அதிலும் அனைத்தையும் சரிப்படுத்த வேண்டிய கல்வி உலகத்தையே ‘போலி மதிப்பெண் சான்றிதழ் கும்பல்’ கரையானாக அரிக்க ஆரம்பித்துவிட்டதுதான் காலக் கொடுமை. 

எப்படி சிக்கினர் போலிகள்?

மருத்துவ, பொறியியல் சீட் கவுன்சிலிங் நடப்பதால் இரண்டு வாரங்களாக சென்னை அண்ணா பல்கலைக்கழகம் பரபரப்பில் இருக்கிறது. 

இந்த நிலையில் சில மாணவர்களின் மதிப்பெண் பட்டியலைப் பார்த்த பல்கலைக்கழக அதிகாரிகளுக்கு மூக்கு வேர்த்திருக்கிறது. தமிழ், ஆங்கிலம் போன்ற மொழிப் பாடங்களில் மிகக் குறைந்த பாஸ் மார்க் வாங்கியவர்கள்... ‘கீ சப்ஜெக்டுகள்’ எனப்படும் கணக்கு, இயற்பியல், வேதியியல், உயிரியல் போன்ற பாடங்களில் மதிப்பெண்களை வாரிக் குவித்திருந்தனர். இதில் சந்தேகம் முட்ட, அந்த மாணவர்களின் மதிப்பெண் பட்டியல் அடங்கிய சி.டி.யை தேர்வுத் துறை இயக்குனகரத்திலிருந்து வாங்கி இரண்டையும் ஒப்பிட்டுப் பார்த்தனர் அதிகாரிகள்.

அப்போதுதான் அவர்களுக்கு அதிர்ச்சி காத்திருந்தது. சி.டி.யில் இருந்த மதிப்பெண் பட்டியலை விட அம்மாணவர்கள் கொண்டுவந்த மதிப்பெண் பட்டியலில் மார்க்குகள் அதிகம் இருந்தன.

இந்த வகையில் சுமார் 51 மாணவர்களின் மதிப்பெண் பட்டியல் போலி என தெரியவந்திருக்கிறது. மேலும் அதிர்ச்சி என்னவென்றால், மருத்துவ கவுன்சிலிங்கின்போது போலி மதிப்பெண் பட்டியல் கொடுத்த பத்து மாணவர்களில் ஒன்பது பேர் மாணவிகள்.

‘‘கவுன்சிலிங் ரேங்க்கில் முன்வரிசை, விரும்பிய படிப்பு, டாப் டென் கல்லூரியில் இடம் போன்றவற்றை அடைய, வாங்கிய மார்க்குகளை விட ஒரு சில மார்க்குகள் அதிகம் பெற வேண்டியிருக்கிறது. இந்த போட்டியை சமாளிக்க முடியாத சில பெற்றோர்கள்தான் போலி மதிப்பெண் சான்றிதழ் தயாரிக்கும் ஏஜன்ட்டுகளை நாடி தங்கள் பிள்ளைகளுக்கு உதவுவதாக நினைத்து உலைவைத்துவிட்டனர்’ என்கிறார்கள் பல்கலைக்கழக வட்டாரத்தில். 

போலீஸாரின் பிடியில் சிக்கிய மாணவிகள், ‘‘எங்களுக்கு ஒன்றும் தெரியாது. எங்களை கைது செய்துவிடாதீர்கள்’’ என்று கதறி அழுதுள்ளனர். அவர்களின் நிலையை உணர்ந்த போலீஸார் பெற்றோரிடம் விசாரித்தபோதுதான் போலி மதிப்பெண் ஏஜென்ட்டுகளான திருவேங்கடம், ஏகாம்பரம் ஆகியோரைக் கைது செய்துள்ளனர். 

திருவேங்கடம் திருவண்ணாமலையைச் சேர்ந்த ஓய்வுபெற்ற உதவித் தலைமை ஆசிரியர். அவரைப் பொறிவைத்து பிடித்த போலீஸார் அவரை வைத்துக் கொண்டு முக்கிய குற்றவாளியான கல்லூரிக் கல்வி இயக்குனரக ஆவணப் பிரிவு எழுத்தர் ஏகாம்பரத்தை மடக்கினர். சென்னை பழைய வண்ணாரப்பேட்டையில் உள்ள ஏகாம்பரத்தின் வீட்டில் சோதனை நடத்தியதில் தயாரித்து தயாராக வைக்கப்பட்டிருந்த 48 போலி மதிப்பெண் பட்டியல் சிக்கியது. மேலும் போலி மதிப்பெண் பட்டியல் தயாரிக்கத் தேவையான அனைத்து விதமான ஆவணங்கள், முத்திரைகள், ஹாலோகிராம் ஆகியவையும் போலீஸாரால் பறிமுதல் செய்யப்பட்டன.

இதில் திருவேங்கடத்தின் பங்கு முக்கியம். இவருக்கு தமிழகத்தின் வடக்கில் இருந்து தெற்கு வரை நெட்வொர்க். அதற்கு அவருக்கு உதவியது புனிதமான ஆசிரியர் பணி. தனக்கு தேர்வுக் கட்டுப்பாட்டு இயக்குனரகத்தில் ஆட்கள் இருக்கிறார்கள் என்று பெற்றோரிடம் வலை விரிப்பது இவரின் பாணி. மாணவர்களின் வசதிக்கு ஏற்ப 10 ஆயிரம் முதல் ஒரு லட்சம் ரூபாய் வரை கட்டணம் கைமாறியுள்ளது. குறிப்பாக மருத்துவ படிப்பு என்றால் அதற்கு ரிஸ்க் அதிகம் என்று சொல்லி பல லட்சங்களை கறந்துள்ளனர். கிடைக்கும் பணத்தில் ‘பிப்டி பிப்டி’ என்று பங்கு பிரித்துக் கொண்டனர் ஏகாம்பரமும், திருவேங்கடமும். சம்பந்தப்பட்ட மாணவர்களுக்கு சந்தேகமே வராத வகையில் சென்னையில் இருந்து அரசு தபால் போலவே கூரியர் மூலம் மதிப்பெண் பட்டியலை அனுப்பி வந்திருக்கிறார்கள் இவர்கள்.

பிடிபட்ட திருவேங்கடம் போலீஸ் விசாரணையில், ‘‘நாங்கள் தரும் மதிப்பெண் பட்டியல் ஒரிஜினல். நீங்கள் வித்தியாசம் காணமுடியாது. ஏற்கனவே எங்கள் சான்றிதழ் பெற்றவர்கள் இன்று இந்தியா மற்றும் வெளி-நாடுகளில் டாக்டர்களாகவும், இன்ஜினியர்-களாகவும் வேலை பார்த்து வருகின்றனர். இன்னும் பலர் அரசுப் பணியில் இருந்து வருகின்றனர். பலர் ராணுவத்தில் பணியில் உள்ளனர். இதுவரை அதுபோல எந்தப் பிரச்னையும் வரவில்லை. தமிழகம் முழுவதும் ஒவ்வொருவர் மூலம் ஆட்களை பிடித்து என்னை வந்து சந்திப்பார்கள். நாங்கள் உடனே சான்றிதழ் வழங்க மாட்டோம். எங்களுக்கு நம்பிக்கை வந்தால்தான் சான்றிதழ் அளிப்போம்’’ என்று கூறியிருக்கிறார்.

இது குறித்து சென்னை மத்திய குற்றப்பிரிவு துணை கமிஷனர் ஸ்ரீதர் நம்மிடம், ‘‘பல்கலைக் கழக ரேங்க்கில் கூடுதல் இடம் பிடிக்க வேண்டும் என்பதற்காக மறு கூட்டலுக்கு விண்ணப்பித்துள்ளனர். அவ்வாறு விண்ணப்-பித்தவர்-களிடம் உங்களுக்கு மதிப்பெண் பட்டியல் வர காலதாமதமாகும், நாங்கள் அதிக மதிப்பெண்ணோடு பட்டியல் வாங்கித் தருகிறோம் என்று சொல்லி பணம் வாங்கியுள்ளனர். போலி மதிப்பெண் பட்டியல் கொண்டுவந்த மாணவிகளிடம் முழுமையாக விசாரித்துவிட்டோம். திருவேங்-கடத்தையும், ஏகாம்பரத்தையும் மீண்டும் விசாரிக்கும்போதே முழுத் தகவல்கள் தெரியவரும்’’ என்றார்.

இது குறித்து அண்ணா பல்கலைக்கழக துணை வேந்தர் மன்னர் ஜவஹரிடம் பேசினோம். ‘‘இந்த மதிப்பெண் மோசடியில் சிக்கிய மாணவ, மாணவிகள் அனைவரும் நல்ல மதிப்பெண் பெற்றவர்கள்தான். ஆனால், குழந்தைகளுக்கு முன்மாதிரியாக இருக்க வேண்டிய பெற்றோர், நல்ல கல்லூரி, விரும்பிய பாடங்கள் கிடைக்க இதுபோன்ற நடவடிக்கைகளில் ஈடுபட்டதாக தெரிய-வந்துள்ளது. தமிழகத்தில் பொறியியல் தொழிற்படிப்புக்கு விண்ணப்பித்த மாணவர்கள் அனைவருக்கும் நிச்சயம் இடம் கிடைக்கும். எனவே மாணவர்கள் இதுபோன்ற செயல்பாடுகளில் ஆர்வம் காட்டவேண்டாம்’’ என்றார்.

திருவேங்கடத்தின் வாக்குமூலப்படி இன்று அரசுப் பணிகளில் உள்ளவர்களை கணக்கெடுத்தால் இதுபோன்ற ஆயிரக்கணக்கான போலிகள் சிக்குவார்கள். அவர்களில் பலர் இன்று ஓய்வுபெறும் நிலையில் உள்ளனர். இந்த போலிகளை ‘பொலி’ போடுமா அரசு?

CHENNAI: The Madras high court has decided to personally monitor the steps taken by the Metrowater and Municipal Administration department to do away with the practice of manual cleaning of sewerage in the state. 

The first bench comprising Chief Justice M Yusuf Eqbal and Justice TS Sivagnanam was passing orders on a contempt of court petition, which said the court-appointed special committee comprising senior officers and the petitioner was not taking the issue of manual cleaning of sewers seriously and that no concrete decisions had been taken by the committee. 

The petition, filed by A Narayanan, referred to deaths of workers who got asphyxiated after entering into manholes in different parts of the city. Though the civic authorities contended that they had stopped the practice and had purchased machines for the purpose, several deaths were reported even after that, the petitioner said. 

In September 2009, the court formed a special committee and asked it to suggest steps to improve the drainage system and maintain the overall environment clean in cities and villages. Though the committee was supposed to submit its report in two months, it got six more months to submit it. 

As no meaningful progress was made by the committee, Narayanan filed the present contempt petition. 

The bench, considering the seriousness of the issue, said henceforth it would monitor further course of action, and directed the committee to hold its meeting in the first week of August itself. A preliminary report as to the steps taken should also be filed, it said. 

The judges then posted the matter to August 17 for further proceedings.