New Indian-Chennai News + more

Members Login
Username 
 
Password 
    Remember Me  
Post Info TOPIC: திருக்குறள் நூல் -கி. வீரமணி


Guru

Status: Offline
Posts: 18761
Date:
திருக்குறள் நூல் -கி. வீரமணி
Permalink  
 


"திருக்குறளும், மனுதர்மமும் இரு வேறு நூல்கள்! இரு வேறு பண்பாடு! இரு வேறு நாகரிகம்!"

எழுத்துரு அளவு Larger Font Smaller Font

இராஜபாளையம் திருவள்ளுவர்  மன்றத்தில் தமிழர் தலைவர் கி. வீரமணி அவர்களின் இலக்கிய ஆய்வுரை!

y12.jpg

வில், "ஆரியத்தை எதிர்த்து எழுதப்பட்டதுதான் திருக்குறள்"  என்று தமிழர் தலைவர் கி. வீரமணி அவர்கள் தரவுகளோடு ஆய்வுரை நிகழ்த்தினார்.

ராஜபாளையம் ரயில் நிலையம் அருகில் தென்காசி செல்லும் சாலையிலுள்ள திருவள்ளுவர் மன்றத்தின் சார்பில் 53ஆம் ஆண்டுவிழா செல்வநாயகம் அரங்கில் ஏற்பாடு செய்யப்பட்டிருந்தது. நிகழ்ச்சி சரியாக  (நேற்று 18.2.2018) மாலை 6.30 மணிக்குத் தொடங்கியது. நிகழ்ச்சியில் மேனாள் நீதியரசர் மாண்பமை நடராசன் தலைமை ஏற்றார். திருவள்ளுவர் மன்றத் தலைவர் புலவர் முத்தரசு அனைவரையும் வரவேற்று உரையாற்றினார். 


வாழ்வியல் வள்ளுவம்

தனது ஆய்வுரையைத் தொடங்கும்முன் திருக்குறளில் ஆன்ற புலமை வாய்ந்தவர்களும், பக்தர்களும், பொது மக்களும் கூடியிருந்த அவையாகையால், "நான் ஒரு பகுத்தறிவுவாதி, எதையும் அறிவியல் மனப்பான்மையுடன் அணுகக் கூடியவன்" என்று முன்னோட்டமாகக் கூறி, "இது யாரையும் புண்படுத்துவதற்கு அல்ல. எங்கள் கத்தி, கசாப்புக் கடை கத்தியல்ல, அறுவை சிகிச்சை மருத்துவரின் கத்தி" என்று கூறி கூடியிருந்தவர்களை தன்னுடைய உரைக்கு தயார் செய்து விட்டுத் தொடங்கினார்.

"வாழ்வியல் வள்ளுவம்" என்ற தலைப்பைத் தந்திருக் கிறார்கள். வள்ளுவம் என்று சொன்னாலே வாழ்வியல் தானே!" என்று சொல்லிவிட்டு, "மிகவும் சிக்கனமாக வார்த்தை களைப் பயன்படுத்திய  வள்ளுவர்தான் எப்பொருள் யார் யார் வாய் கேட்பினும் அப்பொருள் மெய்ப்பொருள் காண்பது அறிவு" என்று எழுதினார். அது மட்டுமல்ல "எப்பொருள் எத்தன்மைத்தாயின்" என்று எழுதினார். என்றைக்கும் பின்பற்றத்தக்க இவற்றை 2000 ஆண்டுகளுக்கு முன்பே எழுதினார் என்பதுதான் சிறப்பு" என்றதும் அரங்கம் கை தட்டல்களால் அதிர்ந்தது.

பரிமேலழகரின் தந்திரம்

மேலும் அவர், பரிமேலழகர் உரையை ஒரு பிடி பிடித்தார். "அப்படி எப்பொருள் யார் யார் வாய் என்று சொன்ன வள்ளுவரின் குறளுக்கு 1700 ஆண்டுகளுக்குப் பிறகு உரை எழுதிய பரிமேலழகர் தந்திரமாக ஆரியப் பண்பாட்டைப் புகுத்தினார். என்று கூறிவிட்டு  திருக்குறள் என்பது ஆரியப் பண்பாட்டை எதிர்த்து எழுதப்பட்டது என்பதற்கு. அசல் மனுதர்மம் நூலில் உள்ளவற்றையும் திருக்குறளையும் ஒப்பிட் டுக் காட்டி விட்டு, "உலகப் பொது நூலாம் திருக்குறளும், ஒரு குலத்துக்கு ஒரு நீதி சொல்லும் மனுதர்மமும் இரு வேறு நூல்கள்! இரு வேறு பண்பாடு! இரு வேறு நாகரிகம்! என்று அடுக்கியதும் அரங்கத்தினர் அதை ஆமோதிப்பதுபோல கரவொலி எழுப்பினர்.

குறள் வளர்த்த தந்தை பெரியார்!

தொடர்ந்து பேசிய தமிழர் தலைவர் "1949ஆம் ஆண்டு தந்தை பெரியார் குறள், வள்ளுவர் நெறி விளக்க மாநாடு நடத்தி புலவர்களின் அலமாரிகளில் இருந்த திருக்குறளை மக்களிடம் கொண்டு சேர்ந்தவர் தந்தை பெரியார் தான்" என்றார். ஜி.யு. போப், மருத்துவர் ஆல்பர்ட், ஸ்வெட்சர்,  லாசரஸ் போன்றோர் "திருக்குறளின் பெருமையை உணர்ந்த அளவுக்கு, நம் மக்கள் உணராத நிலையில் தந்தை பெரியாரின் பணி எப்படிப்பட்டது என்பதை எண்ணிப் பாருங்கள்" என்று கேட்பவர்களின் சிந்தனையைத் தூண்டி விட்டார்.

மேலும் தந்தை பெரியாருக்குப் பிடித்த "குடிசெய் வார்க் கில்லை பருவம்" என்ற குறளையும், விதிக் கோட்பாட்டை மறுக்கின்ற 'ஊழையும் உப்பக்கம் காண்" என்ற குறளையும் சொல்லி நம் நாட்டுக்கும், நம் மக்களுக்கும் இரு கண்கள் போல இருப்பது திருக்குறள்தான் என்று தந்தை பெரியார் சொன்னதைச் சொல்லிவிட்டு மனோன்மணியம் சுந்தரனார் எழுதிய "வள்ளுவர் செய் திருக்குறளை மறுவற நன்குணர்ந் தோர் உள்ளுவரோ மனுவாதி ஒரு குலத்துக்கு ஒரு நீதி" என்பதையும் சுட்டிக்காட்டி திராவிடர் பண்பாட்டையும், ஆரிய பண்பாட்டையும் வேறு வேறு என்பதை நிறுவினார். இறுதியாக, "அறிவுக்கும், வாழ்க்கைக்கும் வழிகாட்டியாக இருக்கும் திருக்குறளை கசடறக் கற்க வேண்டும். ஆகவே. ஜாதியைப் பரப்புகின்ற புராணங்களையும், இதிகாசங்களையும் புறம்தள்ளி, திருக்குறளை ஆதரியுங்கள்" என்று கூறி நிறைவு செய்தார்.

முன்னதாக திருவள்ளுவர் மன்றத்தின் தலைவர் புலவர் முத்தரசு அவர்கள், திருக்குறளின் அருமை பெருமைகளை நல்ல வண்ணம் எழுத்துரைத்து, தமிழர் அனைவரும் ஒன்று சேர்ந்தால் பகைவரை எளிதில் வீழ்த்தி விடலாம் என்று பேசி அனைவரையும் வரவேற்று அமர்ந்தார்.

தொடர்ந்து மேனாள் நீதியரசர் நடராஜன் அவர்கள், இந்திய குற்றவியல் சட்ட நெறிமுறைகளை திருக்குறளோடு ஒப்புமைப்படுத்தி பல்வேறு ஆதாரங்களைத் தந்து தலைமை உரை ஆற்றி அமர்ந்தார்.

 

"திருக்குறளும், மனுதர்மமும் இரு வேறு நூல்கள்! இரு வேறு பண்பாடு! இரு வேறு நாகரிகம்!"

எழுத்துரு அளவு Larger Font Smaller Font

இராஜபாளையம் திருவள்ளுவர்  மன்றத்தில் தமிழர் தலைவர் கி. வீரமணி அவர்களின் இலக்கிய ஆய்வுரை!

y12.jpg

தமிழுக்கு மரியாதை

தொடங்குவதற்கு முன் தமிழ்த்தாய் வாழ்த்து இசைக்கப்படப் போவதாக அறிவிப்பு செய்யப்பட்டது. தமிழர் தலைவர் உட்பட அனைவரும் எழுந்து நின்றனர். பாடல் இசைக்கப்படுவதற்கு முன்னதாகவே, "நாம் யாரும் தியானம் செய்யவில்லையல்லவா?" என்று தமிழர் தலைவர் மேடையில் இருந்தவர்களைப் பார்த்து கேட்டதும், புரிந்து கொண்ட அரங்கத்தினர் அரங்கம் அதிர சிரித்தனர். தொடர்ந்து தமிழ்த்தாய் வாழ்த்து இசைக்கப்பட்டது.

நினைவுப் பகிர்வுகள்

தமிழர் தலைவர் தங்கியிருந்த விடுதியில் அவரைக் காண்பதற்காக திமுக, மதிமுக உள்ளூர் பிரமுகர்கள் ஏராளமானோர் வருகை தந்து தமிழர் தலைவருக்கு புத்தகங்களைப் பரிசளித்து மகிழ்ந்தனர். தமிழர் தலைவர் அவர்களும் புத்தகங்களின் அருமையை தேவையைக் குறித்து பேசி மகிழ்ந்தார். உள்ளூர் பிரமுகர்கள் தந்தை பெரியாருடனான தங்கள் நினைவுகளை தமிழர் தலைவருடன் பகிர்ந்து கொண்டனர். காலை தொடங்கி, மாலை நிகழ்ச்சிக்கு புறப்படும் வரை இந்த சந்திப்புகள் ஓயாமல் தொடர்ந்தன. இந்நிகழ்வை விருதுநகர்  மாவட்டத் தலைவர் திருப்பதி மிக அருமையாக ஒழுங்கு செய்திருந்தார்.

இராஜபாளையம் பிப்.19 இராஜபாளையம் திருவள்ளுவர் மன்றத்தில் நடைபெற்ற  53ஆம் ஆண்டு திருவள்ளுவர் திருவிழாவில், "ஆரியத்தை எதிர்த்து எழுதப்பட்டதுதான் திருக்குறள்"  என்று தமிழர் தலைவர் கி. வீரமணி அவர்கள் தரவுகளோடு ஆய்வுரை நிகழ்த்தினார்.

ராஜபாளையம் ரயில் நிலையம் அருகில் தென்காசி செல்லும் சாலையிலுள்ள திருவள்ளுவர் மன்றத்தின் சார்பில் 53ஆம் ஆண்டுவிழா செல்வநாயகம் அரங்கில் ஏற்பாடு செய்யப்பட்டிருந்தது. நிகழ்ச்சி சரியாக  (நேற்று 18.2.2018) மாலை 6.30 மணிக்குத் தொடங்கியது. நிகழ்ச்சியில் மேனாள் நீதியரசர் மாண்பமை நடராசன் தலைமை ஏற்றார். திருவள் ளுவர் மன்றத் தலைவர் புலவர் முத்தரசு அனைவரையும் வரவேற்று உரையாற்றினார். தமிழர் தலைவரின் ஆய்வுரைக் குப்பின் மன்றத்தின் செய லாளர் அருணாச்சலம் நன்றி கூறினார்.
வாழ்வியல் வள்ளுவம்

தமிழர் தலைவர் தனது ஆய்வுரையைத் தொடங்கும்முன் திருக்குறளில் ஆன்ற புலமை வாய்ந்தவர்களும், பக்தர்களும், பொது மக்களும் கூடியிருந்த அவையாகையால், "நான் ஒரு பகுத்தறிவுவாதி, எதையும் அறிவியல் மனப்பான்மையுடன் அணுகக் கூடியவன்" என்று முன்னோட்டமாகக் கூறி, "இது யாரையும் புண்படுத்துவதற்கு அல்ல. எங்கள் கத்தி, கசாப்புக் கடை கத்தியல்ல, அறுவை சிகிச்சை மருத்துவரின் கத்தி" என்று கூறி கூடியிருந்தவர்களை தன்னுடைய உரைக்கு தயார் செய்து விட்டுத் தொடங்கினார்.

y13.jpg

திருவள்ளுவர் மன்றத்திற்கு இயக்க நூல்களை 
தமிழர் தலைவர் நன்கொடையாக வழங்கினார்

"வாழ்வியல் வள்ளுவம்" என்ற தலைப்பைத் தந்திருக் கிறார்கள். வள்ளுவம் என்று சொன்னாலே வாழ்வியல் தானே!" என்று சொல்லிவிட்டு, "மிகவும் சிக்கனமாக வார்த்தை களைப் பயன்படுத்திய  வள்ளுவர்தான் எப்பொருள் யார் யார் வாய் கேட்பினும் அப்பொருள் மெய்ப்பொருள் காண்பது அறிவு" என்று எழுதினார். அது மட்டுமல்ல "எப்பொருள் எத்தன்மைத்தாயின்" என்று எழுதினார். என்றைக்கும் பின்பற்றத்தக்க இவற்றை 2000 ஆண்டுகளுக்கு முன்பே எழுதினார் என்பதுதான் சிறப்பு" என்றதும் அரங்கம் கை தட்டல்களால் அதிர்ந்தது.

பரிமேலழகரின் தந்திரம்

மேலும் அவர், பரிமேலழகர் உரையை ஒரு பிடி பிடித்தார். "அப்படி எப்பொருள் யார் யார் வாய் என்று சொன்ன வள்ளுவரின் குறளுக்கு 1700 ஆண்டுகளுக்குப் பிறகு உரை எழுதிய பரிமேலழகர் தந்திரமாக ஆரியப் பண்பாட்டைப் புகுத்தினார். என்று கூறிவிட்டு  திருக்குறள் என்பது ஆரியப் பண்பாட்டை எதிர்த்து எழுதப்பட்டது என்பதற்கு. அசல் மனுதர்மம் நூலில் உள்ளவற்றையும் திருக்குறளையும் ஒப்பிட் டுக் காட்டி விட்டு, "உலகப் பொது நூலாம் திருக்குறளும், ஒரு குலத்துக்கு ஒரு நீதி சொல்லும் மனுதர்மமும் இரு வேறு நூல்கள்! இரு வேறு பண்பாடு! இரு வேறு நாகரிகம்! என்று அடுக்கியதும் அரங்கத்தினர் அதை ஆமோதிப்பதுபோல கரவொலி எழுப்பினர்.

குறள் வளர்த்த தந்தை பெரியார்!

தொடர்ந்து பேசிய தமிழர் தலைவர் "1949ஆம் ஆண்டு தந்தை பெரியார் குறள், வள்ளுவர் நெறி விளக்க மாநாடு நடத்தி புலவர்களின் அலமாரிகளில் இருந்த திருக்குறளை மக்களிடம் கொண்டு சேர்ந்தவர் தந்தை பெரியார் தான்" என்றார். ஜி.யு. போப், மருத்துவர் ஆல்பர்ட், ஸ்வெட்சர்,  லாசரஸ் போன்றோர் "திருக்குறளின் பெருமையை உணர்ந்த அளவுக்கு, நம் மக்கள் உணராத நிலையில் தந்தை பெரியாரின் பணி எப்படிப்பட்டது என்பதை எண்ணிப் பாருங்கள்" என்று கேட்பவர்களின் சிந்தனையைத் தூண்டி விட்டார்.

மேலும் தந்தை பெரியாருக்குப் பிடித்த "குடிசெய் வார்க் கில்லை பருவம்" என்ற குறளையும், விதிக் கோட்பாட்டை மறுக்கின்ற 'ஊழையும் உப்பக்கம் காண்" என்ற குறளையும் சொல்லி நம் நாட்டுக்கும், நம் மக்களுக்கும் இரு கண்கள் போல இருப்பது திருக்குறள்தான் என்று தந்தை பெரியார் சொன்னதைச் சொல்லிவிட்டு மனோன்மணியம் சுந்தரனார் எழுதிய "வள்ளுவர் செய் திருக்குறளை மறுவற நன்குணர்ந் தோர் உள்ளுவரோ மனுவாதி ஒரு குலத்துக்கு ஒரு நீதி" என்பதையும் சுட்டிக்காட்டி திராவிடர் பண்பாட்டையும், ஆரிய பண்பாட்டையும் வேறு வேறு என்பதை நிறுவினார். இறுதியாக, "அறிவுக்கும், வாழ்க்கைக்கும் வழிகாட்டியாக இருக்கும் திருக்குறளை கசடறக் கற்க வேண்டும். ஆகவே. ஜாதியைப் பரப்புகின்ற புராணங்களையும், இதிகாசங்களையும் புறம்தள்ளி, திருக்குறளை ஆதரியுங்கள்" என்று கூறி நிறைவு செய்தார்.

முன்னதாக திருவள்ளுவர் மன்றத்தின் தலைவர் புலவர் முத்தரசு அவர்கள், திருக்குறளின் அருமை பெருமைகளை நல்ல வண்ணம் எழுத்துரைத்து, தமிழர் அனைவரும் ஒன்று சேர்ந்தால் பகைவரை எளிதில் வீழ்த்தி விடலாம் என்று பேசி அனைவரையும் வரவேற்று அமர்ந்தார்.

தொடர்ந்து மேனாள் நீதியரசர் நடராஜன் அவர்கள், இந்திய குற்றவியல் சட்ட நெறிமுறைகளை திருக்குறளோடு ஒப்புமைப்படுத்தி பல்வேறு ஆதாரங்களைத் தந்து தலைமை உரை ஆற்றி அமர்ந்தார்.

கலந்து கொண்டவர்கள்

மோகனா வீரமணி, பொதுச் செயலாளர் ஜெயக்குமார், தென் மாவட்ட பிரச்சாரக் குழுச் செயலாளர் எடிசன்ராஜா, அமைப்புச் செயலாளர் மதுரை செல்வம், பேராசிரியர்

நம். சீனிவாசன், பெரியார் வீர விளையாட்டுக் குழுத் தலைவர் பா. சுப்பிரமணியம், விருதுநகர் மாவட்டத் தலைவர்  திருப்பதி, செயலாளர் ஆதவன், பொதுக்குழு உறுப்பினர் வானவில் மணி, பொதுக்குழு உறுப்பினர் வழக்குரைஞர் பகீரதன், மாநில பகுத்தறிவாளர் கழகத் துணைத் தலைவர் நல்லதம்பி, மாவட்ட இளைஞரணித் தலைவர் இரா. கோவிந்தன், மதுரை முருகேசன் மண்டல செயலாளர் ம. பவுன்ராஜா, இராஜபாளையம் நகரத் தலைவர் சிவக்குமார், செயலாளர் இரா. பாண்டிமுருகன், கழகச் சொற்பொழிவாளர் காரைக்குடி என்னாரெசு பிராட்லா, சிவகாசி நகரச் செயலாளர் நரசிம்மராஜ், சிவகாசி நகர அமைப்பாளர் கண்ணன், திமுக நகரச் செயலாளர் ராமமூர்த்தி, தி.மு.க. நகரத் துணைச் செயலாளர் சரவணன், மதிமுக நகரச் செயலாளர் வி.எஸ்.ராஜா, மதிமுக மாவட்ட மாணவரணி அமைப்பாளர் மதியழகன், நிழற்படக் கலைஞர் சிவகுமார், பெரியார் வலைக்காட்சி உடுமலை வடிவேல், சுதன் மற்றும் திருவள்ளுவர் மன்ற பொறுப்பாளர்கள், பொது மக்கள்



-- Edited by Admin on Tuesday 20th of February 2018 06:31:34 AM



-- Edited by Admin on Monday 16th of July 2018 06:11:36 PM

__________________


Guru

Status: Offline
Posts: 18761
Date:
RE: திருக்குறளும், மனுதர்மமும் இரு வேறு நூல்கள் -கி. வீரமணி
Permalink  
 


 page4_02.jpg

page4_03.jpg

 



__________________


Guru

Status: Offline
Posts: 18761
Date:
Permalink  
 

page5_07.jpg



__________________


Guru

Status: Offline
Posts: 18761
Date:
Permalink  
 

page5_04.gif



__________________


Guru

Status: Offline
Posts: 18761
Date:
Permalink  
 

 

எழுத்துரு அளவு Larger Font Smaller Font

மூளையில் மாட்டப்பட்ட ஆரிய விலங்கை உடைக்க ஈரோட்டு சம்மட்டி தேவை!

 

தஞ்சை: திருக்குறள் பேரவை விழாவில்  தமிழர் தலைவர் உரை

v13.jpg

தஞ்சை, ஜூலை 4   வள்ளுவரின் திருக்குறளே ஆரியப் பண் பாட்டுப் படையெடுப்பின் எதிர்ப்பு அரண்தான்! மூளையில் மாட்டப்பட்ட ஆரிய விலங்கை உடைக்க ஈரோட்டு சம்மட்டி தேவை என்றார் திராவிடர் கழகத் தலைவர் ஆசிரியர் கி.வீரமணி அவர்கள்.

திருக்குறள் பேரவை சார்பில்...

28.5.2018 அன்று தஞ்சையில் திருக்குறள் பேரவை சார்பில் நடைபெற்ற விழாவில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் உரையாற்றினார்

அவரது உரை வருமாறு:

முதுமையானவர்களை இளமையாக்குவது எப்படி?

மிகுந்த எழுச்சியோடும், இன உணர்வோடும் சிறப்பாக ஒரு நல்ல தொண்டறத்தை திருக்குறளை பரப்புதல் என்பதன்மூலம் ஒரு புதிய அறிவுள்ள சமுதாயத்தை உருவாக்குதல் - கட்டுதல் என்ற பணியை உலகத் திருக்குறள் பேரவை என்று தொடங்கி, இந்தப் பெருமைக்குரிய தஞ்சை மாநகரில், தொடர்ந்து அறிஞர் பெருமக்களையெல்லாம் அழைத்து, சிறப்பான எல்லா வகையிலும் மூதறிஞர்களாக, முதிர்ந்தவர்களாக இருக்கக்கூடிய அறிஞர்களையெல்லாம், ஓய்வு பெற்று வீட்டிலே அமர்ந்திருக்கிறோமா, எப்படி பொழுது போகிறது என்றெல்லாம் யோசித்துக் கொண்டிருந்தவர்களை - முதுமை யானவர்களை இளமையாக்குவது எப்படி? என்பதற்கு அடையாளமாக இந்த உலகத் திருக்குறள் பேரவையை இங்கே அமைத்து, பல்லாண்டுகாலமாக தொடர்ந்து நடத்தி, நிகழ்ச்சிகளைத் சரியான நேரத்தில் தொடங்கி, சரியான நேரத்தில் முடியும் என்று நம்முடைய விழா செயலாளர் அவர்கள் தெளிவாக சொன்னதைப்போல, இந்த முயற்சியே சரியான நேரத்தில் தொடங்கப்பட்ட ஒரு முயற்சி. ஏனென்றால், இந்தக் காலகட்டத்தில், ஒரு பெரிய பண்பாட்டுப் படையெடுப்பில், பெரியவர்கள், படித்தவர்கள், ஆழ்ந்தவர்கள் என்பவர்கள் எல்லாம் மூழ்கி இருக்கக்கூடிய ஒரு காலகட்டத்தில், அந்த மயக்கத்திலிருந்து அவர்களை வெளியே கொண்டு வருவதற்காக செய்த பாராட்டத்தகுந்த அரிய முயற்சியான உலகத் திருக்குறள் பேரவையின் சார்பில், இங்கே உரையாற்றுவதற்குரிய அரிய வாய்ப்பை வழங்கி யமைக்கு என்னுடைய நன்றியைத் தெரிவித்துக் கொள்கிறேன்.

நம்முடைய அய்யா குறள்நெறிச் செல்வர் பேராசிரியர் கு.வெ.பாலசுப்பிரமணியனார் அவர்கள் ஒரு சிறந்த ஆய்வுரையை முன்னுரையை வழங்கினார்கள்.

பாராட்டுகளைக் கேட்பதைவிட ஒரு மனிதனுக்குத் தண்டனை வேறு கிடையாது!

ஒரே ஒரு சங்கடம்தான் எனக்கு. என்ன சங்கடம் என்று சொன்னால், பாராட்டுகளைக் கேட்பதைவிட ஒரு மனிதனுக்குத் தண்டனை - குறிப்பாக, பெரியார் தொண்டர்களுக்கு- வேறெதுவும்  கிடையாது. நாங்கள் வசவுகளையே அதிகம் கேட்டுக் கேட்டு பழக்கப்பட்ட காதுகளைக் கொண்டவர்கள்.

எனவே, இந்தப் பாராட்டுகளைக் கேட்கின்றபொழுது என்ன சிக்கல் என்று சொன்னால், நிமிர்ந்து இருக்கிற தலை -  நிமிர்ந்து இருக்க வேண்டிய தலை - கொஞ்சம் குனிய வேண்டிய அவசியத்திற்கு ஆளாகிறது! எங்கள் தலை எப்பொழுதும் பாராட்டுக்குக் குனியும்; எதிர்ப்புக்கு நிமிரும். எதிர்ப்பு வர, வர, வர நிமிர்ந்துகொண்டே இருக்கும். எனவே, அந்த நிமிரக் கூடிய வாய்ப்பைப் பெற்றுத்தரவேண்டும் என்று நாங்கள் எல்லாம் துடியாய்த் துடித்துக் கொண்டிருக்கின்ற நேரத்தில், மீண்டும் கொஞ்சம் (தலைக்குனிவு அல்ல) தலையை குனிய வைத்து - தலைகுனிவு வேறு; தலையை குனிய வைப்பது வேறு என்கிற அளவில் அய்யா அவர்கள் பல செய்திகளை சொன்னார். அதற்கு நான் தகுதியோ, இல்லையோ - அறிவாசான் அய்யா தந்தை பெரியார் அவர்கள் அதற்கு முழுத் தகுதி படைத்தவர்.

தலைதாழ்ந்த நன்றியை அவர்களுக்கு நான் உரித்தாக்கிக் கொள்கிறேன்

ஆகவே, அய்யா இன்றைக்கு இல்லை ஆகையால், அய்யாவின் தொண்டர்களையாவது பாராட்டுவோம் என்கிற அளவிற்கு இதை செய்திருக்கிறார்கள். அதற்காக என்னுடைய தலைதாழ்ந்த நன்றியை அவர்களுக்கு நான் உரித்தாக்கிக் கொள்கிறேன்.

 



__________________


Guru

Status: Offline
Posts: 18761
Date:
Permalink  
 

இந்நிகழ்ச்சியில் தலைமையேற்று சிறப்பாக நடத்திக் கொண்டிருக்கின்ற அய்யா அவர்களே,

வரவேற்புரையாற்றிய குறளகச் சுடர் அய்யா மாறவர்மன் அவர்களே,

இவரை நம்முடைய திருக்குறள் சோமசுந்தரம் அவர்கள் தான் அறிமுகப்படுத்தினார். எனக்குப் பல ஆண்டுகாலமாக நண்பர் சோமசுந்தரம் அவர்கள் எனக்கு நெருங்கிய நண்பர். அவர் ஒரு பெரியார் தொண்டர். அவருடைய தந்தையாரை நாம் அறிவோம். பெரியார் அறிவார். அப்படிப்பட்ட ஒரு குடும்ப நட்பு மிகத் தெளிவாக உண்டு. அவர் கொள்கைக் குடும்பத்தவரும் கூட.

நான் உள்ளபடியே எல்லையற்ற மகிழ்ச்சியடைகிறேன்!

ஆகவே, பல ஆண்டுகாலம் இந்த அமைப்பிற்கு வரவேண்டும் என்று சொன்னார்கள். ஏற்கெனவே ஒருமுறை இங்கே வந்திருக்கிறேன். மீண்டும் இங்கே வரவேண்டும் என்று அவர்கள் இந்த வாய்ப்பைக் கேட்டபொழுதெல்லாம், அதற்கு வாய்ப்பில்லாமல் நழுவி நழுவி சென்றது. ஆனால், இன்றைக்கு எப்படியும் செல்லவேண்டும் என்று இங்கே வந்தபொழுது, நான் உள்ளபடியே எல்லையற்ற மகிழ்ச்சியடைகிறேன்.

காரணம், இங்கே வந்திருக்கின்ற அறிஞர்கள், அறிவார்ந்த மக்கள். திருக்குறள் எந்த அளவிற்குப் பண்புடையவர்களை உருவாக்கும் என்பதற்கு அடையாளமாக இங்கே வந்திருக் கிறீர்கள்.

இன்னுங்கேட்டால், ஆழமாகத் திருக்குறளைப் பயின்ற அறிஞர்கள். எங்களைப் போன்ற சாதாரணமானவர்கள் அல்ல அவர்கள்.

திருத்துவதற்கு நீங்கள் இருக்கிறீர்கள்!

எனவேதான், இந்த அரங்கத்தில் துணிச்சலாக கருத்து களைச் சொல்லலாம் என்கிற எண்ணம் எங்களுக்கு வருகிறது. ஏனென்றால், திருத்துவதற்கு நீங்கள் இருக்கிறீர்கள். நாங்கள் திருந்துவதற்குத் தேவையானால் - திருத்திக் கொள்வதற்கும் தயாராக இருக்கிறோம். சமுதாயத்தைத் திருத்தக்கூடிய நாங்கள் இந்தப் பணியை செய்துகொண்டிருப்பதை, உற்சாகப் படுத்துகின்ற அளவில், நீங்கள் சில, பல வார்த்தைகளை சொல்லியிருக்கிறீர்கள். அந்த நம்பிக்கையை நாங்கள் நியாயப்படுத்த முயற்சிப்போம்.

அதேபோல, இங்கே கடவுள் வாழ்த்து என்கிற பெயரால், திரு.புகழேந்தி அவர்கள் மிகச் சிறப்பாகப் பாடினார்கள்.

அதுபோலவே, இறுதியில் நன்றியுரையை புலவர் அய்யா கோபாலகிருஷ்ணன் நிகழ்த்தவிருக்கிறார்.

புலவர் மல்லிகா அவர்கள் நாட்டுப்பண் பாடவிருக் கிறார்கள். ஆக, அத்துணைப் பெருமக்களே, மற்றும் இங்கே திரண்டிருக்கக்கூடிய அறிஞர்களே, சான்றோர்களே, தாய்மார்களே, கழகக் குடும்பத்தவர்களே உங்கள் எல்லோ ருக்கும் என்னுடைய அன்பான வணக்கத்தினைத் தெரிவித்துக் கொள்கிறேன்.

 

வள்ளுவருடைய குறளும் - பண்பாட்டுப் படையெடுப்பும்!

தலைப்பை எழுதுங்கள் என்று சொன்னார்கள். வள்ளு வருடைய குறளும் - பண்பாட்டுப் படையெடுப்பும் என்று இந்த உரைக்குத் தலைப்பு கொடுத்தேன்.

காரணம், வள்ளுவருடைய குறளே, பண்பாட்டுப் படையெடுப்பை எதிர்த்த ஒரு போர்க்குரல்; போர்க் குரல்தான் திருக்குறள். அந்தப் பண்பாட்டுப் படை யெடுப்பு இருக்கிறதே மிகமிக ஆபத்தானது, படை யெடுப்புகளிலேயே - காலையில் நடைபெற்ற மண விழாவில்கூட நான் சொன்னேன் - பல மேடைகளில் பெரியாருடைய கருத்தை எடுத்துப் பிரதிபலித்துப் பரப்பிக் கொண்டு வரக்கூடிய ஒரு எளிய தொண்டன். பெரியார் மாணவன், வாழ்நாள் மாணவன்.

அப்படிப்பட்ட ஒரு சூழ்நிலையில், அய்யா அவர்கள் சொல்வார்கள், அரசியல் படையெடுப்பு இருக்கிறதே, அது காலிலே போட்ட விலங்கு. அது கண்களுக்குப் பளிச்சென்று தெரியும். ஒவ்வொரு முறை எழும்போது விழுவார்கள். அப்பொழுது ஒரு உணர்வு வரும், அந்தத் தடையை அகற்றவேண்டும், அந்த விலங்கை உடைக்கவேண்டும் என்று அவர்கள் நினைப்பார்கள். அது அரசியல் படையெடுப்பு.

எங்களுடைய கைகளில் விலங்கு போட்டுத்தான் அழைத்துப் போவார்கள்

கைகளில் போடப்படுகின்ற விலங்கு இருக்கிறதே - இது பொருளாதாரப் படையெடுப்பு. அதுவும் கண்களுக்குப் பளிச்சென்று தெரியும். ஆகவே, கைகளை நாம் சுதந்திரமாக செயல்படுத்த முடியாது. கைவிலங்கு அனுபவம் நெருக்கடி காலத்தில் எனக்கே உண்டு. சிறைச்சாலையில் அடித்ததால், காயம் ஏற்பட்டதின் காரணமாக, சிறைச்சாலையில் இருக் கின்றமருத்துவமனையால், அதனை குணப்படுத்தமுடி யாது என்று சொன்னதினால், மிசா கைதி'களாக சென்னை பொது மருத்துவமனைக்கு காவல்துறை வாக னத்தில் எங்களை அழைத்துக்கொண்டு சென்றார்கள். அப்படி அழைத்துச் சென்றபொழுது, நாங்கள் எல்லாம் ஓடிவிடுவோமோ என்பதினாலேயோ அல்லது எங்களை அவ மானப்படுத்தவேண்டும், அச்சுறுத்தவேண்டும் என்பதற் காகவோ எங்களுடைய கைகளில் விலங்கு போட்டுத்தான் அழைத்துப் போவார்கள். எங்களுடன் துப்பாக்கி ஏந்திய காவலர்களும் கூட வருவார்கள்.

காவல்துறையினர்மீது கோபப்பட்ட மருத்துவர்!

மருத்துவர்கள்தான் எங்களுக்கு மிகப்பெரிய தோன்றாத் துணையாக இருந்தார்கள். அந்த நேரத்தில், மருத்துவமனையில் இருந்த மருத்துவர் கோபப்பட்டு, காவல்துறையினரிடம், என் னங்க இப்படி கைவிலங்குப் போட்டிருக்கிறீர்களே, அவர்கள் என்ன ஓடிப் போய்விடுவார்களா? என்று கேட்டார்.

அதெல்லாம் எங்களுக்குத் தெரியாதுங்க; மேலே இருந்து உத்தரவு வந்திருக்கிறது. இல்லை என்றால், எங்களுடைய வேலை போய்விடும்'' என்று காவல்துறையினர் சொல்வார்கள்.

அதெல்லாம் முடியாது; கை விலங்கைக் கழற்றிவிட்டு இங்கே அனுப்புங்கள்; அவர் இங்கே நோயாளியாகத்தான் கருதப்படுவாரே தவிர, கைதியாக அல்ல என்றார் அந்த மருத்துவர்.

நான்கூட அவரிடம் சொன்னேன், ஏங்க, டாக்டர் உங்களை வேறு எங்கேயாவது தண்ணி இல்லா காட்டுக்கு மாற்றிவிடப் போகிறார்கள்; நீங்கள் இங்கே இருப்பது எங்களுக்குக் கொஞ்சம் உதவியாக இருக்கிறது என்றேன்.

ஆக, கைவிலங்கு போட்டால், பளிச்சென்று நமக்கும் தெரியும், பார்ப்பவர்களுக்கும் தெரியும். ஆகவே, பொருளாதார அடிமைத்தனம் என்பதுதான் கைவிலங்கு.

பண்பாட்டுப் படையெடுப்பினால் ஏற்பட்ட அடிமைத்தனம் இருக்கிறதே, அது மூளையில் போட்ட விலங்காகும். அது கண்களுக்கும் பளிச்சென்று தெரியாது; அது பல பேருக்குத் தெரியாது.

ஈரோட்டு சம்மட்டி!

கைகளிலோ, கால்களிலோ போட்ட விலங்குகளை உடைப்பதற்கு சாதாரண சம்மட்டி போதும். ஆனால், தமிழனுடைய மூளையில், திராவிடனுடைய மூளையில், தமிழ்நாட்டு மக்களுடைய மூளையில், ஏன் இந்தியாவில் உள்ள ஒடுக்கப்பட்ட, பிற்படுத்தப்பட்ட, தாழ்த்தப்பட்ட, பெண்கள் உள்பட அவர்களின் மூளையில் போட்ட விலங்கு இருக்கிறதே, அதை உடைப்பதற்கு சாதாரண சம்மட்டியால் முடியாது; ஒரே ஒரு சம்மட்டியால்தான் முடியும் - அதுதான் ஈரோட்டு சம்மட்டியாகும்.

அப்படிப்பட்ட பண்பாட்டுப் படையெடுப்பு என்பது மிகப் பெரிய ஆபத்தாகும். அந்த விலங்கை உடைக்கும் சம்மட்டிக்கு ஒரு வரலாறு உண்டு. அந்த சம்மட்டி சாதாரண சம்மட்டியல்ல. வள்ளுவர் கையில் இருக்கின்ற சம்மட்டியாகும்.

இன்றைக்குக் கிடைக்கும் மருத்துவ முறைகள் அன்றைக்கு இருந்திருந்தால்...

மனுதர்மத்தைப்பற்றி அவர்கள் பேசும்பொழுது, மனோன் மணியம் சுந்தரனாருடைய அந்த சிறப்பான வரிகளை எடுத்துச் சொல்லும்பொழுதே தெளிவாகத் தெரியும். நம்முடைய கெட்ட வாய்ப்பு, சுந்தரனார் போன்றவர்கள் இன்னும் நீண்ட காலம் வாழ்ந்திருக்கவேண்டும். அவர் குறைவான வயதிலேயே நம்மைவிட்டுப் பிரிந்தார். இன்றைக்குக் கிடைக்கும் மருத்துவ முறைகள் அன்றைக்கு இருந்திருந்தால், எத்தனையோ அறிஞர் பெருமக்களை நாம் காப்பாற்றியிருப்போம். அன்றைக்கு அந்த வாய்ப்பு இல்லை.

எனவே, இருந்த காலத்தில் அவர்கள் சொன்னதெல்லாம் இன்றைக்கு அவர்கள் வாழ்ந்து கொண்டிருக்கிறார்கள், மறைந் தும் மறையாமல் நம் நெஞ்சங்களில் நிறைந்திருக்கிறார்கள் என்பதற்கு அடையாளமாக அந்த வாய்ப்பைப் பெற்றிருக் கிறார்கள்.

வள்ளுவத்தை - திருக்குறளை அய்யா அவர்கள் சுட்டிக்காட்டினார்கள். எல்லோருமே நீங்கள் கேட்டதுதான். ஆனால், திரும்பத் திரும்ப சில வார்த்தைகளை மனதில் நன்றாகப் பதிய வைத்துக் கொள்ளவேண்டும்.

மறுவற நன்குணர்ந்தோர்!

வள்ளுவர்செய் திருக்குறளை மறுவறநன்

குணர்ந்தோர்கள்

உள்ளுவரோ மனுவாதி ஒருகுலத்துக் கொருநீதி

மனு என்று சொன்னால், ஒரு குலத்துக்கு ஒரு நீதி என்று ஒரே வரியில் சொல்லிவிட்டார்.

அதேநேரத்தில், திருவள்ளுவரைப்பற்றி புரிந்துகொள்ள வேண்டும் என்பதற்காக, இன்றைக்குத் திருவள்ளுவரை எல்லோரும் படிக்கிறார்கள்.

திருவள்ளுவரைப்பற்றி நாம் எப்படிப் புரிந்துகொள்ள வேண்டும் என்று சொல்லும்பொழுது, மனோன்மணியம் சுந்தரனார் அவர்கள் சொன்னார்கள், மறுவற நன்குணர்ந் தோர் என்று. மறு என்பது குற்றம்; அது ஏராளம் திருக் குறளையும் சுற்றிவந்து விட்டது.

எனவேதான், திருக்குறளைப் படித்தேன் என்று சொல்லாதே - மறுவற படித்தேன் என்று சொல். திருக்குறளை சரிவர படித்தேன் என்று சொல் என்கிறார் சுந்தரனார்.

திருக்குறளை சரிவர படித்தேன் என்று சொல் - மறு என்று சொன்னால், மாசு. திருக்குறளிலும் மாசு சேருகிறது - அண்மையில் அய்யாவிடம் சொல்லிக் கொண்டிருந்தேன்.

டாக்டர் நாகசாமி என்கிற பார்ப்பன ஆய்வாளர் ஒருவர். அவர் எல்லாமே சமஸ்கிருதத்திலிருந்துதான் வந்தது என்று சொல் லக்கூடியவர். கல்வெட்டுகளையெல்லாம் புரட்டி புரட்டி அவர்கள் எழுதியிருக்கிறார்கள். இப்பொழுதுகூட அய்யா அவர்கள், அதற்கு அருமையான பதில் எழுதிய நூலை எனக்குக் கொடுத்தார்.

நம்முடைய பேராசிரியர் அவர்கள் அதை மறுத்து கருத்துரை எழுதியிருக்கிறார்.

ராஜீவ் மல்கோத்ரா

இப்பொழுது மறுபடியும் பார்த்தீர்களேயானால், அமெரிக் காவில் உள்ள ஒரு வடநாட்டுக்காரர். அவர் ஆர்.எஸ்.எஸ்.சைப் பரப்புவதையே தன்னுடைய தொண்டாக வைத்தி ருக்கிறார். அவருடைய பெயர் ராஜீவ் மல்கோத்ரா. அவர் எப்படிப்பட்டவர் என்பதை சுருக்கமாக நான் சொல்கிறேன்.

சுருக்கமாக அவர் அமெரிக்காவில் இருக்கின்ற ஒரு சுப்பிரமணியசாமி.''

இங்கே சுப்பிரமணியசாமி - அமெரிக்காவில் இருக்கிற ஒரு மல்கோத்ரா. இந்த இரண்டு பேரும் நேசிக்கக்கூடியவர் யார் என்றால், நாகசாமி - புரிந்துகொள்ளுங்கள்.

நவீன கருவிகளை அவர்கள் கையாளுகிறார்கள். திருவள்ளுவர் பெரிய அறிஞர். ஆனால், மனுதர்மம் போன்ற நூல்களில் இருக்கின்ற சாஸ்திரங்கள், தர்மங்கள் இதையெல்லாம் ஒட்டித்தான் அந்தக் கருத்துகளை சொல்லியிருக்கிறார்.'' இது எவ்வளவு பெரிய மோசடி பிரச்சாரம்? ஓராண்டுக்கு முன்பே நம்முடைய பேராசிரியர் நெடுஞ்செழியன் அவர்கள் அந்த புத்தகத்தைக் கொடுத்தார். அதேபோன்று தருமபுரியில் ஒரு நண்பர் மிகப்பெரிய தத்துவத் தோழர் - அவர் மறுத்து எழுதியபோது, பெரியார் திடலிலேயே ஒரு கூட்டத்தைப் போட்டு சொன்னேன்.

இந்த முன்னுரையை இதோடு நிறுத்திக்கொள்கிறேன் நேரமின்மை காரணத்தினால்.

திருக்குறளை மறுவறநன் குணர்ந்தோர்கள்

உள்ளுவரோ மனுவாதி ஒருகுலத்துக் கொருநீதி

மீண்டும் மனுதான் அரசியல் சட்டமாக வேண்டும் என்ற முயற்சிகள் நடைபெறுகின்றன

இன்றைக்கு மீண்டும் மனுதான் அரசியல் சட்டமாக வேண்டும் என்ற முயற்சிகள் தொடர்ந்து நடந்து கொண்டி ருக்கின்றன. இலை மறைவு காய் மறைவாக அல்ல. வெளிப் படையாகவே!

முன்பு மதுரையில், வழக்குரைஞர்கள் மாநாடு என்று போட் டார்கள். விசுவ இந்து பரிஷத். ஆர்.எஸ்.எஸ்.சினுடைய பல்வேறு பிரிவுகளில் அதுவும் ஒன்று.

அதில் அவர்கள் சொல்கிறார்கள், அம்பேத்கர் எழுதிய அரசியல் சட்டத்தை நாம் தூக்கிப் போட்டுவிடவேண்டும். இது பயனற்றது. எல்லோருக்கும் எல்லாமும் என்ற வாய்ப்பை சொல்வது.

ஆக, பகுத்துண்டு பல்லுயிர் ஓம்புதல் நூலோர்

தொகுத்தவற்றுள் எல்லாந் தலை

என்று வள்ளுவர் சொல்லியிருக்கிறார் அல்லவா! இந்த நூலோர் தொகுத்தவற்றுள் எல்லாந் தலையல்ல - எனவே, அதனை எடுத்துவிடவேண்டும். மனுதர்மத்தைத்தான் நாம் அந்த இடத்தில் வைக்கவேண்டும் என்று பல ஆண்டு களுக்குமுன்னால், மதுரையில் நடைபெற்ற வழக்குரைஞர் மாநாட்டில் இப்படி ஒரு தீர்மானத்தைப் போட்டார்கள். அப்பொழுது மத்தியில் பா.ஜ.க. ஆட்சிக்கு வரவில்லை. அந்தக் காலகட்டத்திலேயே அந்தத் தீர்மானத்தைப் போட்டார்கள்.

கடந்த இரண்டு ஆண்டுகளுக்குமுன்பு பகவத் கீதையை தேசிய நூலாக்கவேண்டும் என்று டில்லியில் நடைபெற்ற கூட்டத்தில் சொன்னார்கள். இந்திய அரசியல் சட்டத்தின் பெரும்பகுதி மனுதர்மம்தான்; அதிலொன்றும் சந்தேகமேயில்லை. அம்பேத்கர் அவர் களுடைய அறிவாற்றலால் முடிந்த அளவிற்குப் பாடுபட்டு, அவர் நிறுத்தியது முற்பகுதி.

அவரே சொன்னார், என்னை ஒரு வாடகைக் குதிரையாக''ப் பயன்படுத்திக் கொண்டார்கள். நான்தான் செய்தேன், நான்தான் செய்தேன் என்று பழியை என்மீது போடுகிறீர்கள். நீங்கள் என்னை வாடகைக் குதிரையாகப் பயன்படுத்தினீர்களே தவிர, முழு சுதந்திரம் உள்ளவராக ஆக்கவில்லை என்று சொன்னார்.

திருக்குறளையே அழிக்கக்கூடிய அளவிற்கு....

ஆகவே, அப்படிப்பட்ட ஒரு சூழலில், மனுதர்மத் திற்கு இடம் கொடுக்கவேண்டும் என்று சொன்ன நேரத்தில், இந்தப் பண்பாட்டுப் படையெடுப்பு தமிழனை எந்தப் பாடுபடுத்தி யிருக்கிறது. திருக் குறளையே அழிக்கக்கூடிய அளவிற்கு.

கரையான் இருக்கிறதே, கரையான் எந்த நூலாக இருந்தாலும் அரிக்கும். அதுபோன்று ஆரியக் கரை யான்கள் திருக்குறளையே அழிக்கக் கூடிய அளவிற்கு வந்தார்கள் என்பதற்கு அடையாளம்தான் இந்தச் செய்திகள்.

நண்பர்களே, அய்யா பேராசிரியர் அவர்கள் தலைமை உரையில் ஒன்றைச் சொன்னார்கள்.

 



__________________


Guru

Status: Offline
Posts: 18761
Date:
Permalink  
 

திருக்குறளுக்குச் செய்த சிறிய தொண்டு!

எங்களைப் போன்ற பெரியார் தொண்டர்களுக்கு இது போன்ற திருக்குறள் பேரவைகளில் பங்கேற்று பேசக்கூடிய வாய்ப்பு இருக்கிறது என்றால், எங்களுடைய அறிவு, ஆற்றல் என்பது முக்கியமல்ல. திருக்குறளுக்குச் செய்யும் சிறிய தொண்டு. அதுதான் பெரிய தகுதியாக நாங்கள் கருதுகின்றோம்.

அந்த வகையில், அய்யா அவர்கள், 1949 ஆம் ஆண்டு - அதுவரையில் பார்த்தீர்களேயானால், நம் நாட்டில் இன்னமும்கூட ராமாயணத்தைத் தெரிந்த பாமர மக்கள், பாரதத்தை 18 நாள் படிக்கின்ற கிராமத்து மக்கள் - பாரதக் கதையில் இருக்கின்ற பல பாத்திரங்களைப் பற்றி விமர்சிக்கின்றவர்கள் - அல்லது இராமாயணத்தில் இருக்கின்ற பல கருத்துகளைப்பற்றி விமர்சிக்கக்கூடிய அளவிற்கு, அந்தப் பாத்திரங்கள் மக்கள் மத்தியில் புழக்கத்திலே வந்திருக்கக்கூடிய அளவிற்கு, வள்ளுவருடைய குறள் வந்திருக்கிறதா?

நாம் நடந்து வந்திருக்கின்ற பாதை குறைவான தூரம்தான்; இன்னமும் நடக்கவேண்டிய தூரம் மிக அதிகம். நாம் பார்த்து கடக்கவேண்டிய இன்னல்கள் அதைவிட அதிகம். முடக்கவேண்டிய செய்திகள் ஏராளம்! ஏராளம்!!

ஆகவே, கடக்கவேண்டியவை, அதேநேரத்தில், முடக்க வேண்டியவை, தடுக்கவேண்டியவை என்று எல்லாவற்றையும் பயன்படுத்துகின்ற நேரத்தில், இவர்களைப் போன்ற அறிஞர்கள் இங்கே சொல்லுவார்கள், நாங்கள் தெருமுனைகளில் நின்று தடுக்கவேண்டியவர்களைத் தடுப்பதற்குரிய ஒரு படையாக, எந்த விளைவுகளைப்பற்றியும் கவலைப்படாமல், அந்தப் பணியை செய்வோம் என்பதற்கு அடையாளம்தான் முதலில்.

பெரியார்கூட திருக்குறளைப்பற்றி பேசியிருக்கிறாரா? என்று நினைப்பார்கள்!

இன்றைய இளைஞர்களுக்கு இந்தத் தகவலை சொல் லியாகவேண்டும். பெரியார்கூட திருக்குறளைப்பற்றி பேசி யிருக்கிறாரா? என்று நினைப்பார்கள். சில புலவர்கள், பெரியாரை தமிழுக்கு விரோதி - தமிழர்களுக்கு விரோதி போன்று காட்டவேண்டும் என்று திட்டமிட்டு ஒரு முயற்சி நடைபெற்றுக் கொண்டிருக்கிறது. அதில் அவர்கள் வெற்றி பெற முடியாது என்பதை அவர்களே ஒப்புக்கொண்டார்கள். அதை வேறு மேடைகளில் நான் சொல்கிறேன்.

பெரியார் களஞ்சியம் என்ற தலைப்பில் நூல்களை நாங்கள் வெளியிடுவதைப்பற்றி அய்யா இங்கே சொன்னார்களே,

திருவள்ளுவருடைய திருக்குறளைப்பற்றி பெரியார் களஞ்சியம் 37 என்பதில் நாங்கள் அத்தனையையும் தொகுத்து இருக்கிறோம்.

பெரியார் களஞ்சியம் - திருக்குறள் வள்ளுவர்

இதுவரையில் பெரியார் அவர்கள் என்னென்ன கட்டு ரைகளை எழுதியிருக்கிறார்; எந்தெந்த இடங்களில் பேசினார். திருவள்ளுவர் மன்றத்தில் பேசிய உரைகளைத் தொகுத்து, பல இடங்களில் மாறுபட்ட கருத்தையும் சொல்லியிருப்பார். அந்தக் கருத்துகளையெல்லாம் தொகுத்து, பெரியார் களஞ்சியம் - திருக்குறள் வள்ளுவர் என்ற தலைப்பில், இந்த அமைப்பின் சார்பில் நாங்கள் வெளியிட்டு இருக்கிறோம்.

அதில் இந்தச் செய்திகளை ஆவணப்படுத்தவேண்டும் என்பதற்காக, இன்றைய தலைமுறையினரும், அடுத்த தலைமுறையினரும் தெரிந்துகொள்ளவேண்டும் என்பதற்காக, அந்தச் செய்திகளைப் பதிவு செய்திருக்கிறோம்.

1949 ஜனவரி 15, 16, ஆகிய தேதிகளில் தந்தை பெரியார் நடத்திய

குறள் வள்ளுவர் (தமிழர் நெறி விளக்க)

மாநாட்டுச் செய்திகள்!

 

குறள் மாநாடு

ஜனவரி 15, 16 சனி, ஞாயிறுகளில்

சென்னை பிராட்வே டாக்கீசுக்கு அடுத்த மைதானத்தில் அமைக்கும் மாபெரும் கொட்டகையில் நடைபெறும்.

தமிழ்ப் பெரியார் திரு.வி.கல்யாணசுந்தரனார் வரவேற்புத் தலைமையிலும்,

பன்மொழிப் புலவர் டி.பி.மீனாட்சி சுந்தரனார் எம்.ஏ., பி.எல்., எம்.பி.எல்.

15 ஆம் தேதி தலைமையிலும்,

ராவ்பகதூர் ஏ.சக்ரவர்த்தி நயினார் எம்.ஏ., (இந்திய எஜுகேஷனல் சர்வீஸ்)

16 ஆம் தேதி தலைமையிலும் நடைபெறும்.

நாவலர் எஸ்.சோமசுந்தர பாரதியார் துவக்க விழாவாற்றுவார்.

சாத்தூர் வழக்கறிஞர் தமிழ் புலவர் கந்தசாமி முதலியார் திருவள்ளுவர் படத்தை திறந்து வைப்பார்.

பெரியார் ஈ.வெ.ராமசாமி சொற்பொழிவாற்றுவார்.

குறள் விரிவுரை - குறள் அவதானம் - திருநெல்வேலி தி.பி.சப்பிரமணியதாஸ், அவர் தம் இளவல் சு.ராமதாஸ்

விரிவுரை - அறவுரை ஆற்ற தமிழ்ப் பெரும் புலவர் பெருமான்கள் பல அறிஞர்கள் வேண்டப்பட்டு, பலர் இசைந்தும் இருக்கிறார்கள்.

சந்திரமோகன் (அறிஞர் அண்ணாதுரை நடிப்பது).

இப்படி எல்லாத் தலைவர்களும் கலந்துகொண்ட இந்த மாநாடு 1949 ஆம் ஆண்டுகளிலேயே என்று சொல்லும் பொழுது அதனை பெரியார் களஞ்சியத்தில் பதிவு செய்திருக் கிறோம்.

ஆகவே, இதில் இருக்கக்கூடிய செய்திகளையொட்டி சில கருத்துகளை உங்கள் முன் எடுத்து வைக்க விரும்புகிறேன்.

அதற்குமுன் ஓர் அன்பான வேண்டுகோள் - திருக்குறளில் இருக்கின்ற அதே அறிவை - அந்த அறிமுகத்தைத்தான் எல்லா கூட்டங்களிலும் சொல்வார்.

எனக்குப் பட்டதை சொல்கிறேன் - பெரியார் தொண் டர்கள், பகுத்தறிவாதிகள் நீங்கள் கேளுங்கள் - ஆனால், எல்லாவற்றையும் எடுத்துக்கொள்ளவேண்டும் என்று அவசி யம் கிடையாது. உங்கள் அறிவு என்ன ஏற்கிறதோ அதனை ஏற்றுக்கொள்ளுங்கள். மற்றவற்றை நீங்கள் தள்ளிவிடலாம். ஆனால், உங்களுக்குத் தள்ளுவதற்கு உரிமை இருக்கின்ற காரணத்தினால், எனக்கு சொல்வதற்கு உரிமை இருக்கிறது என்று சொல்வார்.

எப்பொருள் யார்யார் வாய்க்கேட்பினும் அப்பொருள்

மெய்ப்பொருள் காண்ப தறிவு

எப்பொருள் எத்தன்மை தாயினும் அப்பொருள்

மெய்ப்பொருள் காண்ப தறிவு

எனவே, ஒரு பொருளை கேட்டுப் புரிந்துகொள்ளலாம், பார்த்து புரிந்துகொள்ளலாம், உய்த்து அறிந்துகொள்ளலாம். ஆகவே, எல்லாத் துறைகளிலும் நீங்கள் ஏமாந்துவிடாதீர்கள். உங்கள் அறிவு மெய்ப்பொருள் காண்பதுதான் முக்கியம்.

ஆகவேதான், அதையே நான் முன்னுரையாக வைத்து, உங்கள் முன், இந்தப் பண்பாட்டுப் படையெடுப்பு என்பது எப்படி ஆபத்தானது என்பதை நம்முடைய சுந்தரனார் அவர்கள் இங்கே தெளிவாக சொன்னதைப்போலவே,

இந்தக் குறுகிய காலத்தில் விளக்கமாக சொல்லவேண்டு மானால், இரண்டு அற்புதமான கவிதைகளில் சொல்லலாம். பெரியாருடைய சிந்தனைக்கு ஆட்பட்டவர்தான் புரட்சிக் கவிஞர் அவர்கள். சுயமரியாதை உணர்வு படைத்தவர். அதேநேரத்தில் ஆழ்ந்த தமிழ்ப் புலமை உள்ளவர்.

வள்ளுவரைப்பற்றி இதுவரையில் யாரும் சொல்லாத கருத்தை நம்முடைய புரட்சிக்கவிஞர் அவர்கள் சொல்லி யிருக்கிறார்.

இந்த அறிவார்ந்த அவையில் இருக்கக்கூடிய நீங்கள் இதனை தெளிவாகத் தெரிந்துகொள்ளவேண்டும்.

இதோ என்னுடைய கைகளில் இருக்கும் இந்த புத்தகம்,  பல நாட்கள் இந்தப் பதிப்பு இல்லை. நான் பாரி நிலையத்தாரிடம் சொன்னேன், அய்யா, இந்தப் புத்தகம் கிடைக்கவில்லை. நீங்கள் அந்தப் புத்தகப் பதிப்பை வெளியிடுங்கள்; இல்லை யானால், நாங்கள் பதிப்பை வெளியிடுகிறோம் என்று சொன் னேன்.

இல்லை, இல்லை நாங்களே அந்தப் புத்தகத்தை வெளி யிட்டுப் பரப்புகிறோம் என்று சொன்னார்கள்.

இது பாரதிதாசனுடைய திருக்குறள் உரை. திருக்குறளுக்குப் பலர் உரை எழுதியிருக்கிறார்கள். ஆனால், புரட்சிக்கவிஞரால் முழுமையாக எழுத முடியவில்லை. ஏனென்றால், அவர் தொடங்கினார், அதற்குப் பிறகு அவர் எழுதியவை நமக்குக் சரியாகக் கிடைக்கவில்லை. கிடைத்தவற்றை மட்டும் நூலாக வெளியிட்டு இருப்பதுகூட அறிவார்ந்த மக்கள் மத்தியில் போய்ச் சேரவில்லை என்கிற நிலை இருக்கிறது.

 



__________________


Guru

Status: Offline
Posts: 18761
Date:
Permalink  
 

 வாசக நேயர்களுக்காக தந்தை பெரியாரின் முழு உரையும் இங்கே கொடுக்கப்படுகிறது.

சென்னை, மயிலாப்பூரில் திருவள்ளுவர் கழகம் சார் பில் தோழர் சோ.லட்சுமிரதன் பாரதி எம்.ஏ., பி.எல். அவர் கள் தலைமையில் 14.3.1948 இல் நடைபெற்ற 3 ஆவது திருவள்ளுவர் மாநாட்டில் திராவிட நாட்டுத் தந்தை பெரியார் ஈ.வெ.ரா. அவர்கள் ஆற்றிய அருமை வாய்ந்த சொற் பொழிவின் சாரம் - விடுதலை, 25.3.1948

பேரன்பு மிக்க தலைவர் அவர்களே! தோழர்களே!! தாய்மார்களே!!

இம்மாநாடு திருவள்ளுவர் பேரால் கூட்டப்பட்டி ருப்பதையொட்டி, திருவள்ளுவர் பற்றியும் அவரது குறளைப் பற்றியும் பேசுவது பொருத்தமாக இருக்குமென்று கருதுகிறேன். ஆரியரல்லாத இந்நாட்டு மக்கள் அனைவர்க்கும், சிறப்பாக இந்நாட்டுப் பழங்குடிப் பெருமக்களான திராவிடர்கள் அனைவர்க்கும் வள்ளுவர் அருளிய திருக்குறள் ஒரு பெரிய செல்வமேயாகும். நமது பெருமைக்கும், நெறிக்கும் (மதத்துக்கும்), நாகரிகத்திற்கும், வாழ்க்கை முறைக்கும் எடுத்துக்காட்டாக அதில் பல சங்கதிகளை நாம் காணலாம். திருக்குறளின் பேரால் நம் பெருமையை, திராவிடரல்லாத மக்களுக்கு உணரச்செய்ய முடிகிறது. நமது சரித்திரத்திற்கும் நாகரிகத்திற்கும் பல இலக்கியங்களிலிருந்தும் பல காவியங்களி லிருந்தும் ஆதாரங்கள் எடுத்துக்காட்ட முடியுமாயினும் அவை பெரும்பாலும் பண்டிதர்களுக்குத்தான் புரியும்; அவர் களுக்குத் தான் பயன்படும். ஆனால், திருக்குறள் ஒன்றுதான் பாமர மக்களும் புரிந்து கொள்ளும் வகையில் எப்படிப்பட்ட அறிவாளியும் ஏற்கும் தன்மைக்கு ஏற்ற ஆதாரமாய் அமைந் திருக்கிறது.

திருக்குறள் தெய்வீகத் தன்மை பொருந்திய ஒருவரால் எழுதப்பட்டது என்பதற்காகவோ, அல்லது மனிதசக்திக்கு மேம்பட்டவரால் சொல்லப்பட்டது என்பதற்காகவோ நாம் அதைப் போற்றவில்லை; அதில் கூறப்பட்டுள்ள உயர்ந்த கருத்துகளுக்காகத் தான் நாம் அதைப் போற்றுகிறோம் என்பதை நீங்கள் அனைவரும் உணர்தல் வேண்டும்.

சிறிது காலத்திற்கேனும் மக்கள் தொடர்ச்சியாகத் திருக் குறளைப் படித்து மனத்தில் ஆழப் பதியவைத்து வரு வார்களானால் நம் நாட்டில், நம் மக்கள் வாழ்வில், நம் மக்கள் உள்ளத்தில், ஒரு புதிய உணர்ச்சி உறுதியாக ஏற்படும் என்பதுதான் என் கருத்து.

ஆரியம் இந்நாட்டில் வேகமாகப் பரப்பிவைக்கப்பட்டு வந்த மத்திய காலத்தில் திருக்குறள் மிகச் சாதாரணமாகப் பாவிக்கப் பட்டு விட்டது. சமீப காலமாக, ஒரு கால் நூற்றாண்டுக் காலமாகத்தான் திருக்குறளின் விழுமிய கருத் துகள் சாதாரணமாக மக்களிடையே பழக்க வழக்கத்திலும் பொதுக்கூட்டங்களிலும் பரிமாறும்படியான நிலை ஏற்பட்டு, இன்று அதுவே எதிர்கால ஆசாபாசங்களுக்கெல்லாம் வழிகாட்டியாகவும், நல்வாழ்வுக்கு ஏற்றதான உயர்வான எண்ணங்களைத் தூண்டக்கூடியதாகவும் அமைந்துவிட்டது. இத்தகைய சிறப்பு வாய்ந்த கருத்துகளை வெளியிட்டதற்காக, திருவள்ளுவரை ஏன் தெய்வீகத்தன்மை பொருந்தியவர் என்று கூறக்கூடாது என நீங்கள் வினவலாம்.

இன்றுள்ள மனிதத் தன்மைக்கு மேற்பட்ட தெய் வீகத்தன்மை என்பதாக ஒரு தன்மை மக்களுக்கு இருக்கிற தென்பதையே என்னால் ஒப்புக்கொள்ள முடியாததால்தான் திருக்குறள் ஆசிரியருக்கு அத்தகைய தெய்விகத் தன்மை யைக் கொடுக்க முடியவில்லை.

சாதாரணமாக, அவருக்கு உயர்ந்த அறிவும், ஆராய்ச்சித் தன்மையும், அனுபவமும் இருந்திருக்கவேண்டும் என்பதைத் தான் இக்கருத்துகள் நமக்குத் தெளிவுபடுத்திக் காட்டுகின்றன. திருக்குறளை உண்டாக்கினவர் யார்? அவர் பெயர் என்ன? அவருடைய சரித்திரம் என்ன? என்பதைக் கூட நம்மால் சரியாக அறிந்து கொள்ளத்தக்க ஆதாரம் எதுவும் கிடைக்கவில்லை. திருக்குறளை உண்டாக்கியவர் திருவள்ளுவர் என்று கூறப் படுகிறது. வள்ளுவர் என்பது ஒரு சமூகத்தின் பெயர். ஒரு சமூகத்தின் பெயரே ஒரு தனிப்பட்ட நபரின் பெயராக அமையக்கூடும் என்று என்னால் கருதமுடியவில்லை. அதுவும் தாழ்ந்த ஜாதி எனப்படுமொன்றின் பெயரை, ஒருவர் தம்முடைய பெயராக வைத்துக்கொள்ளக்கூடும் என்று என்னால் நினைக்க முடியவில்லை. திருக்குறளை உண்டாக்கியவரின் உண்மைப் பெயர் மறைக்கப்பட்டு விட்டது என்பதுதான் என்னுடைய கருத்து. பழைய சங்க நூல்கள், நீதிநூல்கள் ஆகியவற்றில் கூடப் பெரும்பாலும் ஆசிரியர்களின் பெயர்கள் குறிக்கப்பட்டிருக்கவில்லை. நூலை உண்டாக்கியவரின் பெயர் மறைக்கப்படுவதும் பண்டைக் காலத்திய பழக்கங்களில் ஒன்றாக இருந்து வந்திருக்கிறது.

உண்டாக்கிய மனிதனின் பெயரை மறைத்துவிட்டு கடவுளால் எழுதப்பட்டது. யாரோ ஒரு பெரிய மகானால் எழுதப்பட்டது என்று கூறுவதால் நூலுக்கு அதிகமதிப்பு ஏற்பட்டுவிடும் என்று அன்றைய மக்கள் கருதினர். அத னால்தான் பண்டைய சாஸ்திரங்களும் புராணங்களும், இவையாவும் ஒருவருக்கும் தெரியாத ரிஷிகளின் பெயரால் இன்னமும் வழங்கி வருகின்றன.

பழைய காலத்தில் அறிவுக்கு மரியாதை இருந்திருக்க வில்லை என்பதைத்தான் இப்பழக்கம் காட்டுகிறது. அறிவுக்கு மரியாதை இல்லையென்றால் பிரத்தியட்ச அனுபவத்திற்கும் அறிவுக்கும் ஒவ்வாத சங்கதிகளுக்குத்தான் அன்று மரியா தையும் பெருமையும் இருந்திருக்க வேண்டுமென்று ஏற்படுகிறது. அவன் இதைத் தன் கல்வியறிவால் எழுத வில்லை; தன்னுடைய சொந்த அறிவினாலும் எழுதவில்லை; அவனுடைய நாக்கில் சரஸ்வதி கனவில் வந்து ஏதோ கிறுக்கினாளாம். அதனால் தான் இத்தகைய தெய்வீகத் தன்மை வாய்ந்த கவிகளை அவனால் எழுத முடிந்தது என்று கூறினதால்தான் மக்கள் அக்கவிகளுக்கு மரியாதை காட்டி வந்தனர். இந்தக் காலத்தில் சரஸ்வதி வருவதற்கில்லை. இது காட்டுமிராண்டிக் காலமல்ல; அறிவுக்காலம், இக்காலத்தில் அறிவுக்கு மேற்பட்ட தத்துவத்தைக் காட்டி ஒரு காரியமும் சாதித்துக்கொள்ள முடியாது. ரிஷி என்றால் என்னவென்பதும் தற்கால மக்களுக்கு நன்கு தெரிந்தே இருக்கிறது.

திருவண்ணாமலை ரமணரிஷியைப்போல்தான் மற்ற ரிஷிகளும் இருந்திருக்க வேண்டுமென்பது இந்தக் காலத்தில் நம் மக்களுக்கு நன்றாகப் புரிந்துவிட்டது. ரமண ரிஷியின் யோக்கியதையை உணர்ந்து கொண்ட மக்கள் ரிஷிகளின் தகுதியையும் திறமையையும் ஒருவாறு உணர்ந்து கொண்டு விட்டனர்.

ஆகவே, இன்றைய மக்களை ஏமாற்றுவதென்பது அவ்வளவு சுலபமான காரியமல்ல, அறிவைப் பலவகைகளிலும் பெருக்கிக் கொள்ள வசதியுள்ள தற்காலத்திலேயே சன்னி யாசி-துறவி வேடம் கொண்ட ஒருவரை ரிஷி என்று, பகவான் என்று கூறவும் விளம்பரப்படுத்தவும் முடிகிற தென்றால், பழங்காலத்தில் அதாவது மக்கள் அறிவைப் பெற - உண்மைகளை உள்ளபடி அறிந்துகொள்ள இன் றுள்ள வசதியில்லாத அந்தக் காட்டு மிராண்டிகாலத்தில், எப்படிப்பட்டவர்களை ரிஷிகளாக்கி இருப்பார்கள் என்பது பற்றிக் கேட்கவா வேண்டும்? அவர்களால் எழுதப்பட்டதாகக் கூறப்படும் நூல்களின் ஆபாசத்திற்குத்தான் என்ன நம்மால் அளவு காண முடியுமா?

திருக்குறள் அப்படிப்பட்டதல்ல. அதில் பாவம் என்பதற் காகப் பயப்படும் கோழைத்தனமான கருத்துகளுக்கு இட மில்லை. எத்தகைய பகுத்தறிவுக்குப் புறம்பான ஆபாசக் கருத்துக்கும் அதில் இடமில்லை. அதைக்காட்டி மக்களை ஏய்க்க முடியாது. ஆகவேதான் பெரிய செல்வாக்குப் பெற வசதியோ வாய்ப்போ அதற்கு இல்லாமல் போய்விட்டது. எந்த ஒரு நூலும், எந்த ஒரு நபருக்கும் ஒரு கூட்டத்தவரால் அதாவது  பார்ப்பனக் கூட்டத்தவரால் புகழப்பட்டால்தான் அவற்றிற்கும் புகழ் ஏற்படும். புகழ் வேண்டுமானால் ஒரு பார்ப்பனன்தான் புகழ வேண்டும். இன்றேல் புகழ் கிடையாது. இது தான் இன்றைய நிலை. பழையகால நிலையும் இதுதான்.

இப்பார்ப்பனக் கூட்டத்தைத் தாண்டக் கூடிய சக்தி யிருந்தால் தான் எவனாவது இந்த உலகில் பேரும் புகழும் அடையமுடியும்; அல்லது பார்ப்பனனுக்கு அடிமையாக இருந்தால் ஒருக்கால் ஒருவன் புகழடையக் கூடும். நம்மவன் ஒருவன்  மகா புத்திசாலியாய் இருந்தால் கூட அதைப்பற்றி அந்தக் கூட்டத்தில் பேசச் சந்தர்ப்பம் எழுந்தால் அவர்கள் என்ன கூறிக் கொள்ளுவார்கள் தெரியுமா?

அவன் ஒரு மகா புத்திசாலி என்பதென்னவோ உண்மை தான் ஆனால் அவனுடைய பிறவியில்தான் எனக்குச் சந்தேகமாயிருக்கிறது. பிராமண விந்து (பிந்து) சம்பந்தம் ஏதாவது இருக்க வேண்டும்; இன்றேல் இவ்வளவு புத்திசாலியாக இருக்கமுடியாது என்றுதான் பேசிக் கொள்வார்கள்!

நம் பண்டைத் திராவிட மக்களிடையே இரண்டு பெரியார்களைக் குறிப்பிட வேண்டுமானால் ஆண்களில் திருவள்ளுவரையும், பெண்களில் அவ்வையாரையும் நாம் சிறந்த அறிவாளிகளாகக் குறிப்பிட முடியும். அவர்கள் இரண்டு பேரையுமே பார்ப்பனர்கள், அசல் திராவிடர்களென்று ஒப்புக் கொள்வதில்லை அவர்கள் இருவரையும் ஆதி என்ற பறைச்சிக்கும் பகவன் என்ற  பிராமணனுக்கும் பிறந்த குழந்தைகள் என்றுதான்; அவர்கள் கூறுகிறார்கள். இதை நம் பண்டித சிகாமணிகளும் ஓர் அளவுக்கு ஒப்புக்கொண்டு விட்டார்கள். என்னடா ஜாதியில் மகா கேவலமான பறைச்சி வயிற்றில் இவ்வளவு அறிவாளி யான பிள்ளை எப்படிப் பிறந்திருக்கக்கூடும் என்று பார்ப்பனர் நினைப்பதில்லை. அவள் பறைச்சியாயிருந்தாலும் அந்த விந்து பார்ப்பன விந்துதானே என்பது தான் அவர்களுடைய கருத்து!



__________________


Guru

Status: Offline
Posts: 18761
Date:
Permalink  
 

pagr4_02.jpg

pagr4_03.jpg



__________________


Guru

Status: Offline
Posts: 18761
Date:
Permalink  
 

எழுத்துரு அளவு Larger Font Smaller Font

எடுத்துக்காட்டுகளுடன் தமிழர் தலைவர் விளக்கவுரை

v21.jpg

தஞ்சை, ஜூலை 5  திருக்குறளுக்கு உரை எழுதிய பரிமேலழகர் மனுதர்மம் சார்ந்து பார்ப்பனத்தனத்தோடு எழுதினார் என்று எடுத்துக்காட்டுகளுடன்  திராவிடர் கழகத் தலைவர் ஆசிரியர் கி.வீரமணி அவர்கள் உரையாற்றினார்.

திருக்குறள் பேரவை சார்பில்...

28.5.2018 அன்று தஞ்சையில் திருக்குறள் பேரவை சார்பில் நடைபெற்ற விழாவில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் உரையாற்றினார்

அவரது உரையின் நேற்றையத் தொடர்ச்சி வருமாறு:

நாதியற்றவர்களாக-சொந்தச்சக்தியில்நிற்க முடியாதவர் களாக-திராவிட மக்களாகிய நாம் இருந்து வருவதால்தான், திருக்குறள் கருத்துகள் கூட ஆரிய நூல்களிலிருந்து எடுத்து எழுதப்பட்ட தர்மங்கள் தான் என்று கூறுவதற்குக்கூட அந்தப் பார்ப்பனர்கள் துணிந்து விட்டார்கள். இத்தகைய மிகக் கஷ்டமான, கடினமான நாதியற்றநிலையில் நாம் இருக்கிறோம். எவ்வளவோ ஆபாசமான நூல்களுக்குக் கொடுக்கப்பட்டுள்ள பெருமையில் 100-இல் 1 பங்கு பெருமைகூட நமது திருக்குற ளுக்குக் கொடுக்கப் படுவதில்லை. சாதாரணமாகப் பெரிய அறிவாளிகள் என்று தம்மை விளம்பரப்படுத்திக் கொள்பவர் களும். அந்தப்படியே மக்களால் கருதப்பட்டு வருபவர்களும் மேலான தர்மங்களுக்கும் மேலான தத்துவார்த்தங்களுக்கும், கீதையைத்தான் ஆதாரமாக எடுத்துக் கொள்வார்கள்.

அதிலிருந்து ஆதாரங்களை எடுத்துக் காட்டுவதைத்தான் அவர்கள் பெருமையாகக் கொள்வார்கள். என்னவோ பிறந்தாய், ஏதோ பெருமையோடு உத்தியோகம் பார்த்தாய், ஏதோ போதுமான பணமும் தேடிக்கொண்டுவிட்டாய், இனி என்ன செய்யப்போகிறாய்? ஏதோ காலாகாலத்தில் குளித்து முழுகி விட்டுக் கொஞ்சம் கீதையைப் பாராயணம் பண்ணிக் கொண்டு வா என்று தான் தங்களைப் பெரியவர்களென விளம்பரப்படுத்திக்கொண்டு திரிபவர்கள் அறிவுரை கூறுவது வழக்கமாக இருந்துவருகிறது.

கீதையைப் பாராயணம் செய்தவர்கள் என்ன கற்றுக் கொண்டார்கள்? கற்றுக்கொள்வதற்குத்தான் அதிலென்ன இருக் கிறது? என்று மட்டும் யாரும் கூறமாட்டார்கள். அதிலிருந்து இரண்டொன்றை எடுத்துச் சொல்லித்தான் காந்தியார் கூடப் பார்ப்பனரல்லாதாரின் அன்பையும், நம்பிக்கையையும் இழக்க நேர்ந்தது. அவர் சத்தியத்தையும் அகிம்சையையும் போதித்து வந்தவர். ஒரு தன்னலமற்ற பொதுநலத் தொண்டர் என்பதில் யாருக்கும் அபிப்பிராய பேதம் இல்லை என்றாலும் அவரிடம் சில அறிஞர்களுக்கு வெறுப்பேற்பட்டு விட்டது. காரணம் அவர் கிருஷ்ணன் கூறிய வர்ணாஸ்ரம தர்மத்தை ஆதரித்து, தப்பட்டை அடிப்பவனுடைய மகன் தப்பட்டை அடிக்க வேண்டுமென்றும் தேவடியாள் மகள் பொட்டுக்கட்டிக் கொண்டே ஆகவேண்டுமென்றும், பார்ப்பான் மகனே மோட்சத்திற்கு டிக்கெட்டுக் கொடுக்க உரிமை உடையவன் என்றும் கூறியது அதுதான்  தர்மம், சுதர்மம் என்று காந்தியார் கூறியதோடு மட்டுமல்ல, அதுதான் இயற்கைக்கு ஒத்தது-விஞ்ஞானத்துக்கு ஒத்தது-என்று கூட அவர் கூறினார். அதாவது பார்ப்பான் தப்பட்டை அடித்தால் அது காதுக்கு இனிமையாக இராதென்றும், தேவடியாள் மகளல்லாத குடியானப் பெண் பொட்டுக்கட்டிக் கொண்டால் அவளால் சரியான சிற்றின்பச் சுவையை அளிக்க முடியாதென்றும், பார்ப்பானுக்குப் பதிலாக ஒரு பறையன் மோட்சத்திற்கு டிக்கட் கொடுக்க ஆரம்பித்தால், அந்த மோட்ச லோகம் போகும் எக்ஸ்பிரஸ் ரயில் சரியாக ஓடாதென்றும், கருத்துப்பட, அதாவது அவனவன் அவனவன் ஜாதித் தொழிலையே செய்யவேண்டுமென்று கூறினார். கீதையைப் படிப்பதையும் அதை உபதேசிப்பதையும் காந்தியார் பெருமையாக நினைத்து வந்தார். அதைத் தமது பேச்சில் எப்படியேனும் புகுத்திக் கூறித்தான் பார்ப்பன மக்களின் மரியாதையைப் பெற்றார்.

உதாரணமாக, அன்னி பெசண்ட் அம்மையார் கூட, கீதைக்கு வியாக்கியானம் எழுதித்தான் பெரிய ஞானியானார். வியாக்கியானம் எழுதியதோடு மட்டுமல்ல, கிருஷ்ணனோடு அன்றாடம் பேசுவதாகவும் கூறிப்பெருமை பெற்றுக் கொண்டார்.

நம் அதிகாரிகளும் மந்திரிகளும் கீதையைப் புகழ்ந்து கூறித் தான் தம் பதவிகளை நிலைக்க வைத்துக் கொள்ளுகிறார்கள்.

வாழ்க்கையில் எந்த அளவுக்கும் உபயோகப்படாத மிகச் சாதாரண அந்த நூலுக்கு அவ்வளவு பெருமை இருக்கக் காரணம் அது ஓர் ஆரிய நூல். ஆரிய தர்மத்தை அதாவது ஆரிய உயர்வை வலியுறுத்தும் நூல் என்பதால்தான். இதை நீங்கள் உணரவேண்டும். திருக்குறளுக்கு அத்தகைய பெருமை இல்லாமற் போனதற்குக் காரணம் இது ஒரு திராவிடநூல் என்பதுதான். இதனையும் நீங்கள் நன்றாக உணரவேண்டும்.

நமக்கு வேண்டிய முழு அறிவையும் கொடுக்கக்கூடியதாக ஒரு நூல் வேண்டுமானால் அது திருக்குறள்தான் என்பதை நீங்கள் தெளிவாக உணருங்கள். உணர்வது மட்டுமல்ல, நன்றாக மனத்தில் பதிய வையுங்கள்!

மேலும் திருக்குறள் ஆரிய தர்மத்தை-மனுதர்மத்தை-அடியோடு கண்டிப்பதற்காகவே ஏற்பட்ட நூல் என்பதையும் நீங்கள் உணரவேண்டும். அதுவும் மக்களுக்கு வெறும் தர்மங்களை மட்டும் உபதேசிக்க என்பதற்காகவே எழுதப்பட்ட ஒரு நூல் என்று என்னால் கொள்ள முடியவில்லை.

மக்கள் நல்வாழ்க்கைக்குக் கேடாக வந்து சேர்ந்த ஆரிய அதர்மத்தை ஒழிப்பதையே நோக்கமாகக் கொண்டு, ஒரு மறுப்பு நூலாகவே திருக்குறள் எழுதப்பட்டதாகத்தான் என்னால் கருத முடிகிறது.

திருக்குறள் ஆரியக் கொள்கைகளை மறுக்க, அவைகளை மடியச்செய்ய, அக்கொள்கைகளிலிருந்து மக்களைத் திருப்ப எழுதப்பட்ட நூல் என்று தான் நான் கருதுகிறேன்.

உதாரணமாக மனுதர்மம்-வருணாச்சிரம தர்மத்தை வற்புறுத்தி மக்களில் நான்கு ஜாதிகள்- பிராமணன், க்ஷத்திரியன் வைசியன், சூத்திரன்-உண்டு என்று உபதேசிக்கிறது.

பிராஹ்மண க்ஷத்திரியே வைஸ்த: த்ரயோவர்ணாத் விஜரதய; சதுர்த்த ஏகஜ திஸ்து சூத்ரோ நாஸ்திது பஞ்சம்: பிராமணன், க்ஷத்திரியன், வைசியன் என்ற இம்மூவரும் துவிஜர்கள். நான்காவது ஜாதியான சூத்திரன் ஒரே ஜாதி இவனுக்கு உபநயனமில்லாததால் த்விஜாதியாக மாட்டான் என்கிறது மனுதர்மம்.

 



__________________


Guru

Status: Offline
Posts: 18761
Date:
Permalink  
 

திருக்குறள்-மக்கள் அனைவரும் ஒரே இனந்தான் பிறப்பொக்கும் எல்லா உயிர்க்கும் என்கிறது.

பிறப்பொக்கும் எல்லா உயிர்க்குஞ் சிறப்பொவ்வா செய்தொழில் வேற்றுமை யான் (குறள் - 972)

மனுதர்மம் - மாம்சம், மச்சம் சாப்பிட வேண்டும். யாகம் செய்யவேண்டும். அதில் ஆடு, மாடு, குதிரை முதலியவைகளைப் பலி தரவேண்டும் என்கிறது.

மத்யம் மாம்ஸம் சமீனம் சமுத்ரா, மைதுனமேவச : ஏதே பஞ்சமகாரா: ஸ்யுர் மோக்ஷதா ஹியுகே யுகே.

கள், இறைச்சி, மீன், சமுத்ரா, மைதுனம் இவ்வைந்தும் மோட்சத்திற்குச் சாதனங்கள்.

திருக்குறள்-ஜீவ இம்சையே கூடாது, மாம்சம் சாப்பிடக் கூடாது, யாகம் கூடாது என்கிறது. கொல்லான் புலாலை மறுத்தானைக் கைகூப்பி எல்லா உயிரும் தொழும் (குறள் -260)

அவிசொரிந் தாயிரம் வேட்டலின் ஒன்றன்

உயிர்செகுத் துண்ணாமை நன்று (குறள் - 259)

மனுதர்மம் - பிறவியினாலேயே பார்ப்பான் உயர்ந்த ஜாதி என்கிறது.

அனார்யமார்ய கர்மாணம் ஆர்யம் சானார்ய கர்மிணம்; ஸம்ப்ர தார்யா ரவீத் தாதா, நஸமென நாஸமாவிதி''

ஆரியன் (பார்ப்பான்) தொழிலைச் செய்கிற அனாரியன் (தமிழன்) ஆரியனும் ஆகப்போவதில்லை. அனாரியன் தொழிலைச் செய்கிற ஆரியன் அனாரியனுமாகமாட்டான்.

ஏகமேவது சூத்ரஸ்ய ப்ரபு: கர்மஸமாதிசத்?

எதேஷமேவ வர்ணானாம் சுஸ்ரூஷா மனஸயய

பொறாமையன்றி மூன்று வருணத்தாருக்கும் பணிவிடை செய்தலே சூத்திரனுக்குத் தொழில் என்று கடவுள் கட்டளை இட்டிருக்கிறார்.

திருக்குறள் - ஒழுக்கம் உண்டானால்தான் பார்ப்பான் உயர்ந்தவன் என்று சொல்லிக் கொள்ளலாம்; ஒழுக்கமற்றவன் பார்ப்பானாயினும் கெட்டவன் என்கிறது.

மறப்பினு மோத்துக் கொளலாகும் பார்ப்பான்

பிறப்பொழுக்கங் குன்றக் கெடும் (குறள் - 134)

மனுதர்மம் - ஒரு மனிதன் செல்வனாகப் பிறந்து சுக போகத்துடன் வாழ்வதற்குக் கடவுள்தான் காரணம் என்கிறது.

விஸ்ரப்தம் ப்ராஹ்மண சூத்ராத் த்ரவ்யோ பாதான மாசரேத்: நஹிதஸ்பாஸ்தி கிஞ்சித் ஸ்வம் பர்த்ளு ஹார்யயனாஹிச

சூத்திரனிடத்தில் ஏதேனும் பொருளிருந்தால் அதைப் பிராமணன் எடுத்துக் கொள்ளலாம். ஏனெனில், அவன் அடி மையாகப் படைக்கப்பட்டிருத்தலால், அவனுக்கென்று பொருள் சிறிதேனுமில்லை.

திருக்குறள் - ஒரு மனிதனை ஏழையாகப் பிறப்பித்து வருந்த வைப்பது கடவுளானால் அக்கடவுள் ஒழியவேண்டும் என்கிறது.

இரந்தும் உயிர்வாழ்தல் வேண்டின் பரந்து

கெடுக இவ்வுலகியற்றி யான் (குறள் - 1062)

மனுதர்மத்தில் - பிராமணன் சூத்திரன் என்று மக்களைப் பல ஜாதியினராகப் பிரித்துப் பல இடங்களில் வருணாச்சிரம தர்மம் கூறப்பட்டிருக்கிறது.

வேதத்தில் 180 ஜாதிகள் கூறப்பட்டிருக்கின்றன. மனுஸ்மிருதி யிலும் சூத்திரரினும் தாழ்ந்த ஜாதிகள் பல கூறப்பட்டிருக்கின்றன.

திருக்குறளில் - ஒரு இடத்தில் கூட பிராமணன் சூத்திரன்'' என்கிற வார்த்தைகள் இல்லை. பார்ப்பான் என்றுதான் கூறப் பட்டிருக்கிறது - வர்ணாச்சிரம தர்ம வாடையே கிடையாது.

இப்படி அநேக கருத்துகள் ஆரிய தர்மத்துக்கு மாறாகக் கூறப்பட்டிருக்கின்றன. சுருங்கக் கூறினால் - புத்தர் செய்த வேலையைத்தான் திருக்குறள் செய்திருக்கிறது. புத்த தர்மமும் ஆரியத்திற்கு மாறான தர்மம்தான். அதனால்தான் அது இந்நாட்டு ஆரியர்களால் அழிக்கப்பட்டது. ஆரிய தர்மத்தை எதிர்த்து அழித்து ஒழிப்பதற்காகத்தான் திருக்குறள் பாடப்பட்டதென்பது அதை ஆராய்ச்சி செய்வோர் எவருக்கும் விளங்காமற் போகாது. நமது தலைவரின் (லட்சுமிரதன் பாரதி) தந்தையாரான தோழர் எஸ்.சோமசுந்தர பாரதியார் அவர்களைப் போன்ற பெரும் புலவர்கள் திருக்குறளை ஆதாரமாகக் கொண்டு ஆரியர் - தமிழர் வேறுபாடுகளை விளக்கமாக எடுத்துக் கூறுவார்களானால், பல அறிவுக்கியைந்த அற்புதங்கள் வெளிப்படும். அவரைப் போன்ற அறிஞர்கள் பேசக் கேட்டுத்தான் எனக்கும் திருக்குறளின் பெருமை தெரிய வந்தது.

என்னைப் பொறுத்த வரையில் திருக்குறளைச் சிறிதாவது ஆராய்ச்சி செய்தவன் என்று என்னால் கூறிக் கொள்ள முடியா விட்டாலும், அதன் பெருமையை நான் ஓர் அளவுக்காவது உணர்ந்திருக்கிறேனென்பதையும், அதன் மீது எனக்கு அளவற்ற பற்றுண்டு என்பதையும் நான் தெரிவித்துக் கொள்ள ஆசைப்படுகிறேன்.

இருக்கலாமென்றாலும், அதையே முடிந்த முடிவென்றோ அதில் கூறப்பட்டுள்ள கருத்துகளே எல்லாக் காலத்திற்கும் பொருந்துமென்றோ, மதவாதிகள் வேதத்துக்குச் சொல்வது போல நான் கூறவில்லை. இன்றைய கருத்துக்கேற்ப சில மாற்றங்கள் திருக்குறளில் செய்ய வேண்டியது அவசியமாய் இருக்கலாமென்றாலும், திருக்குறள் ஆரியக்கருத்துக்கு நேர் மாறானது; மனுதர்மத்துக்கு நேர்மாறானது; திராவிடர்களுக்குப் பெரிதும் ஏற்றது என்று மட்டும் நான் நிச்சயமாகக் கூறுவேன்.

பண்டிதர்கள் சிலர் உட்கார்ந்து கொண்டு ஒவ்வொரு திருக்குறளின் கருத்தையும் எடுத்துக்கொண்டு ஆராய்ச்சி செய்து இதைப்பற்றி மனுதர்மத்தில் என்ன கூறப்பட்டிருக்கிறது என்பதையும் கவனித்துப் பார்ப்பார்களேயானால் இந்தக் குறள் மனுதர்மத்தின் இந்தச் சூத்திரத்திற்கு நேர்மாறானதாக இருக்கிறது என்று புள்ளி போட முடியும். 100-க்கு 75 பாட்டுகள் இப்படியே அமைந்திருக்கும் என்று நான் துணிந்து கூறுவேன். ஒன்றிரண்டை எடுத்துக்காட்டாகக் கவனிப்போம்.

மனுதர்மத்தில் கூறப்படுகிறது: பார்ப்பான் பிரம்மாவின் தலையிலிருந்து உதித்தான் என்று; சூத்திரன் பிரம்மாவின் பாதத்திலிருந்து உதித்தான் என்று.

பிறவியில் பேதா பேதம் இல்லை பிறப்பொக்கும் எல்லா உயிர்க்கும் என்று திருவள்ளுவர் கூறுகிறார்.

இப்படி ஒவ்வொன்றும் மனுதர்மத்தின் கருத்துக்கு மாறு பாடாகத்தான் இருக்கும். அதே காரணத்தால் தான் அது மக்களிடையே பெறவேண்டிய பெருமதிப்பைப் பெற முடியாமல் போய்விட்டது.

ஆரியத்திற்கு விரோதமாக எழுதப்பட வேண்டும் என்பதற்காகவே திருக்குறள் எழுதப்படவில்லை என்றாலும் ஆரியதர்மம் நீதிக்குக் கேடானது, சமதர்மத்திற்குக் கேடானது, சத்தியத்திற்குக் கேடானது. முன்னேற்றத்திற்குக் கேடானது என்பதை நன்கு அறிந்துதான் ஒரு பெரியார் இயற்கையோடு இயைந்து நின்று தாம் கண்டுபிடித்த கருத்துகளை வைத்துத் திருக்குறளை இயற்றியிருக்க வேண்டும். இயற்கைக்கு இயைந்த கருத்து விஞ்ஞானத்திற்கும் இயைந்த கருத்தாக இருக்கும், இன்ன பொருள்களை இன்ன விதத்தில் சேர்த்தால் இன்னது உண்டாகும் என்பதுதான் விஞ்ஞானமாகும்.

இன்ன காரண காரியங்களாக இன்ன வஸ்துக்கு இன்ன குணம் ஏற்படும் என்று கூறுவதுதான் விஞ்ஞானம்; விஞ்ஞானத்திற்கு ஏற்ற கருத்துத்தான் பிரத்யட்ச அனுபவத்திற்கும் பின்விளைவுக்கும் ஏற்றதாக அமையக் கூடியது. தத்துவார்த்தம் கூறத் தேவையில்லாத கருத்துத்தான் விஞ்ஞானத்திற்கேற்ற கருத்தாகும். தத்துவார்த்தம் பேசுவதெல்லாம் பெரிதும் தம்முடைய சாமர்த்தியத்தைக் காட்டிக் கொள்ளச் சிலர் செய்யும் பித்தலாட்டம் என்றுதான் நான் கூறுவேன். திருக்குறளில் அத்தகைய தத்துவார்த்தப் பித்தலாட்டத்திற்கு இடமேயில்லை.

திருக்குறளில் இப்படிக் கூறப்பட்டிருக்கிறது என்று கூறினால் போதும். அதுவே உண்மை என்று ஒப்புக் கொள்ளலாம். அதில் யாவருக்கும் எந்தக் காரியத்திற்கும் பொருந்தக்கூடிய கொள்கைகள் பல இருக்கின்றன. அதில் கூறப்பட்டுள்ள கொள்கைகளை நாம் பொது நெறியாகக் கொள்வது அவசியம். பொது நெறி என்று ஏன் கூற வேண்டும்? மதம் என்று ஏன் கூறக்கூடாது? என்று நீங்கள் கேட்கலாம். மதம் என்று கூறினால் மதத்திலுள்ள நெறியெல்லாம் மாய்ந்து அதிலுள்ள பூச்சாண்டிப் பழக்க வழக்கங்கள் தான் மிஞ்சுகின்றன. உதாரணமாக சைவ மெய்யன்பர்கள் சிலரை எடுத்துக்காட்டாகக் கொள்ளலாம் ஒரு சைவ மெய்யன்பர் கணக்காக விபூதி பட்டை அடித்துக் கொள்வார்; ருத்ராட்சமும் கணக்காக அணிந்திருப்பார். கணக் காகப் பஞ்சாட்சரம் கூட ஓதி வருவார், ஆனால் அவருடைய நாணயமோ நடத்தையோ சற்றேனும் சைவ நெறிக்கு ஏற்றதாக இராது; அதே போல்தான் மற்ற எல்லா மத வாதிகளும்.

மதம் என்ற வார்த்தையில் எனக்கு வெறுப்பு ஒன்றும் கிடையாது. மதம் என்றதும் அதில் கூறப்படும் நெறிகள் மறைந்து விடுகின்றனவே என்பதுதான் என்னுடைய கவலை. அதற்காகத் தான் நெறி என்று கூறுகிறேன். மதம் மக்களுக்கு ஒழுக்கத்தைக் கற்பித்துக் கொடுக்கக் கூடிய மார்க்கம் - சாதனம் என்கின்ற கருத்தில்தான் மதத்தை மக்கள் மதிக்க வேண்டும்.

இன்று நீதிமன்றத்துக்கு வரும் கொலை, சூது, களவு, மோசடி, பிளாக் மார்க்கட், வஞ்சகம் ஆகிய குற்றங்களுக்குரிய வழக்குகளில் குற்றவாளியாக இருப்பவர்கள் அத்தனை பேரும் மதவாதிகளே.

நான் கொஞ்சம் வெளியில் போய்வருகிறேன். அதுவரை இந்த அறையைக் கொஞ்சம் ஜாக்கிரதையாகப் பார்த்துக் கொள். இதோ சாவி என்று ஒருவனிடம் நாம் கூறிச் செல்வதாக வைத்துக் கொள்வோம். நாம் திரும்ப வரும்போது இந்தப்பூட்டும் அப்படியே பூட்டப்பட்டிருக்க, அந்த அறையின் சுவரைப் பின்பக்கத்தில் இடித்துவிட்டு அதிலுள்ள சாமான்களை யாரோ ஒரு திருடன் களவாடிச் சென்றிருப்பதாக வைத்துக் கொள்வோம். ஏனப்பா நீ காவலிருந்தாயே, எப்படியப்பா இத்திருட்டு நடந்ததென்று கேட்டால், அதற்கு நான் பொறுப் பாளியல்ல. நான் பூட்டை ஜாக்கிரதையாகத்தான் வேறு ஒரு வரும் திறக்காமல் பாதுகாத்து வந்தேன் என்று கூறினால் அதை ஒழுங்கென்று ஒப்புக்கொள்வீர்களா? அதேபோல் மதத் தலைவர்கள் எங்கள் மதம் என்னமோ ஒழுங்கானது தான். அதன் அடையாளத்தை ஒழுங்காகத்தான் நாங்களும் அணிந்து வருகிறோம் என்று கூறினால் நாம் எப்படி அதை ஒப்புக் கொள்வது? ஆகவேதான் ஒழுக்கத்தைக் கவனிக்க முடியாததும், வேஷத்தை மாத்திரம் கொண்டதும், அறிவுக்குப் பொருந்தாததுமான மதம் எதுவானாலும் அந்த மதங்கள் மீது எனக்கு வெறுப்புணர்ச்சி ஏற்பட்டு விடுகிறது.

நம்முடைய இன்றைய முக்கியமான மதக்கருத்து ஒன்றாவது நமது பிரத்தியட்ச அனுபவத்திற்கு ஏற்றதாக இருக்கவில்லை. அக்கருத்துகளும் யாரோ நமக்குத் தெரியாத பராசரராலும், நாரதராலும் மற்றும் பல கடவுளர்களாலும் தெய்வீகத் தன்மை பொருந்தியவர்களாலும் கூறப்பட்டதாகச் சொல்லப்படுகிறதே ஒழிய, ஒன்றேனும் ஏதாயினுமொரு மனிதனால் கூறப்பட்டதாக இல்லை. அவற்றை நாம் எப்படி ஒப்புக்கொள்வது?

கடவுள்தான் என்னைச் சூத்திரனாக - இழி ஜாதி மகனாகப் படைத்தார் என்றால், அவரே கூறட்டுமே என்னிடம் நான் தான் உன்னைச் சூத்திரனாகப் படைத்தேன் என்று. கடவுள் என்னிடம் இப்படிச் சொன்னால் விடுவேனா அவரை! திருக்குறளில் காணப்படுகிறதா இப்படிப்பட்ட கருத்து ஒன்றாவது? அதில் எவ்வளவு அதிசயமான கருத்துகள் அடங்கியிருக்கின்றன பாருங்கள்.

திருக்குறளின் பெருமையைச் சுமார் 45 ஆண்டுகளுக்கு முன்பே எனக்கு எடுத்துக் காட்டியவர் காலஞ்சென்ற தோழர் என்ஜினியர் பா.வே.மாணிக்க நாயக்கர் ஆவார். அவரும் நானும் அடிக்கடி வேடிக்கையாகவும் விதண்டாவாதமாகவும் பேசிக்கொண்டிருப்பது வழக்கம், அந்தச் சமயங்களிலெல்லாம் அவர் திருக்குறள் கருத்துகளைத்தான் மேற்கோளாக எடுத்துக் கூறி என்னை மடக்குவார். அவருடைய விளக்க உரைகளால் திருக்குறளில் அடங்கியிருக்கும் பல அற்புத அதிசயக் கருத்துகளை என்னால் அன்று அறிய முடிந்தது.

திருவள்ளுவர் நூல் ஒன்றே போதும் - இந்நாட்டு மக்களுக் கெல்லாம் அறிவை உண்டாக்க.

திருக்குறளை மட்டுமே எடுத்துக் கொண்டு அதிலுள்ள எல்லாத் தலைப்புகளின் கீழ் வருவனவற்றையும் இரண்டு மூன்று பிரிவுகளாக, அதாவது படித்த மாத்திரத்தில் எளிதில் பொருள் விளங்குவனவற்றைக் கீழ் வகுப்புகளுக்கும் சற்றுக் கடினமாக குறள்களை நடுத்தர வகுப்புக்கும் மிகுந்த புதை பொருள் கொண்டு, கூட்டிப் பொருள் காண வேண்டியவற்றை மேல் வகுப்புக்கும் வைத்தால் பள்ளிகளில் மதப்படிப்போ ஒழுக்கப்படிப்போ தனியாக வைக்கவேண்டிய அவசியமே இராது.

ஒரு மாணவன் தன்னுடைய பரீட்சைக்குள் திருக்குறள் முழுமையையும் உணரும்படி செய்யப்பட்டால் அது எவ்வ ளவோ நன்மை. அதாவது ஒரு பி.ஏ. படித்தவனுடைய உலக ஞானத்துக்கு மேற்பட்ட அறிவு அனுபவத்துடன் பயப்பதாக அமையும்.

இராமாயணத்தில் 100 பாட்டும், பெரிய புராணத்தில் 200 பாட்டும், பாரதத்தில் 100 பாட்டும், பாகவதத்தில் 200 பாட்டும் படிப்பதைக் காட்டிலும் திருக்குறளைப் படிப்பது எவ்வளவோ மேலாக இருக்கும். பொருளை வீணாக்கிக் காலத்தை வீணாக்கி, பி.ஏ. பட்டமும் எம்.ஏ. பட்டமும், பெறுவதைக் காட்டிலும் திருக்குறளை முற்றும் உணர்ந்து பட்டம் பெறுவது எவ்வளவோ மேலாக இருக்கும். பி.ஏ. படிப்பதாலும், எம்.ஏ. படிப்பதாலும் அனுபவ அறிவொன்றும் வாழ்க்கைக்கு உபயோகப்படக் கூடிய அறிவொன்றும் நாம் பெற்று விடுவதில்லை. உத்தியோகம் பெற ஒரு தகுதியாகத்தான், அதுவும் பார்ப்பனருடன் உத்தி யோகத்துக்கு நம்மைப் போட்டிபோட முடியாமல் செய்யத்தான் பயன்படுகிறதே ஒழிய உத்தியோகத்திற்கு அந்தப் படிப்பு ஒன்றும் பயன்படுவதில்லை. ஆனால், திருக்குறளின் ஒவ்வொரு கருத்தும் ஒருவன் வாழ்க்கைக்குப் பெரிதும் பயன்படக் கூடியதாக யிருக்கிறது. வாழ்க்கையின் ஒவ்வொரு நிலையும் ஒவ்வொரு துறையும் நன்றாக அதில் விளக்கப்பட்டிருக்கிறது.

சமீபத்தில் ஒரு தோழரோடு திருக்குறளின் பெருமையைப் பற்றிப் பேசிக்கொண்டிருந்தபோது அதன் பெருமையை எடுத்துக்கூற அவர் ஒரு தேனீக்குடிக்கீரனார் என்னும் புலவரால் பாடப்பெற்ற சாற்றுகவி ஒன்றை எனக்கு மேற்கோளாக எடுத்துக் காட்டினார். அதாவது, பொய்ப்பால் பொய்யேயாய்ப் போயின பொய் அல்லாத மெய்ப்பாலே மெய்யாய் விளங்கினவே - முப்பாலில் தெய்வத் திருவள்ளுவர் செப்பிய குறளால் வையத்து வாழ்வார் மனத்து என்ற கவியை மேற்கோளாகக் கூறினார். அதன் பொருளாவது திருக்குறள் எழுதப்பட்ட காலத்தில் எந்தெந்தப் பொய்க் கருத்துகள் மெய்யாகப் பரப்பப்பட்டனவோ அவைகளின் வண்டவாளம் விளங்கும்படியும், எந்தெந்த மெய்க்கருத்துகள் பொய்யாகக் கருதப்பட்டிருந்தனவோ அவையெல்லாம் மெய்யாகவும் திருக்குறளில் எடுத்துக் காட்டப் பட்டிருக்கின்றன என்பதாகும்.

அதாவது, திருக்குறளில் பொய் மெய்யாகவோ அல்லது மெய் பொய்யாகவோ கூறப்பட்டிருக்கவில்லை என்பதுதான் அதன் கருத்து. அதுதான் உண்மையுங்கூட. திருக்குறளை எழுதியவர் இதை எழுதினால் எங்குப் பார்ப்பனர்கள் எதிர்ப்பார்களோ என்றோ எங்கு பார்ப்பனர்களின் கோபத்திற்கு ஆளாக வேண்டியிருக்குமோ என்றோ, கவலைப்படாமல் எழுதியிருக்கிறார். ஆகவேதான் அது ஒழுக்கத்திற்கு ஏற்றதாக அமைந்திருக்கிறது. அவருக்குப் பின்னர் வந்த எழுத்தாளர்கள் யாவரும் பார்ப்பனர்களின் கோபத்திற்கு ஆளாக வேண்டியிருக்கக் கூடாது என்பதற்காகவே பல உண்மைகளை மறைத்ததோடு அல்லாமல் பல பொய்களையும் புனைந்து எழுதியிருக்கின்றனர்.

உதாரணமாக, திருக்குறளுக்கு உரை எழுதப் புகுந்த பரிமேலழகர் திருக்குறளில் அறம் என்று இருந்தால் அதற்கு மனு தர்மம் என்று தான் பொருட்படுத்தி உரை எழுதியிருக்கிறார். அதையறிந்தும் சில பண்டிதர்கள் இன்னும் அவ்வுரையைப் பெருமைப்படுத்தி வருவது வருந்தத்தக்கது. நல்ல பண்டிதர் களைக் கொண்டு திருக்குறள் கருத்துகளை அமைத்து நல்ல பாட புத்தகங்களை எழுதி அதைப் படிக்கச் செய்தால் இன்றுள்ள பல கஷ்டங்கள் நமக்கிருக்காது. பல கஷ்டங்கள் நீங்கும் என்பதோடு நமக்குப் பல பலன்களும் ஏற்படும்.

.



__________________


Guru

Status: Offline
Posts: 18761
Date:
Permalink  
 

திருக்குறளில் - ஒரு அரசன், ஒரு விவசாயி, ஒரு வியாபாரி, ஒரு துறவி, ஒரு பொதுநலத் தொண்டர், ஒரு மந்திரி, ஒரு காதலன், ஒரு காதலி, ஒரு தலைவன், ஒரு தலைவி சகலருக்கும் அறிவுரை வழங்கப்பட்டிருக்கிறது. அவற்றில் ஒன்றில் கூட மூட நம்பிக்கை புகுத்தப்பட்டிருக்கவில்லை.

அந்தக்காலத்திய மக்களின் தாட்சண்யத்திற்காகக் கூட ஆசிரியர் எதையும் கண்டிக்காமல் விட்டுவிடவில்லை.

நாகரிகம் என்பது பற்றி ஆசிரியர் கூறியிருப்பதைக்  கவனி யுங்கள்!

பெயக்கண்டும் நஞ்சுண் டமைவர் நயத்தக்க

நாகரிகம் வேண்டு பவர்     (குறள்: 580)

என்ற குறளில் நாகரிகத்தின் தன்மை விளக்கப்பட்டிருக்கிறது. நாகரிகம் என்கிற வார்த்தையின் அர்த்தமே பலருக்குப் புரிவ தில்லை. தாட்சண்யத்தைத்தான், அதாவது மற்றவர்களை எந்தக் காரணம் கொண்டும் மனம் நோகாமல் இருக்கச் செய்வதைத்தான் ஆசிரியர் நாகரிகத்திற்கு அறிகுறியென்று கூறியிருக்கிறார். அதாவது எவ்வளவு தான் ஒருவன் அயோக்கியனாயிருந்தாலும் கூட அவன் மீதும் பரிவுகொள்வதுதான் ஒரு நாகரிக மனிதனுக்கு அடையாளம் என்கிறார். நமக்குத் தீங்கு செய்த ஒருவனுக்குக்கூட நம்மைக் கண்டால் வருத்தம் ஏற்படக்கூடாத மாதிரியில் நடந்து கொள்வதுதான் நாகரிகம் என்று கூறுகிறார். சாதாரணமாக நாம் ஒரு அத்யந்தத் (நெருங்கிய) தோழர் யாருக்காவது கடனாகப் பணம் கொடுத்திருந்தால், எங்கு நம்மைப் பார்க்கும் போது அவர் நம் கடனைத் திருப்பிக் கேட்கப் போகிறானோ என்று கருதிவிடுவானோ என்று எண்ணித் தாமே மறைந்து கொள்வது என்பது சிலரிடம் உண்டு. அதாவது எங்கு அவருடைய மனம் பொக்கென்று திக்கென்று ஆகிவிடுமோ என்று நான்கூடச் சில சமயங்களில் கவலைப்படுவதுண்டு. இதற்குத் தான் தாட்சண்யம் என்று பெயர். மேற்படி திருக்குறளில் காட்டப்பட்டுள்ள உதாரணமோ இதைவிடச் சாலச் சிறந்தது.

ஒருவன் நமக்கு விஷம் கொடுக்கிறான் என்பதை நாம் அறிந்து கொண்டதாகக் காட்டிக்கொண்டால், அவன் மனம் என்ன வேதனைக் குள்ளாகுமோ என்று ஒருவன் தாட்சண் யப்படுவது தான் நாகரிகம் என்கிறார். இதற்கொப்ப வேறு ஏதாயினும் நம்மால் நாகரிகத்திற்கு அடையாளம் காட்ட முடியுமா?

பொதுத் தொண்டர்கள் எவ்வாறு இருக்க வேண்டும் என்பதைப் பற்றி மற்றோர் குறளைப் பாருங்கள்!

குடிசெய் வார்க்கில்லை பருவம் மடிசெய்து

மானங் கருதக் கெடும் (குறள் - 1028)

என்று கூறியிருக்கிறார். அதாவது மக்களுக்கு நன்மை செய்ய வேண்டும் என்று ஒருவன் நினைத்தால் அதற்கு காலமோ நேரமோ பார்ப்பது தவறு. மானம் மரியாதை இவற்றைப் பற்றி பார்ப்பது கூடத் தவறு என்று கூறியுள்ளார். அவற்றைப் பற்றிச்  சிந்திக்க ஆரம்பித்தால் அந்தக் காரியமே கெட்டுப்போகும் என்றுகூடக் கூறியிருக்கிறார்.

ஆனால் அவரே மற்றோர் அத்தியாயத்தில், காலம் பார்த்துச் செய்தால் ஞால முங்கைகூடும் என்றும் வேறோர் அத்தி யாயத்தில் மானம்போய் உயிர்வாழ்வதைக் காட்டிலும் மாய்வதே மேல் என்றும் கூறியிருக்கிறார். இவற்றின் அர்த்தம் என்ன?

பொதுமக்களுக்குத் தொண்டு செய்பவனுக்குத்தான் காலம் பார்ப்பது சோம்பேறித்தனம் என்று கூறியுள்ளார். இதைச் செய்தால் நம் மானம் போய் விடுமே அப்புறம் நம் நிலை என்னவாகும். கொஞ்சம் பொறுத்துத்தான் சமயம் பார்த்து செய்வோமே என்போர் பொதுநலத்தொண்டுக்கு அரு கதையற்றவர்கள் என்று திடமாக கூறியுள்ளார்.

அப்படிச் சொல்ல வேண்டிய அவசியம் ஏன் ஏற்பட்டது? மானமும் பெருமையும் அவனவன் சொந்தத்திற்கு உரிய சங்கதிகள். சொந்தச் சங்கதிகளைப் பற்றிக் கவலை உடையவர்கள் காலம் பார்ப்பதும் மான அவமானத்தைப் பற்றிச் சிந்திப்பதும் சரி. ஆனால் ஒரு பொதுநலத் தொண்டனைப் பொறுத்த வரையில் அவனுக்குச் சொந்தமானது ஒன்றுமில்லை. அவன் தன்னைத்தான் மறக்க வேண்டும் தன்னைத்தான் மறந்தவனுக்கு மானமேது? அவமானமேது? எந்தப் பொதுநலக் காரியவாதியும் அப்படித்தான் இருப்பார். பொதுக் காரியத்தில் ஈடுபடுபவர் யாராவது தன் கவுரவத்தைப் பற்றிச் சிந்திக்கிறார் என்றால் அவர் பொதுக் காரியவாதியாக மாட்டார் தன் சொந்தக் கவுரவத்திற்காக பொதுக் காரியத்தைப் பயன்படுத்திக் கொள்பவராகத் தான் நாம் அவரைக் கருதவேண்டும். அத்தகைய போலிப் பொதுக் காரியவாதிகள் தான் இன்று நாட்டில் மலிந்துக் கிடக்கிறார்கள். அவர்களால் நீங்கள் ஏமாந்து போகக்கூடாது என்று எச்சரிக்கை செய்ய விரும்புகிறேன்.

அடுத்தபடியாக, திருக்குறள் ஆசிரியருக்கு கடவுளைப் பற்றிக்கூட நம்பிக்கையில்லை. ஒரு கடவுள் இருந்தால் அது இப்படி இருக்க வேண்டும். இல்லையானால் அது ஒழிய வேண்டும் என்றும் தான் அவர் கூறியுள்ளார். கடவுள் இல்லை என்று நினைத்துக்கொண்டு காரியத்தை ஒழுங்காக நடத்தி வருவது குற்றமாகாது என்று தான் அவர் கூறியிருப்பதாகக் கொள்ளவேண்டியிருக்கிறது. இருப்பதாய் நினைத்தால் அது உன்னைக் காப்பாற்றுவதாய் இருக்கட்டும் என்றுதான் அவர் கூறியுள்ளார்.

இரந்தும் உயிர் வாழ்தல் வேண்டின் பரந்து

கெடுக இவ்வுலகியற்றி யான் என்று கூறியுள்ளார்.

ஒருவன் மற்றவனை இரந்து பிச்சை எடுத்துத்தான் பிழைக்க வேண்டும் என்கிற நிலை வருமானால் அந்நிலைக்குக் காரண மான கடவுள் ஒழிக்கப்பட வேண்டும் என்று கூறியிருக்கிறார்.

இன்றைய தொழிலாளர்களின் பட்டினிக்கு முதலாளிகள் காரணம் என்றால் அம்முதலாளியை ஒழிக்கப் பாடுபடுவது நல்ல பயன் அளிக்காது; அவனைக் காப்பாற்றி பாதுகாப்பு அளித்து வரும் கடவுளை முதலில் ஒழி. கடவுள் கெடட்டும் என்றுதான் அவர் கூறியுள்ளார். ஆலாப் பறக்கட்டும் அப்படிப் பட்ட கடவுள் என்று தான் கூறியுள்ளார்.

இதன் உண்மை - பாடுபடும் பாட்டாளி மக்களுக்குத்தான் புரியும். பாடுபடாது, தொழிலாளிகளின் சந்தாத்தொகையால்  வாழ்வு வாழும் இந்நாட்டுப் பொது உடைமைவாதிகளுக்குப் புரியாது, திருக்குறள் கூறும் ஞானம் இதனால்தான் இவர்கள் (பார்ப்பனப் பொதுவுடைமைவாதிகள்) தனி ஒருவனுக்கு உணவில்லை எனில் ஜகத்தினை அழித்திடுவோம் என்று போலிக் கூப்பாடு போட்டுத் திரிகின்றனர். ஜெகத்தை இவர்களால் ஒழிக்க முடியுமா? ஒழித்துவிட்டபிறகு இவர்கள் மட்டும் வேறு எந்த ஜெகத்தில் வாழப் போகிறார்கள் என்று கேட்டால் விழிப்பார்கள் மிரள மிரள, ஜெகத்தை ஒழிப்பது என்பது தற்கொலை செய்து கொள்ளுவது அல்லது துறவி ஆகி விடுவது ஆகியவை தான். பாட்டாளி மக்களின் புரட்சியைத் தடுத்து அவர்களை வேறு பக்கம் திருப்பப் பித்தலாட்டக் கூப்பாடுகள் இவை. ஒரு தொழிலாளி தனது பட்டினிக்கு ஜெகத்தைக் காரணமாக நினைப்பதில்லை. கடவுள் தான் அவனை அப்படிப் பாடு பட்டும் பட்டினி கிடக்கும்படி உற்பத்தி செய்து விட்டார் என்று நினைக்கிறான். அவனுக்கு போடா போ கடவுளாவது வெங்காய மாவது, பாடுபடும் நாமெல்லாம் பட்டினி பாடுபடாத அவனெல்லாம் வயிறு வீங்க உண்பது. இது தான் கடவுள் நீதியா? இப்படி ஒரு கடவுள் இருக்குமா? இருந்தால் அந்தக் கடவுள் நமக்கு வேண்டாம்; வேண்டவே வேண்டாம் என்று கூறினால் கடவுள் ஒழிந்துவிடும் அப்புறம் உலகப் பொருள் யாவருக்கும் சரி பங்கு என்ற உணர்ச்சி ஏற்படும் அதனால் அவன் உணரமுடியும். தான் பட்டினி இருக்க தன் முட்டாள்தனம் தான் காரணம் என்று, இதைத்தான் கூறியிருக்கிறார் திருக்குறள் ஆசிரியர்.

பிராமணன்'' என்ற வார்த்தையைத் திருக்குறள் ஆசிரியர் எங்குமே உபயோகிக்கவே இல்லை. உயர்வான குணங் களுடைய மனிதனைக் குறிப்பிடும் போதும் துறவியையும் பெரியோரையும் குறிப்பிடும் போதும் வேறு வார்த்தை கூறிவிட்டுப் பார்ப்பனர்களைப் பார்ப்பான் என்றே கூறியிருக்கிறார். அதுவும் வேதம் ஓதுபவனையே பார்ப்பான் என்று கூறிவிட்டு அவனும் இன்னபடி நடந்தால்தான் இப்படி இருந்தால்தான் அவனைப் பார்ப்பான் என்று கூறமுடியும் என்று கூடக் கூறியிருக்கிறார். ஒரு பார்ப்பானும் யோக்கியனாக இருக்க மாட்டான் என்று கூடக் கூறியிருக்கிறார்.

நம்மவர் கவலை எடுத்துக் கொண்டு இத்திருக்குறளைப் பாடமாக வைப்பார்களானால் அப்புறம் இந்நாட்டில் ஒரு மனிதன் கூட தன்னை பிராமணன் என்று கூறிக்கொண்டு இருக்க முடியாது.

நாம்கூட எவனையும் பிராமணன் என்று அழைப்பது நமக்கே இழிவைத் தருவதாகும். நாம் ஒருவனை பிராமணன் என்று அழைத்தால் அப்போது நாம் யாராகிறோம்? சூத்திரன் என்றுதானே அர்த்தம்! நாமே அதற்கு இடம் கொடுக்கலாமா? அவர்கள் பிராமணர்கள் என்றால் நாமெல்லோரும் சூத்திரர்கள் தானே. எப்படி ஒரு கக்கூஸ்காரனுக்கு, பழக்கத்தால் மலத்தின் நாற்றம் தோன்றுவதில்லையோ அதுபோல் நமக்குப் பழக்கத் தால் நமது இழிவு, நமக்குத் தோன்றாமல், நாம் சூத்திரன் என்ற கருத்துத் தரும் பிராமணன் என்ற சொல்லைச் சொல்லி வருகிறோம். அப்படி நாம் சொல்லி வருவதாலேயே நாம் சூத்திரனாய் - இழிமகனாய் - கருதப்பட்டு வருவதோடு அதனாலேயே பல இன்னல்களை நாம் இன்றும் அனுபவித்து வருகிறோம். இல்லையா? பார்ப்பான் என்று கூறினால் கூடச் சிலர் நம்மவர்களே குற்றம் கூறுகிறார்கள் டே அவன் பிராமணன்டா; அவனைப் பார்ப்பான் என்று கூறாதடா; அது தவறு என்று சொன்னால் நீங்கள் கேட்க வேண்டும் அப்போது நீ யாருடா? என்று இந்த ஞானமெல்லாம் 3-அணாத் திருக்குறளில் இருக்கிறது வாங்கிப் படியுங்கள்!

100 ரூபாய்க்கும் 200 ரூபாய்க்கும் டெக்ஸ்ட் புத்தகங்கள் வாங்கிப் படித்து மடையர்களாவதைவிட 3 அணாவுக்கு திருக்குறள் வாங்கிப் படித்து அறிவாளியாவது மேல் என்று தான் நான் கூறுகிறேன். திருக்குறள் ஒன்றே போதும். உனக்கு அறிவு உண்டாக்க, ஒழுக்கத்தைக் கற்பித்துக் கொடுக்க; உலக ஞானம் ஏற்பட. அப்படிப்பட்ட குறளைத் தான் நாம் இதுவரை அலட்சியப்படுத்தி வந்திருக்கிறோம். ஒரு தாசில்தார், ஒரு மாஜிஸ்ட்ரேட், ஒரு நீதிபதி, ஒரு சப்-இன்ஸ்பெக்டர் இவர்களுக்குக் கூடத் திருக்குறள் ஒன்றே போதும், தமது வேலையைச் சரியாகச் செய்ய, அவர்களை உத்தியோகத்திற்குத் தேர்ந்தெடுக்கப் பரீட்சை வைக்கும்போது கூடத் திருக்குறளிலிருந்துதான் கேள்விகள் கேட்கப்பட வேண்டும். திருக்குறளை நன்கு உணர்ந்திருந்தால் போதும் என்று அவர்களுக்கு உத்தியோகம் வழங்க வேண்டும். அவர்கள் உத்தியோகத்திற்கு அவர்கள் படிக்கும் பூகோள சாஸ்திரமோ, வானசாஸ்திரமோ, திரிகணிதமோ, சரித்திரமோ பயன்படுவதில்லை என்பதை நீங்கள் உணர வேண்டும்.

ஒரு திருடன் களவாடினான் என்றால் அவன் எந்த நட்சத் திரத்தில் களவாடினான் என்பது சப்-இன்ஸ்பெக்டருக்குத் தெரிய வேண்டியதில்லை. அல்லது இமயமலையின் உயரம் என்னவென்பதும் அவருக்குத் தெரிந்திருக்க வேண்டியதில்லை. ஒரு சப்-இன்ஸ்பெக்டர் வேலைக்கோ ஒரு தாசில்தார் வேலைக்கோ ரெவின்யூ இன்ஸ்பெக்டர்  வேலைக்கோ பி.ஏ. பட்டம் எம்.ஏ. பட்டம் தேவையில்லை. குறள் படிப்பே போதுமானது.

பி.ஏ. பட்டம் எம்.ஏ., பட்டம் பெற வேண்டும் என்பதெல்லாம் அந்தத் தகுதியின் காரணமாகச் சகல உத்தியோகங்களையும் தாமே அடையப் பார்ப்பனர் செய்து கொண்ட சூழ்ச்சிதான் என்று என்னால் அறுதியிட்டுக் கூற முடியும். பார்ப்பனர் தகுதி திறமை என்று கூறுவதெல்லாம் உருப்போட்டு ஒப்புவிக்கும் திறனைத்தானே ஒழியச் செயலாற்றும் திறனை அல்ல என்பதை நீங்கள் உணர வேண்டும்.

அனைவரும் திருக்குறளைப் படித்து அறிவுள்ள மக்களாகி இன்புற்று வாழ வேண்டும் என்பது தான் எனது ஆசை என்று தந்தை பெரியார் அவர்கள் மாநாட்டு உரை நிகழ்த்தினார்.

பெரியாருடைய சிந்தனைக்கு ஆதாரத்தை சொல்வது போன்று, புரட்சிக்கவிஞர் அவர்கள் வள்ளுவம் என்பது இருக்கிறதே அது மிகப்பெரிய பதவி - பொறுப்பு. சாதாரணமான பொறுப்பல்ல. வள்ளுவர் என்று சொல்லும்பொழுது, மிக ஆழமான கருத்தை எடுத்துச் சொல்லியிருக்கிறார்.

வள்ளுவரைப்பற்றி புரட்சிக்கவிஞர்!

வள்ளுவருடைய குறள், அவருடைய பெயர் எப்படிப் பட்டது என்பதை புரட்சிக்கவிஞர் அவர்கள் தெளிவாகச் சொல்லியிருக்கிறார் கேளுங்கள்:

தமிழர்கள் ஆண்ட நாளில் அரசியல் ஆறு துறையாய் வகுத்து ஆட்சி நடத்தப்பட்டது , அவை, உழவு, தொழில், வாணிகம், கல்வி, தச்சு, வரைவு என்பன.

உழவும் தொழில் என்னும் துறையில் அடங்குமேனும், சிறப்புக் கருதி உழவுத் தொழிலைத் தனித்துறையாக வைத்துத் கருத்தூன்றிக் காத்து வந்தார்கள், உழவும் தச்சும் (சிற்பம்) நீங்கிய பிற வேலை அனைத்தும் தொழிற்றுறையில் அடங்கியவை.

எழுத்து, சொல், பொருள் என்பனவும் கோள் நிலை யறிதல், மருத்துவம் முதலியனவும் போர்ப்பயிற்சியும் கல்வி என்ற துறையில் அடங்கும்.

வரைவு என்னும் துறையாவது யாது? - எல்லைப் பிரிவை உறுதி செய்தல், கோட்டை கட்டுதல் முதல் குளம் வெட்டுதல் வரைக்குமுள்ள இடங்களை வரையறுத்தலும் அளவு செய்தலும் முதலியவை.

இந்த ஆறு துறைக்கும் அக்காலத்தில் ஆறு அமைச் சர்களை அமைத்துத் திறம்பட நாட்டைக் காத்து வந்தான் தமிழரசன்!

ஆறு துறையே அன்றிப் போர்த்துறை ஒன்று தனியே. இருந்து வந்ததோ எனில் அவ்வாறில்லை. கல்வி என்னும் துறையில் போர்ப்பயிற்சியும் அடங்கியது என்று முன்னமே சொன்னேன். ஒரு துறைக்கு ஓர் அமைச்சனே அன்றிப் பல அமைச்சரை அமைத்தலும் உண்டு.

இந்த ஆறு துறையின் ஆறு அமைச்சர்களுக்கும் அலுவலகம் ஒன்றே; அது இந்நாளைய செக்ரடேரியேட் போன்றது. அந்த அலுவலகத்தில் கருமத் தலைவன் ஒரு வனிருப்பான். அவன் எல்லாத் துறையிலும் வல்லவன். அவனுடைய அலுவற் பெயர் வள்ளுவன் என்பது..

”வள்ளுவன் சாக்கை எனும் பெயர் மன்னற்கு

உள்படு கருமத் தலைவற்கு ஒன்றும”

என்னும் பிங்கலந்தைச் செய்யுள் இங்குக் கருதத்தக்கது. உள்படு கருமத் தலைமை என்பது வள்ளுவன் என்ற அலுவற் பெயரையே குறித்து நின்றது காண்க.

பின் நாளில் வள்ளுவன் என்ற சொல் சாதியைக் குறிப்பதாகக் கருதும் நிலை உண்டாயிற்று. இப்படிப் பல, அகம்பட்டன் என்ற சொல் அரசனின் அகச் சுற்றம் ஆறில் - மருத்துவப் புலவன் பெயர். இதைப் பண்டிதச் சொல்லாலும் வழங்கி வந்ததுண்டு. இந் நாளில் இழிந்த சாதிக்காரர் என்று எண்ணும்படி  ஆக்கப்பட்டிருக்கிறது.

வள்ளுவன்' என்ற சொல், வண்மையினடியாகப் பிறந்தது. வண்மை என்றது அறிவு வளத்தை. (நம் திரு வள்ளுவர் இயற்பெயர் தேவர் என்பதும், அவரின் அலுவற் பெயரே வள்ளுவர் என்பதும் இங்கு நாம் அறிந்து இன்புறுவோமாக).

அந்நாளில் அரசியல் பொறி என்ன அழகாக, எவ்வ ளவு திட்டவட்டமாக இயங்கி வந்தது என்பதை நாம் உற்று நோக்க வேண்டும் இதை விவரிக்க இங்கு இடம் போதவில்லை.

கோனாட்சி, குடியாட்சி, குடிக்கோனாட்சி என்ற அரசியல் முறைகளில் அந்நாளைய ஆட்சியைக் குடிக் கோனாட்சி எனல் வேண்டும். இந்நாள் சில நாடுகள் நல்லதோர் ஆட்சி முறையில் நடந்து வருவன என்று நாம் எண்ணுகின்றோம் இருக்கலாம். அது மட்டுமல்ல, இன்னும் சிறந்த வகையில், ஆட்சி முறை வகுக்கப்படலாம். அவை அனைத்தும் பண்டைய தமிழர் வகுத்த

குடிக்கோனாட்சியில் தான் வந்து முடியும் என்பது மறுக்க முடியாது.

குடிக்கோனாட்சி ஒன்றுதான் சனநாயகம் - குடியாட்சி என்பதெல்லாம். மக்களின் நன்மையை - அவர்களின் முழுதுரிமையை முன்னின்று நடத்த என்றைக்கும் எங்கும் ஓர் ஆள் வேண்டும். மக்களே நேரிலிருந்து தமக்கு வேண்டியவற்றைச் செய்து கொள்வதென்பது முடியாதது.

முடுக்கிவிட்டால், அரசியற் பொறி (எந்திரம்) தன்னி லையில் சுழன்று கொண்டு போகுமே, அதற்கு அரசன் எதற்கு என்று கேட்கலாம். இது அறிவற்ற கேள்வி. பொறி இயக்கு வோனின் அன்புள்ளம், அப்பொறி இயங்க இன்றி யமையாத ஓர் மின்னாற்றல்.

அரசன் தன் காத்தற்றொழிலைச் செவ்வனம் செய் யான் எனில் ஆறு துறையும் நடவா. நாட்டுக்கு ஆகிக் கொண்டுவந்த பயன் ஆகாமலே அளவிற் குன்றிவிடும்.

இவற்றை எல்லாம் வள்ளுவர் நமக்கு ஒரே குறளில் காட்டுகின்றார். பழந்தமிழ் நாட்டின் படப்பிடிப்பை நாம் - அறிந்து கூத்தாட வேண்டும்

என்ன? ஆபயன் குன்றும் அறுதொழிலோர் நூல்மறப்பர் காவலன் காவான் எனின்.

கொடுங்கோன்மை அதிகாரத்தில் 10-ம் செய்யுள் அது. காவலன் காவான் எனின் ஆபயன் குன்றும், அறுதொழிலோர் நூல்மறப்பர் என்று மொழி மாற்றிப் பொருள் கொள்க.

ஆபயன் என்பதற்குப் பரிமேலழகர் பசுவின் பயன் (பால்) குறையும் என்று பொருள் கொண்டார். அவர் ஆபயன் என்றதை ஆவினது பயன் என ஆறாம் வேற்றுமைத் தொகையாகக் கொண்டார். அவ்வாறு கொண் டால் ஆப்பயன் என ஒற்று மிக வேண்டும், ஆகாத் தோம்பி ஆப்பயன் அளிக்கும் கோவலர் என்ற சிலப்பதிகாரத்திற் போல!

எனவே, ஆபயன் என்பது வினைத்தொகை நிலைத் தொடர் என்க, காலங்கரந்த பெயரெச்சம் வினைக்குறை என்பது வினைத் தொகை இலக்கணம்.

ஆபயன் என்பது ஆனபயன், ஆகின்ற பயன், ஆகும் பயன் என முக்காலத்துக்கும் விரியும். இங்கு ஆனபயன் என்ற இறந்த காலத்துக்கு விரிக்க, ஆபயன் (ஆன்பயன்) என்றால் அரசன் நல்லபடி ஆண்டு வந்த போது ஆனபயன் என்பது பொருள் அவையாவன: பகையரசர் அஞ்சிக் கப்பம் கட்டுதல் வரி வரவு முதலியவை.

இனி, அறுதொழிலோர் என்பது உழவு, தொழில், வாணிகம், கல்வி, தச்சு, வரைவு ஆகிய ஆறு தொழிலுக் குரியோர், அவர்தாம் ஆறு அமைச்சர். நூல் மறப்பர் - தம் கொள்கையை விடுவர். நூல் -கொள்கை, மறத்தல்- கைவிடுதல்.

இனிப், பரிமேலழகர் அறுதொழில் என்பது ஆரிய மறையோதுதல், ஒதுவித்தல், வேட்டல் (கொலை வேள்வி முதலியவை), வேட்பித்தல், அறிவு தால், பிச்சைபுகல் ஆகிய ஆறுதொழில் என்றார், பொருந்துமா? ஆரியர், தீயொ ழுக்கம் தமிழர் பால் தலைநீட்டத் தொடங்கக் கண்டருளிய வள்ளுவர் அவற்றை மறுத்துத் தமிழரை தமிழர் நெறியில் நிறுத்த அருளிய திருக்குறளில், ஆரியர் அறுதொழில் இந்நாட்டில் நடவாது ஒழிந்து விடுமே என்றா அழுவார்? எனவே பரிமேலழகர் கொண்ட பொருள் பொய்ப் பொருள் என விடுக்க.

- தென்றல்: மலர் 2: இதழ் 21 (5.11.1955)

ஆகவே, வள்ளுவருடையப் பெயரைப்பற்றி பெரியார் சொன்னார். அதற்கு ஆதாரம் என்ன கண்டுபிடிக்க முடிய வில்லையே என்றார். அது ஒரு ஜாதி என்றாக்கினார்கள்



__________________


Guru

Status: Offline
Posts: 18761
Date:
Permalink  
 

page4_02%2B%25281%2529.jpg

page4_03%2B%25281%2529.jpg

page5_02%2B%25281%2529.gif

 



__________________


Guru

Status: Offline
Posts: 18761
Date:
Permalink  
 

 

திருவள்ளுவரை ஜாதி சிமிழுக்குள் அடைக்காதீர்கள்- மூடநம்பிக்கைக்குள் புதைத்து விடாதீர்கள்!

எழுத்துரு அளவு Larger Font Smaller Font

தஞ்சையில் தமிழர் தலைவர் ஆய்வுரை

v11.jpg

தஞ்சை, ஜூலை 6  திருவள்ளுவரை ஜாதி சிமிழுக்குள் அடைக்காதீர்கள் - மூடநம்பிக்கைக்குள் புதைத்துவிடாதீர்கள் என்று  திராவிடர் கழகத் தலைவர் ஆசிரியர் கி.வீரமணி அவர்கள் ஆய்வுரையாற்றினார்.

திருக்குறள் பேரவை சார்பில்...

28.5.2018 அன்று தஞ்சையில் திருக்குறள் பேரவை சார்பில் நடைபெற்ற விழாவில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் உரையாற்றினார்

அவரது உரையின் நேற்றையத் தொடர்ச்சி வருமாறு:

புரட்சிக்கவிஞருடன், நாங்கள் எல்லாம் ஒரு திருமணத்தை நடத்தி வைக்க சென்றிருந்தோம்.

புரட்சிக்கவிஞர் அவர்கள் கவிதை எழுதுவதைவிட, நிகழ்ச்சிகளில் பேசும்போது நகைச்சுவையாகப் பேசுவார்.

குறிப்பிட்ட ஜாதியினரை எடுத்துக்கொண்டால், ஜாதியால் பலரை தாழ்த்தி வைத்திருக்கிறார்கள். அவர்களுக்குப் பார்ப்பனர்கள் திருமணம் நடத்தி வைக்க செல்லமாட்டார்கள். வள்ளுவன் என்பவர்கள் மட்டும்தான் சோதிடம் பார்க்க வேண்டும், திருமணத்தை நடத்தி வைப்பார்கள்'' என்பார்கள்.

வள்ளுவன் என்பவர் எப்படி திருமணத்தை நடத்தி வைக்கிறார் என்பதைப் பார்க்கவேண்டும் என்று ஒரு திரு மணத்தை சென்று பார்த்தேன், பாரதிதாசன் கூறுகிறார்.

அதைப் பார்த்த எனக்கு வேடிக்கையாக இருந்தது. அந்த வள்ளுவன் என்பவன் வந்தான், அவன் எப்படி மந்திரம் சொன்னான் தெரியுமா?

வாக்குண்டாம் - நல்ல மனமுண்டாம்

அந்தக் குண்டானை எடுத்து இந்தப் பக்கம் வை!

இப்படி ஒரு நான்கு பாட்டை சொல்லி, அதைச் செய், இதை செய் என்று சொன்னதும், எனக்கு சிரிப்பு தாங்க முடிய வில்லை.

ஆனால், அவர் சொல்வதை ஒழுங்காகக் கேட்டு, அந்த சித்தாந்தப்படி நடந்தார்கள் அவர்கள்.

வாக்குண்டாம் - நல்ல மனமுண்டாம் என்ற சொல் பட்ட பாட்டை நான் அங்கேதான் தெரிந்துகொண்டேன்!''

அதுபோன்ற திரிபுகள் பல இடங்களில் வந்தது. அந்தப் பண்பாட்டுப் படையெடுப்பை சொல்கின்ற நேரத்தில், இரண்டு கருத்துகள் மூலமாக சொல்லியிருக்கிறார்கள் நம்முடைய புரட்சிக்கவிஞர் அவர்கள்.

திருக்குறளுக்குப் பதவுரையையும், பொழிப்புரையையும் எழுதியவர் பரிமேலழகர்.

பரிமேலழகருடைய அறிவை நாம் ஒன்றும் குறை சொல்ல முடியாது. ஆனால், யாருக்குப் பயன்பட்டது? எதற்குப் பயன் பட்டது? எப்படிப் பயன்படுத்தப்பட்டது? என்பதுதான் மிக முக்கியமானது.

திருவள்ளுவர்தாம் இரண்டாயிரம் என்னும் ஆண்டின் முன் குறளை அளித்தார் என்பர். ஆயிரத்து 500 ஆண்டுகள் கழிந்த பின், பரிமேலழகர் உரை செய்துள்ளார் என்பதும் நினைவில் இருத்தல் வேண்டும்.

திருக்குறளுக்கு உரை - கல்வித் திட்டத்தில் பாடத்தில் எழுதினால், பரிமேலழகர் உரையைத் தவிர, மீதி உரையை எழுதினால், நன்றாக எழுதியிருக்கிறார் என்று ஆசிரியர் மனதில் பாராட்டுவார்; ஆனால், மதிப்பெண் போடும்பொழுது பூஜ்ஜியம்தான் போடுவார்.

என்னுடைய ஆசிரியரே சொல்லுவார், ஏம்பா, நீ பொதுக் கூட்டத்தில் கேட்டுவிட்டு, பெரியார், புரட்சிக்கவிஞர் சொல் வதையெல்லாம் எழுதக்கூடாது. பரிமேலழகர் உரையை மட்டும் எழுதினால்தான் நீ மதிப்பெண் வாங்க முடியும் என்பார்.

பரிமேலழகர் வள்ளுவரின் காலத்தைக் கணக்கிடாமல் நூலுக்கு உரை எழுதியது பொருந்தாது!

எனவே, பரிமேலழகர் பாடத் திட்டக் குழுவில் இருக்கிறார். புரட்சிக்கவிஞரோ, பெரியாரோ, புலவர் குழந்தையோ, மற்றவர்களோ உள்ளே போக முடியவில்லை.

திருக்குறளுக்கு உரை வகுத்த பதின்மரில் பரிமேலழகர் சமயச் சார்புடையவர். எனவே. மதமிலார் நூற்கு மதமுளார் உரைசெயின் பொருந்தாது என்று பாரதிதாசன் வாதிடுகிறார். மேலும் வள்ளுவர் இரண்டாயிரம் ஆண்டுகளுக்கு முன் தோன்றியவர். அவருக்குப்பின் ஆயிரத்து எழுநூறு ஆண்டுகள் கழித்துத் தோன்றிய பரிமேலழகர் வள்ளுவரின் காலத்தைக் கணக்கிடாமல் நூலுக்கு உரை எழுதியது பொருந்தாது என்று சுட்டுகிறார்.

பரிமேலழகர் உரையோ வள்ளுவர்

திருவுள்ளத்தின் திரையே ஆனது!

நிறவேறு பாட்டை அறவே ஒதுக்கிய

தமிழ்த்திரு வள்ளுவர் அமிழ்தக் கொள்கையை

நஞ்சென்று நாட்டினர் பரிமேலழகர்

என்று குற்றம் சாட்டுகிறார், மேலும் பாரதிதாசன்,

பழந்தமிழ் நாட்டின் பண்பே பண்பென அன்னார் ஆய்ந்த அறமே அறமென ஒழுக்கமே ஒழுக்க விலக்கணம் ஆமென வள்ளுவர் நாட்டினர், தெள்ளுதமிழர்

கீர்த்தியைத் திறம்பட உரைத்துக்காட்டினார்

பரிமேலழகர் செய்த உரையில்

தமிழரைக் காணுமா றில்லை -தமிழரின்

எதிர்ப்புறத்துள்ள இனத்தார் மேன்மையின்

செருகலே கண்டோம்! செருகலே கண்டோம்!

என்று திண்மையுடன் குறிப்பிட்டுள்ளார். மேலும் பரிமேலழகர் தம்முடைய திருக்குறள் உரையில் வடநூல் கருத்துக்களை வலிந்து புகுத்தி இருப்பதால் திருக்குறள் வடநூலின் தழுவலோ என்ற எண்ணம் ஏற்படும்படி பிழை செய்துவிட்டார் என்றும் சுட்டியுள்ளார் ஒழுக்கமுடைமை குடிமை என்னும். அதிகாரங்களுக்குப் பரிமேலழகர் எழுதிய விளக்கங்களை அதற்குச் சான்றாகக் காட்டுகிறார்.

'ஒழுக்கமுடைமை' அதிகாரம் குறித்துத் தத்தம் வருணத்திற்கும், நிலைக்கும் ஓதப்பட்ட ஒழுக்கத்தினை உடையாராதல் என்னும் பரிமேலழகர் உரையைப் பாரதிதாசன் மறுக்கிறார் உரையா இது? என்று அதைப் பழிக்கிறார் அதற்கு மாறாக ஒழுக்கமுடைமை உயர் தமிழ் குடிகளில் தன்மையுடையராதல் என்று உரை வகுப்பது பொருந்தும் என்கிறார்.

'குடிமை' என்னும் அதிகாரம் பற்றிப் பரிமேலழகர் அஃதாவது உயர்ந்த குடியின் கண் பிறந்தாரது தன்மை . உயர்ந்த குடிப்பிறப்பு நால்வகை வருணத்தார்க்கும் இன்றியமையாதலின், அச் சிறப்புப் பற்றி இது, முன் வைக்கப்பட்டது என்று விளக்குகிறார்.

பாரதிதாசன், பரிமேலழகர் கருத்தை மறுத்து, குடிமை என்பது குடிகளின் தன்மையே என்று குறிப்பிடுகிறார். அதற்கு,

வழங்குவ துள்வீழ்ந்தக் கண்ணும் பழங்குடி

பண்பின் தலைப்பிரிதல் இல்.

எனப் பகர்ந்ததில், பழங்குடி குறித்த பாங்கும் அறிக! நன்று, நாம் நவில வந்தது என்னெனில், திருவள்ளுவரின் திருக்குறள் தன்னை கசடறக் கற்க.

எப்படிப்பட்ட ஒரு பண்பாட்டுப் படையெடுப்பு பரிமேலழகர் உரையிலிருந்தே ஆரம்பித்துவிட்டது. நாகசாமியெல்லாம் பின்னாளில் வந்த இந்தக் காலத்து பரிமேலழகரின் ஒரு பகுதி.

அப்படிப்பட்ட ஒரு காலகட்டத்தில், இது வந்தது. ஆனால், அதையேகூட ஒரு தத்துவ ரீதியாக வரும்பொழுது, திருக்குறள் ஒரு பண்பாட்டுப் படையெடுப்பை எதிர்த்த நூல் என்பதற்கு, தெளிவாக ஆதாரங்களை எடுத்துச் சொல் லும்பொழுது, சில செய்திகளைத் தொடர்கிறேன்.

அதற்கும் புரட்சிக்கவிஞர் அவர்கள் மிக அழகாக சொல்லியிருக்கிறார்.

திருக்குறள் கீதையைவிட பெரிதா? என்று சொல்லுகிறார்கள்.

திருக்குறள் 1330 குறள் அதிகாரங்களைப்பற்றி அய்யா பேசினார் என்று சொன்னார்கள். மிகவும் பாராட்டத்தகுந்த சாதனை அது.

யாராவது கீதையில் உள்ள 700 சுலோகங்கள் அத்த னையையும் பொறுமையாகப் படித்து, புரிந்துகொண்டேன் என்று சொல்லும் அறிஞர்களை அழைத்துப் பாருங்களேன். கிடையவே கிடையாது.

கீதையில் இல்லாததையே சொல்லிக் கொண்டிருக்கிறார்கள்!

அதில் இல்லாததையே சொல்லிக் கொண்டிருக்கிறார். ஒருமுறை சொல்லிவிட்டால், அதை மறுபடியும் சொல்லி விட்டால், அது உறுதியாகி விடுகிறது.

பொய்யுடை ஒருவர் சொல் மெய் போலுமே, மெய் போலுமே! என்பதுபோல்.

எது நன்றாக நடந்ததோ

அது நன்றாகவே நடந்தது

எது சரியாக நடக்கவேண்டுமோ

அது சரியாகவே நடந்தது

என்று போட்டு, கீதையில் சொன்னது என்று அச்சடித்து வீடுகளில் மாட்டி வைத்துக் கொண்டிருக்கிறார்கள்.

இதை சொல்பவர்கள் யாராவது ஒருவரை அழைத்து, இந்த வரிகள் கீதையில் எங்கே இருக்கிறது என்று காட்டுங்கள் என்றால், ஓடிவிடுவர். இதுபோன்று கிடையவே கிடையாது.

சங்கராச்சாரியாரை கைது செய்யும்பொழுது, நண்பர் சி.பி.ராதாகிருஷ்ணன் பா.ஜ.க.வின் தலைவராக இருந் தார். சென்னை லயோலா கல்லூரியில் மனம் என்கிற அடிப்படையில் ஒரே மேடையில் உரையாற்றச் சொன்னார்கள்.

கீ



__________________


Guru

Status: Offline
Posts: 18761
Date:
Permalink  
 

 தையின் மறுபக்கம்

அவர் சொன்னார், அண்ணன் அவர்கள் நான் சொல்வதை எதிர்த்து சொல்வார். அவர் திராவிடர் கழகம் - பெரியாருடைய ஆட்கள் அவர்கள். அதனால் எதிர்ப்பார். கீதையில் எல்லாமே சரியாக சொல்லியிருக்கிறது அதை எதிர்த்துகூட அவர் கீதையின் மறுபக்கம் என்று ஒரு புத்தகம் எழுதியிருக்கிறார்.

எது நன்றாக நடந்ததோ

அது நன்றாகவே நடந்தது

எது சரியாக நடக்கவேண்டுமோ

அது சரியாகவே நடந்தது

என்று சொன்னார்.

உடனே நான் சொன்னேன்,

அவர் சொன்ன வரிகள் கீதையில் இல்லை என்பது எனக்குத் தெரியும். ஏனென்றால், கீதையை முழுமை யாக ஆய்வு செய்து நான் கீதையின் மறுபக்கம் நூலை எழுதியிருக்கிறேன். நண்பர் ராதாகிருஷ்ணன் அவர்கள் கீதையை முழுமையாகப் படித்தாரா என்று எனக்குத் தெரியவில்லை. ஆனால், ஒன்று, இப்பொழுது நடந்திருக்கிறதே, சங்கராச்சாரியாரை கைது செய்திருப்பது - எது நன்றாக நடந்ததோ - அது நன்றாகவே நடந்தது என்று சொன்னதும், ஆசிரியர்கள் உள்பட மாணவர்கள் அனைவரும் சிரித்துக் கரவொலி எழுப்பினர்.

உடனே சி.பி.ராதாகிருஷ்ணன் அவர்கள், என்னங்க திசை திருப்பி விட்டீர்களே! என்றார்.

திசை திருப்பவில்லை, உண்மையைச் சொன்னேன். நீங்கள் இல்லாத ஒன்றை சொல்லும்பொழுது, இருப்பதை உதாரணமாக சொன்னேன், அவ்வளவுதான்.

பகவற் கீதை பகர்ந்த கண்ணனை  நல்வட மதுரைக் கச்சென நவில்வர்: திருக்குறள் அருளிய திருவள்ளுவரோ  தென் மதுரைக்கோர் அச்செனச் செப்புவர்  இன்னணம் நல்கூர் வேள்வியர் இயம்பினார்

வடக்கே ஒரு நாகரிகம்; தெற்கே மற்றொரு நாகரிகம்; வடக்கே ஒரு பண்பாடு, தெற்கே மற்றொரு பண்பாடு - இவை ஒன்றுக்கு மற்றொன்று முற்றிலும் மாறானது. எதிரானதும்கூட.

இதனால் அறிவதென்னவென்றால் இருவேறு நூல்கள், இருவேறு கொள்கைகள், இருவேறு மொழிகள், இருவேறு பண்பாடு உள என உணர்தல் வேண்டுமன்றோ?

கீதையைக் கண்ணன் தோதுள நான்மறை  அடிப்படை தன்னில் அருளினான் என்க!  அதுபோல் வள்ளுவர் அருமைக் குறளை  எதனடிப் படையில் இயற்றினார் என்றால்,  ஆருயிர்க் கபிலர் அருளிய எண்ணூல்  அடிப்படை தன்னில் அருளினார் என்க!  எண்ணூல் தன்னைச் சாங்கியம் என்று  வடமொழி யாளர் வழங்குகி ன்றார்  பரிமே லழகர் திருக்குற ளுக்குச்   சாங்கியக் கருத்தைத் தாம்மேற் கொண்டே  உரைசெய் தாரா? இல்லை என்றுணர்க!  ஆதலின் அவ்வுரை அமைவில தாகும்!  சமயக் கணக்கர் மதிவழி கூறாது  உலகியல் கூறிப் பொருளிது வென்ற  வள்ளுவன் என்றார் மன்னுகல் லாடனார்!  வள்ளுவர் எந்த மதத்தையும் சார்கிலார்!  சாங்கியம் மதமன்று; தத்துவ நூலே!  பரிமே லழகர் பெருவை ணவரே  மதமிலார் நூற்கு மதமுளார் உரைசெயின்  அமைவ தாகுமோ? ஆய்தல் வேண்டும்......

புரட்சிக்கவிஞரின் கருத்துப்படி திருவள்ளுவர் தம் திருக்குறளை கபிலரின்  எண்ணூல் என்ற தத்துவ நூலின் அடிப்படையிலே இயற்றியுள்ளார். எண்ணூல்தான் சாங்கியம் என்ற நூல். கபிலர், ஒரு மிகப்பெரிய ஜாதி எதிர்ப்பாளர்; பார்ப்பன எதிர்ப்பாளர் என்பது கபிலரகவல் பாட்டினைப் படிக்கும் எவருக்கும் புரியும்.

தத்துவம் என்பதை நம் நாட்டில், முழுமையாக அதைக் கொண்டு மதத்தோடு இணைத்துவிட்டார்கள். தத்துவம் என்பது அறிவு. அதனால்தான் பிஎச்.டி. பட்டம் கொடுக்கிறார்கள். ஆனால், அதை மதத்தோடு சேர்த்துவிட்டார்கள்.

இன்றைக்கு ஆன்மிக அரசியல் என்று உள்ளே நுழைகிறது

இன்றைக்கு ஒரு சொல் அதிகமாக புழக்கத்தில் இருக்கிறது பாருங்கள். ஆன்மிகம் என்ற சொல். அதோடு அரசியலும் சேர்ந்து ஆன்மிக அரசியல் என்று உள்ளே நுழைகிறது.

1330 திருக்குறளில் ஆத்மா என்ற வார்த்தை இருக்கிறதா? இங்கே நிறைய அறிஞர்கள்  இருக்கிறீர்கள், புலவர்கள் இருக்கிறீர்கள். நாங்கள் எல்லாம் அவ்வளவாகப் படித்தவர்கள் இல்லை. சாதாரண பெரியார் தொண்டர்கள்.

ஆத்மா என்ற வார்த்தை திருக்குறளில் இருக்கிறதா? ஆத்மா என்ற சொல்லை தமிழ்ப் படுத்தவேண்டும் என்று நம் புலவர்கள் செய்த வேலை என்னவென்றால், ஆத்மாவை - ஆன்மா என்றாக்கினார்கள். பழசு பழசாகவே இருக்கவேண்டும் என்பதுதான் பெரியாருடைய கருத்தாகும். காபி, காபியாக இருந்தால்தான், அது நம்முடைய சரக்கல்ல, வெளியில் இருந்து வந்தது என்று தெரியும். ஜாதி, ஜாதியாகத்தான் இருக்கவேண்டும். ஜா போட்டால்தான் அது நம்முடைய சரக்கல்ல - வெளியில் இருந்து வந்தது என்று தெரியும். ஜாதியை தமிழ்ப்படுத்தவேண்டும் என்பதற்காக சாதி என்று போட்டால், இது நம்முடைய சரக்கு என்று நிறைய பேர் ஏமாந்து போயிருக்கிறார்கள்.

அதுபோன்று, நம்முடைய புலவர்கள் ஆத்மா - ஆன்மா என்றார்கள். ஆன்மா - ஆன்மிகமாகி - ஆன்மிகம் அரசியல் வரை எட்டிப் பார்க்கக்கூடிய அளவிற்கு வந்திருக்கிறது.

புத்தர் கடவுள் மறுப்பாளர்; ஆத்மா மறுப்பாளர்; பகுத்தறிவாளர். அதற்கு முன்பே, கபிலருடைய தத்துவம் பரவியிருக்கிறது. அதற்கு ஒரு அடையாளம் சொல்லவேண்டுமானால், புத்தர் எங்கே பிறந்தார் என்று நாம் படிக்கின்றோம். கபிலவாஸ்து என்ற ஊரில். கபிலவாஸ்து என்று ஒரு நகரத்திற்குப் பெயர் வைத்திருந்தார்கள் என்றால், வாஸ்து என்றால், இருப்பிடம். கபிலவாஸ்து என்றால், கபிலர் பெயர் அவ்வளவு சிறப்பாக இருந்ததினால்தான், கபிலவாஸ்து என்று வந்திருக்கின்ற வாய்ப்பு இருந்திருக்கலாம்.

ஆகவே, அந்தக் கபிலருடைய கருத்துகள் வந்தவுடன், எண்ணூல் என்று தமிழில் சொன்னார்கள்.

வள்ளுவருக்கு ஒருபோதும் மதம் பிடிக்காது

பெரியாருக்கு மதம் பிடிக்காது

பெரியார் தொண்டர்களுக்கு மதம் பிடிக்காது.

இருபொருளிலும் மதம் பிடிக்காது. ஒரு பொருள் கொள்ள வேண்டிய அவசியம் இல்லை.

பெரியாருடைய உரைக்கு இப்பொழுது ஆர்.எஸ்.எஸ்.காரர்கள் விளக்கம் சொல்ல ஆரம்பித்திருக்கிறார்கள். அம்பேத்கருடைய கருத்துக்கு, அவர்கள் விளக்கம் சொல்ல ஆரம்பித்திருக்கிறார்கள்.

ஆகவேதான், இந்தப் பண்பாட்டுப் படையெடுப்பு எப்படி வந்தது என்பதற்கு அய்யா அவர்கள் தலைமையுரையில் நிறைய சொன்னார்கள்.

அதிலிருந்து ஒன்றை சொல்கிறேன். பிராயசித்தம் - தமிழில் கழுவாய் என்று சொல்வார்கள். இந்தக் கழுவாயை தமிழன் ஏற்றுக்கொண்டதே கிடையாது.

எற்றென்று இரங்குவது செய்யற்க செய்வானேன்

மற்று அன்ன செய்யாமை நன்று (குறள்)

இதுதான் நம் பண்பாடு. தவறு செய்யாதே! அப்படி தவறு செய்தால், தண்டனையிலிருந்து தப்பித்துக் கொள்ளலாம் என்று நினைக்காதே!

நீங்கள் என்னவேண்டுமானாலும் செய்யலாம், பாவம் செய்யலாம் என்று சொன்னால்,

பெரியார் அதைத்தான் கேட்டார், ஒழுக்கத்தை மதம் சொல்லிக் கொடுக்கவில்லை என்று வரும்பொழுது,

ஒவ்வொரு மதத்திலும் பாவ மன்னிப்பு, பிராயசித்தத்திற்கு இடமிருக்கிறது. பெரியாருடைய பகுத்தறிவு சிந்தனைப்படி ஒரு கேள்வி கேட்டார்.

ஒரு மதக்காரர் வெள்ளிக்கிழமை போங்கள், இந்த வாரம் செய்த பாவம் எல்லாம் போகும்.''

இன்னொரு மதக்காரர் வியாழக்கிழமை போங்கள், அங்கே பாத்தியா ஓதினால், பாவம் போகும்.''

இன்னொருவர் சொல்கிறார், ஞாயிற்றுக்கிழமை காலை யில் சர்ச்சுக்குப் போங்கள்; அங்கே போய் பாவ மன்னிப்பு வாங்கிக் கொள்ளுங்கள்'' என்கிறார்.

பெரியார்தான் கேட்டார்,

பிறகு பாவம் செய்ய ஏன் பயப்படவேண்டும்; இவ்வளவு சுலபமான வழி இருக்கிறதே என்று.

ஞாயிற்றுக்கிழமை பாவ மன்னிப்பு வாங்கும்பொழுது, தைரியமாக இருப்பார்கள்; திங்கள்கிழமை செய்கின்ற பாவம், அடுத்த வாரக் கணக்கில்தான் வரும் என்று!

12 ஆண்டுகள் செய்த பாவம் மகாமகக் குளத்தில்ஒருமுறை குளித்தால் போகுமாம்!

மேலே சொன்னதெல்லாம் ரீடெயில். நம்மாள் என்ன செய்கிறார்கள் தெரியுமா? 12 ஆண்டுகாலம் பாவம் செய் தாலும், மகாமகக் குளத்தில் ஒருமுறை குளித்தெழுந்தால், போய்விடும் என்றால்,

ஒழுக்கம் விழுப்பம் தரலாம் ஒழுக்கம்

உயிரினும் ஓம்பப் படும்.

உயிரைவிட மிக முக்கியமானது ஒழுக்கம்.

ஆனால், மனுதர்ம நூல் இருக்கிறதே, தாய்மார்களை வைத்துக்கொண்டு சொல்லவே முடியாது.

நீ தவறாக நடந்துகொள்ளலாம், யாரிடம் வேண்டுமானாலும், கொஞ்சம் நெய் மட்டும் கைகளில் வைத்துக்கொண்டால் போதுமாம். மிகவும் அசிங்கமான ஒரு பகுதி அது.

அதுமட்டுமல்ல, உறவு முறைகளைப்பற்றி அவன் கவலைப்படவே இல்லை.

வள்ளுவர்செய்  திருக்குறளை மறுவற நன்குணர்ந்தோர் உள்ளுவரோ மனுவாதி ஒருகுலத்துக்கு ஒரு நீதி

என்று தெளிவாக எழுதியிருக்கிறார்கள்.

என்ன குற்றம் செய்தாலும், பிராமணர்களுக்குத் தூக்குத் தண்டனை கொடுக்கக்கூடாது. இது அரசர்கள் காலத்தில் நடைமுறையில் மனுநீதிதான் இருந்தது.

அரசர்கள் காலத்தில், தெருக்கூத்தில் முதல் வசனம் என்ன? மந்திரி வந்து உட்காருவர்; அரசர் வந்து உட்காருவர். மந்திரி வேடம் போட்டவரிடம், அரசர், மந்திரி மாதம் மும்மாரி பொழிகிறதா? என்று கேட்பார்.

 



__________________


Guru

Status: Offline
Posts: 18761
Date:
Permalink  
 

தந்தை பெரியார் வேடிக்கையாக சொல்வார்!

தந்தை பெரியார் அவர்கள் கூட்டங்களில் பேசும்போது வேடிக்கையாக சொல்வார், அரசன் எப்படி இருந்திருக்கிறான் பாருங்கள், ஒருமுறை மழை பெய்தபோது தூங்கியிருந்தால் பரவாயில்லை; மூன்று முறை மழை பெய்ததா? என்பதை மந்திரியைக் கேட்டுத்தான் தெரிந்துகொள்கிறான் என்றால், அவன் எப்படி ஆண்டிருப்பான்? என்று கேட்பார்.

அடுத்ததாக அரசன் கேட்பது என்னவென்றால், மனுமுறை தவறாமல் ஆட்சி நடக்கிறதா? என்று.

பண்பாட்டுப் படையெடுப்பு எதுவரையில் வந்துவிட்டது என்றால், சாதாரண தெருக்கூத்தை பாமர மக்கள் கேட்டு, சிந்திக்கக்கூடிய ஆபத்து உள்ளே நுழைந்தது என்று சொன்னால், அதுதான். நம்முடைய அடிப்படைத் தன்மையில்.

பிரார்த்தனை என்பது என்ன? கையூட்டுதானே! ஏன் லஞ்சத்தை ஒழிக்க முடியவில்லை. பூஜை அறையிலிருந்து ஆரம்பிக்கிறது. கடவுளிடம் கேட்கிறான்,  நான் மொட்டை போட்டு விடுகிறேன் என்று, நான் காணிக்கை கொடுக்கிறேன் என்று.

எற்றென்று இரங்குவது செய்யற்க செய்வானேன்

மற்று அன்ன செய்யாமை நன்று

அடுத்த தடவை நீ தவறு செய்யாதே - இந்த தடவை தவறு செய்ததற்கு தண்டனையிலிருந்து தப்புவதற்கு நினைக்காதே!

இதுதான் பண்பாடு - இதுதான் குறள் பண்பாடு!

ஆனால், மனுதர்மம் இருக்கிறதே - இன்னின்னாரை தண்டிக்கவேண்டும்; இன்னின்னாரை மன்னித்துவிடலாம். இதில் கூட ஒரு பிரிவினருக்கே தண்டனை.

இது எல்லாவற்றையும்விட, மிகவும் அடிப்படையானது என்னவென்றால், இந்த பண்பாட்டுப் படையெடுப்பு இருக்கிறதே,

பிறப்பொக்கும் எல்லா உயிர்க்கும் சிறப்பொவ்வா

செய்தொழில் வேற்றுமை யான்

நானே நான்கு ஜாதியை உண்டாக்கினேன் என்று சொல்வதை, பெரியார் அய்யா அவர்கள் திருக்குறள் மாநாட்டில் தலைமை தாங்கும்பொழுது சொன்னார்.

திருக்குறள், ஆரியக் கொள்கைகளை மறுக்க, அவைகளை மடியச்செய்ய, அக்கொள்கைகளிலிருந்து மக்களைத் திருப்ப எழுதப்பட்ட நூல் என்று தான் நான் கருதுகிறேன்.

உதாரணமாக மனுதர்மம்-வருணாச்சிரம தர்மத்தை வற்புறுத்தி மக்களில் நான்கு ஜாதிகள்- பிராமணன், க்ஷத்திரியன் வைசியன், சூத்திரன்-உண்டு என்று உபதேசிக்கிறது.

பிராஹ்மண க்ஷத்திரியே வைஸ்த: த்ரயோவர்ணாத் விஜரதய; சதுர்த்த ஏகஜ திஸ்து சூத்ரோ நாஸ்திது பஞ்சம்: பிராமணன், க்ஷத்திரியன், வைசியன் என்ற இம்மூவரும் துவிஜர்கள். நான்காவது ஜாதியான சூத்திரன் ஒரே ஜாதி இவனுக்கு உபநயனமில்லாததால் த்விஜாதியாக மாட்டான் என்கிறது மனுதர்மம்.

பிராமணனுக்கு பஞ்சு நூலாலும்,

சத்திரியனுக்கு சணப்ப நூலாலும்,

வைசியனுக்கு வெள்ளாட்டின் மயிராலும் மூன்று வடம் தரிக்க வேண்டியது.

திருக்குறள்-மக்கள் அனைவரும் ஒரே இனந்தான் பிறப்பொக்கும் எல்லா உயிர்க்கும் என்கிறது.

பிறப்பொக்கும் எல்லா உயிர்க்குஞ் சிறப்பொவ்வா செய்தொழில் வேற்றுமை யான் (குறள் - 972)

மனுதர்மம் - மாம்சம், மச்சம் சாப்பிட வேண்டும். யாகம் செய்யவேண்டும். அதில் ஆடு, மாடு, குதிரை முதலியவைகளைப் பலி தரவேண்டும் என்கிறது.

மத்யம் மாம்ஸம் சமீனம் சமுத்ரா, மைதுனமேவச : ஏதே பஞ்சமகாரா: ஸ்யுர் மோக்ஷதா ஹியுகே யுகே.

கள், இறைச்சி, மீன், சமுத்ரா, மைதுனம் இவ்வைந்தும் மோட்சத்திற்குச் சாதனங்கள்.

திருக்குறள்-ஜீவ இம்சையே கூடாது, மாம்சம் சாப்பிடக் கூடாது, யாகம் கூடாது என்கிறது.

கொல்லான் புலாலை மறுத்தானைக் கைகூப்பி எல்லா உயிரும் தொழும் (குறள் -260)

அவிசொரிந் தாயிரம் வேட்டலின் ஒன்றன்

உயிர்செகுத் துண்ணாமை நன்று (குறள் - 259)

மனுதர்மம் - பிறவியினாலேயே பார்ப்பான் உயர்ந்த ஜாதி என்கிறது.

அனார்யமார்ய கர்மாணம் ஆர்யம் சானார்ய கர்மிணம்; ஸம்ப்ர தார்யா ரவீத் தாதா, நஸமென நாஸமாவிதி

ஆரியன் (பார்ப்பான்) தொழிலைச் செய்கிற அனாரியன் (தமிழன்) ஆரியனும் ஆகப்போவதில்லை. அனாரியன் தொழிலைச் செய்கிற ஆரியன் அனாரியனுமாகமாட்டான்.

ஏகமேவது சூத்ரஸ்ய ப்ரபு: கர்மஸமாதிசத்?

எதேஷமேவ வர்ணானாம் சுஸ்ரூஷா மனஸயய

பொறாமையன்றி மூன்று வருணத்தாருக்கும் பணிவிடை செய்தலே சூத்திரனுக்குத் தொழில் என்று கடவுள் கட்டளை இட்டிருக்கிறார்.

திருக்குறள் - ஒழுக்கம் உண்டானால்தான் பார்ப்பான் உயர்ந்தவன் என்று சொல்லிக் கொள்ளலாம்; ஒழுக்கமற்றவன் பார்ப்பானாயினும் கெட்டவன் என்கிறது.

மறப்பினு மோத்துக் கொளலாகும் பார்ப்பான்

பிறப்பொழுக்கங் குன்றக் கெடும் (குறள் - 134)

மனுதர்மம் - ஒரு மனிதன் செல்வனாகப் பிறந்து சுக போகத்துடன் வாழ்வதற்குக் கடவுள்தான் காரணம் என்கிறது.

விஸ்ரப்தம் ப்ராஹ்மண சூத்ராத் த்ரவ்யோ பாதான மாசரேத்: நஹிதஸ்பாஸ்தி கிஞ்சித் ஸ்வம் பர்த்ளு ஹார்ய யனாஹிச

சூத்திரனிடத்தில் ஏதேனும் பொருளிருந்தால் அதைப் பிராமணன் எடுத்துக் கொள்ளலாம். ஏனெனில், அவன் அடிமையாகப் படைக்கப்பட்டிருத்தலால், அவனுக்கென்று பொருள் சிறிதேனுமில்லை.

படிப்பை பொதுமை ஆக்கியது திருவள்ளுவருடைய குறள். படி, படி என்று சொன்னது - அனைவரும் படிக்க வேண்டும் என்று சொன்னது - அனைவரும் கற்கவேண்டும் என்று சொன்னது திருக்குறள்.

அனைவரும் கற்க அனுமதிக்காதே ஒரு ஜாதி மட்டும்தான் படிக்கவேண்டும்.

இதற்காகத்தானே சமூகநீதி போராட்டம் - நூறாண்டு காலமாக நடக்கின்ற போராட்டம் பண்பாட்டுப் படையெடுப்புதானே! இதற்கு அஸ்திவாரம் எங்கே? இதற்கு அடித்தளம் எங்கே இடப்பட்டது என்று சொன்னால், இந்த இரு வேறு தத்துவங்கள்தானே மிக முக்கியமானது என்பதை அருள்கூர்ந்து எண்ணிப்பாருங்கள்.

இன்னாருக்கு இதுதான் என்று சொல்லி, தலையில் எழுதி வைத்துவிட்டான் என்றார்கள்.

ஆனால், வள்ளுவர் குறள் அப்படியல்ல,

பகுத்துண்டு பல்லுயிர் ஓம்புதல் நூலோர்

தொகுத்தவற்றுள் எல்லாந் தலை

என்பதுதான்.

வேதாந்தம் என்று இன்றைக்கு சொல்கிறார்களே - வேதம் என்ற சொல்லுக்குப் பொருள் அறிவு. அந்தம் என்றால், முடிந்து போய்விட்டது என்று அர்த்தம்.

அந்த நூல்கள் வந்துவிட்டாலே, அதற்கு மேலே போவதற்கு ஒன்றுமில்லை என்று சொன்னார்கள்.

ஆனால், வள்ளுவருடைய குறள் - தமிழனுடைய பண்பாடு என்னவென்றால், அறிவுக்கு எல்லை கட்டாதே என்பதுதான்!

பெரியார் சொன்னார், இன்றைக்கு என்னை பெரிய புரட்சியாளன்; நான் முற்போக்குக் கருத்துகளை சொல்லி விட்டேன் என்று சொல்கிறீர்கள்; 200 வருஷம் கழித்து ஒருவன் வருவான், இராமசாமி என்ற ஒரு பிற்போக்காளன் இருந்தான் என்பான். ஏனென்றால், அவனுடைய புரட்சிக் கருத்துக்கு முன் இன்றைய என்னுடைய புரட்சிக் கருத்து மிக சாதாரணமாகப் போய்விடும். அது பிற்போக்குக் கருத்தாக இருக்கும். ஒரு காலத்தில் முற்போக்காகக் கருதப்பட்ட கருத்து இருக்கிறதே, அது பிற்காலத்தில் பிற்போக்காக ஆக்கப்படும்.

அந்தக் காலத்தில் சக்கி முக்கி கல்லை உரசி தீயை உண்டாக்கினார்கள். சுடுகாடு நகரத்திற்கு கடைசியில் இருந்ததால், அங்கே சென்று நெருப்பை நாம் தேடிக் கொண்டிருக்க முடியாது. அதற்காக என்ன செய்தார்கள், ஒரு சட்டியில் தவுட்டை போட்டு, இங்கேயே நெருப்பை மூட்டினான். அதைத் தூக்கிக் கொண்டு போகவேண்டும் என்பதற்காக, வாழை மட்டையில் வைத்து கயிற்றைக் கட்டை தூக்கிக் கொண்டு போனான். அவன் அந்தக் காலத்து தாமஸ் ஆல்வா எடிசன், அதிலொன்றும் சந்தேகமேயில்லை. அவனுடைய அறிவை குறைத்து சொல்லவே முடியாது.

அன்றைக்கு அது சரி; இன்றைக்கு மின் மயானத்தில் உடலை எரிக்கப் போகிறார்கள். இன்றைக்கும் அந்த சட்டியைத் தூக்கிக் கொண்டு போகிறார்கள். ஏன் என்று கேட்டால், என்னுடைய தாத்தா தூக்கினார்; என்னுடைய அப்பா தூக்கினார்; நான் தூக்கினேன்; என்னுடைய பிள்ளையும் தூக்குவான் என்றால், இதுதான் மூடநம்பிக்கை.

அந்த சட்டி அன்றைக்குத் தேவைப்பட்டது; இன்றைக்கு அது தேவைப்படாது. மின்மயானத்தில் உடலை எரியூட்டி, அடுத்த அரை மணிநேரத்தில் சாம்பலைக் கையிலை கொடுத்துவிடுகிறார்கள்.

இவ்வளவு அறிவியல் வளர்ந்திருக்கின்ற காலம் இது.

எனவேதான்,

அறிவு அற்றங்காக்கும் கருவி.

சென்ற இடத்தால் செலவிடா  தீதொரீஇ

நன்றின்பால் உய்ப்பது அறிவு

அறிவு எப்படி பயன்படவேண்டும் - அதைக்கூட வள்ளுவருடைய பண்பாட்டில் சொல்லியிருக்கிறார்.

அறிவை பொதுமையாக்கினார் திருவள்ளுவர்.

அந்த அறிவும் மனித குலத்தின் நன்மைக்குப் பயன்பட வேண்டும்.

அறிவினால் ஆகுவதுண்டோ பிறிதின் நோய்

தன்நோய்போல் போற்றாக் கடை

அதுமட்டுமல்ல, ஆங்கிலத்தில் நான் வியப்பாக அடிக்கடி ஒரு செய்தியை பேசிக்கொள்வது உண்டு.

நீங்கள் எல்லோரும் இந்த அறிவார்ந்த அவையில் அறிவீர்கள்.

ஆங்கிலத்தில், சிம்பதி'' (Sympathy) என்கிற சொல்லுக்கு இரக்கம் என்று பொருள்.

13 பேர் துப்பாக்கிச் சூட்டில் இறந்தார்கள் என்பது இரக்கம்.

எம்பதி என்கிற சொல்லுக்கு

 

என்ன பொருள்?

ஆனால், அதைவிட ஒரு சொல்லை ஆங்கிலத்தில் வைத்திருக்கிறார்கள். அதுதான் எம்பதி என்ற சொல்.

எம்பதி''  (Empathy) என்கிற சொல்லுக்கு என்ன பொருள் என்பதை ஆங்கில அகராதியைப் பார்க்கும்பொழுது,

பாதிக்கப்பட்டவராக மாறிவிடுவது என்று அதற்குப் பொருள். பல மருத்துவர்களே அதுபோல் மாறியிருக்கிறார்கள். அதற்குப் பெயர்தான் எம்பதி என்பது.

சிம்பதிக்கு இரங்கல் என்று சொல்கிறோம் தமிழில். எம்பதிக்கு தமிழில் எப்படி சொல்லாம் என்று நண்பர்கள் எல்லாம் அமர்ந்து பேசிக்கொண்டிருந்தபொழுது நிறைய சொல்லை சொன்னார்கள்.

ஆனால், வள்ளுவருடைய குறள் அதற்குக் கைகொடுத்தது.

ஒத்தது அறிவான் உயிர்வாழ்வான் மற்றையான்

செத்தாருள் வைக்கப் படும்

அடுத்தவனுடைய துன்பத்தை பார்க்கும்பொழுது - அவனாகவே மாறிவிடக்கூடியதுதான் ஒத்தது அறிவான் - அவன்தான் மனிதன். இதைத்தான் வள்ளுவர் சொல்கிறார்.

இதுபோன்ற ஒரு கருத்தை மனுதர்மத்தில் காட்டுங்கள் பார்க்கலாம்; இதுபோன்ற ஒரு கருத்தை பகவத் கீதையில் காட்டுங்கள் பார்க்கலாம்.

உயிரோடு இருப்பவர்கள் எல்லாம் வள்ளுவர் கணக் கில் மனிதர்களே அல்ல. அவர்கள் எல்லாம் உயிரோடு நடமாடு கிறவர்கள், அவ்வளவுதான். அடுத்தவர்களுடைய துன்பத்தை உணராதவன் பிணத்திற்குச் சமம் என்று சொல்கிறார் வள்ளுவர்.

இவ்வளவு நனிநாகரிகம், இவ்வளவு பெரிய பண்பாட்டை நீங்கள் எங்கே தேடினாலும் கண்டுபிடிக்க முடியாது. மனுதர்மத்தில் தேடி கண்டுபிடிக்க முடியாது.  கீதையில் நீ கொல்! தாராளமாகக் கொல்! நீ உடலைத்தான் கொல்கிறாய்; ஆத்மாவை கொல்லவில்லை. ஆத்மா ஒரு கூட்டை விட்டு அடுத்தக் கூட்டிற்குப் போய்விடுகிறது. ஆகையால், நீ கொலை செய்வதுபோல் இருக்குமே தவிர, அது உண்மையாகக் கொலையாக இருக்காது என்று வியாக்கியானம் சொல்வதுதான் பகவத் கீதை.

ஆனால், பாதிக்கப்பட்டவராகவே மாறிவிடு என்று சொல்வது இருக்கிறதே அந்த உணர்வுதான் ஒத்தது அறிவான். அதற்காக ஒரு சொல்லை நாங்கள் தயார் செய்தோம் - ஒத்தறிவு.

பட்டறிவு - பகுத்தறிவு அதுபோன்று ஒத்தறிவு.

எம்பதி என்பதற்கு தமிழில் சரியான பொருள் என்ன வென்றால், ஒத்தறிவு!

இறுதியாக ஒன்றைச் சொல்லி நான் என்னுரையை நிறைவு செய்ய விரும்புகிறேன்.

தந்தை பெரியாருக்குப் பிடித்த திருக்குறள்!

1330 திருக்குறளில் மிகவும் பிடித்த குறள் என்று தந்தை பெரியார் அவர்களைக் கேட்டால்,

குடிசெய்வார்க்கில்லை பருவம் மடி செய்து மானம் கருதக் கெடும்

காலம் அறிதல், இடம் அறிதல் எல்லாவற்றையும்பற்றி சொன்னார்கள். தன்மானத்தை சொல்லிக் கொடுத்த பெரியார், இனமானம் என்று வருகின்றபொழுது உன்னுடைய தன்மானத்தை பின்னால் தள்ளு என்று சொன்னார்.

ஆனால், பொதுத் தொண்டு செய்பவர்கள் காலம், நேரம் பார்க்கக்கூடாது. தொண்டறத்திற்கு காலம், நேரம் பார்க்கக் கூடாது.

நீ மானத்தைப் பார்த்தால், பொதுத் தொண்டு செய்ய முடியாது.

எனக்கு ஒரு ரூபாய் கொடுங்கள் என்று யாரிடமாவது நான் கேட்டால், அது பிச்சை. என்னுடைய மானம் போய்விடும். என்னுடைய பள்ளிக்கூடத்திற்கு ஒரு ரூபாய் கொடுங்கள்; நாங்கள் நடத்துகின்ற குழந்தைகள் இல்லத்திற்கு ஒரு ரூபாய் கொடுங்கள் என்று கேட்டால், அங்கு மானப் பிரச்சினையே கிடையாது.

குடிசெய்வார்க்கில்லை பருவம் மடி செய்து மானம் கருதக் கெடும்

இதுபோன்ற கருத்துகள் மனுதர்மத்தில் உண்டா? கீதையில் உண்டா? வேதங்களில் உண்டா? உபநிஷத்துகளில் உண்டா? என்று யாராவது சொல்லட்டும். அப்படி சொன்னால், நாங்கள் தலைகுனிந்து, திருத்தி ஏற்றுக் கொள்கிறோம்.

ஆகவேதான், ஒரு பண்பாடு -ஆழமான பண்பாடு - திராவிடப் பண்பாடு - தமிழ்ப் பண்பாடு - நீண்ட காலமாக இருக்கக்கூடிய ஒரு வரலாற்று பெருமைமிக்க ஒரு பண்பாடு - மனிதநேயம்.

ஏனென்றால், திருக்குறள் போன்று ஒரு நூல் வந்திருக்கிறது என்றால், பண்பாடு இருந்திருந்தால்தான், அப்படிப்பட்ட மனிதர்களால் சிந்தித்திருக்க முடியும். அவ்வளவு பெரிய அறிவாளி, காட்டுமிராண்டி காலத்தில் உருவாகி இருக்க முடியாது.

திருக்குறளை நாம் தூக்கிப் பிடிக்கவேண்டும்!

ஒரு அறிவார்ந்த சமுதாயமாக இருந்த காரணத்தினால்தான், அந்த நூல் வந்திருக்கிறது. ஆகவே, அப்படிப்பட்ட ஒரு பண்பாட்டு நூலை நாம் தூக்கிப் பிடிக்கவேண்டும்; பரப்பவேண்டும்.

எனவே, எந்த பண்பாடு இந்தத் திருக்குறளை மறைத்ததோ, வள்ளுவரை ஜாதி அடையாளம் காட்டி கெடுத்ததோ, அதுதான் மிக முக்கியம்.

சில நாள்களுக்கு முன்பு ஜாதித் தலைவர்களின் பெயர் களை மாவட்டங்களுக்கு வைத்தார்கள். உடனே அதற்கு வரவேற்பு கொடுத்தார்கள்.

எங்கள் ஜாதி பெயரை வைத்த முதலமைச்சருக்கு நன்றி! நன்றி! என்று போஸ்டர் அடித்து ஒட்டினார்கள். சர்.ஏ.டி.பன்னீர்செல்வம் பெயரை வைத்தார் கலைஞர் - அதிலேயும் ஜாதியை வைத்துவிட்டார்கள்.

நான் கலைஞரிடம் சொன்னேன், என்னங்க, சர்.ஏ.டி. பன்னீர் செல்வத்தையே ஜாதிக்குள்ளே கொண்டு வந்துவிட் டார்களே என்றேன்.

என்னய்யா பண்றது என்றார் கலைஞர்.

திருவள்ளுவர் என்ன ஜாதி என்று இன்னும் முடிவு செய்யவில்லை

ஒரே ஒரு மாவட்டத்திற்குத்தான் நன்றி சொல்லவில்லை. அதுதான் பெரம்பலூர் மாவட்டம் - அந்த மாவட்டத்திற்குத் திருவள்ளுவர் பெயரை வைத்தார்கள். ஏனென்றால், திருவள்ளுவர் என்ன ஜாதி என்று இன்னும் முடிவு செய்யவில்லை. இராஜராஜனுக்குக்கூட சண்டை நடக்கிறது.

ஆகவே, நல்ல வாய்ப்பாக திருவள்ளுவர் தப்பித்தார். பிறகு கலைஞரிடம் சொன்னோம், மாவட்டங்களுக்கு ஜாதி பெயர் வேண்டாம் என்றோம். அதேபோன்று போக்குவரத்துக் கழகங்களுக்கும் தலைவர்களின் பெயர்கள் வேண்டாம். பெரியார், அண்ணாவும் அடிபட்டாலும் பரவாயில்லை. அவர்களின் புகழ் என்றைக்கும் நிலைக்கும். ஆகவே, அதனை எடுத்துவிடுங்கள் என்றோம் கலைஞரிடம்; எடுத்துவிட்டார்.

வள்ளுவரை ஜாதிச் சிமிழுக்குள் அடைக்காதீர்கள்;

மூடநம்பிக்கைக்குள் அடைக்காதீர்கள்!

எனவேதான், வள்ளுவரை ஜாதிச் சிமிழுக்குள் அடைக்காதீர்கள்; மூடநம்பிக்கைக்குள் அடைக்காதீர்கள். நல்ல வாய்ப்பாக இங்கே வள்ளுவருடைய உருவப் படம் வைக்கப்பட்டு இருக்கிறது. இதில்கூட பூணூல் போட்ட இடம் உண்டு. நல்ல வாய்ப்பாக வேணுகோபால் சர்மா போன்றவர்களை புரட்சிக்கவிஞர் அறிமுகப்படுத்தி, இந்தப் படத்தை எழுதிய பிறகுதான், வள்ளுவருடைய இப்போதைய உருவம் வந்தது.

இன்னுங்கேட்டால், அதிலே கூட மழித்தலும் நீட்டலும் வேண்டா உலகம்

பழித்தது ஒழித்து விடின்

சொல்லக்கூடிய அளவிற்கு வரும்போது, என்ன உதயத்தில் வந்தது என்று நாம் விவாதம் செய்யலாம்.

ஒரு பண்பாட்டுப் படையெடுப்பை முறியடிக்க திருக்குறள் தேவை!

ஆகவே நண்பர்களே! இரு வேறு பண்பாடுகள்; ஒரு பண்பாட்டுப் படையெடுப்பை முறியடிக்க திருக்குறள் தேவை!

திருக்குறள் நாகரிகம்

திருக்குறள் பண்பாடு

திராவிடர் பண்பாடு

தமிழர் பண்பாடு

பகுத்தறிவுப் பண்பாடு

மனிதநேய பண்பாடு

வாழ்க! வளர்க! நன்றி, வணக்கம்!

- இவ்வாறு திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள் உரையாற்றினார்.



__________________
Page 1 of 1  sorted by
 
Quick Reply

Please log in to post quick replies.

Tweet this page Post to Digg Post to Del.icio.us


Create your own FREE Forum
Report Abuse
Powered by ActiveBoard